تحبين زوجج ؟؟ اكيد؟ عيل ليش ...... ها ؟ بعدج متاكده؟

[Kocheko]

انا استغرب من مجتمعنا الع الخليجى بالذات ومن تفكيره

ليش لا عنين ابو اسلاف المرأه ..... ليش المراه تستحمل كل شىء عشان رضا ريال يمكن ما يستاهل
ولا اللى يسبب الالم للمرأه المرأه نفسها يعنى احنا عدوات بعض لمصالحنا ....

بصراحه الريال لو تزوج 4 بعد الاربع ما يشبعونه وبيقعد يخووون ... هاى ريايلنا عندهم المرأه اداه جنس فقط .............
ليش كل الدفاع عن الريال
خاطرى اجوف مواضيع كيف تحترم زوجتك ؟ كيف تفرح قلب زوجتك ..
ترا احنا علمنا ريايلنا يطالعونا بنظره دونيه ... يبون الوحده زوجه خدامه مربيه صديقه عشيقه وهو شيصير حضرته ... ؟ ماموقعه من الاعراب .. الفراش وبس ... ليش يكون فاشل فى زواجه ومع عشيقاته فنان مو يقدر يوفر هالكلمتين وجم دينار لزوجته يفرح قلبها فيهم ... نسى قول الرسول رفقا بالقوارير بس الحبيب من طنقر وتملل راح تزوج ولا خان ... وبعدين تحطون كل العيب على زوجته
ليكون الرجل الخليجى ملاك ولا سوبر مان وما يغلط .. والمرأه الخليجيه الرجل الحديدى والا المرأه الخارقه ... صراحه انا قمت اتنرفز من هالافكار القديمه ... بصراحه انا وحده من واحد من اهلى يطنقر على زوجته اهديه واسايسه واقوله روح خذ لها هديه ودلعها وطلعها انت اللى بترتاح .. ولما يطبقون هالشى يرجعون لى فرحانين .. ليش لان احنا ما ننصح احنا بس اوووه عورت راسك روح تزوج عورت راسك روح خوونها مو هو يمكن اهبل ومو حاس بزوجته ولا فاهمها انا لو عندى ولد عمرى ماراح اربيه على تربيه الخليجيين .. بربيه ان المرأه شىء مقدس له احترامه يمكن مستقبلا يطلع جيل عدل .. يعرف يحس ويحترم زوجته ونفتك من الطلاق والمشاكل

 

[dectora 7elwa]

خوش كلام

 

[انا لحبيبي .]

كلامك سليم ، بس في شغله وحده ما اتفقت فيها معك ، مو كل الازواج بحبو المره الغامضه

الرجال انواع وشخصيات ، وكل رجال وشخصيته ، في رجال اذا المره كانت غامضه بقول هادي بتخبي عني شغلات شو بدي فيها ،

وكمان بدي اوضحلك شغله حبيبتي ، الرجال يلي بحب عشيقته اكتر من زوجته ، لانه الزوجه معاه 24 ساعه بقلب البيت ضامن انها بالبيت ، بس العشيقه شي جديد بكون معها طول النهار بس اخر الليل ما بشوفها بتجدد الاشتياق الها .

عفوا الك ، الزوجه بشو بدها تكون غامضه اذا كل شي لازم تسويه تستأزن من زوجها ؟ وشو الغموض يلي بدها تسويه اذا كانت قاعده بقلب البيت قبال زوجها 24 ساعه

انا ما بتحدث عن نفسي عشان لاتفكري بدافع عن نفسي ، انا بعدني مكتوب كتابي وببيت اهلي ، بس انا بحكي بشكل عام عن المشاكل يلي بقرئها بالمنتدى من عضوات ،

الخلاصه ياحبيبتي ، انه الرجال انواع وكل انسان على حسب شخصيته

يعطيكي العافيه على الموضوع

 

[ماحب اتدلع]

مشكورة اختي على الموضوع الحلو بس احس الريال امانة لازم نحافظ عليها ما اخذناه من بيت اهلة عشان نغربلة خخخ مسكين حرام يعني نحاول نسعده بعد بس مو اذبح حالي عشانه وانشاء الله يكون يستاهل هالاهتمام ^^ وطبعا رضا الله فوق كل شي بس ( لاتنسين لو ريلج راضي عليج الله يرضى عليج ) هذي سنة الحياة

 

[ماحب اتدلع]

نسيت اذكر العشيقة والزوجة انا عندي يعشق ولا انه يتزوج لأن هالمعشوقة مصيرها بتتزوج وبتنساة مو على طول معاه والزوجة تشاركني فية بكل شي على الاقل مع عشيقته شنو ماسوا علية اثم عكس زوجته الثانية بالعكس كلما سوا لها شي حلو يأجر عليه
والله يسخر كل زوج لزوجتة ويبعد بنات الحرام عنهم

 

[بنت بني تميم]

mi corazon

حبيبتي انا لساتني بنوته مثلك لكني على وجه زواج ^ـ^ << يعني حالي من حالك ياقمر ..
صدقيني اللي يحط مخافة الله بين عيونه سواء كان رجل أو امرأة راح تمشي أمورهم ويسهلها الله لهم ...
يعطيك العافية حبيبة قلبي ..

 

[الحب الحئئ]

والله كلكم كلامكم روعه تصدقين كنت أمر على موضوعج وأطمر لأني واثقه أن زوجي يحبني بس قلت خل أطمش يمكن فيه فايده ولقيت الموضوع يستاهل

 

[كويتية نايس]

يعطيج الف الف عافيه

 

[hooryah q8]

تسلمين حبيبتي على هالكلام
وان شاءالله الكل يستفيد منه

وان شاءالله ربي يرزقج بولد الحلال الي يسعدج ويهنيج

 

[mi corazon]

تسلمون بنات

صحيح الموضوع يبيله اعتدال فعلا

ومسألة انج تتحكمين بمقدار حبج لزوجج ادري صعبه شوي خصوصا اللي صارلها زمن متزوجه وين الحين تيي تتحكم بحبها له

المسأله وما فيها انا لو تعلقنا بالشي بزود يصير حمل ثقيل نبي نرضيه بأي طريقه

وبالتالي يمكن تنسين نفسج في سبيل انج تسعدينه وهالشي غلط

اي نعم الرسول صلى الله عليه وسلم امرنا بالطاعه ولو امرنا بالسجود للزوج نسجد .. لكن يابنات كل الاحاديث نقيسها على زمنا

يعني ممكن لو سويتي جذي بهالزمن انج تخسرينه وتقلبين الدنيا

الاعتدال واجب والله

والله يهدي كل زوج لزوجته وزوجه لزوجها

ومبارك عليكم الشهر

 

[ريمي اميري]

الحمد لله متوكله على ربي يارب يثبتنا بس

بالنسبه لسوالك اختي كيف ترضين يصير لزوجك عشيقه ومايصير له زوجه ثانيه ,,
ان شاء الله لا عشيقه ولا زوجة ثانيه ,, استغفر الله انا ما احرم شي الله حلله ’’
ولكن شوفي المتزوج زوجتين وثلاث بالله هو مرتاااح
ولا زوجاته مرتاااحاات
الحلقه الاضعف الاطفاااال مرتاحين ...... بالي اشوووفه لاااااااااا بالعكس ضااايعين ومشتتين وكلهم امراااض نفسيه
كل ام تحرض عيالها على عيال الحرمه الثانيه وتحاول قد ماتقدر تبعد عنهم ’’!!
هذا من غير الخلافااات الي تصير بين الحريم ومشاكل لها اول مالها اخررر
اللهم عاااااااااااافنا يارب ,, الحمد لله لا عشت بهذا الجو ولا ابي عيااالي يعيشون فيه ,, الله لا يقدر ،،

 

[رووح ابووها]

جزاج الله خير

ويعطيج العافيه على هالموضوع

 

[أعرفك نفسي]

كلامج صح 100٪
لكن الحقيقة مره.. الكلام سهل لكن التطبيق صعب
اذا ما سمعتي الكلام واذا ما داريتيه بيحس بنقص ويخونج
واذا داريتيه وحبيتيه بيمل منج ويخونج
النتيجة وحده .. بس على الاقل انا ابذل الاسباب وارضي ربي

 

[mi corazon]

الله يعين

انتهزوا رمضان عيل

 

[كت كااات]

ما شاء الله عليج " بخطبج حق اخوووووووووووووي

 

[مـزآج ــــية]

درر و الله

يعطيج العافية

 

[نـعـومـه]

تدرين ليش تفضل العشيقه عن زوجه ثانيه ؟؟

لان زوجه خلاص جد صارت زوجته ومرتبطه فيه طول عمرها وبينهم عيال اما العشيقه لها وقت ويتركها او نزوه

 

[المـــــها]

شكرا

 

[Miss McDonald]

• كلام سليم وعقلاني .. ي ليت بعض الحريم يستخدمون 50% من عقلهم .. جان الدنيآ بخير
• شكراً

 

[mi corazon]

ما شاء الله عليج " بخطبج حق اخوووووووووووووي

:eh_s(7)::eh_s(7):

هههههه عياره " ماتقول لا" :krkrkr::krkrkr:

درر و الله

يعطيج العافية

الله يعافيج حبيبتي

تدرين ليش تفضل العشيقه عن زوجه ثانيه ؟؟

لان زوجه خلاص جد صارت زوجته ومرتبطه فيه طول عمرها وبينهم عيال اما العشيقه لها وقت ويتركها او نزوه

كلام صحيح .. بس المشكله ان بعضهم يوصل فيهم حب العشيقه انه يتزوجها .. ويصير لا طبنا ولا غدا الشر

الله يعين

شكرا

عفواً

• كلام سليم وعقلاني .. ي ليت بعض الحريم يستخدمون 50% من عقلهم .. جان الدنيآ بخير
• شكراً

لازم بفتره من حياتهم بيستخدمونه صدقيني

بس كان ودي كل متزوجه تستخدمه بالبدايه

الله الهادي