ترضينها علي نفسج ؟

[ضاق الكون]

السلام عليكم

اول موضوع و اول مشاركه
حبيت اشوف ارائكم

بنات ترضين تتزوجين واحد مطلق مرتين ؟؟

و المطلق مرتين هل ممكن ينجح بزواجه الثالث ؟؟؟
وهل المطلق مرتين وثلاث يكون الطلاق لعبه عنده ؟؟ ومستهتر بشيء أسمه زواج ؟؟؟؟



المايك لكم

 

[سارووونه22]

شوفي انا بتحجى انا سالفة رفيجتي تزوجت واحد مطلق مرتين يعني الي فهمته بس مالج عليهم ماتمت معاه غير شهر لانه اصلا مايستاهل مابي اقول شنو سوه فيها وشنو ماسوه كل الي اقدر اقوله الله يسهل امورها وبلنسبه للموضوع مو معيار انه اذا كان مطلق مرتين ممكن يكون الغلط منه ممكن يكون الغلط مو منه بس المهم انه الوحده تسال عليه عدل قبل لا توافق وتساله مباشرة باسباب الطلاق

 

[سارووونه22]

تره رفيجتي للحين ماتطلقت لانها حملت منه بسرعه بس امورها معلقه ادعو لها يا بنات

 

[فوفو22]

اقولكم سر


المطلق اكثر شخص. يحافظ على الزوجه الثانيه

حتى وان كانت اقل مواصفات من طليقته


لسبب واحد

يقنع نفسه والناس انه هو زين

رايي في اي خطيب كان عزوبي مطلق عشر مرات ارمل

السؤال عن اخلاقه اولا ،،،،،

فوفو

 

[ضاق الكون]

^^

اختي فوفو مطلق مرة تهوون
بس مرتين شوي صعبه !!

 

[ضاق الكون]

شوفي انا بتحجى انا سالفة رفيجتي تزوجت واحد مطلق مرتين يعني الي فهمته بس مالج عليهم ماتمت معاه غير شهر لانه اصلا مايستاهل مابي اقول شنو سوه فيها وشنو ماسوه كل الي اقدر اقوله الله يسهل امورها وبلنسبه للموضوع مو معيار انه اذا كان مطلق مرتين ممكن يكون الغلط منه ممكن يكون الغلط مو منه بس المهم انه الوحده تسال عليه عدل قبل لا توافق وتساله مباشرة باسباب الطلاق

اي الخوف من اللي مطلق مرتين
الله يسهل امورها وسهل امورنا

 

[ضاق الكون]

اقولكم سر


المطلق اكثر شخص. يحافظ على الزوجه الثانيه

حتى وان كانت اقل مواصفات من طليقته


لسبب واحد

يقنع نفسه والناس انه هو زين

رايي في اي خطيب كان عزوبي مطلق عشر مرات ارمل

السؤال عن اخلاقه اولا ،،،،،

فوفو

مو شرط اصابيع ايدج مو سوا
تلقينه متزوج الثانيه بس جذي عشان يحر الاولى و وااااااااايد تصير لحد يقول لاء
وبعدين يرجع حق زوجته الاولي ويطلق الثانيه


والله الرياييل مالهم اماااان

 

[حكآية قلب]

انطري الاخير منه و ادعي بالصالح

مطلق مرتين ياخذ مطلقه عانس طافها القطاااار يعني 40 فوق

 

[shak!shoka]

لو انا (بنت) ما ارضا اخذ مطلق مرتين

ينخاف منه !


مو مره ! مرتييييين

اذا وضع الوحده صعب يعني كبيره وما تزوجت او مطلقه او ارمله يفضل تعرف سبب الطلاقين


جايز يكون الريال زين بس النصيب ما اخدمه



بس لووووووو الوحده بنت لا لا تغامر

 

[كليـ دلعـ]

مومقياس لاخلاقه

ساعات الريل يبتليه الله بالحريم اللي موكفو!

الطلاق موسهل يقعد يمشي ويطلق!

مافي طلاق بدون سبب!

مومقيااس كلش

الاهم بالريال يصلي،،

وبيئته بيئه طيبه

هذا المهم اما الطلاق وتكراره عمره ماكان مقياس

اعرف واحد تزوج وحده امها مسيطره ع ابوها

وتبي اهي وبنتها يسيطرون عليه!!

يعني حتئ بنفسه ماله تصرف؟


طلقها اخذ الثانيه

قامت تستغله اكلت ماله وحلاله كله لاهلها!


تعقد واعلياا عاد خوووش ولد حبيب وكريم وطيب!


قعد عقبها٥ سنين مايبي العرس خلاص لاعت حبده

تالي زوجوه اهله بنت ذهبه

وكاهو يعيش احلا عيشه


مثل مافي رياييل علل ودعلل هم في حريم ماينبلعون

فانا ماشوفه مقياس ابد

هذي ظروف


اماعاد الريال الرقله المزواج صاحب الطلاقات واللغب ببنات الناس

هذا يبين من شكله من مجرد سؤؤالج الناس عنه

مافي شي ينخش عن الناس،،

والله المستعان

 

[om.aboodi]

علي حسب في مطلق مستهتر وفي اعرف واحد مثل الافلام مقرود يعني الاولي طلتقها بسبب غيرتها من خواته ابي وابي وراحت بيت اهلها ياتاجرلي بره او اطلق واهي صغيره واهي معاشه على قده وقالها انا مفهمج مارضت وصار اللي صار عقب كمل دراسته عقب عقرته منها تزوج بالملجه اكتشف انه اخو زوجته مدمن مخدرات خاف فكر فيها عيالي خالي جذي اخاف انضلمت البنت فقيره بس هم صعبه لان الرياييل بالدوانيه سولفوا عنهم وطلق ووالباجي عاد افلالالالالالالالالالالام واخر وحده الرابعه على بالها مطلق 3 اهي بيتمسك فيها بس غبيه ملقوفه لوناطره شوي فالريال كبر وبيرتاح يت هذي تدلع وتغثه فاطلق واعتزل الزوااااااااج وحط شعار لاللزواج ههههههههه الله يعينه اذا لقيتوا بنت حلال ترضا فيه بلغوني

 

[دلع24]

احسن شي

استخيري واذا شفتي انج مرتااحه له توكلي ع الله

 

[أم حسوون]

السلام عليكم ، أولا أسألوا عنه بكل مكان بالدوام بالمسجد ربعه والحريم وأن كان كفوا استخيري وتوكلي على الله.

 

[مملكة الحب]

ما انصحها بالزواج من مطلق مرتين ينخاف منه وعليه ميت أكس انا زوجي السابق مطلق ٣ مرات وخذيته وانه الرابعة وكله يقول مظلوم طاح حظه تزوجتي عشان يحر الي قبلي وظليت عنده ٣ شهور وطلقتي مالت عليه عنده خير وفلوس وراتبه قريب الألفين والحين تزوج عراقيه
الزوجه رقم خمسه رضت فيه عشان فلوسه ��������

 

[قآنون كيفكـ!!]

شنو الاسباب اللي خلتة يطلق مرتين
الاسباب فية باخلاقة الناس شايفين علية شي
ولا بالحريم الاي تزوجهم ؟!
عني انا مو مرتاحة الا لما اعرف ليش تطلقوا ؟!

 

[بطوووطة$بيضة]

والله الرياييل كلهم يخوفون سواء عزاب ولا مطلقين

 

[Australia girl]

مانصحج الا تشوفين سبب الطلاق من حريمه لان بنت عمي اخذت واحد جذي تالي تطلقت منه لان مايتعاشر وهمن خذا الرابعه وتطلقت مع انه جامعي ودين

 

[مملكة الحب]

حريمه ممكن يقولون سبب الطلاق لحد يغلط غلطتي قلت يمكن حريمه ما يقولون الصج وعقب الطلاق كلمت طليقته وقالت بلاوي عنه أعظم من اكتشفت انه فيه والله جذاب الي يشوفه ما يصدق وأفعاله أفعال وأحد خريج سجون مع مرتبة الشرف
الأعزب يهون والأرمل افضل شي

 

[ضاق الكون]

ما انصحها بالزواج من مطلق مرتين ينخاف منه وعليه ميت أكس انا زوجي السابق مطلق 3 مرات وخذيته وانه الرابعة وكله يقول مظلوم طاح حظه تزوجتي عشان يحر الي قبلي وظليت عنده 3 شهور وطلقتي مالت عليه عنده خير وفلوس وراتبه قريب الألفين والحين تزوج عراقيه
الزوجه رقم خمسه رضت فيه عشان فلوسه ��������

اي هذا اهوو تخافين يكون بس جذي يبي يحرهم
وتطيح براسج

 

[ضاق الكون]

مومقياس لاخلاقه

ساعات الريل يبتليه الله بالحريم اللي موكفو!

الطلاق موسهل يقعد يمشي ويطلق!

مافي طلاق بدون سبب!

مومقيااس كلش

الاهم بالريال يصلي،،

وبيئته بيئه طيبه

هذا المهم اما الطلاق وتكراره عمره ماكان مقياس

اعرف واحد تزوج وحده امها مسيطره ع ابوها

وتبي اهي وبنتها يسيطرون عليه!!

يعني حتئ بنفسه ماله تصرف؟


طلقها اخذ الثانيه

قامت تستغله اكلت ماله وحلاله كله لاهلها!


تعقد واعلياا عاد خوووش ولد حبيب وكريم وطيب!


قعد عقبها5 سنين مايبي العرس خلاص لاعت حبده

تالي زوجوه اهله بنت ذهبه

وكاهو يعيش احلا عيشه


مثل مافي رياييل علل ودعلل هم في حريم ماينبلعون

فانا ماشوفه مقياس ابد

هذي ظروف


اماعاد الريال الرقله المزواج صاحب الطلاقات واللغب ببنات الناس

هذا يبين من شكله من مجرد سؤؤالج الناس عنه

مافي شي ينخش عن الناس،،

والله المستعان

ما يقولون لج السبب بوضوح يقولون لج ما ارتاح الريال !!

وين قاعدين شهالسبب ؟