تحويل حساب من بنك لآخر.. كيف؟؟

[الأمل باقي]

السلام عليكم يابنات......
ودي استفسر عن شغله أنا عندي حساب في بيت التمويل الكويتي وبسبب الخدمه السيئه والنهب على الطالع والنازل ودي أحول حسابي لبنك ثاني..
ياريت تنصحوني شنو أحسن بنك.... وماهي الطلبات والأوراق اللازمه للتحويل من حساب لحساب..وشكراااا
:33_1185028183:

 

[دلـــع_الكويــت]

حبيبتي ...اولا انا ما انصحج تحولين ...قولي ليش...!

بيت التمويل اسلامي وينصب عيل اشلون البنوك الربوية الثانية..!!!!! بتكون دبلالالالالالالالالالالالات..

واذا معزمة ومصرة تحولين..الطلبات :

شهادة مديونية من بنكج بيت التمويل اذا عندج قرض او مثل ما يسمونه تورق..وكشف حساب لمدة سنة او 6 شهور..وشهادة المديونية تطول على ما تخلص على حسب البنك والضغط الي عنده..يعني تاخذلها من اسبوع الى 45 يوم عمل..

وشهادة راتب واستمرارية راتب من دوامج..هذيل كلهم تاخذينهم وتودينهم البنك الي بتحولين عليه..وترا السالفة طوالة شوي..


اتمنى اكون فدتج وان شاء الله البنات بعد ما يقصرون...

 

[هنـــد]

نصيحه نصيحه لا تحولين عن بيت التمويل

 

[سبائك]

بيت التمويل اهو البنك الوحيد الي صمد امام الازمه الماليه العالميه الي قاعده تصير

بس اختي بغيت اسالج شلون يعني نهب بالطالعه ولانازله؟؟؟؟؟انا صار لي سنين اتعامل معاهم ولا قط نهبوني!!!!!

 

[الأمل باقي]

أقصد أنهم على كل عمليه أسويها عندهم سواء سحب إيداع تحويل أو استقطاع ماعندهم إلا أدفعي أو هاتي ووايد ناس قالولي ان البنوك الثانيه ماعندهم هالسوالف... بس الظاهر انهم يبون يطلعون رواتبهم على ظهورنا..راتبي انا كله نتفه لو كل شوي بياخذون منه اشيبقالي
بس دام ان السالفه طويله شكلي بستحملهم بس مووايد؟؟؟

 

[إنسانه بكل حالاتي]

والله ما أعرف طريقة التحويل بس البنات ماقصرو
بس بقولج شغله أنا معاشي على بنك الخليج بس بحول على بيت التمويل الكل يمدح بيت التمويل ويكفي انه اسلامي يعني نصيحه لاتحولين

 

[منوووووله]

لاتحولين نصيحه اذا بيت التمويل يقصون منج لاتشوفين البنوك الثانيه الخصم عندهم حلالي عادي تلقين عشر دنانير خاصمينها @@

 

[lolO29]

انا بعد اقولج لا تحولين خلج على مينونج