تذكرون موضوعي الاول تجدد مره ثانيه يالله يارب ارحمني برحتك

[كماشه]

طيب ليش مصر على الزواج يعني شالسبب بالضبط اللي ما يقدر يستغني عنه

اعتقد من ربعه لانهم متزوجين على حريمهم عاد شوفي شنو يقولون له عن العرس

 

[الغاليه ام احمد]

حبيبتي الريال معزم ما بذنه ماي

خلاص خليه يتزوج بس مووووووووووووووو سوريه ولا مغربيه

لان اذا اخذ منهم قولي لحياتج مع السلامه لا في غلا ولا حب لج بتلفه بتلفه عنج وعن عياله

وكل شي راح ينساه من طرفج

قوليله يتزوج من اهله اول من الديره لانها مهما تصير غاليه عنده ماراح تضرج

 

[سوسن1980]

الله يعينك اصبري بشرط ماياخذ منحة عيالك مو من حقه

 

[اسراب الطيور]

قولي له اللي تبيه من الثانيه بسوي كلش علي على خاطرك بصيرلك عروس كل يوم
اهم شي لايتزوج

 

[كماشه]

حبيبتي اهتمي بنفسج وكشخي وغيري لوكج

خليه يحاتي اكيد بيسال اشفيها المرة تغيرت

واجبريه علا طلباتج يعني مثلا قوليله طلعني

او امش نسافر قطي اعيالج علا اي احد من معارفج

خليه ينشغل فيج وذا عندج رفيجات طلعي معاهم

ابيج تشغلين مساحه من تفكيره اتمنا انج فهمتيني

حبيبتي ماقصرت بالبس وبالكلام الحلو سويت كل شي بس هو يقول غصب عليه يقول كذا مره رديت نفسي من الحرام انا مابي ازلق في الحرام بصون نفسي قلتله وانا قصرت فيك كل ليله لبس وشكل قال ادري انج ماقصرتي وقعد يحلف ويطلق انه شي غصب عليه يقول هذا ابتلاء من ربي ومابي اعصيه وزني وانتي مارح يتغير عليج شي كل شي تبينه يتنفذ
تقولين اطلع مع رفيجاتي انا بيتوتيه ماعندي ريفجات وهو انسان حكر ماعتقد الثانيه بتتحمله مثلي والله يعيني والحمدالله على كل حال

 

[داناتا]

الله يكون بعونج أكيد محد يرضي يخرب بيته لان دخلت شريكه بحياتج شوفي وانا كلي قناعه ان اللي الله كاتبه راح يصير وارضي باللي كاتبه ربج وثاني شغله عسي ان تكرهو شيئا وهو خير لكم ادعي ربج ترا مالج الا اهو وانا اعرف الزواج الثاني مثل الزلزال يهزج هز بس كوني الاقوي عندج عيالك وكوني مع الله يكن الله معاج

 

[كماشه]

قولي له اللي تبيه من الثانيه بسوي كلش علي على خاطرك بصيرلك عروس كل يوم
اهم شي لايتزوج

قلت وسويت بس مافاد هون شهرين والحين رد لحالته تبين الصج انا خلاص مرات اقول خل يتزوج وخلص من الموضوع الي صار شبح يطاردني انا الحين ابي شلون استفيد من الموقف شنو رايكم

 

[اسراب الطيور]

يا قلبي انا بصراحه ما ادري عن نفسيه زوجك بس في ازواج يقولون انه ما راح يتغير بعد الزواج الثاني عليك وتراه صادق في نيته بس اذا جات وحده شينه يا اختي حتى بتنسيه حليب امه
وبعدين شلون يختار سوريه او مغربيه تراك ماراح تتحملين جمالها اسفه والله موقصدي اجرحك لاني بصراحه اتخيل الموقف وهو صعب جدا خليه يصرف نظره عن بره وقولي اللي بره ما تظمن اخلاقهم ومو كل وحده مثلي الزمن تغير ما ابيك تندم وجيبيله قصص ومشاكل الزواج الثاني موبس السالفه فراش وبس خليك يفكر الف مره
انشاء الله يصرف رايه ويرد لك ادعي الله وتقربي له بالنذر واكثري الاستغفار الله يسخره لك

 

[كماشه]

جزاكم الله خيرا بنات ردودكم تهون علي

 

[أم توتو]

الله يعينج ويترك الفكره من باله

 

[اسراب الطيور]

حبيبتي قولي له انا الحين طيبه وياك بس ما اضمن اذاتزوجت غصبن علي احتمال اتغير وبتفتح لنفسك مشاكل انت في غنى عنها فكر في السلبيات قبل الايجابيات وقرر بعدين

 

[ترجمة احساس]

والله مدري شقوللج لبي طلباته كلها ولاتخلينه بروحه يفكر
حاولي تشغلينه بدال لا يفكر بالامور هذه
والله يهديه ويسخره لج يارب

 

[كماشه]

الله كريم

 

[كماشه]

الي مايعرف موضوعي الاول هذا الرابط

http://www.q8yat.com/t800936.html

بنات محتاجه دعاءكم والله تعبت معه بس شكله اليوم ولابعد عشرين سنه بسويها ياالله تصبرني وتنزل على قلبي السكينه والله يابنات انه مسكين قصب عليه يقول اذا مااعرسة بخربط وانا مابي اروح للحرام ويحلف يقول والله اني افكر بالعرس واهون عشرين مره عشانج بس الشيطان يوزني ولاصرة قريب من الحرام ربي يردني بس مره مرتين عشرين وبعدين اذا ماعرسة وحصنة نفسي لابد اني بطيح والله غصب انا احب الحريم وانا بشر وفوق هذا انتي مابي اجرحج اطلبي الي تبينه وعطيج بس لاتزعلين هذا سالفتي شرايكم شنو تشورون علي فيه
الموضوع كتبته مرتين هذا الاول عبالي انحذف ورديت كتبته مره ثانيه طلع ينطر موافقة الاداره وصارر مكرر

 

[قلبي سلومي]

الله يعينج

حاولي معاه يمكن يغير رايه

 

[كماشه]

بنات ادعولي في صلاتكم لاتنسوني

 

[مهر الجنان]

الله يفرج عنج حبيبتي
احتسبي الاجر
و اذا هو معزم يتزوج
حولي تكسبينه و تعلمي شلون تتعاملين معاه بعدين
فيه منتدى اسمه منتديات مركز بلقيس
في تجارب بنات مثلج
دشيه و استفيدي
الله يصبرج عنج و يفرج همج
تذكري عندج رب اقرب لج و احن عليج من أمج

 

[** باربي **]

للبيله الي يبيه ولو تمثيل او علميه شلون يحببج بالجماع يعني حركات شكله ما يسوي

ولا انه يتزوج عليج من صجج

حاولي بكل قوة بالدنيا تمنعينه
ما تحسين فيها الحين تحسينها لي شفتيه عندها

لحقي على عمرج لحقي حياتي انتي شنو اصير عادي هددية بالطلاق او اخلي اعيالي او اخذهم ونفقه او او او

عبالج السورية ولا المغربية بتخليه يخليج على ذمته ؟؟! هيـــن

 

[noorq8]

ريلج عيااار .

آمنا بالله عنده طاقه زايده ................ماحس فيها الا لما نزلت بيزات الجهااال !!

وماتشبعه الا سوريه والا مغربيه !ّ!!!

كويتيه مااايصير . كووووووود بنات الكويت المطلقات وصغيرات بالعمر واللي طافهم العرس بس عيااارته حلت بعينه الحين السوريه والمغربيه ويمكن يهون يبي تركيه ............... حبيبتي لازم شوية جديه بالموضوع خل يحط فلوس الجهال بايدج ويروح ايد ورى وايد جدام وخل يشوف من بيعطيه وشرطي عليه مالهم سكن عندج بالبيت يتنازل عن البيت ودربه خضضضضضضضضضر خل يتزوج لين يقول واحيلاااااااه

 

[أبكاني ذنبي]

الله يصبرج يااارب ويعينج


ادعي بقيااام الليل ربي يرده لج مردا جميلااا


وعسى ربي يفرجها عليج يااارب