ترتيب وتنظيم البيت بالصور (نفيد ونستفيد)

[ليمون ونعناع]

روح ابوها
مشكورة عالمشاركه والرفع

الله يرفع مقدارج

 

[لمن اكون]

حيل عجبني 7 7

 

[ليمون ونعناع]

ياحلو الترتيب يا حلو افكاركم

 

[ام فوفوو]

موضوعج عجيييييييب

 

[q8yah]

مشكورة احب هالمواضيع تشدني وايد ... تدرين شنو مشكلتي العاب اليهال :/

 

[ليمون ونعناع]

q8yah

حياج الله
بالنسبه لمشكله الالعاب وايد فيه افكار مرت علي
بحط الصور من النت وانتي اختاري اللي يناسبج
طبعا بذكرلج من وين تحصلين بعض الشغلات بالاسوقه عشان اسهل عليج الفرارة
وانشالله اساعدج او اوحي لج بأفكار


هذا كرسي وصندوق بنفس الوقت لقيت نفس فكرته بالكويت بس مو ملون وكبير شوي

صناديق تنحط على الارفف تقسمين اللاعاب فيها كل صندوق لنوع واحد تظل مرتبه وسهله للترتيب بعد الانتهاء من اللعب
تحصلين نفس طريقتهم بايكيا انتي تختارين الديزاين اللي يناسبج

او حطيهم بصاديق وفوق بعض

هذي للحرفيين اللي يحبون اعاده التدوير افكار لترتيب الالوان

مادام ذكرنا التلوين استخدمي مثل هالبوكس لكراريس التلوين تحصلينهم بالمكتبات او ايكيا ٣ او اربع ب ٧٥٠ فلس

صندوق خشب وسط وعميق للاعاب الكبيرة اللي ماتحتاج تقسيم شيفه مثله واحلى على اشكال كارز للاولاد الحلوين وبرنسس للبنوتات فديتهم واتوقع في اشكال ثانيه من الغانم

ادرج للاعاب الوسط اللي كل يوم يلعبون فيهم
شايفتهم بعد في الغانم وشايفه نفس طريقتهم بتروفاليو عند قسم العده والسبانات اذا فهمتي علي يعني مكان الورشه حق البراغي وغيرهم بس يصير نستخدمهم للاعاب بس لونهم ازرق او احمر مو ملوين مثل الغانم

هذي فكرته بسيطه كبت ارفف تحصيلن منهم كل مكان الضجيج او تروفاليو ، ايكيا

 

[ليمون ونعناع]

ياحلاه الترتيب

هذا عجبني في تواير سهل تحكينه وتنظفين تحته او تغيرين مكانه بدون عوار ظهرررر

التعليقه حلوة للاعاب والكور يوفر مساحه عموديه متوفر باماكن كثيرة بس ماتحضرني الاسامي الحين

اذا عندج سلال ماتستخدمينهم ممكن تخلينهم للاعاب او بالصاله حطي لج جم سله حق اذا لعبوا بالصاله وبييون لج ضيوف بسرعه يحطونهم بالسله وعقب يرتبونهم بدار الاعاب على راحتهم

استغلي المساحه تحت السرير اشتري ادرج من ايكيا او من سيتي سنتر او الغانم هوم جاردن عندهم صناديق وخزنيهم تحت السرير ووقت اللعب يطلعونهم وبعد مايخلصون يردونهم بالصندوق او الدرج وتحت السرير مخفي

 

[ليمون ونعناع]

وهذي جم نصيحه من اللي يحضرون ببالي لترتيب الالعاب​

١\ تخصيص مكان معين للعب فقط

٢\ ييبي لج كيس كبير عدد٢ او كرتون كبير عدد ٢ او حسب الحاجه راح يساعدونا باول خطوة للترتيب الي اهي الجرد ٠ الاعاب المكسرة بكرتون والاعاب اللي ودج تتبرعين فيهم للجنه خيريه ويدعون لج فيهم بكرتون ثاني واللي كبرو عليهم عيالج ممكن تبادلين فيهم مع اهلج وحبايبج مثلا يكونون غالين ويدد بس ملوا منهم او كبروا عليهم مافيها شي اذا تبادلوا بالاعاب بيفرحون٠
ولاتتحسفين على شي ترى الدثرة والتخزين لاشياء مالها داعي اهي اللي تسوي الحوسه وتاخذ مكان علفاضي وتحتارين شتسوين فيها وبتقطين فلوس زياده عشان تشترين لهو كبت او ادرج تخزينهم ومحد راح يجيسهم وبتنسينهم مع الوقت ٠ فالافضل انج تنتهين بان تصفين علالعاب اللي صج عيالج بيستخدمونهم ويلعبون فيهم٠

٣\ فرزي الالعاب حسب النوع والحجم وسجلي بورقع شنو تحتاجين لترتيبهم منالافكار اللي حطينه صورهم فوق او من السوق واشتري اللي يناسبج

٤\ كتبي على كل قسم اسم نوع الاعاب او اسم الطفل ٠ ه`ي الخظوة مهمه عشان لاتنسين وين حطيتي هاللعبه او وين مكانها ٠ زائد انها راح تساعدج ان تحافظين على مجهودج بالترتيب وماتظطرين كل مرة ترتبين وتعيدين اللي سويتيه بترتيب وتقسيم ٠ يعني الكل يعرف ان هالشي مكانه بهالمكان

٥\ اخيرا علمي العيال على الترتيب مو الخدامه لوووول ٠ وبين فترة وفتره كافئيهم على الترتيب وخل يشوفونج وانتي ترتيبن وتحطين الطابع للصناديق ويشاركونج بلزق او كتابه الاسم على الصناديق والادرج ٠ راح يحسون بالمسئوليه الحلوة و اهميه اللي تسوينه وبيتعلمون بالمستقبل يسوون هالشي حق كل اغراضهم بنفسهم وبيحافظون ويطبقون اللي تقولينه لانهم اشتركوا معاج بالموضوع وماانفرض عليهم فرض ٠

٦\ بين فترة وفترة جيكي على الوضع وعدلي على الاخطاء ووجهي النصيحه للاطفال بشكل حلو وكلمه طيبه ٠

وانشالله تكونين استفدتي ولو بجزء بسيط
والله يوفقج ويخليلج عيالج

وانشالله البنات ما يقصرون بافكارهم ونصايحهم ​

 

[ليمون ونعناع]

شوفي هذا الي اقصده انج تحطين على كل صندوق ليبل يعرف شنو اللي داخل او اسم صاحب هالبوكس على حسب اللي يناسبج

 

[ليمون ونعناع]

كبيت حلو وماياخذ مساحه ممكن تسوينه نجارة

هذا ستيال بوتري بارن بالافنيوز امووت عليه بس غالي

هذي فكره حلوة وتسهل على الطفل ان يرد كل شي مكانه بالصور ٠ تحطين صورة نوع اللعبه على الصندوق من بره

 

[Q 8 Y A t]

مشكووووورة انا استفدت وخاصة المطبخ خ خ خ خ خ

 

[لمن اكون]

حيل اعجبتني الفكره
لي تحب اغراض الكب كيك

 

[لمن اكون]

انا شريتلي ٣ من هذول
١ للسكارفات
٢ للملافع

 

[ام تمارا]

بالعااافيه عليكم افكـــــــــــــــــــــــــــــار روعــــه وجاري لطش بعض الافكار
لا يووووووووووووووووووقف

 

[ليمون ونعناع]

حلوة افكاركم

وعلاق الملافع والسكارفات وايد عملي ومفيد

 

[om MaRyooM]

بنات شلونكم


انا رتبت مكياجي جذي
افكار بسيطة
http://www.q8yat.com/t1024320.html


وانشالله عن قريب اصورلكم شلون رتبت اكسسواراتي

موضوعكم وايد شجعني والله
يعطيكم العافية
وشكرا قلبي ليموووووووون

 

[ليمون ونعناع]

الله يعافيج ام مريوم

والحمدلله انج استفدتي

ترتيبج عجييييب لا يطوفكم

 

[ليمون ونعناع]

ام تمارا
حياج الله
لطشي براحتج الموضوع مفتوح للافاده والاستفاده

 

[وهــايب]

رووووووعه وفوق الروعه بعد
نبي افكار للباث و المخزن

ماتدرون متى تنزيلات ايكيا

 

[ليمون ونعناع]

وهايب توه مخلصه تنزيلات ايكيا
ماعندي فكرة متى بيسون مرة ثانيه