تحبين الانجلش ؟ تبين تتعلمين أكثر و تتبادلين الخبرة مع غيرج ؟

[Miss Basma ..}]

السلام عليكم و رحمة الله و بركاته

أنا أحب الانجلش و مستواي متوسط و أبي أتعلم أكثر

و ودي بتجمع حق الي يحبون هاللغة و يبون يتقنونها
سوالف و نتبادل خبراتنا و نطرح أي معلومة جديدة أو موقع أو مقطع تعليمي و أي شي يفيدنا

أذكر كان في واحد مشابه بقسم الطالبات بس شوي الي ردوا
في وحدة جادة تبي مثل هالتجمع ؟

 

[ضااايعة]

يس انا احب هاللغة وبحاول اطور لغتي
انا نفسج بالانترميديات لفل

 

[Alrem_q8]

تعرفي ع اجانب بالالعاب والبرامج انا كنت ضايفه امريكيه من ولاية فلوريدا بالانستقرام واسولف وياها مرات
ووو امريكيه من ولاية نيوجرسي عندها ولد اسمه مايكل
وتايلنديه من بانكوك
وكنت ضايفه وحده من الدومينيكان (( جزيره بالبحر الكاريبي ))
وانا احححب هاللغه ودايم اكلم اخواني فيها وطبعا مايفهمون وهالشي له ميزه اتطنز عليهم ولا يفهمون ههههههههههه


مستواي بالانجليزي المستوى الرابع البري انترميديات
وان شاءالله يتفاعلون البنات

 

[Miss Basma ..}]

Alrem
إي . أنا بديت أتعرف على الناس بالإنترنت و منهم أجانب
حيل وناسة

 

[Miss Basma ..}]

عندي موقع عجيب
فيه شات كتابي و صوتي
حق اللغات المختلفة
في غرف شات حق كل لغة و تقدرين تكلمين شخص واحد أو مجموعة
و في شات صوتي بس حق شخصين
و تقدرين تضيفين ناس عشان تكلمينهم مرة ثانية
هذا رابط الموقع Language Exchange Community - Practice Foreign Languages
بالشات الكتابي
تعرفت على وحدة من تايلند قاعدة تتعلم عربي و إنجلش أول شي سولفت معاها معاها أنجلش
و بعدين كلمتها بالعربي
و وحدة هولندية تتعلم عربي و فرنسي .. و أبوها يعرف عربي عدل و هي مبتدئة بالعربي .. بس كلمتها بالإنجلش
و الحين قاعدة أكلم بريطانية تتعلم عربي و كوري و هي مسلمة
بس لاحظت أن الأجانب الي يتعلمون عربي أغلبهم مسلمين ..
أما الشات الصوتي ما جربته لأني مو مثبتة برنامج ميكروفون على لابتوبي .. يبيلي أثبته

 

[Alrem_q8]

مشكوووووووووووره ع هالموقع شكله عجيب حاولت ادشه بس شكله مايصير بالاي باد
ان شاءالله بدشه من اللاب لما تخلص امتحانات الجامعه
واقولج شصار معاي ^_^

 

[Miss Basma ..}]

أوكي .. بس مرات يعلق بالتسجيل
أنا قعد معاي يومين بعدين قدرت أسجل

 

[Boki2012]

حبيبتى انا محاضرة للغة الانجليزية من مصر حاصلة على ليسانس اداب انجليزى ودبلوم الترجمة للانجليزية بجامعة القاهرة اذا انتى مهتمة راسلينى على الخاص

 

[Miss Basma ..}]

لعبة كلمات ^_^
English vocabulary | LearnEnglish | British Council | Wordshake

 

[مملوحة_الوصايف]

انا معاكم وصج هالسوالف تفيد برامج وقراءه وحلو انج تقرين حتى لو مو فاهمه تقدرين باي برنامج ترجمه بتلفونج تنزلينه اطلعين معنى هالكلمه وراح تثبت بمخج

 

[Miss Basma ..}]

انا معاكم وصج هالسوالف تفيد برامج وقراءه وحلو انج تقرين حتى لو مو فاهمه تقدرين باي برنامج ترجمه بتلفونج تنزلينه اطلعين معنى هالكلمه وراح تثبت بمخج

و في جرايد بالانجلش مثل kuwait times

 

[عادت ذكرياتي]

يوتيوب واااايد يفيد برامج وهمن القناة الثانية الكويتية حلووةة همن تعجبني القناة خاصة البرامج الدينية تدمج بين المصطلحات الدينية والانجلش


واكو مواقع بعد


وروايات وقصص بالانجلش



ومحادثة العاملات في المطاعم


وهمن بعلاقاتي الاجتماعية اعرف اجنبيات مسلمات


اشياء وااايد تعلم ^-**


خوووش موضوع مس بسمة يعطيج العافية

 

[الأميرة جوري]

لرفع

 

[ذكرى الفجر]

اليوتيوب فيه دورس

 

[منيره آل ثاني]

ودي أتعلم أنجلش خصوصا أني أقرى في النت بالانجليزي وفي كل جمله كلمه ما افهمها