تحميلة Cyclogest

[ونة الم]

[B]السلام عليكم 00
قوة بنات
امس سويت عملية ربط لان قبل الحمل صار معاي اجهاض مرتين
ف الدكتوره عطتني تحاميل كوليسلوجيست ( Cyclogest )
سؤالي اللي تعرف عن التحاميل تفيدني اذا ممكن
على فكرة بداية حملي عطتني حبوب دفستون وقالتلي خلاص لا تاخذينهم اخذي التحاميل
باقي كم يوم وادش الرابع
الله يجزيكم الخير اتمنى اللي تعرف ترد [/B]

 

[^^ام ميمي^^]

انا استعملت هالتحاميل لمدة اربع شهووور في بداية حملي

التحاميل شرجيه او مهبليه بس اعتقد انتي تستعملينها شرجية عشان تفيدج اكثر ومالها اي ضرر

وربي يثبت حملج ويسهله

 

[حد مثلي!]

هالتحاميل مثبتات
وفعلا شرجيه او مهبليه

انا اخذتهم في بداية حملي وجم يوم بيخلصوون

وعسى ربي يثبته لج

 

[المهذبه]

التحاميل هذي روعه مثبته بعد الله وزينه أختي لوسمحتي الله يجزاج خيرويثبته لج ممكن تشرحين لي عمليه الربط ألي سويتيها عشان أنا أجهضت كذا مره ودكتورتي قايله المره هذي أنشالله أسوي ربط وأنا خايفه وين سويتيها وفيه ألم وبكم سعرها { وشنوأسباب أجهاضك..مهم!!} وعشتي حياتك عاديه بعدها وبخصوص أذابغيتي الحمام عادي مافيه ألم وأنتي بكرامه وأي شهرسويتيها وكل شئ عنها طولت عليج بس الله يعافيج أشرحيلي بالتفصيل الممل لأني أنا خوافه ولان فيه حريم خوفوني منها وهذا السبب ألي خلاني ماسويتها بأخرحمل علي مسؤليتي رفضت وأجهضت ولله الحمدعلي كل شئ...

 

[Emanova]

انا استعملها و اهي عباره عن هرمون البروجستيرون اللي المبايض تفرزه اثناء الحمل لتثبيت البيبي ...و انا آخذها 3 مرات باليوم

و قالت لي الدكتوره تبي اتسوي لي عمليه ربط عقب اسبوعين

 

[تمر حنا]

انا خذيتها لمدة 3 شهور من اول يوم سويت التلقيح ويفضل مهبليه ولازم تلبسين كوتكس والله يعينج عليها اهي مفعولها زين بس مللتني شوي وكنت اخذها مرتين باليوم

 

[المبدعة]

الله يثبت حمالج

 

[shjoonaa]

انا كنت آخذها مرتين باليوم لمدة اربع اشهر بعد ماسويت الربط اخذتها بس اسبوعين ووقفتهم

 

[pink Engineerah]

ممتااااااااازه جدا انا استعملتها 3 مرات باليوم وكانت مضاد للاكتآب بعد

 

[فنر الايمان]

روعه انا استعملتها وهي اللي اغنتني عن الربط

 

[ونة الم]

التحاميل هذي روعه مثبته بعد الله وزينه أختي لوسمحتي الله يجزاج خيرويثبته لج ممكن تشرحين لي عمليه الربط ألي سويتيها عشان أنا أجهضت كذا مره ودكتورتي قايله المره هذي أنشالله أسوي ربط وأنا خايفه وين سويتيها وفيه ألم وبكم سعرها { وشنوأسباب أجهاضك..مهم!!} وعشتي حياتك عاديه بعدها وبخصوص أذابغيتي الحمام عادي مافيه ألم وأنتي بكرامه وأي شهرسويتيها وكل شئ عنها طولت عليج بس الله يعافيج أشرحيلي بالتفصيل الممل لأني أنا خوافه ولان فيه حريم خوفوني منها وهذا السبب ألي خلاني ماسويتها بأخرحمل علي مسؤليتي رفضت وأجهضت ولله الحمدعلي كل شئ...

هلا والله يالغالية ..
الله يسلمج أنا أول حملي وصلت لين الخامس وما فيني شي عقب انزلت عليه افرازات صفره بكثره طبعا ما رحت حق الدكتوره قالولي عاديه المهم نص الخامس قام ينزل معاي نقطة دم مع الافرازات خفت رحت الطبيب قولولي انقتح عندج بيت الرحم ومعاج التهاب حاد لازم نزل البنت طبعا هذا الحجي بشهر السادس لاني ترقدت عندهم قالو اذا تمت البنت خطر عليج نزلو البنت وعاشت عشر أيام وتوفت 00 الحمل الثاني ما فيني اي شي نفس شي نص الخامس انزلت عليه افرازات على طول رحت وقالو ولادة 00 قلت لهم ليش يصير معاي جذي قالو البيت الرحم عندج ما يتحمل لين السادس 00 الدكتوره قالتلي اذا صار حمل لازم ربط 00والحمدالله صار حمل قالتلي لين توصلين 12 أسبوع أسويلج الربط يعني أخر الثالث ولله الحمد سويت الربط قبل كم يوم .. أنا كنت خايفه من العمليه سألت عنها وقالولي بسيطه جدا وفعلا ما كنت اتخيل جذي بسيطه جدا وسهلة وما في اي ألم عاديه لا تخافين دخلونب بليل والصبح سويتها ربع ساعه وخلصت طبعا حطولي بنك ثني يوم الصبح طلعت 00 الحمدالله عادي اقوم واتحرك ولكأني مسويه قولو لازم ترتاحين 20 يوم على ظهرج طبعا هاذي أشاعه وخرابيط حريم الدكتوره قالت بس يومين وعادي قومي وعطتني التحاميل ويااااااارب يثبته ويرزقني ويرزقج الذريه الصالحه 00 انا من قطر سويتها مستشفى حمد 00 ادري طولت بالحجي وسلامتكم

 

[ونة الم]

مشكورين والله يجزيكم الخير ويرزقكم الذريه الصالحه 00 ردودكم طمنتني وريحتني

 

[لو_لوه]

شوفو حبايبي الله يتمم عليكم انشالله
انا كان عندي اجهاض بالشهر الخامس الرحم ما يتحمل ضعيف يعني نزل لبيبي و مات الله يعوضني بولد انشالله
المهم عقبها حملت و خذيت الدفستون 3حبات باليوم و خذيت هذي التحاميل في منها 200 و في منها 400 انا خذيت 400 مرتين باليوم عن طريق الشرج و وم وصلت 14 اسبوع سويت عملية الربط وايد عمليه سهلة ينزل عليج دم عقبها 4 ايام و يوقف و افي الم لا شي
و عقبها عطوني ابر تثبيت مره بالاسبوع و بس توصلين الرابه تهدين الدفستون (بس انا كملته لي الشهر السابع ) ال تحاميل لي الخامس
و بس

 

[لو_لوه]

اي قبل الولاده بس توصلين 36 او 37 اسبوع بفتح الربط طبعا بدون بنج بس عادي ما يعور و تولدون بالسلامه

 

[لو_لوه]

ترى مستشغى الولاده موجوده الدفستون و التحاميل
من الصيدلية سعر الدفستون فوق 6 دنانير و يكفيج بس اسبوع
و التحاميل ما اذكر بس ترى غالية اخذوها من الولاده احسن لكم

 

[ونة الم]

انزين لولوه الله يجزيك الخير الحين ربيتي ولا بعدج ولما سويتي الربط شلون كانت الحركه مالتج عادي ولا كله راقده المشكله انا بالشقه وبطابق الثالث يعني عادي ما يأثر00 وشنو اسم الابره ؟

 

[كويتيه مذهله 87]

هلا حبيبتي

تحااميل روعه استخدمييييهم لا تقطعينهم

 

[¤§ زيتونة §¤]

ما عندي زيادة عالبنات


بس داوووومي عليهم يهبلون والله يتمم لج حمالج


انا استعملتهم طول حمالي ببنتي والمرتين اللي ما ضبطت الانانبيب


بس ممتازين وااااااااااااااايد



الله يوفقج وديري بالج على روحج

 

[بحرينيه 100%]

حبوبه لا تخافين مثل ما قالوا البنات هي طبيعيه للى في خاله الاجهاض والتلقيح تساعدهم على الاحتفاض بالبيبي
انا استخدمتها تقريبا اربع شهور مرتين الباليوم
الله يثبت لج

 

[ونة الم]

امييييييين ياااارب ويرزقكم ما قصرتو بصراحه