تحذير من بنك الاهلي المتحد النصابين

[جروح ودموع]

راح ادش بالموضوع لان مهم بنات اللي قبل ماخذه قرض من الاهلي المتحد بنك الكويت والشرق الاوسط سابقا نظام قرضين واحد بالكويت والثاني بالبحرين راح يدقون عليكم البنك يطالبونكم بجدولة المبلغ الله يخليكم بنات لا ترضون نصااااابيييين انا تعرضت للنصب واذا دقوا عليج روحي لهم ولا توقعين لين تقرين كل شي ودشي على مدير البنك وتاكدي منه واقري العقد البيع اول شي فصصيه لا تغلطين غلطتي راح تصير غلطة العمر وتاكدي جم بحطون على ظهرج ديون وكل واحد عقله براسه يعرف خلاصه وانتوا وكيفكم بنات

 

[دلوعة صلوح]

مشكورة حبيبتى.

 

[زهرة الزهور]

مشكووورة

 

[بنت الاحلام]

جزاج خير

 

[MN.collection]

الله يكون في عونكــ

 

[غرووووور]

يسلمووووو ع التحذير

 

[azizah]

قوووووووووووووة حبيبتي "جروح و دموع" بغيت أستفسر عن قرض في البنك الأهلي المتحد لان انا ريل اختي من تغير البنك و اهو مو فاهم شنو سالفة القرض و شنو اسمه و بس يطلع له ان اسمه (عقد التمويل) و اهو الذكي ما يدري شنو كان اسمه قبل فبس بعرف اهو نفسه قرض البحرين و لا لا؟ لانه صارله 4-5 سنين يسدد و القرض مثل ما اهو و البنك ياخذ بس 75 دينار ؟!!! فمادري اذا بس هالمعلومة تعرفينها نوريني

مشكووووووووووووووووورة ما تقصرين :eh_s(7):

 

[جروح ودموع]

حبيبتي اذا القرض ماخذه من خمس سنين معناته دبسوه بقرض البحرين مثل ما سووا فيني قبل خمس سنوات وقسطي طول هالمده 460 دينار وما نزل ولا دينار من قرض البنك لما سالتهم قالولي لانج للحين تدفعين قيمة الفوايد ما خلصتيها وبعده بفتره دقوا علي قلولي عندنا حل لازم تجدولين القرض لان السنه اليايه راح نطالبج بقيمة قرض البحرين مو اللي بالكويت كامل يعني السنه اليايه لازم تدفعين كاش عشر الاف ولما رحت لهم قالولي قيمة القرض ما تتغير والقسط يقل فوافقت ووقعت قلت من وين لي ادفع عشر الاف كاش ووعطوني نسخه من العقد لان البنك عشتو صار اسلامي يتعاملون بشراء بضاعه ويشترونها منج وانا بالسياره قريت العقد انصدمت انهم مجذبين علي قالولي قيمة القرض ما تتغير وانا كان باجي علي ثلثين الف وتفاجات بعد الجدوله صار على ظهري 66 الف مره وحده ورجعت لهم وتهاوشت فقالوا خلاص ماكو فايده وقعتي ورحت البنك المركزي اشتكي لاموني وقالولي ما اشتكيتي الا بعد ما وقعتي ما نقدر نسوي لج شي

 

[azizah]

مشكووووووووووووووووووورة حبيبتي مااا قصرتي عالرد والله نورتيني

 

[زينا]

مافهمت !!!
انا بعد بهالبنك - وعن قريب بسوي جدوله....
علشان يسكرون قرض البحرين واظل علا قرض واحد
لان قسطي كل سنه يزيد ١٠ دنانير
واذا سويت تورق او جدوله بيفكوني من قرض البحرين
ولما سألت عن المده
قرضي القديم وقرضي اليديد نفس المده يخلصون!!!

 

[مطيرية متواضعة]

يابنات خلاص والله ديري بالكم تسون مثل قبل توقعون على شي قبل قرائة الشرووط


وحاولي تاخذين نسخة من العقد عشان تكون اثبات على انها الورقة الي وقعتي عليها مو غيرها

نظام يحطون 177 شرط بالعقد عشان مانقراة انسوووة تكفون

 

[!الجادل الصعب!]

شكو البحرين بالسآلفه ..!
لآن انا بالبنك هذآ ومآخذه منه قرض منذ مبطي بس قرضي 5 آلآف بس وفوآيده 1400 ..!

 

[بنت الكويت العسل]

انهييييييبه

 

[xgroupx]

ولو انها جت متأخره نصيحه ,,,, اللي يبي ياخذ قرض من اي بنك يخصم الفايده من القرض وياخذ الباقي عشان تكون نسبة الفايدة ثابته مايتلاعبون فيها بكيفهم .