تخطبين لخوج بنت مغتصبينها او توافقين تتزوجين واحد منتهكين عرضه

[fulla 7elwa]

ع البنت بصرااحه تااامه انا ابي الزين لاخوي ادري ان مو ذنب البنت و لا ذنب اخوي عشان ياخذها
اتعاطف معاها ادعيلها الله يستر عليها ،،، و يمكن اوافق مادري على حسب قرب البنت لي
و اذا ع الرجال مثل ما قالو البنات اذا ماكو عقده نفسيه و نسى هالسالفه و ما اثرت عليه كلششش اوك ماكو اي مشكله*

 

[آدمنت قربككِ]

الصرااحه سوال صعب , !
بس يمكن اييي اذا ماكانوا متعقدين نفسيا من هالشي , !

=)

 

[غلآوي .~]

إذآ عن نفسي الرجآل مآ تعقد وطبيعي ما فيه شي أوآفق

أما البنت اللي بيآخذهآ بيحدد : )

 

[ام ^ دميعه]

اخوي عادي اخطبله وان اعرف ان الراي الاول والاخير لأهلي يعني رايي ما راح يقدم ولا يأخر:krkrkr:بس انا مستحيل اوافق اني اتزوجه:eh_s(4):

 

[قمرهم كلهم وبس]

لا ماراح اوافق

 

[Nanoosa]

سؤال صعب

بس عادي اكو غيرهم مليون

و اذا ماكو غيرهم نقعد عزابية انا و اخوي ابرك و الله!

مع ان اللي مغتصبينها و اللي منتهكين عرضه مالهم ذنب باللي صار لهم :\

بس مو ملزومين ان نرتبط فيهم!

 

[فطفط نجد]

احسس ثنيناتهم مالهم ذنب انا عن نفسي اوافق مافي اي مانع تجاهه
بس اخي ماتوقععععععععععع

 

[غضى]

ما اوافق مستحيل

 

[منار البربرية]

صعب السؤال ؟؟ صراحه ،،


البنت بتعاطف معاها بس اتمنى تتزوج بس مو اخوي ،،

الرجل همن بتعاطف معاه بس ما افكر ارتبط فيه يمكن غيري ترضى بس انا ما اتحمل لان اكيد بعاني من اضطراب

الله يستر على الجميع يارب ،،،
​

 

[بحر هادي]

اذا الله يسامح ليش احنا ياللي كلنا عيوب واغلاط مانسامح!!!
بعدين السالفه اغتصاب, يعني مو برضاهم..

فـ انا عادي عندي..بس اصلا الراي لاخوي واهلي..رايي ماراح يقدم ولايآخر..


مشكوره ع الموضوع..

 

[حكاية شهرزاد]

كلن له سوالف , ووايد وااااااااااااااااااااايد من الناس اللي مايبين عليهم سواء كباريه ولا صغاريه ,, فقارة ولا تجار ولا متوسطين ,, عندهم هالسوالف وتعرضوا سواء بكمين ولا سواء بترتيب من الطرفين ولا سواء برضى تام ..

اما في مسئلة الضحايا اللي مثل اللي يمشون واختطفوهم واغتصبوهم سواء نساء ولا رجال .. نفتح لنا بيوتهم ونوقف معاهم ..

بس بالنسبة لاخوي ,, لا

لانه اخوي الله يريح باله ,, كافيه اللي فيه من ديون وهموم ,, وكافيني انا اخته من ضيج ,, نبي نفرح مانبي تعقيدات ..

قبل ايام الراحه معليه بس احنا بروحنا مكسورين مافيني شده

يعني لالالالالالالالالالالالالالالالالا

 

[خجل~]

بالنسبه لاخووي


لا مستحييييل ارضى اخطبهااا له ؟؟

وبما اني الكبيرة راح ياخذ رايي


بقول البنت الله يستر عليها بس حتى اخوي ماله ذنب ياخذها !



وحتى انا مستحيييل راح ارضى بواحد انتهك عرررضه
وانا بعد مالي ذنب اخذ واحد جذي !

 

[صادقة بكلمتي]

انا بالحالتين بوافق مع اني متزوجه والحمدلله لان بالغصب لكن ما ادري عن اخوي واهلي وترااااااااااااااااااا ما احب اتوقع موقفي ومواقف الغير من اي موضوع خاصة لمن يكون شوية فيه غموض لان الانسان ما يعرف حزة الوقف شنووووووو موقفه الصجي بيكون والله يبعد الاغتصاب والهتك عن كل امة سيدنا محمد عليه الصلاة والسلام كانوا بنات ولا صبيان والله يشفي ان شخص صارتله هالسالفه ويعين اهله شكثر قاعدين نقرا بالجرايد كل يوم عن حالات جذي خاصة مع اليهاااااااااااال الله يحفظنا ويحفظ عيالنا قولوااااااااااااااااااااااااااااااااااااااااا اميييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييننننننننننننننننننننننننننننننننننننننننننننننننننننننننن

 

[الصعيريه]

اناا يمكن أتعاااطف مع البنت
بس اذا زواج مآأعتقد اخووي بيرضى

ويعطيج العافيه عالطرح

 

[caramil]

بعيدا" عن المثاليه..
حاولت احط نفسي بالموقفين...
اتعاطف نعم...لكن اقبل بهم كـ فرد من افراد العائله.. صعب شوي

بإختصار..." لأ"...
وادري بتقولون شنو ذنبهم..لكن هم انا بعد شنو ذنبي ؟
والزواج اللي يكون نتيجة للعطف والشفقه مايستمر
والانسان اللي بيكرس حياته يكون مثل البلاستر حق جروح غيره
ماراح يعيش حياته..
نتعاطف نعم .. نسمع لهم.. نقدم مساعده..لكن في حدود معقوله..

تحياتي لج طرحج جداّ جريء

 

[جفا الأصحاب]

إذا البنت ما لها ذنب ليش ما اوافق اخطبها لأخوي بس طبعا الراي الأول والأخير لأخوي وأمي بس إذا خذا رايي أكيييد بقوله أخذها إذا كانت بنت ناس وأخلاقها ما عليها كلام .. شذنبها مسكيينه

وإذا تقدم لي واحد منتهك عرضه إذا كان أخلاق ومحترم ليش ما أوافق !!.. أوافق وانا مغمضه .. ليش احمله ذنب صار غصبن عنه .. الي فات مات واحنا عيال اليوم *

 

[عجميه زوغه]

انا برااي الي يتعرض لهالشي لازم يستر على نفسه افضل حل لان مجتمعنا المعقد مستحيل يتقبلهم بحالتهم الحقيقيه

وبنظري لو انهم اعترفوا للناس كانت عقده وحده بتصير مجموعه عقد وبيهدمون حياتهم بيدهم

لان مجتمعنا يحب يشوف الشي من بعيد مافيهم الجراه يتخالطون معاه*