تحبين وماصار من نصيبج ......خسارة

[سيماا]

حبيت شخص سنه كامله وخطبني وفجأه امه حنت بتروح تزور اهلها اهي من احدى الدول العربيه وأصرت ان خطيبي يروح معاها وقالي بسافر مع الوالده واول ما ارجع نملج على طول وكان الاتصال بينا تقدرون تقولون ٢٤ ساعه حتى لو بنام يقولي خلي التلفون مفتوح اقعد من النوم اشوفه للحين على الخط اسمع صوت انفاسه وهو نايم ياما قعدت على صوته وياما قعد على صوتي بس الصدمه كانت امه مقرره تسافر مو شوق حق اهلها لا كانت تبي تزوجه بنت اختها والمشكله اني ما حسيت بأي تغيير على حياته رد من السفر ونفس التواصل بينا طول اليوم الخط مفتوح بينا واحنا بالدوامات واحنا بالبت واحنا نايمين وفي يوم من الايام دقت علي وحده من رفيجاتي قالتلي ادلين صالة الافراح الفلانيه قلتلها ايه قالتلي تعالي الحين انا كنت ماره وحده من رفيجاتي وشفت خطيبج معرس قلتلها مو معقوله اكيد واحد يشابها توه معاي على الخط وسكر عشان يتسبح قالتلي مادري يمكن انا مخربطه وسكرت بس انا قلبي قرصني وقلت بروح صالة الافراح اتأكد خصوصا ان يومها بنت عمته معاي بالدوام خذت اجازه قالت عندها شغل ورزيت الويه ورحت الصاله وانصدمت ان خطيبي قاعدين يزفونه على بنت خالته اللي يابتها امها معاهم من ديرتها طبعا ما تتصورون شنو صار فيني كانت صدمت عمري رديت البيت ولاكلمه والقهر ان معرس وزافينه وكل شوي داق شلون مادري طبعا اهله شافوني بالعرس واكيد وصله الخبر اني كنت موجوده لان تلفوني ما سكت تمت يدق لي الصبح وانا ما ارد قعدت الصبح بدلت وطلعت مع اختي بكل هدوء رحت البحر قعدت وقلت حق اختي اللي صار وفجأه انفجرت بالبجي ومسكينه اختي ماتدري شتسويلي وبهالحظه قررت اني ما ارد ولا اسمع اي مبررات منه لان ماكو اي شي يبرر اللي سواه وتم يدور وراي وين ما اروح ويدق ويه البيت كلم اهلي وشرح لهم ظروفه وان تزوجها عشان امه ومازال يبيني ومستعد يملج بأسرع وقت وقعد يبجي وكسر خاطر اهلي وحاولاو يقنعوني اسامحه وقالولي يبيج حرام وانا قلبي صار صخر يات بنت عمته وقالتلي نفس الكلام وقالت حرام عليج حتى مرته مالمسها عشانج واهله قايليها كلميها ترد عليه بس وتنهي الموضوع بس تريحه وانا مستحيل اغير موقفي اشوف رقمه او اي رقم غريب ما ارد تميت سنه على هالحال لين تقدملي ريلي الحالي وبليلة عرسي شفت خطيبي السابق واقف عند الباب وشافني وانا لابسه فستان العرس وايدي بيد ريلي وطالعه بركب السياره بزفوني لي شقتي اهني بس حسيت اني حس باللي انا حسيته
وانا حاليا متزوجه صارلي ٨ سنين وما زال يحاول ان يوصلي اعتذار بس انا مازلت على رفضي وبقوه لان حاليا متزوجه وتوصلني اخبار ان شايفني اكثر من مره وشايف بناتي بس انا ما اذكر اني صادفته
طولت عليكم بس قصتي عبره هههههه

انت قووووويــــــــــــــــــــــــــــــــــــــــــــــــــــــــــــــــــــــــــــــــه الله لايضركـ

 

[سالم الروح]

اب
اب اب
اب اب اب

 

[دآيم آلحب]

الله يعينج حبيبتي .. بس انا بقولج سالفة رفيجتي كانت تحب ولد خالها وكانت اغلب سوالفها عنه يعني محد يدري عنه غيرنا احنا الشله وفي يوم من الايام اكتشفت اخته انها تحبه مادري شلون ماذكر بس وقالت لها بما معنى لاتحلمين ومايفكر فيج وهشكل والبنت تعذذذبت الصبي مايعطيها ويه وهو كبير عاد قامت وحده من البنات جزاها الله خير ودشت ايميلها وكلمته طبعا بعلم البنت وقالت له انا احبك ومن هالكلام وقال لها انا ما افكر فيج وماتعرفين النصيب البنت خلت الامور على ماهي لييييييييين كلم اخته وعمته العمه تصير خالة البنت اللي تحبه وقال لها انا ابي رفيجتج باخطبها تقول انا تمييييت اصييييح واحس الدنيا تسكرت في وجهي وحتى خالتها الكبيره درررت وقالت لها طنشي اللي جابه يقدر يجيب غيره وداومت على سورة البقره 40 يوم اخبر وتقول خلاص هون مايبيها سبحان الله وكان نادر مايمزح معاها فالمسن او الايفون لييين عقب فتره تقول دش الصبح يسولف ويمزح معاي وبس عاد امس اسمعت اخته القبسه وعمته يبون يخطبون له وحده ثانيه .. وهي صاحت وتنرفزت وردت البيت بس فالنهايه قالت هالجمله انا ماهمننننني كلشششش هو عاش حياته وانا بعيش حياتي هي مسكينه من وهي صغيره تحبببه واحرمت حياتها من اشياء وايد عشان تبين حلوه في عينه بس لحياة لمن تنادي

انا اقووولج تعوذي من ابليس واستغفري وايد واقري قران وعيش حياتتتتج وبتنسسسين

 

[زهراء 24]

موضوع يعور القلب
الله يكون بعون كل وحده حبت وما خذت اللي تحبه
​

 

[*ريمي*]

كلن في قلبه شقى الليله
اب
اااااااااااااااااب

 

[@ام ضاري@]

<<-- متــآبعه ~ الموضوع يعطيكم العافيه الله يكتب لكم النصيب مع من تحبون

 

[Miss McDonald]

• Uppp

 

[غلاتي غلا]

ماكو رجال بهالدنيا هاذي كلهاااااااااااا تحسفين عليه غير ابوج واخوج

الله يوفق الجميع

 

[فاطمة البحرينية]

وااااااااااااااي موضوع يعـــور القلب وتذكرته الموضوع صار له سنين

كنت احب ولد خالتي سنين ولا عمري فكرت انى اكلمه او المح له وقلت لخالتي

وسألته انت تحب الا يقول مجنون احـــــــب وعقب تخوني !!!!

هني حسيت مخي يعورني وقمت اصيح وحاولت اشيله من بالي وتخرجت من الثانويه وعقبها

بسنتين اظن اتصلوا فيني يقولون فلان بيخطب ومادري شنو كنت ذيك الفتره اشتغل وكنت اظن انى نسيته !!

مادري ليش تذكرت كل الاشعار اللى كتبتها و دموعي لما انام وعقب لما حضرت الخطوبه عادي

وضليت فتره ما اكلم خطيبته !! عقب سبحان الله نسيته وصارت زوجته صديقتي ونسيت انى حبيته اصلا

وصار يسولف معاى اكثر من قبل وعقب حسيت ان مو هو الشخص اللى كنت احبه وكان حب مراهقه !!

والحين انا متزوجه الحمدلله زوجي ماااااكو منــــــــه طيب وحنــــــون وكنت دوم ادعي ربي يرزقني الزوج الصالح

الحنون الحمدلله وترى في حب يدمــــــر الوحده وحب بالعكس يقوي الوحده وترى المشاعر والحب ممكن تتغير

و الوحده عقب تنـــــدم تقول ياريت ما تزوجت واحد احبــــــه وايد من اهلي بعضههم ندمانين وبعضهم لا

والاهم الاحترام بين الزوجين والثقـــــــــه والصدق ورب العالمين يؤلف القلــــــوب سبحانه

 

[دلوعـ فؤادي ـة]

اب اب
اب

 

[دلوعـ فؤادي ـة]

مافي مثل الحب الحلال
الحمدلله على العافيه

 

[!الجادل الصعب!]

آنتو ليش حآطين نفسكم بموقع الضحيه و قاعدين تولولون..!
حبيبتي .. الي جآبه يجيب غيره .. لآ واغلبكم بعد مآيبونهم عيني عينك..
يسترييييح بس .. عيشوآ حيآتكم ..
مآ تآقف الدنيآ على شآن رجآل .. لآ صآر هو والهم توم و ولآيف ..
العمر لآ رآح مآيرد يآقلبي آنتي ويآها ..
والشباب لآرآح مآلنآ الا نتحسر عليه .. والي ربي كآتبه لكم آحسن و آبرك من آحلامكم ..
حآولتو وحآولو .. وبعدين مآتمت الامور .. خلآص ..
كل حي يروح بطريقه .. ليش الاكشن والدرآما الي معيشين نفسكم فيه ..!
صرآحه .. الوحده المفروض تعز نفسهآ من هالوضع هذآ ..
رجآل بدآله آلف يآقلبي
يعني هم بدلوكم وآنتو بتقعدون على ذكرى صآحب الظل الطويل .. غلط غلط غلط ..!
صدقوني .. اخذوآ قرآركم وربي بيعينكم وكل مآ تذكرتوآ شين الحلآيآ ..
استغفري استغفري وبيروح عن بآلك ..
الدنيآ حلوه .. بس نفهمهآ >> اعتقد اغنيه هذي

 

[bint-3shtw]

قلبتي المواجع والله

 

[هواجيس الفجر]

يماااااااااااا الموضوع يعوووووور القلب

من امس و أنا اقرأه صفحة صفحة



الله يعيييييينكم و صج في بعضكم صبووووورات ما شا الله

 

[جوك احلى جو]

لا و الله !
الحين هو يتزوج و يستانس و انا ابجي !

لا و الله , ياكل ( ؟؟؟ )

هو يتزقطط و يتكشخ و يدلع الهانم و انا ابجي عليه ؟؟
يولي !! يروح زييييييييييييييين !!!


و الله لا احذفه من قلبي حذف ... براااااااااااا
و احب شاذي .. و لا احبه !!!


و اذا قلبي متعلق فيه , اشق صدري و اطلع هالقلب الغبي و احذفه من الطابق العشرين !!


هو يتدلع و انا افتح له مواضيع اعبر عن حبي و اشواقي لشخص يعتبرني زبالة حياته !!


يروح زييييييييييييين !!!!

هذا من اولها تاركني
خل يطير بس


بداله وايد : احلى منه , و اكشخ منه , و ادين منه ,,,


خل يولي حثالة المجتمع هههه لو فيه خير ما يخون ويترك


لو هو ريال محد يفرض رايه عليه ,, مو الحريم يمشونه على رايهم

قطيعه بس !



فرفشوا يا بنات و استانسوا ....


على طول سوي نيو لوك ....


و كثري طلعات ...


ييبي ورقة و قلم و اكتبي كل عيوبه عيب عيب ... سلبيه سلبييه << دار دار زنقه زنقه ههههههه


و ما يبقى عالم و الا شيخ و الا منشد الا و اكتبي ايجابياتهم عشان يتعدل عندج الذوق الخايس اللي خلاج تحبين هذا و اشكاله


راح تحسين انج كنتي غبيه انج ذرفتي عليه دمعه واحدة

بالطقاق يطقه هو معاها ! اصلا هالاشكال محتاجين يتعلمون درس .. و هالدرس ما راح يتعلمونه الا لما يتزوجون !


و يشوفون اللي اختاروها و اختيارهم مثل ويهم طبعا ... و فرق السما عن الارض بينكم و بينهم


و بعدها عاد تبدا حسافاته !! وقتها تكوينين بعز قوتج


و ياي لج واحد زقطه بلقطه اينن و يهبل و يموت عليج


و يدفع فيج الغالي و يشيلج على كفوف الراحه

ههههههههههههههههههههههههههههههههههههه عسل والله عسل :eh_s(15):

قريت الموضوع وعورني قلبي حيل بجيتوني

الم السيف يبرا والم القلب مايبرا ماعليكم ييبو برايه وبرو خخخخخخخخ

بنات كل بامر الله ماتدرون وين الخيره والخيره فيما اختاره الله وعسا الله يعوض كل بنت بزوج احسن من اللي تتمناه يارب :eh_s(17):

 

[غروري بطيبتي]

يقولون مرايه الحب مكسوره
واللي ربي ماكتبلهم نصيب نصهم اذا موكلهم فيهم عيوب الدنيا
بس الواحد اذا حب مايشوف العيوب
غباء, غشاوه, بليس قاعد على قلوبهم
بس الاكيد الواحد يقدر ينسى اذا ماحاول ينسى
واذا كل يوم قال بنسى بيذكر الشخص
والله يصبر القلوب
والله يجمع الكل مع اللي يحبه ويرضاه ربي له

موضوعكم يضيق الخلق !

 

[رُۈحَ ۈ رْيحَآن]

ناطرين الفرج من رب العالمين :yaaaaaarb::eh_s(11):

أم ضااري مشكوووره ع الدعاء جزاج الله خير:eh_s(7):

 

[دبله عامر]

انــا قصتـي غيــر يمكن
انـا كنت احــب واحد ونكي علي اسمه بس الانسان لما يخذلك تتحسف علي كل لحظه قضيتها معاه
وممكن تستحقر نفسك لــ إنـك عطيت وضحيت واخــر شئ اكتشفت انك انت الخســران
كان مواعدني بالزواج وخلاني اطير فيه وحطم احلامي البريئه
من كثر ماحبه كنت اجهز نفس تجهيزات العروس وكنت اكلم امي عنه واكلم كل الناس عنه
حسسني انه الدنيا للحين بخير انا مطلقه بس كل مانتهاوش كان يقولي حمدي ربــج رضيت فيج وانتي مطلقه
كنت اطوف واسامح بس ماكنت اجرحه بالكلام انا كنت اغلط وكان يجرحني بكلامه ويسامحني بس سبحان الله صار سوء تفاهم بينا وماكلمني اسبوع كامل ادقدق عليه واتاسف وادززله مسجات
جا اليوم اللي اكتشفت انه كل هالفتره يدق علي بنت خالتي كنا انا وياه متزاعلين ودقت علي بنت خالتي قالت لي فلان داق علي وكانت تسمعني
من تلفون البيت كل كلامه عني كان يقولها بنسى دبله ومابيها انا عفتها وكانت تسولف وتضحك معاه استغفلني وقلت لها قوليله لايدق عليج
وكانت تعطيني طاف وقالت لي انه اهو قالها عطيني وعد انج ماتقولين لها اني ادق عليج وعطته وعد وقالت لي
عن الوعد وكل اللي صار قلت لها بدق عليه وبقوله ليش تدق علي بنت خالتي قالت لاتقولين له المهم اني
دزيت له مسج لاتنشر غسيلي عندها ترا كل شئ يوصلني تخيلو داز لها مسجاتي كلها ودق علي وداق عليها من تلفونه الثاني عشان يسمعها صوتي وانا اقول ترا فلانه قالت لي وانا سمعت كل اللي دار بينكم حسيت اني خبله مو صاحيه
حسسوني اني غلطانه حطمو احلامي حطمو كل شئ كرهت نفسي وكانت امي تعبانه توها مسويه عمليه وماتتكلم وبعد هالسالفه تعبت نفسيتي صرت كله اقعد مع نفسي وابجي انا كنت محتاجته خلاني كانت امي مسويه عمليه وماتكلم وانا ماطلع من غرفتي امي تدري انه بيجي يخطبني بعد شهر وقالت لاخوان في ناس بيتقدمون لاختكم وتخيلو امي جتني بالغرفه انا مسحت دموعي تقولي شفيج كله قاعده بروحج قلت مافيني الا كل خير قعدت تدعي جدامي انه يكون من نصيبي ويسهل علي جان تنزل دمعتي من عيني حركه امي عفويه بس خلتني ابجي طلعت امي بالصاله رحت طلعت من الغرفه من طلعت من الغرفه انا رحت اكلت حبوب بندول نايت وايد مو قادره انام لقيتها مبطله القران جان اتربع جدامها وعيوني مغورقه جان تقولي خلاج يمه جان تطيح دمعتي جان تمسحها وتلمني تقول شوفي باجر اييلج النصيب اللي احسن منه جان اقولها يم اكلت حبوب بندول نايت وايد جان تطيح مادري شصار فيها رحت انا للطبيب قعدت بالملاحظه يوم كامل واهي ارتفع ضغطها ومن يومتها عفته وكرهت نفسي وكل ماتذكرت اتذكر انه خذلني اهو وبنت خالتي وكانت بنت خالتي لما تكلمه تبين له انه ماعندها سوالف وخليتهم مع بعض ومادري عنهم الحين وغيرت ارقامي واكو شغلات وايد صارت اللي اهي مره دق علي امي قالها راقبي بنتج شوفيها شتسوي من وراج ولما كان يحتاج فلوس وكنت معطيته خطوطي القدم وخذا رقم بنت خالتي من خطوطي اللي عنده بس الجرح اللي جرحني ياه ماراح ينسيني الجرح حتى اهو وانتهت قصتي والحمد الله علي كل حال

 

[دبله عامر]

انــا قصتـي غيــر يمكن
انـا كنت احــب واحد ونكي علي اسمه بس الانسان لما يخذلك تتحسف علي كل لحظه قضيتها معاه
وممكن تستحقر نفسك لــ إنـك عطيت وضحيت واخــر شئ اكتشفت انك انت الخســران
كان مواعدني بالزواج وخلاني اطير فيه وحطم احلامي البريئه
من كثر ماحبه كنت اجهز نفس تجهيزات العروس وكنت اكلم امي عنه واكلم كل الناس عنه
حسسني انه الدنيا للحين بخير انا مطلقه بس كل مانتهاوش كان يقولي حمدي ربــج رضيت فيج وانتي مطلقه
كنت اطوف واسامح بس ماكنت اجرحه بالكلام انا كنت اغلط وكان يجرحني بكلامه ويسامحني بس سبحان الله صار سوء تفاهم بينا وماكلمني اسبوع كامل ادقدق عليه واتاسف وادززله مسجات
جا اليوم اللي اكتشفت انه كل هالفتره يدق علي بنت خالتي كنا انا وياه متزاعلين ودقت علي بنت خالتي قالت لي فلان داق علي وكانت تسمعني
من تلفون البيت كل كلامه عني كان يقولها بنسى دبله ومابيها انا عفتها وكانت تسولف وتضحك معاه استغفلني وقلت لها قوليله لايدق عليج
وكانت تعطيني طاف وقالت لي انه اهو قالها عطيني وعد انج ماتقولين لها اني ادق عليج وعطته وعد وقالت لي
عن الوعد وكل اللي صار قلت لها بدق عليه وبقوله ليش تدق علي بنت خالتي قالت لاتقولين له المهم اني
دزيت له مسج لاتنشر غسيلي عندها ترا كل شئ يوصلني تخيلو داز لها مسجاتي كلها ودق علي وداق عليها من تلفونه الثاني عشان يسمعها صوتي وانا اقول ترا فلانه قالت لي وانا سمعت كل اللي دار بينكم حسيت اني خبله مو صاحيه
حسسوني اني غلطانه حطمو احلامي حطمو كل شئ كرهت نفسي وكانت امي تعبانه توها مسويه عمليه وماتتكلم وبعد هالسالفه تعبت نفسيتي صرت كله اقعد مع نفسي وابجي انا كنت محتاجته خلاني كانت امي مسويه عمليه وماتكلم وانا ماطلع من غرفتي امي تدري انه بيجي يخطبني بعد شهر وقالت لاخوان في ناس بيتقدمون لاختكم وتخيلو امي جتني بالغرفه انا مسحت دموعي تقولي شفيج كله قاعده بروحج قلت مافيني الا كل خير قعدت تدعي جدامي انه يكون من نصيبي ويسهل علي جان تنزل دمعتي من عيني حركه امي عفويه بس خلتني ابجي طلعت امي بالصاله رحت طلعت من الغرفه من طلعت من الغرفه انا رحت اكلت حبوب بندول نايت وايد مو قادره انام لقيتها مبطله القران جان اتربع جدامها وعيوني مغورقه جان تقولي خلاج يمه جان تطيح دمعتي جان تمسحها وتلمني تقول شوفي باجر اييلج النصيب اللي احسن منه جان اقولها يم اكلت حبوب بندول نايت وايد جان تطيح مادري شصار فيها رحت انا للطبيب قعدت بالملاحظه يوم كامل واهي ارتفع ضغطها ومن يومتها عفته وكرهت نفسي وكل ماتذكرت اتذكر انه خذلني اهو وبنت خالتي وكانت بنت خالتي لما تكلمه تبين له انه ماعندها سوالف وخليتهم مع بعض ومادري عنهم الحين وغيرت ارقامي واكو شغلات وايد صارت اللي اهي مره دق علي امي قالها راقبي بنتج شوفيها شتسوي من وراج ولما كان يحتاج فلوس وكنت معطيته خطوطي القدم وخذا رقم بنت خالتي من خطوطي اللي عنده بس الجرح اللي جرحني ياه ماراح ينسيني الجرح حتى اهو وانتهت قصتي والحمد الله علي كل حال

 

[ابرار الحزينه]

اه يابنات اللي احبه يكلم خطيبته وموافق عليها ومعجب فيها حيل وتخيلو يابنات امه كانت تبيني بس مدري وش اللي خلاهم يخطبون وحده غيري لولدهم كل يوم ادعي انه يصير من نصيب وللاسف الولد حيل معجب بالبنت اللي بيخطبها ومبسوط عليها وش هالحظ