ترددت حيل بس ابي الحل تعببببت

[عاشقة الاسلام]

اذا رفض التفاهم وما جزا عن طبعه طلبي الطلاق

 

[غنج بدويـه]

لاحوووول ولاقوة الا بالله ..

أحس كل سوالفه من تأثير ربعه المعقدين !!

اختي مالج الا الصبر والدعااااااء ثم الدعاااااااء وعسى الله يهدييييييه ويسخره لج ويجملج بعينه امييييين

 

[NOORALLAH]

الله يكون بعوونج .. ويسخره لج يارب ..

​

 

[chatterbox]

بسم الله الرحمن الرحيم مامداج تشتكين منه توج ماصارلج سنة
حبيبتي هدي بالج ونطري كل شي راح يتعدل مع الأيام اهو لي الحين متعود على حياته العزوبية ولا حاس انه متحمل مسؤولية بيت ومرة واذا انتي من الحين بيضيق خلقج وبتنطقرين بويهه كلساع راح ينقلب عليج الوضع وتزيد مساوئه اكثر واكثر
طلبيله الله يهديه مع كل صلاة واهتمي فيه اكثر بس بدون ماتبينيله انج تهتمين فيه عشان تبين منه شي
خليج شاطرة ونبيهة واذا قالج لاتروحين مع اهلج السوق قوليله انشالله مع ابتسامة وانتي من نفسج لاتتضايقين لاحقة عالطلعات قعدي سوي اي شي بالبيت شوفي فلم سوي اظافرج رتبي ادراجج اي شي يلهيج عن ضيقة الخلق
والريال اذا شاف المرة تسمع كلامه" وهذا شرع الله بعد مو من عندي هالكلام" صدقيني مع المدة يتسنع
وهذا حديث الرسول "كوني له أمة يكون لك عبدا" وبالحديث امبين ان المرة اهي اللي لازم تبتدي بالطاعة وحسن الخلق لانها مذكورة اول بس ما اوصيج بالصبر ولاتنطرين النتيجة اتيي بسرعة ومثل ماتبين بالضبط
حبيبتي بعدج صغيرة والحياة جدامج لاتضيعينها بضيقة الخلق والبجي ونسي نفس واهو لي شافج مستانسة بتلاقينه بجابلج فضول بس يبي يشوف ليش مستانسة ولاتزعلين منه نفس قبل وبيعرف انج رضيتي فيه بعيوبه وبالمقابل راح يرضى اهو بعد ويبدي يتنازل
وطلبي الدعاء من امج ترى دعائها لبنتها مستجاب والله يهديه لج ويهديج له انشالله

 

[كارينا]

نصيحة اذا ماتعدل ولا تسنع انتي مو جارية شاريج بفلوسه أبسط حقوقج المصروف وهذا حدده الشرع غصبن عليه ما أقول الا بيت أبوج أبرك لج من هذي العيييييشة ترى لا فات الفوت ما ينفع الصوووت

 

[هيبة ملك]

اذا ماتعدل حرام تضعين عمرج معاه

 

[طموحه بزياده]

هذا ما على مثله حسوف


اشتري راحتج النفسيه

البخيل بالفلوس بخيل بالمشاعر والحب والكلمة الطيبة