اهلين بنات ,,
آخيرا خلصت اغراض البيبي باقي لي تناتيف ان شاء الله اخلصها الايام الجاية على الراحة
وانا توني باقي لي اغراض بعد
يلا بسم الله نبدي اغراض البيبي طبعا فيني بنوتة .. وهذي ثاني بيبي وقبلها بنت بعد
ما شاء الله
هذي مشترياتي من سنتر بوينت على ما اذكر
مميات احجام مختلفة ماركة بيجون مع حلمات زيادة حجم سمول
مع فرشاة تنظيف مميات
نسيت اصور صابون المميات المعقم ينظف بعد الخضراوات شريت 3 حجم صغير من جمعية الشامية
هذي مشترياتي من محل chicco بالسالمية روعه وعندهم تنزيلات لآخر الشهر هذا
مشط نوعين ، مع سيت لوشن وشامبو وصابون جسم وعطر وبودرة - جنه شفت البودرة تنباع بعد في سنتر بوينت ماذكر
وريحتها احلى من جونسون والكلونيا بعد تينن ، اول مرة اشتري منهم بس عجبوني قبل اشتري جونسون
هذي بعد من سنتر بوينت عبارة عن حفاظات مقاس نيوبورن وحدة خام ووحدة من داخل نايلون وبالوسط خام
وسروال صغير مقاس 0-3
اول مرة اجربهم لأن ودي اهوي المنطقة من تحت مابي كل مرة حفاظة عادية واذا حاش البيبي حفا لا سمح الله البسه هالحفاظة
وشريت لبنتي الكبيرة نفسهم مقاس سنة ونص للحين ما جربت خوافة هههه
هذي مشترياتي من سنتربوينت بعد شريت فوط 4 كبار وست مجموعة صغار
الفوط هذي بستخدمها حق لما يوسخ البيبي واغسله احط عليه الفوط الكبار مجربتهم حيل عمليات وانظف
والصغار حق تبدليه البامبرز العادية ابللها بماي وانظفه
هذا الفراش شريته من محل شعبي بالعقيلة
هذا شرشف من تحت نايلون وفوط صغار حق الترجيع من سوق شعبي
هذا مهادين مهاد عادي والثاني سحاب ما لقيت غير كحلي اخر حبة بسبعه وشي من سوق شعبي
لحافات الكبير جديد شريته من سنتر بوينت
والباجي كانوا حق بنتي الأولى نظاف قلت استعملهم
مهادات من سنتر بوينت وماكس
