تخلين خدامتج تدخل غرفتج ؟؟ دخلي وعطينا رايج

[* LOVE STORY *]

الموضوع مبين من عنوانه

تسمحين لخدامتج تنظف غرفتج النوم ( تخمها وترتب السرير ) ؟؟

واذا تسمحين تكون تحت مراقبتج ولا عادي تروحين الدوام وتخلينها

تنظف على راحتها ؟؟

بالنسبه لي ماخليها تدخل الا للضرورة القصوى يعني اذا كنت مريضه

ولا حامل بشهري الأخير وتخمها اذا احتاجت وتحت مراقبتي

وبس وتطلع على طووول

والحين دوركم يامتزوجاااااات

 

[nono78]

انا ما اخليها تدخل غرفتي تنظف

بس تكرمون تغسل الحمام وتطلع(الحمام يم غرفة الملابس وفي باب أخر يؤدي الى غرفتي ) ومو على كيفها لمن انا اقولها يعني فيها خير تفتح الباب تقولي قاعده اغسل حمام مستحييييييييييل


ومره وحده خليتها تدش غرفتي كان ريلي مسافر وشاريه كفر يديد وشراشف

ومااقدر اشيل الماترس بروحي يت شالته معاي

بس تنظيف غرفتي انا انظفها

وانصح كل وحده عندها خدامه ماتدش غرفتها الا بالشديد الأويييي

أو تحت اشرافها وما تكون الخادمه بروحها بالغرفه

ومشكوره كريستاله عالموضوع

 

[سفيرة العشق]

أكيد لأ

حتى مرات لمن مايكون لي خلق أخليها تنظف وأنا قاعدة بالغرفة وأعلها طبعا بالتنظيف لأن مهما نظفت أحس في شي مو مرتب اغلب شي أخليها للتلميع الدريشة والكبتات .. غير جذي فراشي أنا اللي أنظفه.

 

[العيون الثاقبة]

ما تدخل الشغاله الغرفه خير شر

وأنصحكم خواتي لاتخلون الشغاله تدخل الغرفه أنا أنظف غرفتي بنفسي والأشياء الكبيره مثل تغيير ديكور الغرفه أو تنظيف الدرايش والبرادي قبل كان فيني حيل وأسوي كل شي بيدي أدز وأحرك وأشيل بس الحين ماأقدر ( الكبر شين ) أخلي إعيالي يساعدوني والله المستعان

 

[* LOVE STORY *]

نونو العفو حبيبتي

تقريبآ وصف غرفتج مثلي ولا تنظف حمامي الا ليما اقولها يعني

ماتتجرأوتدخل الجناح بدون اذني

اشكر مشاركتج حبوبه

 

[* LOVE STORY *]

سفيرة العشق

حياج الله ومشكورة عالمشاركه

 

[* LOVE STORY *]

العيون الثاقبه اسعدني مرورج

آنا بعد انظف غرفتي من جميع النواحي بس استعين فيها لاما أكون حامل

وتخم جدامي وتطلع

 

[ام الخييير]

والله انا تنظفها بس تحت عيني
ممنوع اتنظف الصبح وانا بدوام التنظيف العصر وساعات المغرب لمه اكون موجودة بالبيت وبسسسسسسسس

 

[* LOVE STORY *]

حياج الله ام الخييير وزين تسويين

لأني أعرف بنات الله يهديهم يخلون مفتاح غرفتهم عند الخدامه على بو

موظفه وتبي اتيي من الدوام وغرفتها مرتبه

 

[nono78]

انا غرفتي على طول مقفوله حتى لو بنزل تحت عند حمولتي

والصبح قبل الدوام تعديل بسيط بس الكفر ( مااحب ارد كل شي معفوس)

حتى لو متأخره لازم اعدل االكفر >>>هوس نظافه فيني

انصحكم الغرفه على طول مقفوله عشان لمن تفقدين شي لا تشكين بالخدامه

انا حتى الصور والبراويز الي فيها صوري وصور ريلي وولدي والبومات كلا شلتهم وحطيتهم في غرفتي والله واحد يخاف كل شي يسوووون

 

[سبائك]

أي زين تسوون بنات

آنا اخليها بس تغسل حمامي.....بس غرفتي لا ما اخليها

وعلى طووووووووول أقفل الغرفه قبل لا أطلع ضروري

واي قطع تخيلوا تطلعين انتي من صوب تدخل خدامتج غرفتج وتنبش باغراضج والخاصه بعد قططططططططططع

وهم لي حكمه ثانيه من قفلة الباب

علشان أذا فقدت شي ما أشك فيها وأظلمها.....أريح لي قلب

 

[كويتيه وافتخر]

اخليها تنظف بحضوري غير هذا لا

اذا بالدوام اقفل داري

 

[* LOVE STORY *]

نونو

حياج الله مرة ثانيه

 

[رفرف]

تنظف غرفتي وتغسل حمامي بس انا اكون بالغرفة معاها ما تدخل بروحها ..
الترتيب العادي انا ارتبه ماحب اتحوس باغراضي بس اهيه تنظف

 

[جرح الليالي]

تدخل وتنظف تحت اشرافي

لاني اصلا ماا اقدر اشيل واحط واخم عشان معاي دسك

فالخدامة تنظف بس اكون انا بالغرفة

وبس

 

[* LOVE STORY *]

حياج الله سبوج

 

[* LOVE STORY *]

كويتيه وافتخر

زين تسوين

وحياج الله

 

[* LOVE STORY *]

شرفتي الموضوع رفرف

 

[* LOVE STORY *]

حياج الله جرح الليالي

 

[ام مارية]

انا ما احبها تدخل غرفتي انا انظفها والحمدالله هذا الطبع فيني من زمان.

جرح الليالي ماتشوفين شر ياعمري

مشكوووره كرستاله علي الموضوع