۞ ؏ﯥـون الحبُ ۞;25869513 قال:
عيل ما شفتيني قاعده ادور حق ريلي مره بخاطره يتزوج
بس المشكله الكل معارضني حتى اهلي يقولون شلون انتي
راضيه تزوجينه ؟؟
قتلهم مافيها شي بخاطره يتزوج وحده ثانيه ليش اخليها
بخاطره واهوا مو مقصر علي بشي
*ـ* لا انا قصدي لو اهوا تزوج مو انتي تدورين له على مره
بصراحه ماشالله عليج قويه .. اهنيج على قوة تحملج
وان شالله يبين بعينه هالشي
^^
أي والله أرضوا من فالسماء يرضي عنكم من فالارض
عجبتني دحرجه أماميه فصلت عليها من الضحك ههههههه
كنت بحط وقوف عاليدين بس حسيت اوفر هههههه
يسلمو
كلام حلو وسليم لكن اختلفت فيك بشي بسيط والإختلاف لا يفسد للود قضية حبيبتي ..
انا معاك انه حب الزوج مايطغى أبداً على حب رب الزوج ..
وكل ما كان الإنسان قريب من الله ،، الله سبحانه ماينساهــ ..
وانا معاكٍ انه الواحدهـ تطلب رضا الله عز وجل لكن هذا مايمنع انها تدور رضا زوجها بعد ..
عادي يروح يتزوج بالحلال ولا انه يخونني بالحرام ..
لكن انا ضد إنك تقولي إن الزوج همها في الدنيا ..
ما ننسى إن الزوج له حق عظيم وهو جنتك ونارك ،،
ولا ننسى حديث الرسول عليه الصلاة والسلام :
عن أبي هريرة عن النبي صلى الله عليه وسلم قال : { لو كنت آمرا لأحد أن يسجد لأحد لأمرت المرأة أن تسجد لزوجها } أخرجه الترمذي وقال حديث حسن وأخرجه أبو داود ولفظه : { لأمرت النساء أن يسجدن لأزواجهن لما جعل الله لهم عليهن من الحقوق } وفي المسند عن أنس : أن النبي صلى الله عليه وسلم قال : { لا يصلح لبشر أن يسجد لبشر ولو صلح لبشر أن يسجد لبشر لأمرت المرأة أن تسجد لزوجها ; من عظم حقه عليها والذي نفسي بيده لو كان من قدمه إلى مفرق رأسه قرحة تجري بالقيح والصديد ثم استقبلته فلحسته ما أدت حقه } وفي المسند وسنن ابن ماجه عن عائشة عن النبي صلى الله عليه وسلم قال : { لو أمرت أحدا أن يسجد لأحد لأمرت المرأة أن تسجد لزوجها ولو أن رجلا أمر امرأته أن تنقل من جبل أحمر إلى جبل أسود ومن جبل أسود إلى جبل أحمر : لكان لها أن تفعل } أي لكان حقها أن تفعل .
أتمنى إنك فهمتي قصدي ..
وكلامك راااائع والرساله وصلت ..
جزاك الله خير حبيبتي والله يحرم اناملك عن النار ويرزقك من خيري الدنيا والآخرة ..
يزاج الله خير كلامج درر
بس ياخيتي انتي تتكلمين عن زمن الصحايه .. يعني الرجل يخاف ربه في اهله وزوجته
الحين وين تلاقين واحد جذي الا مارحم ربي .. يعني حتى لو متدين تخافين عليه من الفتن تيي لي عده
اكيد شايفين سوالف البنات وشلون يتلزقون بالريايل ،، لا والحين طالعه موظه المتزوج عندهم خوش صيده اكثر من العزوبي .. والله شي يشيب الراس
طبعا الزوجه تكون له امه يكن لها عبدا .. لكن لو كانت له امه وصار عليها فرعون شتسوي المسكينه؟
زمنا تغير ومفهوم الاماء ( حسب اللي يرتبط بموضوعنا .. مو المعنى الفعلي) تغير .. يعني الحين وقت لو المره استسلمت لزوجها داس على راسها
حلو المره تكون ناعمه لينة الجانب اليفه وحلوة المعشر وبشوشه .. بس هم تره عقلية الرجل اختلفت
والانسان يتكيف مع زمنه بما لا يسخط ربه
باختصار .. نادر تلاقين اللي يحب الخضوع التم للمرأه
واعرف وحده .. زوجها يحبها ليش؟ لأنها خاضعه كل شي يقوله تقوم انتا صح وانا غلط .. بس بالاخير اكتشفت انه ما يحبها
يحب خضوعها علشان يسوي بلاويه .. ولما تكتشف بلاويه .. من كثر خضوعها .. لو ناقشته بالموضوع يطلعها غلطانه .. شوفي لي وين يستغلون طيبة الزوجه
عالعموم لو انتي متزوجه اكيد راح تكون وجهة نظرج اصح مني لأني توني عزوبيه ^^
يسلمو عالافادة
موضوعج وايد حلو ومفيد ... بس في نقطة ذكرتيها و واااايد قريتها من قبل ... ان الرجل يحب العشيقة على زوجته لان يفضل المرأة المستقلة الغامضة وقوية الشخصية ... اتفق مع هالنقطة بنسبة 50% لاني اللي اكتشفته ان مو كل الرياييل يحبون المرأة تكون جذي بالعكس في بعضهم يحب المرأة اللي تخضع له والدليل كلمة المرأة الاعرابية لبنتها يوم زواجها لما قالت لها : (كوني له أمة يكون لكي عبدا) ... فهالشي نسبي يختلف من رجل لاخر ... اما بالنسبة لاستقلالية المرأة صح حلو المرأة تكون مستقلة بشخصيتها ولها كيانها الخاص وآراءها الخاصة ... لكن ما ننسى ان في رياييل يحبون المرأة تكون تشبههم في كل شي ووما يحب انها تكون مستقلة عنه لا يحبها تكون جزء منه ويفرض قوامته عليها واراءه عليها والا يمكن يقولها قضبي الباب ... هني المرأة تستخدم ذكاءها عشان تحافظ عالبيت وذكاءها هو التمسكن وانها تصير له سي السيد والا بطقها بالطوفة ... لان بعض الرياييل ما يغشمرون ما كنتي على مزاجه قالج قلبي ويهج ... نيي حق الغموض حبيبتي اوكي حلو الوحدة تكون غامضة في بعض الامور او في جانب من شخصيتها لكن تكون غااااااامضة بشكل كبير مع الزوج هو ما راح يتقبل ولا راح يحس بالراحة ... وخاصة هالصفة (الغموض) صعب الواحد يكتسبها لازم تكون هي اصلا موجودة فيه ... وباختصار هي = الصمت والهدوء ... وما اعتقد ان كل الحريم فيهم هالخصلة في بنات غشمرجيات ومرحات بطبعهم ورياييلهم يحبونهم جذي ... بالنهاية الموضوع نسبي مثل ما قلت ...
وعلى فكرة هالشي اللي ذكرتيه في البداية من ان الرجل يفضل العشيقة على الزوجة للاسباب اللي انذكرت هذه الفكرة طرحها كتاب اجنبي واعتقد ان الكاتب امريكي يعني طبقها على مجتمعهم المتحرر اللي واااااااااايد سهل الزوجة تقول حق زوجها bye bye وبدم بااااااارد وتروح تدور لها رجل ثاني ادخله حياتها ... لكن عندنا ما يصير هالشي وصعب وايد ... الوحدة مو كل يوم لها زوج والحياة تضحيات لازم كلا الطرفين يضحي ...
اتفق باللي قلتيه بالختام ان لازم حب الله يكون اكبر من حب اي مخلوق ... وان لازم ما يكون هم الزوج هو شغلها الشاغل لان عبادتها اولى تعطيه حقوقه في حدود الدين والشرع واللي تقدر عليه لكن ما تعذب نفسها وترهق تفكيرها وتقلب حياتها عشانه ... لان هذه حياتها هي بروحها اذا هو مو راضي يضحي ويرخي الحبل فهذه انانية وظلم للمرأة ... هي هم بعد انسانة ولازم هو يشتري خاطرها ويرضيها ...
وفي الاخير احب اضيف نقطة ...
ان اللي يخاف الله لا تخافين منه ما راح يظلمج معاه ولا راح يلعب بذيله لان يعرف ربه عدل ... وهذا اكيد الزوج الصالح اللي كل بنت تتمناه ...
وتقبلي وجهة نظري ومشاركتي ... طرحج راقي ويستحق القراءة ... شكرا لج
فعلا .. نفس تعليقي اللي فوق
بس ابي اضيف ان الرجل يحب اللي تشبهه صح .. بس هل لو شبهتي شخصية زوجج معناته انج تعرفين كل جوانب شخصيته؟
ياما نساء تنصدم من تصرف يسويه زوجها وبالاخير تقول ما توقعتها منها .. شلون هنت عليه !!
واهو لو شتسوي المره .. يكون متطمن ويقول هاذي خبز ايدي .. لا ما تقدر تسويها
فا يسوي اللي يبي وفي بطنه بطيخه صيفي
بنات والله هاذي دراسات قريتها وانصدمت من ان الدنيا جذي صارت .. اكيد قريتوا قصص منتدى بلقيس
وسوالف الازواج
صج شي غريييييييب
عالعموم غالبا المره تقول كيفه خيسوي اللي يسوي وانا اجري عند ربي
بس هم حلو انج تكونين ملكه في عرش قلب زوجج ولا تكونين امه له واهو السلطان وليس العبد الوشيك
احس الزواج صار جنج داشه مسابقه .. ممكن تفوزين فيها او تخسرين ،، انتي وذكائج
عالعموم .. انا استفدت من آرائكم يابنات
يزاكم الله خير
والله يسخر كل زوج لزوجته وما يشوف غيرها لا بالحلال ولا الحرام
