تحذير لكل الكويتين ... راح تنصدمون من استاذ جابر الاحمد

[NoOoN]

بشيييييييييييه بشيييييييييييييييييييييييه

قبل لا ايسوون اي مشروع المفروض على كبر هالمشروع يدرسون المكان عدل عدل ..

مشكوووره اختي عالخبر ...

 

[!!wawie!!]

بنات يمكن تكون اشاعه..
يعني يوم يو يبنونه ويابو هالحفارات والمعادن وادوات البناء الي شثقلهم؟..ليش ما نخفست الارض على قولتكم..
الاخت اريج تقول كا برج العرب يم البحر وتحته متروس مياهه ليش ماطاح..
اهو في سبب ليش ليلحين مافتتحوه ..بس الله العالم شنو السبب..
ياخبر اليوم بفلوس بكرا ببلاش

 

[*مارلين_مونرو*]

والله بنات انا عن نفسي ما اتوقع انه صج شدعوا لي هالدرجه الناس ما يفهمون يعني !!

و يمكن مافتحوه ليلحين بيسوون مفاجأه او بييبون فريق قوي يلعب مع المنتخب و ليلحين ماخذو الموافقه ليش تتشائمون !!

يمكن فيه تصليحات و اخطاء يعدلونها عاادي !!

و اذا عن المااي كا أبراج الكويت عالبحر !! و من زمااان قالو لما تصير 2010 راح تنزل الأبراج بالبحر و كله اشاعات و خرابيط و

و كاهي الابراج شحلوها مرررتزه عالبحر ..

 

[دراهــم]

انا مو مصدقة ..

مو لأسباب علمية .. لأ

لأسباب ( فضايحية )

يعني النواب ما فضحوهم لي الحين .. لو السالفة صج جان شفتي نوابنا مسوين ندوات واعتصمات .. وهليلة ..

وشفتوا الجرايد .. وبوقتادة وبونبيل يسوون فيلم على السالفة ..

وقناة الجزيرة .. حبيبتنا :dddds: .. ما شفناها سوت فيلم وثائقي عن الكويت لأنها من زود ما تحبنا بتصير السالفة هذي الخبر العظيم عندها ..

وشوفي وشوفي ........ :krkrkr:

لا لا ما اعتقد صج .. ولا قاله الله

 

[بطاطا]

قيل ان الاستاد مايل !!

قيل ان المدرجات ما تتحمل !!

قيل ان الارض راح تنخسف !!


و مااااذا بعد <<< اقتباس من اعلان قناة دبي



و لا تعليق صراااحة ما يندرى الصج وين احنا اكثر ديرة نطلع حجي على مشاريعنا و نحبط بنفسنا !!



يا خبر بفلووس باجر ابلاااااش


بس الحين احترت اروووح على نيتي الافتتاح و لا اقعد ببيتنا احسن !؟

 

[سويتي الحلوه]

حسبي الله وونعم الوكيل

 

[غَـنْـجَـى و دَلـوعْ]

يفشلون هالمسؤولين وين ما يطقونها عوجــا ..

حسبي الله عليهم حطوا اسم بابا جابر أبو الخير و الكرم على مبنى فاشل يقص الوجه ..


الله يهديهم بس فشلونا و ربــي شنو هالتسيب ؟ وين نواب المجلس اللي على النمله يلعلون و يهددون باستجوابات وينهم عن هالفضيحه ؟ ..

 

[yam_yam]

انا مو مصدقة ..

مو لأسباب علمية .. لأ

لأسباب ( فضايحية )

يعني النواب ما فضحوهم لي الحين .. لو السالفة صج جان شفتي نوابنا مسوين ندوات واعتصمات .. وهليلة ..

وشفتوا الجرايد .. وبوقتادة وبونبيل يسوون فيلم على السالفة ..

وقناة الجزيرة .. حبيبتنا :dddds: .. ما شفناها سوت فيلم وثائقي عن الكويت لأنها من زود ما تحبنا بتصير السالفة هذي الخبر العظيم عندها ..

وشوفي وشوفي ........ :krkrkr:

لا لا ما اعتقد صج .. ولا قاله الله

تحليلج كويتي 100%
:dddds::dddds::dddds:

 

[Miss Golden]

أمبييييييييييييييييييه



شي يعور القلب شقول بس

​

 

[mishooo]

الحين استاد بهالحجم ومشروع كبير (( يطلع بدون دراسة
وين مهندسين ؟؟؟
لا يوبا هذا اشاعة اكيد ... وين قاعدين مايل وبيطيح :dddds:
واصلا ما خلص اكيد فى بقى كماليات يشتغلون عليها
وكا كل ما مرينا عندة شكلة يهبل مشاللة من برا ^^ وننطر الافتتاح
ياريت حبوبة قبل ما نزل خبر اول نتاكد من المصدر ونحطة

ياحبكم للتحطيم والتحلطم :krkrkr:

كافى انة على اسم بابا جابر اللة يرحمة

 

[سارةوعد]

حسبي الله ونعم الوكيـــــــل عليهم هذا إلي أقدر أقوله

 

[سارونه87]

انتوا اول شي شوفوا موقعه بذمتكم هذا موقع حضاري للبلد؟ جدامه عمارات عزابيه مالت الحساوي
واهمه بس يبنون وخلاص
مو المفروض يفحصون المنطقه
لاحول لله

 

[سارونه87]

ميشو الله يسمع منج جان زين يطلع كلامج صج
لانه حرام والله اهو مشروع حلو تصميمه روعه:eh_s(6):

 

[حنطاااويه]

تسلميييييييين عالموضوع
والله يسترررررررر

 

[أم ضارى]

بنات ممكن قبل تتحسبون على الناس وتحطون بذمتكم تتأكدون من الاخبار

كل الحجى اللى انقال من وكالة يقولون ............. وانتو ماتصدقون تقعدون تتحلطمون !!!!

وبعدين مشروع بحجم مشروع الملعب شى كبير اكيد بيتأخر افتتاحه .... عطونى بالله مشروع بالكويت عطوكم له موعد وافتحوه بنفس الموعد!!!؟؟؟

مستحيل دايما الافتاح يتأخر ......... حتى انتو لما تبنون بيوتكم تحطون موعد وماتلتزمون فيه تصيرلكم ظروف فمابالكم بمشروع كبير مثل هالمشروع

وبالنسبه للى موعاجبهم المكان فا سياسة الدوله انهم يطلعون بمشاريعهم الكبيره بره والا تبونهم يحطونه بداخل الديره ... بروحنا الحين شوارعنا كله زحمه وعلشان توصلين المكان اللى تبينه يبيلج ساعه وساعتين

الله يهديكم بس وتتأكدون قبل تعلقون ... التسرع موزين

 

[Ťђё Ĕηđ]

وينهم قبل لايبدون بالمشروووع والا بس همهم الفلوووس !!

حسبي الله من باع ضميره ...

مشكووووره ع الخبر ..

 

[MassComm]

امبييه من صجهم ما انتبهوا الا الحين يوم خلصوه!!

 

[laylaas]

لا حول و لا قوة إلا بالله


الله يستر علينا بس الله يحفظنا يا رب

 

[غربــــة اِحساس]

والله خسارة

ديرتنا ماشية على البركة

 

[wa7da_3asal]

لا حول و لا قوة إلا بالله