تدرون الي بترد بتحل مشكلة كذاااااا عايله ...موضوع من 3 محاور

[laura mercier]

السلام عليكم ورحمة الله وبركاته....





ماني مطوله عليكم بس بما ان رتبو الاقسام بطريقه تقدرين تستقطبين الي مهتم >>>>شكرا بنت الكويت:eh_s(9):

فعندي 3 مواضيع بناقشهم معاكم يمكن تم مناقشتهم بالسابق بس نرد انا قش اشورانا :gathering:

مقعدكم ما ينمل:tek:


المحور الا ول : شراء البيت ضروري ولا ممكن اتغضين البصر وتستمرين بشقه لغاية ما ربك يفرجها؟؟؟يعني

ماتحنين على الموضوع عشان الاستقرار؟؟؟؟؟




المحور الثاني : اذا الوحده زوجها سوري بنات بس "موشغال" انتو فهمتو تستمر معاه كان شغال للعلم... على الرغم من

صغر سنها وانها ما يابت الا طفله وحده وكبرت البنت وتبي اخوان والام متلهفه على ياهل والاخ مايبي اعالج وصار

بالفراش معاها مثل اخوها

حتى تبادل القبلات حاربه !!! يعني الي بقوله لو المرا صار فيها هذا العيب بيصبر عليها الريال؟؟؟؟؟؟؟ :krkrkr:




المحور الثالث : الطلاق نهاية المرأه ولي عندها ياهل وتبي تتزوج ...تتزوج ولا تربي الياهل ؟؟؟؟ وتستمر حياتها محرومه

اذا تعرفون مطلقه ما تزوجت وتحسفت بعد اسنين قولولنا تجربتها....





يالله نفتح باب النقاش واختارو اي محو بتتكلمين فيه حتى لو كل المحاور.... انا اثق بمصداقيتكم بالطرح :tek:

 

[laura mercier]

الووووووووووو

 

[لمازا حدس زالك؟]

طوووط طووط طوووط

هههههه تغشمرررر فديتج

المهم

عليكم السلام ورحمة الله وبركاته

شوفي انا ابتكلم عن هالمحور

المحور الا ول : شراء البيت ضروري ولا ممكن اتغضين البصر وتستمرين بشقه لغاية ما ربك يفرجها؟؟؟يعني

ماتحنين على الموضوع عشان الاستقرار؟؟؟؟؟

أتوقع انه البيت شي مهم جدا جدا جدا وحطي مليون خط تحته .. لأن باجر بيونج عيال وعيال عياال وحلو يكون الكل حوليييج ومتجمعين تحت سقف احد >> واللي يعافيج ههه

وووبس ماعندي فكره ف البقيه بس حبيت اشارك


يعطيج العااافيه

 

[tmtmt]

المحور الاول : ضرووري بس مو شرط باول الزواج لازم في مكان يضم الاسره ويكون ضمان لعيالنا بعدين .

المحور الثاني : ابدا ما اتخلى عن ريلي عندي طفل والحمدالله غيري يتمنون هالطفل .. وامي احاول افنعها انا لو العكس جان ما تبي ريلي يتخلى عني .

المحور الثالث : بالنسبه لي اي نهايتي لني وااايد اتعلق بالذكريات
ونهائي ما افكر اتززوج ووقتي كله راح يكون لعيالي <<<<< الله لا ييب هاليوم ان شاءالله

بس طبعا ممكن الواحد يتغير رايه اذا نحط بموقف معين اذا فعلا صار بالهموقف

يعطيج العافيه

 

[Nokia N95]

السلام عليكم ورحمة الله وبركاته....





وعليكم السلام ورحمة الله وبركاته


المحور الا ول : شراء البيت ضروري ولا ممكن اتغضين البصر وتستمرين بشقه لغاية ما ربك يفرجها؟؟؟يعني

ماتحنين على الموضوع عشان الاستقرار؟؟؟؟؟




بنظري الواحد ينطر بيت الحكومة افضل ... او ينطر عالاقل 10 سنوات بعد الزواج (يكون خلالها جمع له جم فلس ) وبعدين يتم شراء بيت العمر




المحور الثاني : اذا الوحده زوجها سوري بنات بس "موشغال" انتو فهمتو تستمر معاه كان شغال للعلم... على الرغم من

صغر سنها وانها ما يابت الا طفله وحده وكبرت البنت وتبي اخوان والام متلهفه على ياهل والاخ مايبي اعالج وصار

بالفراش معاها مثل اخوها

حتى تبادل القبلات حاربه !!! يعني الي بقوله لو المرا صار فيها هذا العيب بيصبر عليها الريال؟؟؟؟؟؟؟ :krkrkr:



اذا الريال خوش انسان ... يخاف الله ... مالها الا الصبر و الدعاء
واذا كان العكس .... وصار هالشي بالمرا .... اغلب الرياييل (موكلهم) يتزوجون ثانية لان الشرع حلل اربعه



المحور الثالث : الطلاق نهاية المرأه ولي عندها ياهل وتبي تتزوج ...تتزوج ولا تربي الياهل ؟؟؟؟ وتستمر حياتها محرومه



يعتمد ... اذا الريال متفهم وشاري المرة ... ومستعد يتقبلها هي وعيالها ... ليش لا .. تتزوج احسن لها .. ممكن هالانسان يكون ابو لعيالها ..




يالله نفتح باب النقاش واختارو اي محو بتتكلمين فيه حتى لو كل المحاور.... انا اثق بمصداقيتكم بالطرح :tek:

مشكورة عالموضوع :tek:

 

[laura mercier]

شكرا حبيباتي.... لايوقف لايوقف :ggdw:

 

[laura mercier]

تم تم : الله يسهل معاملة علاجكم بالخارج ويشفي اخوك...

نوكيا السنفوره : هههههه الله يثبت الي في رحمك وتخاوينه ورا الاربعين قولي آمييييييين...

 

[Nokia N95]

تم تم : الله يسهل معاملة علاجكم بالخارج ويشفي اخوك...

نوكيا السنفوره : هههههه الله يثبت الي في رحمك وتخاوينه ورا الاربعين قولي آمييييييين...

آمين آمين آمين آآآآآآآآآآآمين .... ربي يسمع منج
مشكورة على الدعوة الحلوة

 

[brettey]

المحور الاول : البيت ضروري عشان الاستقرار
المحور الثاني : ما يعطيني حقوقي الشرعيه ما اقعد عنده لو عندي منه 10 اتطلق ولا اني الجأ للحرام لا سمح الله
المحور الثالث : انا جربت الطلاق 5 شهور قبل جم سنه ولو زوجي مارجعني جان تزوجت عشان اعف نفسي لازم يكون عندي ريال يسندني واشرط عليه عيالي عندي ويعاملهم معامله حسنه

 

[هيوونه@]

المجور الاول : اذا عندي امكانيه اني اشتري بيت ليش لا ، واذا ما عندي انطر بيت الحكومه
المحور الثاني : الحمد لله طفل احسن من مافي في ناس مو لاقيه ظفر الظنى ، واذا الريال زين مالها الا الصبر والدعاء
المحور الثالث : اتزوج واشوف نفسي ، عيالي كل واحد بيشوف نفسه وبتم بروحي

 

[عطر كل الورود]

البيت شي ضروري بس اذا في امكانيه ام المحور الثاني مافهمت قصدك منها بس العيال زينات الحياه اذا كنت مطلقه وتبين تتزوجين هذه شي رجعلك والقرار صعب صحيح انو عيالك بعد كذا بيشوفون حياتهم شي طبيعي بس الامومه تضحيه الا اذا كان الي بتتزوجينها رجل ولد حلال ويعاملهم زين مافي مشكله وهذه حقك الشرعي ام اذا انتي ناويها تطلقين وتبهدلين عيالك تر الحياه ماتسوه دموع عيالك وتعبهم الا اذا كان زوجك شي لدرجه صعب اي امراه في الكون تعيش معه مثل راعي الخمر او المخدرات او الشذ ولله يو فقك

 

[بحر الذكريات]

المحور الا ول : شراء البيت ضروري ولا ممكن اتغضين البصر وتستمرين بشقه لغاية ما ربك يفرجها؟؟؟يعني

ماتحنين على الموضوع عشان الاستقرار؟؟؟؟؟


اذا الرجال امعند مايبي استمر بالشقه عادي



المحور الثاني : اذا الوحده زوجها سوري بنات بس "موشغال" انتو فهمتو تستمر معاه كان شغال للعلم... على الرغم من

صغر سنها وانها ما يابت الا طفله وحده وكبرت البنت وتبي اخوان والام متلهفه على ياهل والاخ مايبي اعالج وصار

بالفراش معاها مثل اخوها

حتى تبادل القبلات حاربه !!! يعني الي بقوله لو المرا صار فيها هذا العيب بيصبر عليها الريال؟؟؟؟؟؟؟ :krkrkr:





خل تحطله العلاج بالاكل من غير مايدري واذا عاد مايبي مايشوف شر!!!ا

لمحور الثالث : الطلاق نهاية المرأه ولي عندها ياهل وتبي تتزوج ...تتزوج ولا تربي الياهل ؟؟؟؟ وتستمر حياتها محرومه

اذا تعرفون مطلقه ما تزوجت وتحسفت بعد اسنين قولولنا تجربتها....


لا والله انا عندي انها اتزوج ابرك لها تقعد وحدانيه عشان الجاهل؟؟الحمدلله هي امها وماراح اتقصر معاها واكيد بتربيها حتى لو تزوجت انا من رايي اتزوج احسن

يالله نفتح باب النقاش واختارو اي محو بتتكلمين فيه حتى لو كل المحاور.... انا اثق بمصداقيتكم بالطرح :tek:[/B][/QUOTE]

وان شاء الله تعجبج اراءنا

 

[laura mercier]

لايوقف...لايوقف..... اراءكم عسسسسسسسل

 

[عهود الحب]

المحور الاول : مشكلة السكن والغلا الي صاير يخلي الوحدة تفكر ستين مرة قبل تطالب بهالنقطة
انا زوجي للامانة موكويتي فما اطالب بهالنقطة كلش احتراما لنفسي لأنه لو بتطرق لها بيقول ابني لج بديرتي
عرفتي فاخاف يذلفنا هناك غصبن عنا فأسكت عن هالشي والديرة موفرة لي بيت ايجار حكومي ادفعه انا بحكم انه انا الكويتية مو اهو

بالنسبة للزوج الكويتي اهو ملزوم يوفر لج سكن وملزوم يفكر بهالنقطة
بس عيال الكويت يومهم بسنة والله يعين




المحور الثاني : لازم يكون في جلسة مصارحة اذا ما نفعت الجلسة ينفع تقعد مع روحها جلسة مصارحة وتشوف اهي شتبي بالضبط
ااذاا حست انه الوضع لايطاق وانها ماتقدر تصبر تطلب الطلاق افضل بنظري
لأنه العشرة اهم نقطة بالزواج للعلم ومن حق الزوجة انه الزوج يعاشرها لو بالشهر مرة اما انه يترك الموضوع نهائي فمن حقها الطلاق
اما سالفة القبلات ضحكتني هاهاهاها لأنه نسمع فيها مانشوفها واعليه علينا رياجيلنا مايعرفونها كلش
يعرفون يجيبون عيال بس عن الحلال والحرام تحسينه جاي يؤدي مهمة ويروح ما كأنه حب ومودة مالت اه بس ياااني ههههههههههه


المحور الثالث : والله في حريم يصبرون على عيالهم لو طفل واحد يساوي عندها الدنيا كلها
وفي حريم لا يبون كوكش عيال وزوج وان تطلقت مرة ترد تتزوج
وفي حريم يبووووووووووووون بس محد يطق بابهم
انا اللي اعرفه انه انا على ذمة زوجي وحامل وثقيلة وتعبانة حدي لايعة جبدي من روحي

بس لو يحصلي اطلقه بالثلاثة واخذ غيره ما اتردد لو لحظة هاهاهاها مصيبة حريم مالنا امان



ميرسووووووووه عالموضوع الحلو بس ترى فيه كلام يخدش حياء الفتيات الحلوات :dddds:

 

[laura mercier]

ههههههه مانبي فتيات نبي سيدات...

 

[catloverq8]

سمعي راي العجايز اللي مثلي ،، إذا تسمحين لي
الدنيا قاعدة تتغير و عمرها الشمس ما أشرقت على نفس الأرض مرة ثانية ،،لابد من تغيير حتى لو ما شفناه
و وضعنا بالكويت أيضا قاعد يتغير
قبل البيوت 1000 م من الحكومة ،،، صارت 750 ،،، صارت 400 ،،، و صارت ادفع قيمة رمزية للأرض ،، و صارت ماكو خدمات ،،، و بتصير و تصير
القصد تزايد العدد و قلة الموارد و تراجع النفط يحتم تغيير الأوضاع ،، اليوم الدولة تعطي بعد 15 سنة ،،، باكر ما تقدر تعطي قبور لنا لما نموت
لازم نخف من مطالبنا و تتحرك الدولة لتهيئة الأرضية لنا حتى نقدر نشتري بيوتنا على حسابنا حتى لو كانت شقق
بس محتاجين قوانين لسكن الشقق ،، مثلا البناء التجاري يمنع تماما ،، مو الجار اللي فوق يبطل باب غرفة و تسمعين كل شي و يا ويلي إذا كان داش حمام !!! اللي بالشقق تعلموا لغة الصمت في حياتهم الزوجية خوفا لا الجيران يدرون !!
و نفس الشي محتاجين قوانين تمنع الإزعاج و تحويل الجار اللي فوق شقته لملعب و حديقة حيوانات يتنطنطون فيها عياله الشواذي الصغار !!
الزبدة تعلموا على الشقق لأن اللي جاي الله يستر منه !!
أما الزوج اللي يصير أخوي فعلى قولة فوزية الدريع العجز الجنسي درجات و الجنس الفعلي يمكن تعويضه بأشياء و وسائل ثانية بين الزوجين ،، أبسطها الكلمة الطيبة و المحبة الحقيقية و مساعدة الآخر على تجاوز احتياجاته
فإذا انتفت كلها و وصلنا لمرحلة عجز 100% للمرأة الحق في اتخاذ قرار الإنفصال ( إذا ما تقدر تتحمل الوضع و تخشى على نفسها من الفتنة ) حتى لو اضطرت تتنازل عن كافة حقوقها باللي يسمى الخلع
بس حسب علمي شرعا مالها حق تطلب الطلاق إذا تغير حال الزوج - ما عدا في سفره الطويل أو السجن
و على فكرة اللي تقول ما أقدر و أحتاج للجنس بحياتي مفروض جدا نحترمها و ما نقعد نسوق سوالف رومانسية و كلام ما يوكل خبز عن التضحية لأن كل شخص أدرى بحاله و كل شخص له تركيبته الخاصة
وحدة أعرفها من عايلة كبيرة تطلقت مرتين و محكومين بالزواج من داخل العايلة ،، دقت علي تبيني أتوسط عند كبير عايلتهم اللي يعزني حتى يرضى تتزوج واحد من بره العايلة و متعرفة عليه ،، و بالحرف قالت ما أقدر أعبش بدون ريال
و فعلا أول كلمة قلتها حق الكبير احفظ بنتكم لا تطيح بالغلط و اعصمها بالزواج , و فهمني كثر خيره و وافق !!
طبعا وجود طفل نقطة تثير الضحك ،،،، إحنا نتزوج علشان نجيب أطفال ؟؟ بشكل أوضح : إحنا نمارس الفطرة الجنسية علشان ننجب بس ؟؟؟ لأ طبعا لأن الجنس فطرة و متعة و اللا كان ماصار بسببه جرائم وصلت للقتل !!
و المطلقة و و ما أدراك ما المطلقة ،،،، إنسان يحمل بين ثناياه جروح الدنيا في مجتمعاتنا و آلام احتياج إرواء كافة المشاعر و الإحتياجات الجنسية و الآدمية !! ليش لازم تنحر نفسها و تقدم حياتها قربان على مذبح تربية الأولاد ؟؟؟
ليش تلغي حياتها علشان ياهل ما يندرى من يكبر و ياخذ المرة بيذكرها و اللا بينشغل عنها ،، و هو أمر طبيعي
كل إنسان لازم يعيش حياته حسب قدراته و احتياجاته
أنا ما أؤمن بالتضحية بالحياة من أجل أي مخلوق ،، طفل أو زوج أو أخ أو أخت ،،، لازم أعيش الأنــــــــــــا و من حقي أعيش
بس أراعي الظروف ،،، و ما أترك بنتي أو ولدي بيد شخص ظالم و ما يخاف الله و ما يراعي حدود رب العالمين
أحاول أمسك العصاية من النص فخير الأمور أوسطها
أتمنى راي العجايز ما يكون مزعج !!!

 

[شانييل]

المحور الا ول : شراء البيت ضروري ولا ممكن اتغضين البصر وتستمرين بشقه لغاية ما ربك يفرجها؟؟؟
من صجج لا والل أحن عليه وأحاول أقنعة خصوصا إذا إجار غالي وفوق 350 لا والله أقنعة أخذ أنا وياه قرض ويا بنك التسليف ونشتري أو نبني بيت نخلي شقتين لأجار علشان يعوضولنا القروض


المحور الثاني : اذا الوحده زوجها سوري بنات بس "موشغال" انتو فهمتو تستمر معاه كان شغال للعلم... على الرغم من

وليش تستحي وما تقنعة ياكل مقويات أو حتى فياغرا ما فيها شي أنا أعرف وايد رفيجاتي رياييلهم ياخذون فياغرا علشان تزيد الرغبة والقوة ولا مافيهم إلا العافية
عادي البرود الجنسي يحوش الحريم .......... ويمكن لعقد نفسية أو لنقص الرغبة أو حتى أمراض معينه ترى السكر وخمول الغدة يقلل الرغبة وقيسي عليه الامراض الثانية



المحور الثالث : الطلاق نهاية المرأه ولي عندها ياهل وتبي تتزوج ...تتزوج ولا تربي الياهل ؟؟؟؟ وتستمر حياتها محرومه

يرب هذي قصة وسالفة طويلة وللأسف تعور القلب إن قدرت تصبر ولها الاجر.
وإن كانت ظروفها معاندتها لاتفرط بضناها< حرام تولدينه وتقطينه ترى مالهم إلا أمهم حراااااااااااااااااااااااام
وحتى لو ياها النصيب ولازم وجود الرجل في حياتها خل تزوج مافيها شي بس لا تستقيل من واجباتها كأم لطفل ما أذنب خل تحاول إنها تكون حاضنته وتحاااااااااااااااااااااارب ولا تخلي السالة عايمة
اذا تعرفون مطلقه ما تزوجت وتحسفت بعد اسنين قولولنا تجربتها....
إي واله ووووووووووووووووووووواااااااااااااااايد
بس بعضهم يكابرون وأغلبهم مايتكلمون
بس صراحة يمكن العيشة لاتحتمل مع هالزوجّّّّّّّّ :0bee2e8d89: علشان جذي تنجي بنفسها منه
لكن المحاولة ثم المحاولة ثم المحاولة والله يكون بعوننا كلنا ويا الي تقرين قولي أممممممممممممين​

​

 

[azhar22]

سمعي راي العجايز اللي مثلي ،، إذا تسمحين لي
الدنيا قاعدة تتغير و عمرها الشمس ما أشرقت على نفس الأرض مرة ثانية ،،لابد من تغيير حتى لو ما شفناه
و وضعنا بالكويت أيضا قاعد يتغير
قبل البيوت 1000 م من الحكومة ،،، صارت 750 ،،، صارت 400 ،،، و صارت ادفع قيمة رمزية للأرض ،، و صارت ماكو خدمات ،،، و بتصير و تصير
القصد تزايد العدد و قلة الموارد و تراجع النفط يحتم تغيير الأوضاع ،، اليوم الدولة تعطي بعد 15 سنة ،،، باكر ما تقدر تعطي قبور لنا لما نموت
لازم نخف من مطالبنا و تتحرك الدولة لتهيئة الأرضية لنا حتى نقدر نشتري بيوتنا على حسابنا حتى لو كانت شقق
بس محتاجين قوانين لسكن الشقق ،، مثلا البناء التجاري يمنع تماما ،، مو الجار اللي فوق يبطل باب غرفة و تسمعين كل شي و يا ويلي إذا كان داش حمام !!! اللي بالشقق تعلموا لغة الصمت في حياتهم الزوجية خوفا لا الجيران يدرون !!
و نفس الشي محتاجين قوانين تمنع الإزعاج و تحويل الجار اللي فوق شقته لملعب و حديقة حيوانات يتنطنطون فيها عياله الشواذي الصغار !!
الزبدة تعلموا على الشقق لأن اللي جاي الله يستر منه !!أما الزوج اللي يصير أخوي فعلى قولة فوزية الدريع العجز الجنسي درجات و الجنس الفعلي يمكن تعويضه بأشياء و وسائل ثانية بين الزوجين ،، أبسطها الكلمة الطيبة و المحبة الحقيقية و مساعدة الآخر على تجاوز احتياجاته
فإذا انتفت كلها و وصلنا لمرحلة عجز 100% للمرأة الحق في اتخاذ قرار الإنفصال ( إذا ما تقدر تتحمل الوضع و تخشى على نفسها من الفتنة ) حتى لو اضطرت تتنازل عن كافة حقوقها باللي يسمى الخلع
بس حسب علمي شرعا مالها حق تطلب الطلاق إذا تغير حال الزوج - ما عدا في سفره الطويل أو السجن
و على فكرة اللي تقول ما أقدر و أحتاج للجنس بحياتي مفروض جدا نحترمها و ما نقعد نسوق سوالف رومانسية و كلام ما يوكل خبز عن التضحية لأن كل شخص أدرى بحاله و كل شخص له تركيبته الخاصة
وحدة أعرفها من عايلة كبيرة تطلقت مرتين و محكومين بالزواج من داخل العايلة ،، دقت علي تبيني أتوسط عند كبير عايلتهم اللي يعزني حتى يرضى تتزوج واحد من بره العايلة و متعرفة عليه ،، و بالحرف قالت ما أقدر أعبش بدون ريال
و فعلا أول كلمة قلتها حق الكبير احفظ بنتكم لا تطيح بالغلط و اعصمها بالزواج , و فهمني كثر خيره و وافق !!
طبعا وجود طفل نقطة تثير الضحك ،،،، إحنا نتزوج علشان نجيب أطفال ؟؟ بشكل أوضح : إحنا نمارس الفطرة الجنسية علشان ننجب بس ؟؟؟ لأ طبعا لأن الجنس فطرة و متعة و اللا كان ماصار بسببه جرائم وصلت للقتل !!و المطلقة و و ما أدراك ما المطلقة ،،،، إنسان يحمل بين ثناياه جروح الدنيا في مجتمعاتنا و آلام احتياج إرواء كافة المشاعر و الإحتياجات الجنسية و الآدمية !! ليش لازم تنحرم نفسها و تقدم حياتها قربان على مذبح تربية الأولاد ؟؟؟
ليش تلغي حياتها علشان ياهل ما يندرى من يكبر و ياخذ المرة بيذكرها و اللا بينشغل عنها ،، و هو أمر طبيعي
كل إنسان لازم يعيش حياته حسب قدراته و احتياجاته
أنا ما أؤمن بالتضحية بالحياة من أجل أي مخلوق ،، طفل أو زوج أو أخ أو أخت ،،، لازم أعيش الأنــــــــــــا و من حقي أعيش
بس أراعي الظروف ،،، و ما أترك بنتي أو ولدي بيد شخص ظالم و ما يخاف الله و ما يراعي حدود رب العالمين
أحاول أمسك العصاية من النص فخير الأمور أوسطها
أتمنى راي العجايز ما يكون مزعج !!!

كلالالالالالالالالالالالالالام حكمه ومانزيد عليه بحرف

الله يجزاها عنا خير

 

[+بسبوسة+]

المحور الاول..

البيت مجرد اذكره بين فترة وفتره لاني ما احب واييد
وعندي اولويات اكبر من البيت..


المحور الثاني...
لا...طبعا المرأة لو زوجها مطلقها او ميت عادي تتحمل
بس معاها وماهو معاها...صعبة
الا اذا اهي مثلة وعااااااادي خل يستمرون..
غير جذي تخافين عليها مع الوقت تنحرف او مجرد بالافكار يطري على بالها الخيانه

اما موضوع المطلقة..
فأعتقد لكل وحدة ظروفها الي تتطلب حل يختلف عن الثانية
ولكن بعد الطلاق من رجلين...وعدد كبير اطفال..
تختار تربية اولادها افضل من زواج ثالث احتمال نجاحه ضئيل

 

[شمسة 1983]

اول شي مشكورة على طرح هالمحاور المهمه بالحياة الزوجية علشان كل وحده تقول رايها ونستفيد من بعض

المحور الا ول : شراء البيت ضروري ولا ممكن اتغضين البصر وتستمرين بشقه لغاية ما ربك يفرجها؟؟؟يعني

ماتحنين على الموضوع عشان الاستقرار؟؟؟؟؟

- البيت ضروري طبعا واهم شي عند الزوجة مملكتها بسسس اذا كانت ميزانيتهم ما تسمح بشراء بيت مافي مانع انها تنطر وتقدر ظروف الزوج.والاستقرار مو معناته بيت وبس الاستقرار معناته التفاهم والالفه والتعود.
المحور الثاني : اذا الوحده زوجها سوري بنات بس "موشغال" انتو فهمتو تستمر معاه كان شغال للعلم... على الرغم من

صغر سنها وانها ما يابت الا طفله وحده وكبرت البنت وتبي اخوان والام متلهفه على ياهل والاخ مايبي اعالج وصار

بالفراش معاها مثل اخوها
- ممكن الريال يعرف وشغال بس ينفر منها يمكن ريحتها خايسه او ما تتكشخ او مو نظيفه واذا كان اهوه فعلا مريض وما يقدر ومومقتنع ان لازم يعالج خلها ادخل طرف من اهلها حكيم ابوها او اخوها او خالها او عمها يفضل يكون ريال يعني لا ادخل امها بالموضوع ويقولون له لازم تختار يا اما تعالج او تنفصل لان هذا الشي اهم شي بالعلاقه الزوجية

المحور الثالث : الطلاق نهاية المرأه ولي عندها ياهل وتبي تتزوج ...تتزوج ولا تربي الياهل ؟؟؟؟ وتستمر حياتها محرومه

اذا تعرفون مطلقه ما تزوجت وتحسفت بعد اسنين قولولنا تجربتها....
-انا من وجهة نظري المطلقة تكون كسبانه اذا كان الزوج فعلا يأذيها وافتكت منه وتكون خسرانه اذا اختلفت معاه بوجهة نظر تافهه واطلبت الطلاق وبحال اذا تطلقت وعندها ياهل الله يعينها لان مو كل الرياييل يتقبلون عيال غيرهم لان الابو مو بكل وقت له خلق عياله فما بالج زوج الام