تخيلو ناهده العلي مسافره وانا واصله بولد؟؟منو تراجع عندها؟انقذوني

[sara_77]

حنان الحمدلله ماعليج شر انشاللله لا تخافين انتي ابدي بالكالسيوم الحين وباجي الفيتامينات ليما ترد

المشكله احنا اهل التاسع

سارا 77 الله يهون عليج انتي نفس موعدي الظاهر انتي عند منو ناويه عند دلال السالم؟؟؟
تدرون انا مادقو علي حتى

يالله بنات تكفون حللولكم

انا برولد انشالله بدار الشفا عند اى دكتوره بس يمكن معصومه

 

[_Pure_]

لا تكبرون السالفه عادي بعد هم اهي تبي تسافر و او تاخذ اجازة
مو معقوله طول حياتها بتقعد بس تولد مراجعاتها و ماتاخذ اجازة

انتي روحي حق الدكتوره البديله او اي دكتوره ثانيه يمدحونها و راجعي عندها

و ترا اذا الله كاتب تولدج بتولدج حتى لو مسافره ترجعلج
و ممكن تكون بالكويت و ماتولدج ماتدرين شنو الله كاتب و ووين الخيرة


انا يوم حامل فبجري قررت دكتورتي سلوى الرفاعي تسافر عمره ٥ ايام برمضان و انا مفتوحة ٣ سانتي و بنص التاسع و حولت ملفي عند د.امل الراشد و تازمت نفسيتي و تعبت بس كلمتني الدكتوره و طمنتني ان هذا شي بيد الله سبحانه و فعلا اول ما رجعت الدكتوره من السفر انا ولدت ثاني يوم الصبح لووول

تقول الدكتوره سلوى اهي مره رايحة تولد وحدة جان هذيج تولد قبل لا توصل الدكتوره مع ان راحتلها علطول بس الله ما كتب تولدها


و انا بحملي هذا قررت اذا لاقدر الله دكتورتي سافرت اتوكل عالله و اطلب د.نداء بوخضور

 

[داريني]

حبيبتي الي خلق ناهده العلي خلق الف بدالها
مشاءلله الكويت عامره باحسن دكاتره ولادة

لا تسوينها مشكله والسهاله من الله سبحان وتعالى
انا في بجري مفروض تولدني بس الله ما كتب لانه حولوني الصباح واهيه اهني ما تقدر تتدخل اكثر من جذي

لا تفكرين وايد على لا تتاثر نفسيتج وتتعبين والبيبي يتعب

 

[hneen2]

حبيبتي الي خلق ناهده العلي خلق الف بدالها
مشاءلله الكويت عامره باحسن دكاتره ولادة

لا تسوينها مشكله والسهاله من الله سبحان وتعالى
انا في بجري مفروض تولدني بس الله ما كتب لانه حولوني الصباح واهيه اهني ما تقدر تتدخل اكثر من جذي

لا تفكرين وايد على لا تتاثر نفسيتج وتتعبين والبيبي يتعب

نفس اللي بقوله :eh_s(22):

 

[ام ديمه]

الله يسهل عليكم ياينات انا بعد نفس حالتكم اراجع عند ناهده و كنت متنرفز ومعصبه ليش تسوي جذي بس اللي عرفته والله اعلم انها مسافره علاج يقولون ان فيها فشل كلوي ادعولها والله يقومها ويردها لنا بسلامه
انا الحين اراجع عند مصطفى تومسو في مستشفى دار الشفاء

 

[SaD FaCe]

كويتيه

اي اهيه قالتلي :23_asmilies-com:

 

[*Little**Angel*]

انا راجعت عندها عشان دكتورتي مسافره وسافرت بعد وخلتني
بس الحمدلله دكتورتي ردت وراح تولدني
انا اراجع عند معصومه مخصيد

 

[*ريما*]

اللة يسهل ع الجميع ولادتهم

 

[Tosta]

الله يعينكم ويسهل عالجميع يارب
انا ارشحلج دلال السالم .. وعيادتها من الصبح لي الساعه 3
ماعنده عياده مساءا

رقم العياده 25325051

يم هارديز الجابريه ومقابل ماكدونالدز بالناحيه المقابله

بس على فكره اهيا بتسافر على شهر7 وبترجع اول 8

عادي لا تتوترين حبوبه عسى ربي يسخر لكم عبيده ويسهل عليكم ولادتكم

 

[الحلوه الأموره]

السلام عليكم ...

انا رديت صراحه لأني انقهرت من رد وحده من البنات .. اللي تقول ان الدكتورة مو زينه ..

اهي كلمة حق ولازم تنقال .. دكتورة ناهده العلي .. روعـــــــــــــــــه ... أصلا روعــــــــه شوي عليها

يا بنات اللي يصادف ان حمالها عسر ولا ولادتها صعبه ولا نفاسها كان موشي

مو معناته من الدكتورة .. أصلا بكل مراجعاتي للدكتورة .. ديما وابدا كانت تبتسم وعلى طول تسألني اذا في شي ولا لا

ودايما تقولي وضع البيبي .. وتحرصني على الفيتامينات والاكل .. وعلى طريقة الولادة .. ومتى لازم اروح المستشفى

حرام الظلم يا بنات .. الظلم ظلمات يوم القيامه

والولادة .. الشاهد الله .. على مادخلوني الغرفه وحطولي الابره الشرجيه وبدلوا ملابسي الا اهي واصله .. ابدا ما طولت

وخياطها نظيف .. وحلو ومرتب .. فعلا انا كنت بجر .. يعني ماعرف وايد

بس ابدا ما حسيت ان خياطها مثل بعض البنات اللي يقولون مليون غرة ولا لي مادري وين ... الخ الحمدلله وايد زين

اما سالفة ان الخياط يلتهب .. هذا على الوحده نفسها .. يعني الدكتورة تحرص على التنظيف واستخدام الادوية اللي وصفتها وانا شخصيا لما رحتلها قالتلي : عفيه عليج الجرح وايد نظيف وإلتأم

وأهم شي بالنفاس النفسيه ...

فماله داعي ابدا .. نحط اللوم على الدكتورة .. بالنهايه هذي وظيفة تأديها .. معاج مثل مع غيرج ..

أما الظروف ممكن تأثر والمريض اهو اللي يزيد مرضه أو يساعد روحه بالعلاج

وبس .. آسفه عالطواله

بس فعلا ماقدرت اقرى الكلام واسكت


________________

وبالنسبة للموضوع .. حبيبتي .. اتكلي على رب العالمين .. وان شاءالله ماكو الا العافيه

اهم شي نفسيتج اهي اللي تسهل الولادة أو تعسرها

الله يسهل عليج وعلى كل المسلمين يارب

 

[*أم*خالد*]

التساهيل من رب العالمين

ذكري الله وان شاء الله كل شي بيكون اوكى

وبس

 

[سينتيا]

امبيي انا توني انصدمت بالخبر يااااني مثل الصاااعقه

انا ما احب الا ناهده وما اعرف الا ناااهده والحين انا بالتاااسع صارلي اسبووووع يااااربي شسوييي وين ارووووح عند منووو اذا ياني الطلق شسوي اي مستشفى اروووح

بناااات بليييز ابي حل بسسرعه لاني حدي تعسرت ومزاجي تعكر وظااااق خلقي

ببجي والله العظيييم شلوووون تسوي فينا جذي حتا ماعطونا خبر انها بتسااافر

 

[pink Flamingo]

واي عورتوقلبي الله يعينكم موقف لا تحسدون عليه
ليش ما تراجعون بالمواساة يقولون زينين و السيف يمدحونهم بعد و دار الشفا
انا ولدتني ناهده على بنتي كانت قيصريه رووووووووووووووووعه و فوق الروعه كلش ما تاذيت
والحين انا عند دكتور منصور العرف لاني عالجت علشان حمالي وحمل الحمد الله و الحين مفكره اروح السف عند ربينا او الدكتوره الالمانيه الي عندهم يمدحونهم
ويارب تولدون بالسلامه
ربي يحفظكم و يحفظ عيالكم و يقومكم بالسلامه

 

[Om Ali 86]

انا بعد عند ناهدة

بس انا اشوه بأول الثامن .. عاد عسى ترد قبل موعد ولادتي

ما تدرون اشكثر سفرتها ؟؟

 

[احلى ـآ وحده]

انا طول حمالتي اراجع عندها ويم جت حزه الخططر ماالقاها

يارب ترجع قبل لا اولد .. صارلي 10 ايام بالتاسع ..

 

[نوونوو_20]

الله يسهل عليج

 

[Kuwaitigirl1973]

الصيف الكل يسافر فالأفضل إن الوحدة اللي ولادتها بالصيف واتعرف دكتورتها مسافرة تروح للمستشفى اللي بتولد فيه وتكمل مراجعتها مع وحدة من الدكتورات اللي فيه، آنا أحب رويال حياة لأن فيه وايد دكتورات كويتيات وغير كويتيات ولازم راح تلقين وحدة مو مسافرة وإذا حتى سافرت على الأقل ملفج في المستشفى فيصير أسهل يعرفون حالتج
دكاترة رويال الحريم
نداء بوخضور
ماجدة الكميخ
خالدة المجيبل
بولين حبيقة
غير الدكاترة الرياييل على راسهم عصام صقر وسامر الريس
وطبعا اللي تبي دار الشفا واللا الهادي واللا السيف هم خل تحرص على دكاترة المستشفى مو الزائرات بس آنا ما قط دشيت غير رويال حياة فما أقدر أساعد عن المستشفيات الثانية فالخير بالبنات اللي جربواالمستشفيات الثانية يفيدونكم حبيباتي والله إيسر للكل ولادات سهلة وأطفال أصحاء
آمين

 

[سينتيا]

بناااات مافي خبر اذا الدكتوره ردت والا لا ؟؟

 

[Om Ali 86]

يا ليت احد يعطينا خبر عن الدكتورة

انا مراجعتي عندها 14/7

مادري انطر و الا اشوفلي دكتورة ثانية ؟؟؟؟

و انا بنص الثامن الحين

 

[حنـــــان]

انا باجر بروح مستشفى السلام اول مرة يمدحون الدكتورة مريم بيبي باكستانية استشارية وخبرتها طويلة بس المهم اتطمن وارتاح على ما تيي دكتورتي وان شاء الله خير