~~> تجهيــــــز الأم والبيبي : الجزء الثآني !

[أبكاني ذنبي]

بناات

انا مجربه مهاد السحاب كلش مو عملي ويضاايق البيبي


يعني تكشخين فيه فتره بسيطه وشيليه وخلج عالعاادي انا شريت اثنين


كنت طالبتهم من النت لبسته واحد مرتين واحسه يلعب بالياهل يضايقه


وبس والثاني يديد مالبسته اياه

 

[أبكاني ذنبي]

وتنزيلات مذركير الين متئ ؟؟؟!!





انا انطر المعاااش

 

[86روعـه]

*Crafty-girl*
جهاز المراقبه ب100 بمذركير الي يم كيدزانيا

كيميائيه
السوق الي لونه احمر بالسالميه الي من داخل فيه
محلات المعلم وطفل المستقبل وسيتي سنتر ودايسو اتمنى عرفتيه

 

[كيميائيه]

ايي عرفته مشكوره روعه



تنزيلات سنتر بوينت بلشت ياجماعه
هجوم

 

[متفائله بالحياة]

كيميائية متى بدت تنزيلات سنتربوينت ؟!

وهل فيه تنزيلات لهم ع شهر ١١ أو ١٢

 

[*Crafty-girl*]

مشكوووره ريم حبيبتي ماقصرررررتي



ومشكووووره روعه حبيبتي

 

[Öm àlkeek]

صباح الخييير
تنزيلات للآتي
سنتر بوينت
مذركير ٥٠٪
ماكس٥٠٪
ردتاغ٥٠٪

 

[كيميائيه]

متفائله ماعندي فكره حبيبتي متي يسون تنزيلاتهم
بس يفرق حيل بالتنزيلات اذا كنتي بتشترين اغراض وايد

 

[كيميائيه]

مشكوره ام الكيك
انا حدي بردت عالتجهيز صار مالي خلق السوق

 

[مرت الغلا]

ودي اجهز بس ماقدر
ان شاء الله يسوون بعدين تنزيلات

بعدين اتوقع الحين مسوين على الصيفي وولادتي شتوي انا

 

[Bio_reem]

مرت الغلا
اشتري الشغلات اللي مالها علاقه بالفصول يعني اشياء غير الهدوم
او مثلا الفنايل الداخليه، اغطيه الفراش، الالعاب، المميات، جهاز التعقيم، اغراض الحمام، كراسي
وتقدرين تشوفينهم بالنت واحد يروح بدالج او جنه يوصلون بعد

 

[مرت الغلا]

بايو ريم ماكو ميزانيه ههههه

وبعدين ماحب احد اييب اغراضي لازم كل شي بايدي
احاتي شغل الاستقبال لازم اقوم انا ارتب واسوي هههههه
بملجتي وعرسي جذي اعطي تعليمات من الكوشه وودي اقوم

بعدين ابي اخلص كل شي مع بعض الحمدلله تشريت شوي الشهر الي طاف
بس الاساسيات ماشريت ولا شي يعني اخذت جم اوفرول وجم تبان داخلي قلت
الله لايقولها اذا ولدت مبجر الا في شي للياهل
اما نفسي ناسيتها طبعا هههههه

 

[Bio_reem]

مرت الغلا
اي هذي نصيحه مني جهزي مبجر
انا تخيلي ببجري وحاجزه دسمان دفعت فيها ٣ الاف وشوي ( كنت على اساس طبيعي واخر شي قيصريه)
وهم ماسويت استقبال فيها لان مو ماكو شي جاهز من اللي كنت مخططت له للاستقبال، الله يعطيهم العافيه وخواتي ركضوا ركض اول ماولدت ماصار العصر الا على الاقل فيه شي يتقدم،وطلعت لبيت اهلي، لا مميات لا معقم لا حوض شور ... حتى اذكر امي طرشت السايق الصيدليه وكلمت الصيدلي عشان يعطيه معقم مميات وشفاط حليب ههههههه ، وركض هم راح الغانم اشترى غساله ملابس صغيره للياهل ، كان الوضع كلمن يركض من صوب .... اشوه بس ان هدوم البيبي جاهزه وهدومي وكفري وسريره ... بس الجنطه مو زاهبه طبعا

والولادة مبجر يمكن تخوف بس والله فيها مميزات، يعني ماتعانين وايد يقولون التاسع وايد ثقيل وعوار ، انا ماحسيت فيه دخلته بعد يومين او ثلاث ولدت

بس الله يكتب لج اللي فيه خير لج وللبيبي وتقومين وياه بالسلامة

 

[مرت الغلا]

يارب يابيو اجمعين الله يسمع منج

المشكله كل ماروح للدكتوره تمنعني من الحركه تقول تحملي ميخالف
عدي المرحله الحرجه عالاقل لان قبل ولدت بالخامس ومات البيبي
والحين عالمثبتات لي الثامن مع ان تييني طلوق بين فتره وفتره
عشان جذي ماقدر بس شسوي بحاول عالشهر الياي ان شاء الله

 

[*Crafty-girl*]

مرت الغلا اخذيلج ويل جير والله صج للسوق وخل احد يدزج وخلصي شغلج وانتي قاعده وايد اشوف حوامل جذي وريلها معاها يدزها وتختار ،،، عالاقل لو مذركير وسنتر بوينت خلصي بس اغراض الياهل بالافنيوز قراب يم بعض بيوم تخلصينهم بس روحي عقب شهر احسن لاتضغطين على نفسسسج اهم شي البيبي

 

[86روعـه]

السلام عليكم
مرت الغلا انا مره كنت اطقطق بالنت وحصلت خدمه الويل جير
بالافنيو ولهم رقم بس مادقيت ولاجربتهم

 

[أشبـاهـ المطـر]

مرت الغلا كل مطرود ملحوق السوق مو بعيد وخلج قنوعه خلي خواتج
يشترون لج تبانات جم طويل ويتواصلون معاج واذا في قطع شتويه عليها خصم يسوا
وان شاء الله لا وصلتي نص الثامن روحي تسوقي على الخفيف وسهالات طفل الاربعين على طول بفراشه
والجو بكون بارد جهزيه على كفيج لاولدتي والله يهون عليكم يارب

 

[مرت الغلا]

مشكورين بنات بس احس الويل جير صعبه حتى ريلي ماعتقد يرضا

واشباه ماعندي خوات انا وحيده

هههه اليوم رحت سنتر بوينت الافنيو يعني بشوفه وبشوف السيل
اخيرا اقنعت ريلي ما مداني دشيت نزل ضغطي ورجعت جدام الناس لوووول
اشوا مو عالملابس وريلي حلف بعد مانطبه هههههه وقال ماكو خلص خيره ارتاحي

 

[أشبـاهـ المطـر]

سلامات ماتشوفين شر تو اشوف شريطج توج بالسادس انا توني جهزت بالثامن
الله يتمم عليج وتولدين بالسلامه ان شاء الله

 

[مرت الغلا]

الله يسلمج
اجمعين يارب حبيبتي ويسهل عليج
عاد انا اتابع تجمعكم بصمت