تخصص نظم المعلومات (علوم اداريه) تفظلوا

[استبرق أم علاوي]

السلام عليكم

شرايكم بتخصص نظم معلومات بالعلوم الاداريه
صعب ولا سهل؟
في مواد علوم ورياضيات وايد؟
مستقبلا اقدر اصير ابلة حاسوب؟
والاهم من هذا كله يقولون الحين الجامعه كله الكلاسات فل ماكو مواد البنات قاعد يتاخرون عالتخرج
هل تخصص النظم معلومات نفس الشي؟
لانه يقولون مو مرغوب وايد فمااتوقع انه مااحصل مواد

انا الصراحه ماودي اتاخر بالتخرج ابروح العلوم اداريه 5 سنين
فطمنوني بليييز

 

[رويال كلاس]

نظم معلومات علوم إدارة مبدئيا ما تتخرجين ابله حاسوب ...لانه يدرس نظم معلومات مو علوم حاسب
اما طبيعة الشغل تتخرجين محللة بيانات باى وزارة ....وبالنسبه للراتب فتختلف بس رواتبهم اقل من المبرمجين في الشركات
بس لو كملتى بعدين ماجستير و دكتوراه اوووكى تمام
​

 

[الحورية الصغيرة]

دامج طالبة في كلية العلوم الإدارية مهما كان تخصصج تدرسين حاسوب بس اذا ماكان تخصصج نظم المعلومات لازم شهادة icdl

يعني نظم المعلومات تتوظفين أبله حاسوب من غير icdl

أما محاسبة و باقي التحصصات لازم icdl اذا تبين أبله حاسوب

التخصص حلو و ما عليه إقبال لانه توه يديد يمكن خرجوا بس دفعتين او 3

 

[رويال كلاس]

بنات ...طولي عمري انصح البنات بتخصصات الحاسوب ونظم المعلومات وإدارة الأعمال
لانها مستقبليا لها مستقبل ووظيفة ومكانه اجتماعية ....هذا اذا تدور مدرسة او غير
​

 

[رويال كلاس]

I have discoverd that God had created life in order for us to maintain it by our Continues finding of our basic needs. Look around at the animal plant and see how they keep continuously looking for food to maintain their life going even for sometime ahead. Let's understand that our time is much shorter than we think and take advantages of it while we can, animals can feel their death coming but never wasted or gave up their last breath.

الحكمة ان نستغل حياتنا بشكل مناسب لانها مهما طالت قصيرة
​

​

 

[استبرق أم علاوي]

انزين انا عندي شهادت icdl
وابي اصير ابلة حاسوب شلون؟
غير العلوم اداريه في كليه ثانيه؟
التربيه الاساسيه الحاسوب بس حق علميوانا ادبي

 

[رويال كلاس]

امممم.... ليش ما تحاولين بكلية التربية جامعة الكويت؟ روحي اسألي بالتقديمات خلال هالكورس
والله يوفقج اميييييييييييين
​

 

[استبرق أم علاوي]

شنو التخصص اللي اخذه بكلية التربيه عشان اصير ابلة حاسوب؟

 

[استبرق أم علاوي]

شنو التخصص اللي اخذه بكلية التربيه عشان اصير ابلة حاسوب؟

 

[رويال كلاس]

تخصص اسمه حاسب الي وتكنولوجيا وموجود بنفس المسمي بالتربية الاساسية اسمه حاسوب الي
بالتوووفيق يا عزيزتى
​

 

[Talyan Rose]

حبيبتي ماكو تخصص بكليه التربيه يخليج تصيرين ابله حاسوب خصوصا انج ادبي لو علمي جان رحتي رياضيات او علوم وبعدها يعطونج دورة وتصيرين ابله حاسوب


بس بحالتج هذي تقدرين تدرسين mis الاداريه وبعدها تقدمين عالتربيه وتصيرين ابله حاسوب عاادي