تحبين وماصار من نصيبج ......خسارة

[هاااايدي]

حبيت اشارك والله قبل زواجى حبيت واحد 5 سنوات مافترقنا سمعنى احلا كلام كانت النجوم بيد والقمر بيد وفجاه اختفى ومادرى ليومنا هذا وينه صك تلفونه والتلفون الثانى محوله والثالث مايرد اكبر جرح جرحنى اياه اهو مدرى ليش ليومنا هذا سوا جذى من غير سابق انذار او حتى اعتذار جنى غبيه وكل الحكايه سكر تلفونه وادق ادق مايرد ليش قلبتو المواجع الجرح للحين بقلبى كل يوم ابجى وللحين مو قادره انساه

ياقلبي لا تزعلين مني بقول راي بصراحه
انتي تقولين سمعني وصكر تليفونه انا ماني عارفه ليش تكلمين واحد بالتليفون مو حرام بالله عليج انا مابي اشتغل مصلحه اجتماعيه
بس يمكن تاب والله هداه لان هالمكالمه ماترضي الله ولا رسوله
والله يهنيج مع زوجك ويوفقكم ويرزقكم الذريه الصالحه
واتمنى تتتقبلين كلامي بصدر رحب لاني مابي لج الا الخييييير

 

[هاااايدي]

يالليكاتبه الموضوع ليش جذي؟؟
صج انه موضوع حلو بس احنا ندش المنتدى عشان ننسى ونضحك بس موضوعج بجاني
لاني عايشه هالحاله
احبه ويحبني بس ابوي موراضي وفي عهد بينا مانترك بعض
بس لي متى؟؟
العمر يركض واحنا على حالنا!
مابقت طريقة ماحاولنا فيها بس مافي فايدة
بنات احبه احببببببببببببببببببببببه
بس موعارفين الحل؟
اهله واهلي يقولون خلاص اتركوا بعض
بس هو يقول اموت ومااخليها وانا بعد مااخليه
شنووووووووووووووووووو الحل
والله تعبنا بنات شنو الحل برايكم؟؟

استغفروا وادعوا الله
والله مايخيب رجا احد دعاه:yaaaaaarb:

 

[جوري الكويت]

بقول لكم جم قصه واقعيه و اعرف اصحابها

.. علشان تصدقوون ان ربي يحبكم و اللي صار لكم خيره



وحده اعرفهاا كانت تحب واحد 6 سنين و تعرف اهله و تعرف كل شي عن حياته

جم مره طاحت عليه يكلم .. بس كانت تسامحه لانها تحبه

و على اساس بياخذها و امه تعرفها و تكلمها و البنت كانت ضامنته

صارت سالفه حق بنت عمه وااحد لاحقها و يبي يدعمها عند بيتهم ما يندرى شنو شالفته

و عمه و ابوه علشان يغطوون الموضوع غصبووه يتزوجها

المهم تزوج بنت عمه و بنت عمه حملت

ظل يدق عليها و هي ما ترد و يتبع اخبارها

بعد فتره صارت بحياته مصيبه ,, الله يكافينا الشر يا رب

وحده من البنات اللي يعرفهم حملت منه بالحرام و العياذ بالله

و علشان يلموون الموضوع .. زوجوووه منها و بمهر كبيييير لانها مع الاسف بنت ناس معروفين

و تزوجها و بعد جم يوم راح طلقها لان ما يبيها ..

و زوجته الاولى اللي هي بنت عمه ولدت و يابت بنت و بعدها بشهر الثانيه اللي خذاها يابت بنت ثانيه


و ام اللي تحبه دقت عليها و قالت لها اللي يصير بولدي حووووبتج


و هي الحين عرفت ان الله يحبها لان لو ماخذته جان تزوج عليها وحده بفضيحه يكافينا الشر


و تحمد الله انها ما خذته ...

 

[فيونكه..~!]

بنـآأت حــوآء <<الله يررحممممه ويعووضضك اللي احسسن منه

 

[هاااايدي]

بنات خلوها حكمه لكم بالحياه
(وعسى ان تكرهوا شيئا وهو خير لكم
وعسى ان تحبوا شيئا وهو شرا لكم والله يعلم وانتم لاتعلمون)
هذا كلام الله سبحانه مو كلامي
وياااااااااااااااااااارب يعوضكم بالاحسن وينسيكم الهم الي عشتوه

 

[KelyAmanii]

:eh_s(2):

:eh_s(2):

 

[مكسورة الخاطر]

قلبتي المواجع ..
كنت بريئة..
ابني احلامي واتخيله زوج واب لعيالي ..
كنت اخطط شلون اخلي حياتنا دوووم سعيدة
تخيلت وخططت لكل شي ..
كنت اعد السنين عشان يتخرج وايي يخطبني ..
واهو ماقصر ..
عيشني بحب واحلام .. اخييييه
حتى اسامي العيال اتفقنا شراح نسميهم ..
بكل صلاة .. بكل قطرة مطر كانت تنزل..
كنت ادعي ربي من كل قلبي وبكل صفاء وطهر نية انه يجمعني فيه بالحلال ..
صارت شوية ظروف وخرنا عن بعض .. شهرين
بعد هالشهرين .. قلت في نفسي ابي اختبره واشوف غلاتي عنده .. واقوله انه في ناس متقدمين لي ..
بالبداية كان مصدوم , ليش ومن هذيل ويين شافوج ..
استانست , قلت معناها متمسك فيني ويبيني ..
بس الصدمة يت بعدين ..
تخلى عني بسهولة, قعد يقول لي انتي مثل اختي .. واحنا مو لبعض ومو مناسبين.. وانا ما استاهلج ومابي اعلقج ! وغسلي ايدج ماراح اتقدم لج
الله ! شالكلام وشالتغيير !!
وتوك تستوعب انه مو لبعض وما تستاهلني ؟ وين اللي كان يقول لي انتي نصي الثاني وماقدر اعيش بدونج ..!
وصار كلام وايد .. واعترف لي الحقير بخياناته لما كان يدرس بره ..
ههه.. ويقول ابي مصلحتج وانتي قاعد تستخدمين عاطفتج بدال عقلج لو تدرين جان شكرتيني
ساافل ..
مابي اخرب صيامي على واحد حقير مثله ..
عايش حياته ومو هامه هالقلب اللي للحين ينزف..

اكرهه .. وعمري ماراح اسامحه .. والله يحرق قلبه مثل ما حرق قلبي !
ماراح اسامحه..

المضحك المبكي تدرون وين ؟
اني للحين اشتاق له ..!
واقص على روحي واقول يمكن مو صج .. يمكن يرجع بعدين ..
يمكن ويمكن ..
صارلي شهر على هالحال..
كل يوم اقول راح انسى, القى نفسي اتذكره واتخيله اكثر من غير ماحس
آآآآآآآآآآآآآآآآهه ازفرهاا من قلللب ..
الله لا يسامحه ..

 

[بدورة القمورة]

:eh_s(2):

:eh_s(2):

:eh_s(2):

:eh_s(2):

:eh_s(2):




عسي الله يعوضكم ان شاءالله

 

[Sa7aBa]

<< يمكن للمرأة أن تحب أكثر من رجل...لكن الرجل لا يحب إلا امرأة واحدة في حياته>>

المرأة أحيانا تقدر تنسى خصوصا اذا حصلت على الشخص اللي يحبها..

بسس مرات المرأة ما تقدر تنسى حبها الاول خصوصا اذا تزوجت واحد ما يعرف معنى الحب..

و بعد احيانا ما تنسى حبها الاول لانها تكون ندمانه وضميرها يأنبها لانها تخاف

ما تسعد الرجل اللي تزوجها وبمعنى اصح تخاف تقصر معه..

قولو يا بنات (( اللهم اجرني في مصيبتي هذه واخلفني بخير منها ))


أهم شيء التوكل على الله والثقه بأن الله راح يعوضج بالي احسن ان شاءالله..

لله عوض زينب بنت جحيش بالرسول عليه الصلاة والسلام

وهو أفضل الخلق وقادر يعوض كل بنت ان شاءالله..

مع الأخت

 

[^^ROSE^^]

وااااااااي انا شهاللقافه اللي دشيت هالموضوع عوار القللب بهالليل حرام عليكم قلبي عورني ودميعاتي يدلدغون عويناتي
ااااه ياقليبي
بس بروح قسم الفرفشه اغير جو

 

[ماني من الناس]

حاولت انساااااااااااااه بس ما قدرت الكل قال النسيان نعمه بس صدمتوني الغالب ما نسو حبهم القديم
كنا ندرس برا و كنه مجرد زملاء دراسه والله مو في بالي احبه كنت اسولفله ابي فارس احلامي جي و جذي و ما كان عندي رفيجات وقتي كلا معاه ندرس بالمكتبه و لي رديت شقتي يظل على التلفون ليمن اوصل يطمن علي
اول ما اوصل البيت اكلمه بالمسن و اكلم اهلي و اروح انام و بس اقوم من النوم اكلمه ليمن اوصل الجامعه
مااااااااااااااااااادري شلون حبته اصلن قمت اشرق ب أسمه والله حلم احلم فيه

اهو تخرج قبلي بكورس و رد الكويت و صرنا نتكلم بل مسن و فجأه وصلني خبر انه ناطرج تتخرجين عشان يتزوج و بيتزوج التاريخ الفلاني بس يدري ان تزوج و انا اهناك راح اموت و عادي اوقف قيدي
واجهته و انكر و نفس الهبله صدقت و صج تخرجت و مستانسه انا
و ارد الكويت و فجأه صج مثل ما قالو يوم ملجته اليوم اللي قالولي عنه !!
صرت مينونه و ابجي قلتله لييييييييش؟ الله يخليك لا تتزوجها و قالي كلم امه و وراها صورتي و قالها اخلاقها و البنت بنت عايله و ابيها قالتله البيت كامله و الكامل الله بس عيبها انها درست بره ليش؟ اللي درسو بره مالهم رب؟
و بس والله مادري احساسي يقول انه صج يحبني بس احس لو يحبني جان حاول مع اهله
اهو تزوج بنت خالته و ظل يكلمني بالمسن بعد ما تزوج قلتله ليش ؟ بحكمنا شنو تكلمني قالي بس نتطمن عن بعض
و عشان اوخره عني قلتله تزوجت بس هم ما فج
للاسف توقعت راح انساه و ما نسيته دقييييييقه و لما حسيت اني نسيته احلم فيه ينني والله جنه يقولي مراح اخليج تنسيني لو شنو

و مرت الحين سنتين الا و ما نسيته و للاسف ما تزوجت
ادعولي بنات الله يرزقني بالزوج الصالح اللي ينسني اياه اهو و طوايفه

و سوري على الايطاله

:eh_s(2): :eh_s(2):جرحت قلبي جرح سبب لي اضرار ماحد يعذب في الهوا قط خليله
جرح الكرامه ما تداويه الاعذار لو تعتذر العذر ماهو وسيله :eh_s(2)::eh_s(2):

 

[عشقك وطن]

انا قلت سالفتي قبل


الحين مر ع ملكته شهر و5 ايام


تدرون الحين بديت التفت حق روحي لأسباب واجد ؛ ربي ماصرف هالزواج عني الا اكيد خيره

هذا أول شي صرت اقنع نفسي فيه


الشي الثاني كن ربي مسخر لي اللي ينسيني قبل ملكته بيوميين بس انخطبت وبعد ملكته بأقل من شهر انخطبت مرهـ ثانيه

صحيح مو رسميه لكن سبحان الله شلون تصادف هالموضوع مع فتره ملكته


انا للحين مو مستوعبه اكون لغيره ولا مستوعبه يكون لغيري ؛ وكل حلم حلمته معه وحلمت بروحي

وانا ع مخدتي قبل لاانام راح وبيصير لغيري لكن مافي حل اني اتأقلم ع الوضع الجديد

احس اني مشاعري قمت اتجاهلها وخصوصا بعد ماقلتله اني مابي اتزوج وقال لاتخليني اشوف ذنبك برقبتي

ان كنتي توقفين حياتك ومستقبلك يمر فيك العمر وبعدين وش تستفدين


صعب اشوفك لغيري لكن قولي يمكن خيرهـ


شوفوا بنات رغم ثقتي انه يحبني بس عشان انسسسى قمت افكر واقول خلاص هو بيتحمل ويدوس ع قلبه عشان اهله وعشانه تزوج ؛ وبتمر فيه الايام ويمكن زوجته تنسيه حبه


قلت خلاص انا بعد لازم افكر بنفسي


اول شي قاعده اسويه احاول اضبط مشاعري


حاليا موضوع الزواج مدري وش بيصير فيه بس بستخير والله يسهل رغم اني احس اني بظلم نفسي بتفكيري واحساسي

لكن كلي ثقه ان ربي معي وراح اتخطى ازمتي



اظن اول حب عمره ماينمحي حتى لو نسيت وعشت حياتي بيمر يوم واتذكر

بس ان شاء الله راح ادعي له حزتها






فضفضت واجد بس هالمكان اللي اقدر افضفض فيه



انا هالكلام اللي قلته ابي كل وحده تحب تحاول تنظر للموضوع مثل مااشوفه انا


وربي يعوضنا خير ​

 

[ماني من الناس]

انا قلت سالفتي قبل


الحين مر ع ملكته شهر و5 ايام


تدرون الحين بديت التفت حق روحي لأسباب واجد ؛ ربي ماصرف هالزواج عني الا اكيد خيره

هذا أول شي صرت اقنع نفسي فيه


الشي الثاني كن ربي مسخر لي اللي ينسيني قبل ملكته بيوميين بس انخطبت وبعد ملكته بأقل من شهر انخطبت مرهـ ثانيه

صحيح مو رسميه لكن سبحان الله شلون تصادف هالموضوع مع فتره ملكته


انا للحين مو مستوعبه اكون لغيره ولا مستوعبه يكون لغيري ؛ وكل حلم حلمته معه وحلمت بروحي

وانا ع مخدتي قبل لاانام راح وبيصير لغيري لكن مافي حل اني اتأقلم ع الوضع الجديد

احس اني مشاعري قمت اتجاهلها وخصوصا بعد ماقلتله اني مابي اتزوج وقال لاتخليني اشوف ذنبك برقبتي

ان كنتي توقفين حياتك ومستقبلك يمر فيك العمر وبعدين وش تستفدين


صعب اشوفك لغيري لكن قولي يمكن خيرهـ


شوفوا بنات رغم ثقتي انه يحبني بس عشان انسسسى قمت افكر واقول خلاص هو بيتحمل ويدوس ع قلبه عشان اهله وعشانه تزوج ؛ وبتمر فيه الايام ويمكن زوجته تنسيه حبه


قلت خلاص انا بعد لازم افكر بنفسي


اول شي قاعده اسويه احاول اضبط مشاعري


حاليا موضوع الزواج مدري وش بيصير فيه بس بستخير والله يسهل رغم اني احس اني بظلم نفسي بتفكيري واحساسي

لكن كلي ثقه ان ربي معي وراح اتخطى ازمتي



اظن اول حب عمره ماينمحي حتى لو نسيت وعشت حياتي بيمر يوم واتذكر

بس ان شاء الله راح ادعي له حزتها






فضفضت واجد بس هالمكان اللي اقدر افضفض فيه



انا هالكلام اللي قلته ابي كل وحده تحب تحاول تنظر للموضوع مثل مااشوفه انا


وربي يعوضنا خير ​

ليش ما خذيتوا بعض ؟؟؟ :eh_s(2):

 

[عشقك وطن]

ليش ما خذيتوا بعض ؟؟؟ :eh_s(2):

امه الله يسامحها عيت قالت منت ولدي ولااعرفك ولو ماتاخذ بنت خالتك وهي برضو بنت عم ابوه

ماراح احضر عرسك ولا يطق لسانك لساني وطاحت عليهم لما رفض و ارتفع الضغط ودشت

المستشفى وعقب مااطلعت حددت الملكه بدون علمه ؛ ومحد وقف بصفه لا اخوانه ولا عمامه

ابوه متوفى وهالبنت ابوه اختارها له من هم صغار ؛ واخر شي قال خلاص اجيك بدون اهلي

بس اهلك بيرضون فيني قلت انا مو راضيه بدون رضا اهلك واهلي ماراح يوافقون

بهالطريقه قال أي حل تبينه انا مستعد ؛ بس ماكان فيه حل غير انه لازم يقنع اهله وأمه ابددد مامنها رجاء



هذي السالفه بالمختصر ؛


ساعات اقول ي رب يموت قبل لايصير العرس من كثر ماني متحمله الموضوع بس

قاعده اقول ؛

اصبري ي بنت مصيرها تعدي


الله يعين

 

[عنود مطير]

آنت تُريد،.وآنآ أريد والله يفعل مآيردي،.~

موؤ كل شي بهآلدنيآ تقدر نآخذه ،،<< آكتفي بهالجمله

صصح كلامج

 

[عنود مطير]

امه الله يسامحها عيت قالت منت ولدي ولااعرفك ولو ماتاخذ بنت خالتك وهي برضو بنت عم ابوه

ماراح احضر عرسك ولا يطق لسانك لساني وطاحت عليهم لما رفض و ارتفع الضغط ودشت

المستشفى وعقب مااطلعت حددت الملكه بدون علمه ؛ ومحد وقف بصفه لا اخوانه ولا عمامه

ابوه متوفى وهالبنت ابوه اختارها له من هم صغار ؛ واخر شي قال خلاص اجيك بدون اهلي

بس اهلك بيرضون فيني قلت انا مو راضيه بدون رضا اهلك واهلي ماراح يوافقون

بهالطريقه قال أي حل تبينه انا مستعد ؛ بس ماكان فيه حل غير انه لازم يقنع اهله وأمه ابددد مامنها رجاء



هذي السالفه بالمختصر ؛


ساعات اقول ي رب يموت قبل لايصير العرس من كثر ماني متحمله الموضوع بس

قاعده اقول ؛

اصبري ي بنت مصيرها تعدي


الله يعين

يااا بعد قلبي انتي

ااااااه قلبي

 

[hend6363]

ما راح اسامحك يا ولد عمتي لو اموت و يغطيني التراب ما راح اسامحك شفتني بنت صغيرة و تحبك قلت ادوس عليها بس انا ليا رب كبيير و راح يجيب لي حقي منك انا متاكده راح اشوف حوبتي فيك قد ما طال الزمن الي سويته فيني ذنب برقبتك و قلبي الي انكسر بسبتك ماراح يسامحك

 

[عاشقة هواك]

انا الي توفى يصيرلي ويكون يموت علي و انا كنت احبه بس ما اقوله هشي و لا بينتله هشي ظل وراي سنين يبي يقنعني فيه و انا احبه بس خايفه اقوله مادري ليش كنت خايفه مثل الي حاسه انه مو من نصيبي
وقبل لايتوفى بيومين دقيت عليه بقوله اني ابيه و خلاص موافقه لانه تقدملي مرتين و رفضت
ادري بتذبحوني بس والله اني كنت احبه بس خايفه كل ما اوافق انزل تحت ميته بجي اقول حق اهلي مابيه
يننته و يننت اهلي وياي
و انا بكبري ينيت لاني كنت صج احبه بس لمن توصل لي الزواج اخاف و اتراجع
مثل الي حاسه انه بيروح وبيخليني
ولمن توفى تحسفت اني ماقلت له اني ابيك لاني اذيته وايد
يوم الي توفى امه مسكتني وقالتلي قبل جم يوم قاعد بالغرفه يبجي ويصارخ يقول ليش ماتبيني انا احبها شفيها هي ليش قالت مابي
بعد وفاته اتضح انه امه مجذبه عليه وقايلتله كلام انا مو قايلته مزوده كلام من عندها
عشان جذي يومي دقيت عليه بقوله ابيك مارد لانه كرهني من كلام امه الي تبلت فيه علي
واما ليلحين مو مرتاحه بسبب هشي
و على طول احلم فيه
لي درجة ان اول يوم ملجتي حلمت فيه معصب و يدزني و يصارخ علي و بعد 3 سنين من وفاته حلمت فيه يسولف و يضحك وياي ويقولي انه درى اني مو قايله هلحجي
مادري شقول بس خلاص ماكنت ابي اقول سالفتي لانه اخاف انعرف خاصه ان سالفتي وياه معروفه بالعياله و لمن توفى الكل قام يطلع حجي من تحت اباطه محد يدري شسالفه غيري انا وياها بس
احنه لثنين ندري متى حبينه بعض و ندري بكلشي صار بس الكل بدى يطلع حجي حتى ان البعض من البنات قاموا يطلعون حجي عشان اكره وهو بقبره
وايد كسر خاطري و الصدف لعبت دور كبير لانه مدرستي كان ولدها رفيجه روح بروح و لمن شافتني متضايقه سألتني و قلت لها اسمه و عرفته قالتلي انتي الي يحبها و يبيها قلت لها شدراج قالتلي قايل حق ولدي وقبل لا يتوفى كان داق عليه ويبجي ويقوله ماتبيني و منها عرفت ان امه متبليه علي ومقولتني كلام ماقلته
الله يسامحهم يبوني اكره وهو بقبره و كرهو فيني قبل لا يموت كان فاهم غلط بسبتهم

حسبي الله ونعم الوكيل على امه وعلى الناس امبيه ببجي :eh_s(2):

الله يرحمه ويغمد روحه الجنه :eh_s(2)::eh_s(2)::eh_s(2):

 

[عاشقة هواك]

الحب له طعم لذيذ

ولكن اذا زاد عن سنه بدون في فتح باب الزواج بطريقه جديه وفعليه

فهذا اسميه لعب من الحبيب بيتسلى ببلاااااش

وهي خنت حيلي عايشة دور جولييت

*******************************

حبايبي اخذوها مني حكمه

اذا مر سنه مافي طاري زواج

شيلي نفسج قبل ما ياخذ مساحه بقلبج ووقتج وعقلج

ويروح يتزوج غيرج وتقعدين تتحسرين على روحج

بالنسبة لي

كان اعجاب من طرفه.... فخطبه فزواج

فوفو

يعطيج العافية فوفو على نصايحج على رآسي والله

صح كلامج :rerrerek::rerrerek::rerrerek: انا وياج

 

[Ather ُ]

الحمدالله ع كل حال
والله يعوضني وياكم خير