تدرين اخوج راعي خرابيط !! عيل شحقة رازة فيسج

[granted]

بعد جبدي بنات فديتكم الصراحة ردودكم تهبل واتمنى ان البنات الي عندهم اخوان هالشكل يتوعون لان كماتدين تدان
وايد ردود عقلانية بالموضوع ماشاء الله

 

[granted]

لكن السؤال مو اهنيه السؤال الاكبر لو عرفتي انه اخوج راعي خرابيط ( اخوج معرس ) راعي خرابيط من بنات شاليهات شقق او شرب هل تروحين تقولين لمرته وله تقولين مالي شغل حياته و حر فيها؟
شنو الفرق اهنيه بعدم التدخل لانه الاغلبيه بيقولون ماراح نتدخل

اوكي لو انتي مكان زوجته تبين اخته تعلمج بسوالف اخوها ؟ وله تبين اتظلين على عماج؟

اف حدة الموقف سيئ :rgewrg:
بس

انا اعتقد الزوجة 70% اتحس لمن يخربط ريلها قبل الاخت والام
فممكن اتطوف مثل الاخت الي فوق الي اتقول ماعندها مشكلة ريلها يخربط ويردلها واهي تضحك بويهه وتخدمة بيدينها وريولها :eh_s(1):


بس تبين الصراحة اذا اهو ماصار هايت الا عقب الزواج انا بصراحة احمل الزوجة جزء من المسؤلية
يمكن المح لها هذا الي اقدر عليه
اما اقول لها بويها صعبة لاناهي بتحس بالاهانه ممكن تفهمني غلط ولاتسوي مشكلة واتقول لاخوي اختك قالت عنك جذي وتقلب اهلي علي
فممكن اعطيها تلميحات وابين لها اني خايفة على اخوي وبيته لان الفاس طاح بالراس ولازم تحافظ على بيتها اذا اهي حابه


ولو انا مكان الزوجة بصراحة اذا اخته قالت لي بحط جميلها فوق راسي وبتعاون معاها عشان نحاول نصلح الوضع
ولما توقف الاخت معاي على الاقل بكسب تعاطف اهله معاي وهالشي مهم واااايد ومايطلعون ولدهم ملاك على حسابي
وينتهي الموضوع باقل الخساير

 

[ماكواسم2]

شدخل العلاقات بالزواج وبعدين اهو شاب مو بنت يعني حر يتزوج برضاج ولا لا غصب بيتزوج حتى لو بالسر لانه شاب عكس البنت وبعدين حياته وحر فيها ليش منقهرين شدعوه انتو ماعندكم سوالف مع الشباب ؟! اقل شي بنت متعرفه على 10 شباب حاسبو نفسكم قبل غيركم كل وحده تتفلسف واهي ام البلاوي صكري موضوعج احسن خفي علينا ياملاك العالم بس

ردي عليك : هو وانت اكيد راح تاخذون وحده مثلكم من تحت لتحت ..

 

[كريزية]

ما اخطبله لين يصلح نفسه ويصلح علاقته مع ربه
اللي مايخاف الله عمره مراح يخاف على بنت الناس
ياما بنات تزوجوا وانصدموا شنو معناة اتحمل واصبر عليه بهالسوالف
العوي عوي لين يصلح نفسه من داخله ولا حرام يتزوج ويعذب البنية

 

[اشكرك ربي]

شوفي حبيبتي لا تظلمونه يمكن فيحتاج لما شافت شي بالجنطه كانت مؤ له يمك لاحد غيره رفيجه او شي لا تسييؤون الظن واذا أيها اخوها وتقول محترم ومخلوق بس شافت شي عندة بالجنطه قالت كل هذا مع قوله نأمر في بالها احد متبعي عليه او رفيجه متوهم وقاله حط الأغراض بجنطتك انت او كلي قص عليه إبليس هلمرة مائير يا حبيبتي هذا اخوها ما يصير تقول عنه سواد ويه وغيره ترى كل انسان يذنب وبالعكس داهم اخوها السالفة أسهل تروح نتكلمه بكل وضوح تقوله أنا شفت بجنطتك جذي جذي وصراخهم تضايقت ممكن افهم شالموضوع لان حرام تدش بالظلم وممكن احد حاطله يبتلى عليه او رفيجه قاله خش عندك او وحده من البنات لعبت عليه في لحظة ضعف خل تدير بالها ولا تظلم والمرة هذي اخوها بالعكس المفروض تقعد قاعدة صراحه وتفهم واذا ارتكب واستحق ممكن تكون غلطة منه وما يبي يقول واهوا بطريقتها تذكرة بالله وعقابه ورحمته بنفس الوقت وتدور له بنت الحلال ترى يأمه ناس كان ضائعون الحين الله تاب عليهم واصبحوا من حفظة القران بس لا توقف نصيب اخوها على ظن وشكوك حرام

 

[ماكواسم2]

لكن السؤال مو اهنيه السؤال الاكبر لو عرفتي انه اخوج راعي خرابيط ( اخوج معرس ) راعي خرابيط من بنات شاليهات شقق او شرب هل تروحين تقولين لمرته وله تقولين مالي شغل حياته و حر فيها؟
شنو الفرق اهنيه بعدم التدخل لانه الاغلبيه بيقولون ماراح نتدخل

اوكي لو انتي مكان زوجته تبين اخته تعلمج بسوالف اخوها ؟ وله تبين اتظلين على عماج؟

الجواب : لا تقولين لان الزوجه اول من يعلم من اشياء وايد

 

[يمامة أيوب]

اف حدة الموقف سيئ :rgewrg:
بس

انا اعتقد الزوجة 70% اتحس لمن يخربط ريلها قبل الاخت والام
فممكن اتطوف مثل الاخت الي فوق الي اتقول ماعندها مشكلة ريلها يخربط ويردلها واهي تضحك بويهه وتخدمة بيدينها وريولها :eh_s(1):


بس تبين الصراحة اذا اهو ماصار هايت الا عقب الزواج انا بصراحة احمل الزوجة جزء من المسؤلية
يمكن المح لها هذا الي اقدر عليه
اما اقول لها بويها صعبة لاناهي بتحس بالاهانه ممكن تفهمني غلط ولاتسوي مشكلة واتقول لاخوي اختك قالت عنك جذي وتقلب اهلي علي
فممكن اعطيها تلميحات وابين لها اني خايفة على اخوي وبيته لان الفاس طاح بالراس ولازم تحافظ على بيتها اذا اهي حابه


ولو انا مكان الزوجة بصراحة اذا اخته قالت لي بحط جميلها فوق راسي وبتعاون معاها عشان نحاول نصلح الوضع
ولما توقف الاخت معاي على الاقل بكسب تعاطف اهله معاي وهالشي مهم واااايد ومايطلعون ولدهم ملاك على حسابي
وينتهي الموضوع باقل الخساير

معاج برايج

انا ما ابي اظل على عماي وابي اعرف لاني لو عرفت من مصدر ثاني و اكتشفت اهله يعرفون ماراح تتصلح الامور فلمن الاخت تقولي بفهم انها تبي مصلحتي ومصلحة بيتي و ان شالله انعدل الوضع ادري اهله راح يتعاطفون معاي في ها الحاله و يحاولون معاي انه الامور تتصلح انا مابي اظل على عماي

اما لو انا الاخت صح كلامكم الزوجة اهي اتحس لو ريلها مسوي شي و تقدر يا هي تتعامل مع الوضع بروحها او تشوف لو الكل عارف وساكت يعني لو هي تبي ادخل الكل او اي طرف تقدر تستفسر وتسال لو ظلت ساكته قرارها...

 

[خلني حضن لحنينك]

اعلم عليه الاهل وهم يتصرفون معاه وضميرهم اما انا عني بقول رايي له اعتدل وبنات الناس مو لعبه ...قال اخطب له قال...يعنس ابرك له ههههههههههههههههههه

 

[Tulips]

شوفي حبيبتي خل نكون واقعيين
هالايام هذي نادرا ماتحصلين واحد مو مخربط قبل الزواج ناااادرا
انا مو قصدي بهالكلام ابرر له او لغيره لا والله اللي يسونه كبيرة من الكبائر وماينسكت عليه
بس اللي صاير اللحين ومع هالتفتح وهالتطور صعب انه الانسان ماتغريه هالامور .. واللي مايوصخ نفسه بهالسوالف يعتبر مجاهد

فعشان جذي اذا فلانه ماراحت خطبت حق اخوها وفلانه مارضت تروح معاه ترا محد راح يتزوج
احسن شي انها تنصحه وتوعيه وتخوفه من الله لانه الدنيا سلف ودين ومثل ماسويت عيالك راج يسوون

والله الهادي

 

[كويتية بروما]

الحمدلله اخواني مو من هالنوع
بس بالعكس ازوجه لان الزواج بيرده عن الحرام ويستر عليه
ياما شباب نظاف قبل الزواج ومن تزوج ين وقعد وقام يسافر ويخربط
الله يهديهم ويستر ع الجميع

 

[أميرة-]

لا تدعون المثاليات الأغلب بيخطبون له لو انه يدرون انه ولدهم يشرب ولا راعي بنات استغفر الله

وبالنسبة لاخو رفيجتج طالما انه يستحي ووعلى قولتج معروف انه اخلاقه زينه يمكن نزوه وبس يتزوج يعقل

عموما اهل البنت لازم يسألون اذا جوهم خواطيب .. انا ماقول انه عادي يغشون البنت بس القصد اغلب شباب هالوقت راعين سفرات اذا كل واحد غلط اهله ماراح يزوجونه يمكن نص عيال الديرة ماراح يتزوجون .. انا ماعميت بكلامي بس هذا الواقع

بعدين اسمحي لي رفيجتج غلطانه جكت اخوها عليه دليل قوي ليش تتكلم هذا بدال ماتستر عليه وتنصحه

 

[Katkoota85]

شدخل العلاقات بالزواج وبعدين اهو شاب مو بنت يعني حر يتزوج برضاج ولا لا غصب بيتزوج حتى لو بالسر لانه شاب عكس البنت وبعدين حياته وحر فيها ليش منقهرين شدعوه انتو ماعندكم سوالف مع الشباب ؟! اقل شي بنت متعرفه على 10 شباب حاسبو نفسكم قبل غيركم كل وحده تتفلسف واهي ام البلاوي صكري موضوعج احسن خفي علينا ياملاك العالم بس

لييييييييش زعلان مااا تحاجيناااااا 

طبعاً ماارضى اخطب له وانا متأكده انه انسان غير صالح للزواج وراعي خرابيط
شكراً صاحبة الموضوع

 

[غرومه غنوجه]

بكل بساطه ماخطب وله وقوله انت مو مال زواج شحقه اكبر الموضوع ولف ودور
واقول حق امي قبل لاتروح تخطب له عالسواة المسويها
واطلع منها لان العوي ماراح تعدله كلمتين
وبعدين اذا هذا صج لعيب ويخربط ومسوي نفسه شريف روما وخجول هذا بو ويهين مو كفو اساسا
الصراحه راحه وماله داعي تخطب له

 

[د.أطفال]

مشكورة عالطرح بصراحة مشكله واقعية ومتكررة بهالزمن
من فترة انا نزلت موضوع قرييب شوي عن موضوعك.. الفرق انه الشخص مب أخوي هو يقرب لزوجي و الاختلاف الثاني اني شاكه 99% يا انه زاني او شاذ وان شاء الله اكون غلطااااانة يارب.. هو الحين خاطب بنت عالم وناس بس لسه ما ملجو..

نرجع لموضوعك.. للي قاعدين يجاوبون بالستر والسكوت وهالكلام بس بقلهم شي واااحد.. لو الوضع معكوووس واخوج يبي يخطب بنت انتي متأكده انها ******** بتقولوون خل نستر عليها ونسكت ونخطبها وناخذ ثواب الستر؟؟؟ اكيييد ماراح تخلونه يخطبها..

مشكورة صاحبة الموضوع.. أعتقد رأيي بالموضوع واضح

 

[كويتية بروما]

انزين اللي اخوها راعي خرابيط لاتخطب له وخل تفضحه وتخرب زواجه
واللي اختها خربانه راعيه شباب وطلعات وقعدات وقز (لاتقولون مافي بنات من هالنوع متروس بالببي والتويتر والفيس بوك وبتحصلووون)
لي يو يخطبونها ويبون يتزوجونها ومحد يعرف اسرارها الا اختها تقوم تفضحها وتقول للناس لاتزوجون اختي لانها موشريفه وخلها تعنس احسن
اكيد لا وبتتمنين لها الستر
نفس الشي اللي اخوها يبي يتزوج يمكن الله يبي يتوب عليه من الزنا والحرام وبيفتح عليه باب الستر والعفه

 

[كويتية بروما]

واللي يخافون من الايدز والمخدرات الخمر
اللحين الحكومه حطت فحص قبل الزواج ويبين كل هالاشياء بالتحليل والملاج مايزوج الا بالورقه

 

[د.أطفال]

طيب حبيبتي كويتية بورما.. المرض الجسدي عرفنا نقدر نكتشفه قبل الملجة.. بس المرض النفسي شلون بنعرفه؟ الي ما قدر يمسك نفسه وجرب الحرام والله اعلم كم مرة راح يتوب ويرد للحرام ويتوب ويرد والله أعلم.. شذنبها البنت تعيش مع واحد مجرب غيرها؟؟ ليش ما تاخذ واحد نظيف محترم ما كشف عورته ولا شاف عورة حد غريب.. اوكي بتقولين تاااب والله غفور رحيم.. ما عليه خلاف هالكلام.. عشان شي انا اقوول خل ياخذ زانية تابت لربها.. يليق عليها وتليق عليه..والله يوفق ويغفرلهم..
مو معنى انه نوقف هالخطبة يعني راح نفضح احد.. بس انا ما احط ايدي بشي مشكوك في وماراح افضح احد اكيد بتستر

 

[Miss Basma ..}]

مستحيل أخطب حق أخوي لو كان من هاذي الفئة
الزواج مو لعبة
و مو عشان مثالية ما أخطب حق أخوي
عشان نفسي , مابي أخطب له و آخر شي أظلم البنت و تدعي علي
و أنا ما أرضى أتزوج واحد جذي و أخاف ينطبق علي القول ( كما تدين تدان )
فليش أزوجه و أخرب حياتي عشانه . خل يتحمل الي يجيله
و الخبيثون للخبيثات و الطيبون للطيبات

و مستغربة من الي يخطبون حق أخوهم لو كان موزين
جذي بتظلمون البنت
و دعوة المظلوم مستجابة
ما تخافون لو تدعي عليكم البنت بسبب هالظلم
و مثل هالمواقف تصير أن الواحد يبتلى بسبب ظلمه لأحدهم

فخافوا أنكم تظلمون البنت


و مافي شي يأكد أن الرجال بيتوب بعد الزواج

دشوا قسم الحياة الزوجية و بتشوفون متزوجات يشتكون من أزواجهم رواعي الخرابيط

و كما تدين تدان
يعني ترضون لو تتزوجون راعي خرابيط و أخته ما قالتلكم عن حقيقته بدعوى أنه ممكن يتوب !!
طبعاً مستحيل وحدة ترضى بهذا الشي

 

[كويتية بروما]

طيب حبيبتي كويتية بورما.. المرض الجسدي عرفنا نقدر نكتشفه قبل الملجة.. بس المرض النفسي شلون بنعرفه؟ الي ما قدر يمسك نفسه وجرب الحرام والله اعلم كم مرة راح يتوب ويرد للحرام ويتوب ويرد والله أعلم.. شذنبها البنت تعيش مع واحد مجرب غيرها؟؟ ليش ما تاخذ واحد نظيف محترم ما كشف عورته ولا شاف عورة حد غريب.. اوكي بتقولين تاااب والله غفور رحيم.. ما عليه خلاف هالكلام.. عشان شي انا اقوول خل ياخذ زانية تابت لربها.. يليق عليها وتليق عليه..والله يوفق ويغفرلهم..
مو معنى انه نوقف هالخطبة يعني راح نفضح احد.. بس انا ما احط ايدي بشي مشكوك في وماراح افضح احد اكيد بتستر

اختي صدقيني كل شي قسمه ونصيب
مثل ما احنا مانبي ريال زاني هم الرياييل مايبون وحده مو شريفه وزانيه
وهدي توافيق من الله وقدر احنا مانقدر نتحكم فيه
والوحده توكل امرها لله وحده وان شاء الله مايخيب ظنها
وان وقفت خطبه اخوها او ماتدخلت بالخطبه مرده بتزوج بدون مساعدتها الدنيا مو واقفه عليها
العبره من الموضوع كله استري ع اهلج وماله داعي تمشي تتكلم باخوها ختى عند امها
والزنا لازم يشهدون فيه 4 رجال ويكون السيف بالقمد والكل فاهم هالشي
يعني ان لقت صوره ولا واقي جنسي هدا مو معناه انه زنا دامهاما شافت بعينها مايصير تتهمه
الله يوفق الجميع

 

[ReD&FoSHia]

اذا قلنا الوحدة ماتاخذ الا ريال نظيف و ماشاف وحدة
عيل ولا وحدة بتزوج
سوري يعني ما اطيح من قيمة شبابنا
بس فيه رياييل جربو الحرام اي
بس لما يتزوجون يتركون عالامور
ونسبة كبيرة تترك هالامور الا اذا اهملته الزوجة ممكن يرد بس يكون الخطأ من جانبين
فيه بنات مساكين انا اقولج تغلط قبل الزواج
سواء تفقد عذريتها ولا لا
بس تغلط
ومعظم البنات اللي فقدو اتسافر اتردها علشان ( تستر ) على روحها
ما اقول هالشي غلط
الحين اهيا غلطت و محد درى مو ضروري اتم طول عمرها مو بنت ولا متزوجة علشان غلطة
باب التوبة مفتوح للكل
و مو احنا اللي انقول ما نخطبله
و منو الاخت علشان توقف بويه العايلة واتقول ما اخطب حق اخوي ؟؟
وشدراهم العالم انه الاخت تدري بخرابيط اخوها ؟؟
لو عرفت و قالت ماني رايحة
رياييل العايلة و الخالات و العمات و الام بيروحون يخطبون
السالفة بس انه نعطي فرص للاستقرار و العيش الحلال