تحبين وماصار من نصيبج ......خسارة

[بـدر الـتـمـام]

أنا عشت معاه أحلى قصة حب

صار هو دنيتي و هواي اللي اتنفسه

بعدين حسيته شوي شوي صار يبتعد

و عرفت إنه مو جاد في موضوع الزواج

دست على قلبي و ابتعدت عنه بنفسي

قلت ابتعد و احفظ كرامتي أحسن من إن يصارحني

و اللحين الحمدلله مرتاحة :d مو شايلة حب و هم على قلبي

و راضية عن نفسي لأني ما أسوي شي ورا ظهر بيتنا

و كنت كل ما اكلمه أحس ربي بيعاقبني .. اللحين ارتحت الحمدلله

صج إنه كان أول حب في حياتي .. بس وعدت نفسي إنه يكون الأخير

خشيت قلبي و مشاعري لزوج المستقبل ان شاء الله

 

[بنت الخبر22]

احمد الله مااخذت الشخص اللي كنت ادعو ليل ونهار انه يصير من نصيب بس الحمدلله الله له حكمته من ذلك ولله الحمد والمنه

 

[كراميلا مرة]

ذكرتيني بأحلى ايام عمري حبيته سنه كامله واهو ما انكر انه حبني كنا نحب بعض بجنوووون وكانت اجمل ايام حياتي وماشوف غيره مجنونه فيه وليلحين اتذكره وابجي لانه عمري ماشفت واحد واحد نفسه بطيبته ولخلاقه حنوووون لدرجه ماتصورينها كان يبي يتقدملي بس امه واخوانه قومو الدنيا وقعدوها لاني من قبيله ثانيه الله لايسامحهم فرقونل واحنا اللي بنينا وبنينا وسمينا عيالنا قالهم ابيها تخيلو اطردوه من البيت وقطو اغراضه بالشارع بس عشان يتراجع عن قراره دقيت عليه بيوم قلتله تقدملي واحد واهلي راضين فيه قمنا نبجي انا وياه راح لاهله ثاني مره وردوه ياااااي لاتشوفين شصار فينا بس نبجي ولمه صار عرسي شفته واقف عند الصاله اللي بدش فيها وكل الحزن فيه وانا خانقتني العبره بجيت وعيني وحده فيها كحل والثانيه مافيها من البجي دخلت الصاله وشكلي غلط وقالي قبلها راح نتلاقى بالصدفه بس اهو عصب علي وقالي ليش ماصبرتي علي ليش مانطرتيني والله تحسفت بيومها اني ماصبرت بس اللي صار مو بيدي قسمه ونصيب واختي شافته بالجمعيه وكانت تنادني اختي لصغيره لمه سمعها تقول اختي قام يلتفت مثل المينون يدورني ياليتني كنت معاهم وشفت بس زوله ان شالله نتلاقى بالجنه والحمدلله سبحان الله الله يعطي الواحد على قد نيته الله رزقني بزوج يحبني ومايرضى علي وانا حامده ربي انا مانسينه ولا اقدر انساه بس قاعده اتنساه ولامقصره بحق زوجي كلش واغليه واحبه ومابي غيره ويارب لاتحرمني من زوجي*

قصتك بالذات اثرت فيني رغم اني مأيد الحب بس حيل تأثرت الحمدلله اللي عوضك خير
وان شاء الله مع الزمن تنسون

 

[كبرتني]

انا عمري 25 واحب واحد من 4 سنين واخوي معند ما اخذه وماني عارفه شبيصرلي راضيه بكتبية ربي لان الله سبحانه وتعالي يخفي عنا شي احنا مانعرفه

مادري شلون بعيش مع انسان ثاني واللي احبه ليلحين يبيني ويخطبني ربي يسهل علي ويسهللي هالعذاب اللي هاد حيلي

الحمدلله

 

[رقـة الاحسـآس]

قلبي عورني )':

 

[YA B3DHUM]

بنااات
بس بسسسس :eh_s(2):
عورتووو قلبي وقطعتوووووه
وربي حدكم عورتووو قلبيييي

عسى ما ايي هل يوم وافقده :eh_s(2):
عساني اموت ولا افقده يااارب
عسى يومي قبل لا يفارقني

اااااااااااااااااااااااااااااااااااااااااح
وربي جرح جرح شلون مستحملين !!
انا اتوقع لويصير فيني جذي امووووت :eh_s(2):
مااتحمل يروح مني :eh_s(2):

وربي بجيتوني اخاف يصيرلي مثل ما صصار فيكم
بحكم انا حضريه واهو بدوي :eh_s(2):


اللهم ياذا الجلالة والاكرام يا حي يا قيوم
يا جامع يا جامع ياجامع اجمع بيني وبين
فلان ابن فلان بما تحب وترضى واجعلني
معه من المكرمين


اللهم امين بنات تكفون ادعولي ابيه بالحلال ابيه يكون ابو عيالي ماابي غيره ادعولي تكفووون طالبتكم ادعولي :eh_s(2):
وانشالله يارب كل وااحد تاخذ الي تتمناه وتبيه يااارب ويجمعهم بيت واااحد اللهم اميييييييييييييييين :yaaaaaarb:​

 

[Lo0o0lY]

up


up


:eh_s(11)::eh_s(11)::eh_s(11):

 

[تمنيته]

اااه .. الله يعين

 

[فيلسوفة تتفلسف]

انا عمري 25 واحب واحد من 4 سنين واخوي معند ما اخذه وماني عارفه شبيصرلي راضيه بكتبية ربي لان الله سبحانه وتعالي يخفي عنا شي احنا مانعرفه

مادري شلون بعيش مع انسان ثاني واللي احبه ليلحين يبيني ويخطبني ربي يسهل علي ويسهللي هالعذاب اللي هاد حيلي

الحمدلله

الله يعينج والله يسامح اخوج شنو بيستفيد اذا فرق بين قلبين
بس كله قسمة ونصيب اذا الله كاتبه لج بتاخذينه غصبن عن اخوج واذا مو كاتبه لج لاحول ولا قوة
الله يوفقج حبيبتي..

 

[∫ ∫ ∫ ∫ جــوان ∫ ∫ ∫ ∫]

هالموضوع عوار قلب الله يعين بس

 

[عايشه بدونه]

ماذبحنا الا الحب البنت قلبها رقيق بسرعه تتعلق وبسرعه تنجرح وبصعوبه تنسى الجرح ياليت ماعندنا عاطفه كان احنا بخير لو بصدورنا صخر ولا قلب يحب ويتعذب ومحد يحس فيه حتى اقرب الناس له يذبح ويمشي
انا حبيت سبع سنوات وواجهت الصعاب وحبي
ماقصر تعب اكثر من تعبي واخر فتره اتصل وامي مارفضته وبس جرحته جرح عميق ما انسى شكثر بكى من جرحها وفرقتنا بحكم عادات وكلام
الناس _ نعيش ع حساب الناس وبلطقاق نسعد او نشقى المهم الناس _ المهم وقبل فتره جبر نفسه يبتعد ووصل لي انه خطب وانا انهرت وتدمرت وبالاساس ماخطب لكن حس انو ابد ما
بي امل وحكم حبنا بفراق وانا لسه ادعي ربي
يسخر قلوب اهلي ويجمعنا بحوله وقوته يارب
اجمع الحبايب ولاتفرقهم آمين

 

[عايشه بدونه]

ماذبحنا الا الحب البنت قلبها رقيق بسرعه تتعلق وبسرعه تنجرح وبصعوبه تنسى الجرح ياليت ماعندنا عاطفه كان احنا بخير لو بصدورنا صخر ولا قلب يحب ويتعذب ومحد يحس فيه حتى اقرب الناس له يذبح ويمشي
انا حبيت سبع سنوات وواجهت الصعاب وحبي
ماقصر تعب اكثر من تعبي واخر فتره اتصل وامي مارفضته وبس جرحته جرح عميق ما انسى شكثر بكى من جرحها وفرقتنا بحكم عادات وكلام
الناس _ نعيش ع حساب الناس وبلطقاق نسعد او نشقى المهم الناس _ المهم وقبل فتره جبر نفسه يبتعد ووصل لي انه خطب وانا انهرت وتدمرت وبالاساس ماخطب لكن حس انو ابد ما
بي امل وحكم حبنا بفراق وانا لسه ادعي ربي
يسخر قلوب اهلي ويجمعنا بحوله وقوته يارب
اجمع الحبايب ولاتفرقهم آمين

 

[m3 nafsy]

احم احم
واخيرا قررت ااشاركم واحط همي ع همكم واكتب قصتي كل وحده فيكم اثرت فيني قصتها وحسيت فيها وعشت معاها اللحظات صج يااخساره بس بعد شنسوي كل واحد ماايااخذ غير نصيبها الله كريم
بااختصر
انا حبيت واحد كان انسان ضايع ومستهتر بس حسيت بداخله شي وماصار جذي من فراغ فساعدته وتغير لانه كان محتااج الانسان الي يفهمه ويمد له ايده ويطلع من الي اهوا فيه وفعلا انا هالانسانه تغير ع ايدي والله اني ماقاعد ابالغ هذا الصج تغير وصار انسان ثاني وترك هذا الطريج وصار انسان ملتزم وحبيته وحبني من كل قلب حبني وعزني وخاف علي حافظ علي وكان دايم يقولي ماابي المسج الا بالحلال وعشت معاه سنتين وبدا ايلي خطاب وكنت ارفض وامي شكت فيني واخر واحد خطبني اهلي كانوا موافقين وامي قالتلي لي متى هالحال خلاص لازم توافقين وبجيت عندها وحست فيني وقالتلي اذا في احد بخاطرج خل ايي يخطبج وانا راح اوقف معاج وفعلا كلمته وقتله انا ضحيت عشانك والحين بندش بثالث سنه خلاص يه الوقت الي تخطبني فيه قال اوك وكلم اهله ابوه واخوانه يوم عرفوا عايلتي عصبوا ورفضوا لان ابوه من اجداد اجدادهم يقول انا متهاوشين مع عايلتنا ومايصير ياخذون ولا يعطونه وهاوش اهله وطلع من البيت وطاح بالفراش اسبوع يعني حاول بكل الطرق ابوه مو راضي قاله اختار من اي عايله الا هالعايله لاتسود ويوهنا واذا بتاخذها لانت ولدي ولا اعرفك ومرت علينا ايام صعبه وقالي خلاص شوفي نصيبج انا ماابي اوقف نصيبج شسوي هذيلا امي وابوي والله مااقدر وتعبت نفسيتي ووافقت ع الي خاطبني وسبحان الله طلع الي خاطبيني جذابين وناس مو زيننين وفلت الخطبه واهوا مربمشكله واهله كلهم تخلوا عنه بس انا الي كنت اواسيه وواقفه معاه وعرف قيمتي وقالي انطريني بس اكون نفسي والله لبيع الدنيا عشانج انا عرفت منو الي يحبني ومنو الي مايحبني وواعدني انا ماتمر هالسنه الا اهوا ماخذني وطبعا غصبن علي مو بيدي بنطره والله كريم وسوري عالاطاله بس صج كنت محتاجه افضفض .​

 

[ترجمة احساس]

موضوعج ألييييييييم يحمل ذكريآت موجعه

انآ مؤ بسس حبيييته آنآ عششقته انآ هويته انآ ادمنته انا انجنيييييت فيهـ...

بسس افترفنآ آ ... ومو بس انا اللي اخترت الفرآق/" كل شي اجبرنا ع الفرآق 

انا كآن عممري ١٩ وما لي بسوالف المكالمات والحب.، وهو اول شخص حبيته وكلمته واستمرينا سنتين ..والشاهد الله كلمني بموضوع الزواج وانه مايقدر يصبر .. بس انا كنت احترق وودي وخايفه ان اهل يرفضون ... ووقتها كنت ادرس وابوي مستحيل يوافق الا اذا تخرجت..
وقلت له بعد التخرج عشان محد يصير عنده عذر ... قال اوكي وانا اللي مخوفني من الرفض الدوله غير والاصل غير . بس كان في شوية امل.،

المهم علاقتـي معاااااااااه كانت حلوه .، مستحيل ابعد عنه اشتاق له بالدقيقه .، والله يا بنات من اقعد لين انام وانا فيني طاقة شوق،....
حتئ هو يحبني ويشتاق بس انا كنت بجنوووووووووووووووووووووووووووووووون
حتئ اذا تغيرت وكنت زعلانه كان يقولي حرام انتي بالذات تغيرين،...

*المهم مره صار خلاف وقهرني دايم مشغول بشغله *وقلت له خلاص نفترق ووانت ما تحسسني انك تحبني مثل ما احبك مثل ما انت تبي اهتمام وحب انا بعد احتاج منك جذي....واحتاج من وقتك شوي *وجد جد قسيت عليه وغير جذي عنده بنت عم تموت فيه ودايم تاخذ جواله وتدق عشان نتهاوش *وكنت حييييل انجرح واقوله يقول جاهل عمرها ١٧ شتبيني اسوي لها
قلت له ع الاقل وقفها عند حدها شتبي بحوالك وخليت سالفة بنت عمه ع صوب
وارسلت له الزمن حلف مايرجعنا وقفلت الجوال
( *تدرون بنات زعلت لمدة شهرين مادري شلون جذي قسيت بس صج كنت مجروحه)
واقول لنفسي اهله يبون بنت عمه وهي تبيه انطقي بعيد عنه احسن

يعني هو زعل شوي ولا دق بعدين صار يدق ويرسسسل حيييل وانا كنت مجروحه حيل وما ارد*
وقبل لا يصير جذي بفتره كان علي اختبارات وكان يدق بشكل مو طبيعي بس عشان يسمع صوتي ( وهو غرامه صوتي) كانه كان حاس ماراح يسمعه بعد

وبعد الشهرين وانا بنام قلت لازم باجر اكلمه خلاص ما اقدر اصبر بعد ذبحني الشوق

وكنت اسولف بالعام مع بنات *بقروب بالبالرينقو وقلت مع السلامه جان يرد واحد يقولي مع السلامه الله يستر عليج .. مادري حيل استوقفتي كلمته الله يستر عليج هي عاديه وما اعرفه اصلا وسكت ونمت*

قعدت من بكره لقيت الجوال مو يمي ولا اللاب * وللاسف انكشفت من اهلي 
وانحلت المشكله بالتشدد الممنوع
*ولله الحمد جت ع جذي

وصح تضايقت وبجيت وبعدين رحت اكلم الحب وقلت له*
ياااااااااااااااااو بنات اول شي قالي عسسسا ما ضايقوج اهلج ؟!*

وقمت ابجي بشهاااااق والله عمري ما بجيت جذي ما قدر يسكتني ولا قدرت اسيطر ع نفسي بجييييييييييت حييييييييل حيييييييل وسكرت*
وغيرو الرقم .....

والله يا بنات الحياه بدووووونه صعبه حييييل صعبه
سنه بالضبط مر ع فراقنا ما ادري عن اخباره ولا يدري عن اخباااااري
عجزت انساه.. تناسيته ولهيت اي بس ما اقدر انساه
حتئ الضحكه ما تطلع من القلب ولا لها طعم*
كل شي بدونه ماله طعم

اتمنئ انه عايش ويكون بخير وسعاده

المواقف غصب تذكرني فيه مايمدي الهئ ثواني الا اتذكره
من بعده صرت ما ابجي للاسف مو قوه بس ما اقدر عجزت ابجي شوي وخلاص بس احس قلبي يبجي من داااااخل احسه ينزف دموع .،
يا بنات بعد فراق الحبيب تحسين انج مهمله منسيه محد يفكر فيج تمر ايام محد يدري عن اخبارج تنامين تقعدين محد يدري تعبتي تضايقتي سهرانه نمتي محد يممممممممج*

اشياء *ومواقف وانا معاه ما كنت اتضايق منها
اليوم صارت تضايقني*
ليش يوم كان معاي احس الدنيا تضحك لي وبعد فراقه احس الكل يضايقني
اتفه سبب ينرفزني*
يمممممممممممكن لاني مكسسسسسوره من الداخل

احس بعد فرقاه الكل تخلئ عني*
عشت ايام خوالي ع قولتهم
انا ادري انها صعبه ارجع له ومافيه فايده
بس احتاج له افقده احسسسس بحنين له يعتصرني

مره كنت ادرس ولقيت باوراق لي من سنتين كاتبه انا بخط ايدي يا خوفي تمر ايام ماتدري عن اخباااااري ولا ادري عن اخبااارك هزتني حيل هالجمله قمت ابجي وتضايقت
وتذكرت رده لي لما قلت له جذي .،جان يقول معاج امانه لا تمسحين رقمي وتقاطعيني حتئ لو تزوجتي*

وتذكرت حلف كنت دايم احلفه اذا احد ما صدقني ( الله ياخذ مني اغلئ ما املك )
وانا اكون صااااجه وربي

بس سبحان الله راح الحب والصديقه والجوال واللاب بلحظه وحده
ما اجذب عليكم حتئ الايميل تهكر*

والحين زواجي بعد اسبوعين *بالعيد والله يا بنات اجذب عليكم اذا قلت احس بطعم الفرحه او الخوف
بس احس كتمه ع قلبي
احس الدنيا مسكره بوجهي ابوابها حتئ بتجهيزي لقيييييت عثرات كثيره*
اشيآء ما كانت تصير حق خواتي شمعنا انا

والله يا بنات دايم ادعي ما يمر هذا العيد بالذات الا وانا عند ربي
لا تلوموني كل ما اتذكر اخر عيد كنا مع بعض واذكر رسالته اتضااااااااايق واكره الدنيا
هذي رسالته كانه حاس
( هذا وهذاك العيد واللي قبله واللي جآي
ما راح اعيد دوم الا انت ويآي )*

طولت عليكم بس الموضوع اليم واول مره افضفض
*

واااي عورتو قلبي ماتدرووون الخيره فيما اختارها الله

 

[منال $]

لالالالالالالالالالالالالالا بنات
بكتوني والله

 

[انثى عاشقة]

ما جربته وعسى ربي ما يكتبه لي ..​

 

[om 7amoodi]

بلا حب بلا هم ...:ggdw:
من ترك شيئا لله عوضه الله خيرا منه

بنات انا حبيت 10 سنين وكان فيها وايد تضحيات و تنازلات مااحب اذكرها باختصار ضيعت فرص و ضيعت وقت مو حسافه فيه بس بالنهاية ماكو شي مضمون ومحد يضمن الظروف..
كنا نحب بعض و بنتزوج بس صارت ظروف و بالنهاية اهلي ما رضوا وانا مستحيل اسوي شي الا برضاهم واهم شي رضاهم
تزوج بالنهاية و حجته مابي اعلقج روحي شوفي نصيبج و تزوجت عقبه بسنتين والحمدالله مرتاحة زوجي مثل ما تمنيت و احسن..
وايد اتحسف اني حبيت لان صج صعب تشيلينه من قلبج مع انه والله زوجي مدلعني و مو مقصر معاي بس 10 سنين مو شوي تخليج غصبن عليج تقارنين و تتذكرين:eh_s(2):

نصيحتي حق كل وحدة عيشي حياتج :eh_s(9): و استانسي العمر يمشي ولا تضيعين وقتج الحياة مو كلها رومانسية وحب و ماتدرين وين نصيبج و شنو الخيرة و شنو ربج خاشلج و اهم شي رضى الوالدين عشان الله يوفقج :eh_s(17):

 

[إماراتية ملقوفة]

الحمدلله تعدينا وطر الحزن والتحسف

وحلفت ما أحب .. الا بعد الزواج .. بعد ما اضمن انه حقي حلالي

وها أنا في انتظار فارس الاحلام الحقيقي ..

❤ شريك العمر ❤

فديت قلبه

 

[الزيزفونا]

حبيته لاجل دينه واخلاقه ومابيننا ما يغضب ربي وهو اعجب وفكر فينى ولاكــــــــــــــــــن
قدر الله وماشاء فعل
الله لايعييييييييييييد ذيك الايامقلبتى المواجع وربي

 

[حلـم لــم يكتمل]

:eh_s(2)::eh_s(2)::eh_s(2)::eh_s(11)::eh_s(11)::eh_s(11):