تخلين خدامــــــتج ترد عالتلفون ؟؟ تعالي

[brbecan]

صج بعد عشان لا قدر الله اذا صار شي بالبيت والا باليهال واحنا بالدوام تدق علي تقولي انا حاطه رقمي ورقم خالتي حق الضروره فامني عليها وانشاءالله ما يصير الا الخير
والله يخليلج بنيتج يارب ولا يحرمج منها ويكافيج شر الخدم

 

[ضوى العيون]

احنا تلفون تحت حسابهم والله يدقون عليهم اكثر من ما يدقون علينا

 

[جروح تبتسم]

دام اني بالبيت ماتشيله كلللش لان عيالي مايقصرون بالرد لووول
اذا انا بره البيت لا طبعا تشيله وخصوصا اذا اتصلو بيت اهلي يكلمون عيالي ....
احنا كاشف رقم فعشان جذي امأمنه ... اعرف منو يدق ومنو مايدق
اما غير جذي ماخليها تتكلم مع اي احد كان الا اذا بتكلم اهلها عادي وهي يمي وبس

 

[المستبده]

مشكورين بنات عالمرور
ومشكوره باربيكان عالدعاء حياتي تسلمين

انا كل قسدي كان ان في خدم ما ينعطون ويه كللللش

والمسايب ما اتيي الا من التلفونات


استغفر الله
لا اله الا الله

 

[Harmony]

ايي رديت لانى قريت رد باربيكان شوفى هم ما يردون مثل ما قلتلج بس اذا يبون يدقون على اهلهم و لا اذا اهلهم دقوا عليهم لا عادى نخليهم يتكلمون بس فى الوضع العادى لرن لا ما يردون الا اذا طلعنا و قلت ردوا لأن مثل ما قلت عندنا كاشف فماله داعى خاصه انهم يخنبقون لدق احد و سال خروا الاولى و التالى اردى من اليهال لووووول

 

[MissChoco]

بالعكس عادي خترد شنو بتوقف الدنيا يعني .. اذا اهلي بتروح تناديني يعني ماراح تقولهم ماما ماكو .. وثاني شي انتي غلطانه لانه حرام عليج شلون ماتخلينها اجيس التلفون خليها ادق على اهلها تكلمهم اتخفف من همها ,, بروحها حرام متغربه وماعندها احد وامها وبناتها بعاد عنها, خليها تكلم بالتلفون وتاخذ راحتها والله احسلج ..


وبعدين مايخرعون اهما ولا شي واتحداج اذا يخرعون .. لانه ماكو ولا وحده تسوي شي مني والطريج .. الا اذا سويتيلها شي راح تنتقم .. بس حرام خليها تهون على عمرها ماراح ينقص منج شي


انا خدامتي اخليها ترد عالتلفون وادق على اهلها ولا اقولها شي بالعكس ولمن يطلبونها بالبيت اقولها تعالي يبونج بالتلفون وانا حليوه وياها واهيا مشالله مو مقصره

 

[كندريه حلوه]

والله انا اخليها عادي ترد عالتلفون اذا مو موجوده والا مشغوله واليوم ردت وانا بعد قاعده اتصفح المجله واشرب حليب بس مالي خلق ارد قلت لها ردي انا عندي عادي

 

[Maltesers]

عادي ترد عالتلفون .. :eh_s(20): تيك ات ايزي مافيها شي ترى

 

[LaSt WoMeN]

اذا انتي موجودة المفروض ما ترد على التلفون الا اذا كنتي
مشغولة و قلتي لها ...غير هذا بس اذا طلعتي ترد ..
و بس !

 

[nonia]

والله انا عادي خل ترد على التلفون .

 

[المستبده]

شاكره مروركم بنات

حبايبي الموضوع في فرق بين انج اتخلينها اترد او ادق على اهلها

في بنات خلطو الموضوع
انا اخليها اتكلم اهلها من موبايلي
يعني حزه لما تبلغني انها تبي تكلم اهلها
اعبي لها كرت بروحها عشان تاخذ راحتها وما اقولها خلسي
الكرت يخلس واهيه تفهم

 

[مرت ريلي]

لا خليها ترد عادي وهم لا تشدين عليها يعني وجهيها بدون زف واذا مغازلجية وعندها حركات قلعيها أحسن

 

[%عسولة الحلوة%]

رد: تخلين خدامــــــتج ........... تعالي

عادي اصلا امي تخلي الخدامه اترد واتخليها تتصل على اهلها واتسولف وياهم مافيها شي بس اذا شكتيني منعيها ​

رايي بالضبط مثل راي مريوم

وتصدقين ما ادري ليش ساعات الخدامة تيي داري وتقوللي تعالي التلفون يرن
ما ادري ليش

بس عادي الخدامة ترد

 

[سحر الليل]

عادي شفيها خل ترد على التلفون

 

[المستبده]

ليش موضوعي سار منقول ): مافهمت لييييييييييش

 

[ريماس الحلوه]

عادي مافيها شي لا تعبين نفسج بعدين نفسيتج تتعب

 

[Raveena]

انا اخليها ترد

و مرات لما اكون قاعدة و التلفون يمي اشوف الرقم و ما ارد اخليها اهي ترد

 

[سيد-الغنادير]

اشدعوة ..
لازم ترد عالتلفون بس لاتخلينها تقرق فيه لها مكالمة او مكالمتين بالشهر ..
اذا ماترد شلووووووووووون لاطلعتي تطمنين على بنتك ؟؟؟



ولا تصيرين لينه حيل معاها لان الافراط باللين ضعف ..واذا مو مرتاحة لها خليها تولي وجيبي غيرها اهم شئ راحتك

 

[@ الرسامة @]

عادي اخليها اترد

 

[غـاده]

هههههههههههههههههههههه


انتي من صجج
يبا شفيها لو ردت على تليفون البيت

يبا عادي رضا انتي بالدوام واتصلتي تبين تسألين عن بنتج ماترد عليج
الحمدلله والشكر يبا عادي لاتصيرون حكره لهالدرجه
لاتفكر الوحده اذا صكرت على خدامتها يعني بتصير الخدامه سيده
والله الي تبي الخراب تحصله لو من دريشة المطبخ تطلطل على السواقين الي برا
والله وكيلج بالاشاره يتفقون
بلاوي تصير واحنا ياخلاف ماندري عنها
الله يستر بس