++ تحديث الاي فون الجديد ios 5 مميزاته وعيوبه .. حياكم ++

[اطياب طيبه.أم عبدالله]

السلام عليكم

بنات منو نزلت التحديث الجديد للاي فون 4 ؟؟

بصراحه ريلي نزله على جهازه وعلي الاي باد مالي والاي بود

وخاااااااااايفه انزله على جهازي لا يعفس قوائم الاتصال

لان قالولي انه يخربط قائمه الارقام

واللي لاحظته مبدايا ومااااعجبني كلش طريقته بعرض الارقام يطلعون متباعدين ومطشرين :eh_s(1):

تجاربكم بنات بلز قبل لا انزله لاني ما ابي اخربط قوائم زبايني ورفيجاتي بجهازي

ولكم جزيل الشكر

 

[سويتي الحلوه]

يهبل

نزليه صار اروع لايفون

 

[يآحبي الدآيم]

حبيبتي
ما انصحج فيه كلش لن اذا احد حط ايميله عندج مثلا يبي ينزل برامج اي صوره تصورينها تروح دايركت عنده
اذا شاكه بكلامي دشي اليوتيوب في واحد يتكلم عنه ومسوي تجربه وفعلا الصور تنتقل جدامج دشي وشوفي

 

[يآحبي الدآيم]

السلام عليكم

تحذير من خدمة iCloud

الكل يعلم بعد خروج التحديث الجديد للايفون iOS 5

تم تفعيل الخدمه iCloud خدمه تتيح لك نسخ كل ماهو جديد في جهازك من صور او موقعك او ارقام الهاتف او الايميلات على الايميل المسجل فيه

الرجاء مشاهدة الفيديو للتوضيح

http://goo.gl/LvFLm

الرجاء الحذر من الذهاب للمحلات لبرمجة الهاتف

الرجاء ابلاغ كل شخص عندك باللسته

 

[Pissy Missy]

انا سويته اليوم ولحد الان اوكي

الواتس اب فيه شغلات تغيرت فيه

طريقة عرض المسجات الي ما قريتيها راح تبين برا

وفيه جم شكل يديد طلعولي بس مادري ليش الارقام بالfavorites بالواتس اب تلخبطوا بس بالcontacts مرتبين

بالعكس انا عجبني الupdate

 

[دكتورة سارة]

السلام عليكم جميعا
كنت ابي اعرف شلون اسوي الابديت ؟؟؟
ساعدوني

 

[ترانيم القصيم]

هلا و غلا .. أنـا أمس سوّيت الأب ديت و نزّلت النّظام الجديد ,, مرة حلو

بس فيه عيب بالنسبة لي إنوهـ ما أقدر أمسح الأرقام بجوّالي ( بجهة الإتصال ) ,,

عندي رقم مخزّن عندي و أبي أمسحه و مانيب عارفة بصراحة آللي تعرف وشلون تعلمن ..

 

[ميمي الحلوه]

زين بنات انا ثري جي يصير اسوي التحديث هذا؟؟

 

[فراولة فسفوريه]

بنااااات يمدددحووونه بس العيب الوووحيد اذا كااان الحسااب مششترك بين الكل فتنتقل صوورج لكل اجهزتهم


ويااحبي الدايم مااقصصرت حطت الفيديو انا اسستفدت منه

انا بنزل الاصدار الجديد بس اتاكد منه اول

 

[thahb_q8]

مشكوووووووووره على هالموضوع وانشالله اول ماانزله الاصدار اليديد راح اقيمه لكم

 

[توتا الكتكوته]

عتيق الصوف ولا جديد البريسم


خلنا على مينونا لا يجينا اللي اجن منه ههه

 

[ساكن وسط قلبي]

انا حملته بصراحه روعة
الواتس اب تغيرت فيه شغلات للاحسن
وفيه خدمة الاي مسج تدزين مسجات ببلاش فري للي عنده الخدمه
يعني اللي مسوي التحديث الجديد
وبعد اضافوا برامج جديده واللي عجبني الطقس

 

[اطياب طيبه.أم عبدالله]

مشكووووووووورين بنات للي شاركوا بالاستفتاء وعسانا ما ننحرم من هالردود الطيبه

اليوم عاد سمعت من رفيجتي سالفه الصور اللى تنتقل

بس انا عندي حساب خاص فيني بالاي تونز حق اجهزتي انا وريلي فمن جذي ما احاتي سالفه تنقل الصور

بس اللى خايفه منه لستته الارقام ما ابيها تضيع او تنحذف احتمال اسوي باك اب على البيانات على اساس اذا صار شي الا عندي نسخه

ابي تجارب اللى نزلوا الاصدار واراءكم فيه قبل لا اتوكل علي الله وانزله

ياحبي الدايم .. يا حبي لج .. تسلمين على التواصل وعلى الرابط والله كلج ذوووق

سويتي .. بيسي ميسي .. دكتوره ساره .. ترانيم القصيم ..ميمي الحلوه .. فراشه فسفوريه ..ذهب .. توته الكتكوته

لا خلا ولا عدم .. الله يسلمكم على هذا التواصل الطيب

 

[ترانيم القصيم]

ميمي يا عسل ,, إذا جوّالتس 3 جي إس يصير تحدثينه ,,

إذا ثري جي ما يصير .. بس ادخلي على موقع شركة أبل و خوذي رابط تحميل التحديث تبع الثري جي إس من هناك

و الشي الثاني لازم تحدثين الآيتونز على آخر نسخة ,,

حبيبة قلبي صاحبة الموضوع ( الأرقام عندي ما تلخبطت ) و لا تغيّر شي فيها

أنـا ما أستخدم المفضلة فما أدري وش وضعها ,, بس لستة الأرقام زي ما هي ..

و أصلاً لازم تسوّوين باك آب على الجهاز كااامل ..

يا بنيّات عندي مشكلة بحذف الأرقام من قائمة الإتصال ,, ما تنحذف و لا أعرف وش هي الطريقة ,,

حبيبة قلبي ( ساكن وسط قلبي )

وش هي التّغييرات آللي طرأت على الواتس آب ؟ ما لاحظت شي جديد !

 

[يآحبي الدآيم]

للحين في ناس تمدح وفي ناس تذم واحنا ضايعين الصراحه

اي احد جرب يقول ونشوف الاحسن

انا اقول مابقى شي وينزل الايفون 5 نشتريه ويكون فيه هنظام منه وفيه محد ينزله لنا بلا عوار هراس

واللي حلو فيه ان المسجات ببلااااش بين الايفون اللي عندهم نفس النظام يعني لا تحاتين ينمسح برنامج وما عندج رصيد ادزين مسج لا صارت الرسايل ابلااش بين الايفون اللي عندهم هنظام


والصراحه في مميزات حلوووه
وناطرين التجااارب

 

[ترانيم القصيم]

آيفون فايف راح ينزل على نهاية السّنة الجايــة

الحين آللي راح ينزل هو آيفون فور إس ! مهوب آيفون فايف !

 

[om yossif]

السلام عليكم
خدمه icloud خدمه حلوه بس المشكله تصير ليما تكونون متشاركين بالحساب
تقدرون توقفون هالخدمه اذا دشيتوا على icloud و تحطونهم كلهم off و في الاخير مكتوب الغاء الحساب الغييه و بجذي توقف الخدمه

 

[انا لحبيبي .]

كتير حلو ،

 

[ساكن وسط قلبي]

اطياب اللسته حقت الارقام بترجع لج اذا سويتي باك اب ماراح تنحذف
وبالنسبه للخبطة الارقام مالحظت هالشي

 

[ميمي الحلوه]

اي زين

انا ثري جي اس