تدرييين..وصخ الدنيا صارو اغلى منج !!؟؟

[حلوه ولمآحه]

البخل اهون 1000 مره من الحرام والخربطه

 

[كويتيه مذهله 87]

انتي عوديه ان يصرف واذا رحتوا مطعم يدفع لا تودين بوك معاج علشان يحس شوي

 

[((shoOoshoOo))]

إالا البخل

ماعليه شتسوين ! الله يفرج همج

 

[DooLy88]

الله يعينج

 

[::كيك وعسل::]

اللـــــــــــه يعينـــــــــــــــج..@

 

[سينامون]

بعدج عالبر
استخيري
و لا تغمظين عينج عن عيوبه

 

[modern]

هو الحين بفترة الخطوبة لازم يبين الكرم و الهدايا .
زين شو خلا لبعد الزواج؟؟؟
ترى اذا انتي مو بخيلة رح تعاني وايد

 

[دانة الدنيا1]

حبيباتي والله كلكم مشكورين وماقصرتو على الرد علي تصدقون والله العظيم مساعه قعدت استغفر فوق 100 مره وقلت اذا ارتحت راح ادق عليه لاني مسافره والله ودقيت ماقدرت طبعا اهو يهلي ويرحب ولا جنه موداق لانه ينطرني انا ادق والمشكله يبين لي انه كريم ويقولي اذا تبين رفيجتج اتييج دفعيلها التذكره حرام مكسينه لانه يدري انه الحمدلله عندي فلوس واهو شكله طبع اجانب كل واحد يدفع لنفسه لانه ولا مره قال محتاج كله يقول الحمدلله انا عندي فلوس وزياده يعني عباله اني انا هبله وما افهم زي الاطرش بالزفه والله يوم قالي فشله دفعي حق رفيجتج بغيت اقوله انت دق علي اول واصرف علي عشان تقولي دفعي حق رفيجتج مسوي نفسه حاتم الطائي والله بغيت اقوله طرشلي فلوس تذكرتها عشان ادفع لها بط جبدي وانتي الدنيا بدونج وافلام والله يوم سكرته لاعت جبدي حسيته مناااااافق لانه كلامه شي وحركاته معاي شي ثاني وسوالف البنات اهو توه هاب بهالشغله لانه اول ماكان جذيه وحتى لو فعلا عنده بنات يسولف معاهم عشان يقضي الوقت ويتسلى معاهم على قولته مره سألته اقوله ليش الريال يخون جان يقولي لا اهو مايخون بس نوع من التغيير عشان يكسر الملل لا وكل ساعه مدوخني ترى بتزوج ثانيه عليج قتله انت هيييي شسالفتك لما اعصب يخاف يقولي لا حبيبتي شفيج انتي لاتخافين من اللي يهدد ويقول لانه ماعنده شي والله ذبحني قطيعه تقطع العدو لسانه الحلو واسلوبه يخليج تتحسفين عليه( اسمع كلامك اصدقك اشوف عمايلك استعجب )
وانا ماصدته بالجرم المشهود ولا مره ولا هو اصلا اللي خطه 24 ساعه وينتج بس محيرني والله كنت مخطوبه من زمان حق واحد نفس مواصفاته تخيلو مره طلبته يشتريلي شغله بدينارين جان يقولي انزين عطيني الدينارين عشان اشتريلج @@ @@ انا جذيه طلعت عيوني لين عقب حمدالله من كثر ما استخرت فسخت خطبتي منه مادري انا ليش حظي مع البخلاء مع اني كرييييييييمه واللي عندي مو لي والله بس افكر شنو اشتري هدايا من كثر ما اني احب من قلب

 

[الغشمريـــه]

لاحول ولا قوه الا بالله

 

[قـہۈه فـرنسيـہ™]

هذااا الأول ...شلوون التالي !!

 

[شواخي]

استخيري

الله يعينج

 

[مهفهفة]

علشان يمشي المركب !

ليش انتي ركبتي المركب علشان تبي تمشينه من الحين !

ليهدرجة انتو يائسين وخايفين تعنسون !

إلا البخل عاد فيه حديث ماني ذاكرة نصه بما معناه تزوجوا اي شخص الا البخيل

وشلون تقولين مو هامني خرابيطه !

والله بخيل ونظيف ابرك من كريم وسخ

معني مافضل الاثنين

فليها الخطبة احسن لج

 

[flona99]

قريت الردود سبحان اللله الردود تقريبا نفس الي كنت بقوله شوفي لو يشرب اهون من انه بخيل لانه ممكن يتوب عن الشرب ممكن يصير مطوع واللله يهديه ويتوب يمكن ينصاد من الشرطه ويتوب بس البخل شترقعين فيه تكفين لاتعيدين تجربت اختيييييييييييييييييييييييييييييييييييييييييييييييي كل شئ يتريقع بريال الاا البخل لاترقعينها اتقولين حريص لاااااااااااااااااااااا قولي بخيل الكلام الي قلتيه موحريص لا ها البخل بعينه وعلمه وانتي الحين عندج الخيار قبل لايطيح الفاس براس ترا كل ريال يقدر يقول كلام حلو بس موكل ريال يقدر يدفع ومايكون حريص ع فلوس اشتري راحتج حق بعدين هذا زواج مو يوم ولا يومين باجر وراكم عيال وبيت ومصاريف صعبببببببببببببببببببببببببببببببببببببببببه البخل اشوف حالة اختي واتحسر

 

[رفاعيه]

الاااااااااا البخييييييييييييييييييييييييل

 

[The Boutique]

البخل عدو المرجله حطيها بين عيونج

 

[om-HaSsoOon]

وي على قولت البنات هذا من اوله جذي شلون بعدين ؟ اتوقع راح يخلي كل شي عليج انتي

حياتي انتي كلميه هالمره عطيه فرصه اخيره مثل مايقولون وخلج جاده حيل معاه قولي له يا تعدل يا كل واحد يروح بطريج

يمكن هالحجي يحركه شوي يخليه يتغير واذا قالج المره السنعه تحمل ـ هذا مو حجي قولي له انا سنعه وابي واحد سنع صراحه مو واحد بخيل ولا بعد يروح مكان مايندره شيسوي مع ربعه !

ربي يعينج

 

[دانة الدنيا1]

ايه والله سكتي يا ام حسون والله قاعده على اعصابي بس ارجع الكويت ان شاءالله لي تصرف معاه وبقوله هالكلام الحين مالي خلق شي وحتى لو بتكلم انا بعيد عنه بيسكتني بجم كلمة وبيسوي اللي براسه والله الرياييل عوووووذه منهم
ومشكورين حبايبي كلكم على التفاعل معاي

 

[ام بشبش]

الله يعينج كل شي ولا البخل بعدين راح يحاسبج حتى على معاشج

 

[Tulips]

راعي سفرات وخرابيط و مو مستحي منج اشكره جدامج!!

و فوق هذا بخيييييييييييل @@


لالالا اسمحيلي يعني ... اشتبين فيه هذا !

 

[عطراللافندر.]

الله يهديه لج ويتمم لج على خير مو معقوووله بتهدين ريلج عشان هالصفه ودوام الحال من المحال انتي حاولي تغيرينه لو شوي ع الاقل.