تدريس الابناء

[aqela3]

السلام عليكم

عندي سوال انتو تدرسون عيالكم في الصف السادس ولا تخلونهم يعتمدون على نفسهم وفي اي مرحله اخليهم يعتمدون على نفسهم

 

[النهج الاسمى]

انا وحده مخربه عيالي ومو قادره اخليهم يعتمدون على نفسهم

والله مشكله اعاني منها جدا

 

[aqela3]

حتى انا بس موعارفه شسوي

 

[يمامة]

حتى انا اللي اقولة ادرس يقولي ماعرف شلون فتخيلي والله بدور امسك واحد واحد

وراح اموت من سالفة تدريس عيالي ولدي بثامن مستحيل يعرف يدرس لامتحان

وشلون أعودة ماني عارفة

 

[سيدة الكويت]

وحده اعرفها ...من ثانيه ابتدائى يعتمدون على نفسهم واعيالها نسبهم كلها بالتسعينات

ما ادرى شلون ؟؟؟؟؟؟؟؟؟؟؟؟؟؟؟؟؟

 

[فلونة احلى وردة]

شفيكم ذكروا الله
انا عيالي صغار بس بما اني مدرسة اقولكم وجهوهم من هم صغار لا تدرسونهم ولا تعودونهم ما يعرفون يحلون مشاكلهم بدونكم
يعني دورج مشرفة مو معلمة
خلية يشغل مخة يفكر يحاول لكن هذا للفهيم الغبي حاولي انة يركز او علمية الطريقة بشكل لعبة تشدة وخلية يكمل بروحة
والكبار حطولهم اسئلة وهم يكتبون الاجوبة
يعني انت بهالشكل تخلينة يبحث عن الحل بنفسة وما ينسى المعلومة
لان اللي يجي بسهالة يروح بسهالة
فلخصولهم باسئلة وخلوهم يدورون الحل وانتوا قاعدين تشربون جايكم ولا قهوتكم ويمهم عشان ما يغشونكم ويلعبون ما يدرسون
والله اعلم

 

[حلم الطفولة]

بالنسبه لي وعن تجربه ونفس الشي صديقتي وخواتي ومرت أخوي ,, عيالنا بهالموضوع .. << حسب قدرة الطفل .. !!
انتو تبدون تشيلون إيدكم عنهم بالتدريج من ثانيه ابتدائي .. في طفل يتقبل ومايوصل رابعه أو خامسه إلا ماشالله معتمد على نفسه ,, وطفل آخر يوصل سادس وسابع و و و ... ومايقدر يعتمد على نفسه ,, بس انتي كوني معاه بطريقه غير مباشره وأصري على إنه يبدي درسه ويقعد على المكتب ويفتح كتبه وقولي له إنج بتمرين عليه كل شوي ... والله المستعان.

 

[aqela3]

خواتي انا جربت كل الطرق ماكو فايدة يقعد عندي على اساس انه قاعد يدرس ويكتب الواجب ولما اراجعله ما احسه دارس ومايعرف يرد على الجواب مع انه شاطر بس لازم اكون فوق راسه على طوووووووووووووووول

 

[حلم الطفولة]

أمرج لله ,, مثل ماقلت لج بعض الأطفال بسهوله يبدون يعتمدون على نفسهم ,, وبعضهم مايقدرون ..
والله ذكتيني بإحدى الخوات مصريه .. مرتاحه مع ولدها وبتموت من بنتها .. مع ان المتوقع إن يكون الولد متعب اكثر .. بس سبحان الله في أطفال لاااازم الأم تجابل معاه .. الله يعينا ويعينج حبوبه

 

[حروف من ذهب*]

عن نفسي اقولهم كل واحد يكتب واجباته ولما اخليهم يمر نص ساعه اشوفهم يسولفون ويقولون يمه ننطرج يعني ماكو فايده بس بتريج يمن يفيد