ترضين ؟؟؟؟

[بدورة القمورة]

السلام عليكم ورحمة الله يقول سبحانه وتعالى : الخبيثات للخبيثين والخبيثون للخبيثات والطيبات للطيبين والطيبون للطيبات ...

هذي الأيام الولد يكلم و له ماضي بعدين يروح يتزوج يبيها قطوة مغمضة لا ماضي ولا أخطاء ؟!! و إذا عكسنا الوضع فالبنت مو متربية ما راح ياخدها أحد منو يرضى فيها أصلًا؟
المهم يالبنات ترضون تتزوجون رجل مغاامر ولعاب له ماضي و يقول إنه تاب؟؟

 

[اسطورة زماني]

لا طبعاا

لانه اكيد بيقول انه تاب اذا بيخطب

بس بيتزوج وبيتملل وبيرجع لخبر كان

الله يهديهم ... !!!

 

[sweet cake]

شوووووور لأ..
اهم شي السمعه .. واحد له ماشي ما يشرف!! شلون يبي يربي عياله على القيم.. وغير هذا معناها ما يصلي لأنه لو يصلي ما خربط وكلم بنات..

 

[بدورة القمورة]

لا طبعاا

لانه اكيد بيقول انه تاب اذا بيخطب

بس بيتزوج وبيتملل وبيرجع لخبر كان

الله يهديهم ... !!!

مادري بس ماقدر ااوفقج بهالنقطه ,, عطني كم رجال بالمية ماله ماضي؟؟ او عمره ماكلم بنت ؟؟

 

[Preity]

لا لان دامه مشى على هالطريج بيتعود عليه وبيشتاق حق سوالفه السابقه !
ماراح ارضى فيه لو شنو
ثانكس ع الطرح

 

[N.O.O.R]

على حسب اذا كانت تجاربه بسيطه ومجرد مكالمات عادي لانه في مرحله بعمر الشباب ما نقدر نحكم عليهم منها.. بس اذا كانت سوالف جايده وسفرات لا طبعا

 

[Fesforya]

مافي ريال كامل لازم له ماضي .. حتى لو ما استمرعلى سوالفه . بس لازم مار عليه يوم مسوي شغله !

ماعندي فكره اذا برضا اور نوت

 

[الأمـــواج]

النصيب مايعرف

شوفي نصيبج وين يوديج

واللي تاخذ اللي تحبة كاهو كلمها وشور بعدها بكلم غيرها

وجهة نظر

 

[عاشقه مودي]

أنا مراح أقول ( لا ) لاني الوحده ما تدري وين نصيبها ..
بس لو تفكرين بعقل وحكمه شوي بتشوفين أن أغلب ومعظم الشباب لاهم سوابق وقصص حب ومغامرات هذا اذا ما كان كلهم يعني نارد ما تلاقين واحد صج صج ما يعرف بهالسوالف ولا له ماضي ..
واذا كل واحد بيجي يخطبني بقول ( لا ) هذا يغازل والا هذا يحب والا هذا مادري شفيه عز الله مافي بنت بالديره تتزوج .. وللعلم ترا هالسوالف بالذات صصصارت عادي في مجتمعنا وعلي قولتهم ( الرجال ما يعيبه شي ) مع أني ضد هالمقوله بس بصراحه هذا الواقع وهذا مجتمعنا الرجال لو فيه مصايب الدنيا وكثرت مشاكله .... يتم رجال وألف بيت يفتح له الباب ويوافق عليه بالزواج ...

 

[• قلبه نصيبي •]

حبيبتي الحين وبهالوقت مافيه ريال خالي !
اكيد يا غازل يا كلم وحده يا طلع معاها !؟ ما اعمم بس اغلبيه جذي !
واقولها لج ان نص هذول الي تكلمت عنهم بالزواج يعقلون ويهدون سوالفهم !
وفي الي ماله سوابق ولما يتزوج تتبطل عيونه علي هالسوالف !!
ومثل ماقالو الريال مايعيييبه شي !
بس ماعتقد بوافق اذا ريال جذي !؟

 

[منيرة خالد]

ما كو انسان كامل

ولازم الانسان يمر بتجارب وخبرات بحياته ما اقصد يكلم بنت او يطلع معاها لا انا اقصد بالعموم عن الحياة وتجاربها ، والشاب يمر بمرحلة مراهقه وهذا الوقت له تجاربه سواء كانت مع بنات او تجارب عاديه يعني يتعرض للمغازل من البنات او التحرش مو شرط يكون اهو البادي وساعات يكون واحد من ربعه يكون له تجربه ويحثه على انه يجربها ............ عادي يا بنات

المهم بالزوج اهو افكاره لما يكون مصمم على الزواج وممشاه يعني لما تسألون عنه يصلى اخلاقه طيبه مستقيم ........... اما الاشياء الخاصه لا يمكن احد راح يعرفها عنه حتى ربعه ما راح يعلمون عليه علشان ما يخربون على نفسهم ........... بس اللي فاضح نفسه ولا يهمه شي هذا اللي لا ترضون فيه

 

[بدورة القمورة]

على حسب اذا كانت تجاربه بسيطه ومجرد مكالمات عادي لانه في مرحله بعمر الشباب ما نقدر نحكم عليهم منها.. بس اذا كانت سوالف جايده وسفرات لا طبعا

كل واحد له ماضي اسود يوم كان صغير..ما فيه احد بالدنيا الا سوى شوي جنجان :ggdw:
انا ممكن اخذ واحد له ماضي بس اذا تاب وتغير طبعا ويهمني انه يصارحني مايخبي علي و عادي انا مايهمني الماضي لان كل واحد له ماضي على حسب الظروف اللي مر فيها!!!( الا الذين تابوا من بعد ذلك واصلحوا فان الله غفور رحيم)..
الماضي ماضي وماله داعي نفتحه صفحه وانطوت

 

[sweet cake]

بدوره لا تعممين.. مو كل واحد له ماضي اسود.. لا تحطينها بذمتج.. يمكن شفتي كم شخص.. بس انا اضمن لج ان مو كل واحد.. انا اعرف ناس من اهلنا مالهم اي تجارب سابقه وناس الله يستر عليهم.. شوفي اللي كان يكلم يبين عليه وواااضحه..

بس اذا كان مره مرتين وبحدود ممكن اي بس اذا كان واحد له بلاوي شور لأ..

 

[كريستال ليدي]

اغلب الرياييل لهم ماضي اذا مو كلهم بعد

انا عندي اللي ما يفتح صفحه الماضي احسن الف مرة من اللي يصارحج و يقولج تاب و يفتح لج باب الشك و الغيرة بالمستقبل

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

الله أعلمـ ما تدرين نصيبج وين ,,,

بس تبون الصج إذا عرفت هالشيء عنه لا ما ارضى ,,,

ما تدرون امكن يكلمـ بنات و يلعب عليهـمـ و يضحك و يلعب ابمشارعـهـمـ ,,,

صراحه أخاااف لا تزوجته و بعدين إذا جبت بنت أخاف يلعب عليهـآ واحـد ,,,

مثل ما لعب على بنــآت قبل ,,,

مو | كمــآ تدين تدآن | و لآ أنا غلطــآنــه ........؟

بس مــآ يمـنـع إني أستخير مرهـ و مرتين و ثلآث ,,,

و في الأول و الأخير يبقى نصيب ,,,

و مـــــع السلامــــه ,,,
|~|

 

[sowsan]

عن نفسي لما خطبني اهلي سألو عنه وطلع خووش احد
اما اذا عنده ماضي ولالا
وعدت نفسي ما اسأله ولا انبش بماضيه وعلي فيه من اللحضه الي خطبني فيها
وانا وشطارتي اعدله واسنعه واخليه مايشوف غيري

 

[بدورة القمورة]

بدوره لا تعممين.. مو كل واحد له ماضي اسود.. لا تحطينها بذمتج.. يمكن شفتي كم شخص.. بس انا اضمن لج ان مو كل واحد.. انا اعرف ناس من اهلنا مالهم اي تجارب سابقه وناس الله يستر عليهم.. شوفي اللي كان يكلم يبين عليه وواااضحه..

بس اذا كان مره مرتين وبحدود ممكن اي بس اذا كان واحد له بلاوي شور لأ..

ادري حبيبتي وانا بعد اعرف من اهلنا ناس مالهم تجارب!! بس الحين اغلبهم عندهم نادر ما تلقين بس الاكثريه كان عندهم ماضي

 

[bent_ayawed]

هممم الموضوع هذا مايشمل التعميم عني شخصيا اكيد ماراح ارضى اذا دريت او بتردد , او يمكن فعلا هالشخص تاب او ناوي يبدي حياة يديده او يستقر او يكون عائله , بس خلنا نكون صريحين شوي ! اهو بيني او بنية زواج يعني شي بديهي راح يخمر اذا في سوالف صارتله قبل وهذا الصح .. المفروض الطرفين يتعاملون بهالمبدأ اللي اهو الستر .. اللي شاري البنيه او خايف الله فيها اكيد بيسكت ختى لو في شي قبل , يعني باختصار البنيه المفروض تفكر او تحكم عقلها ولا تفتح باب حق هالسوالف عشان لاتخرب حياتها الماضي راح بايامه او لياليه .. احنه عيال اليوم .. او اللي ناويه تضايق نفسها بيدها تروح تنبر السوالف او تنبش وراه ! وهذي فعلا شاريه الشقا بيدها لانه اغلب شباب هالوقت الا ما مرت عليه علاقه عابره او احتك ابنات .. ف ليش بالاساس افتح هالموضوع او اعور قلبي ..

 

[بدورة القمورة]

لا لان دامه مشى على هالطريج بيتعود عليه وبيشتاق حق سوالفه السابقه !
ماراح ارضى فيه لو شنو
ثانكس ع الطرح

ماضي<< يعني ما عاد اليه وجود في الحاضر .. ماضي معناه شيء منتهي
المفروض محد يحاسب الثاني على ماضي انتهى الا اذا كان صدر منه شي خلاه يتأكد أنه مازال على علاقه بماضيه!!!!!
المهم انه مافي وحده بحياته وانا معاه ولا يفكر بغيري بعضهم يحس بمسؤوليه الزواج لانه من البداايه عنده عقل ويقدر وافعاله قبل الزواج نقول عنهاا طايشه ويمكنه السيطره عليهاا و بعدين اكيد يخاف ربه ويعرف ان اللة راح يبتلية في ابنتة او زوجتة
:s141:

 

[pride&prejudice]

شوفي حبيبتي احنا بزمن الكل خطاء فيه يعني الإنسان مو معصوم عن الخطأ ، أنا ما أقدر أحاسبه على شي اهوا سواه قبل لا يعرفني والله سبحانه وتعالى يقبل التوبة وهو غفور رحيم ، رب السموات يسامح أكيد أنا بسامحه بس بشرط ان اذا خذاني ما يعيد أخطائه لكن يتعلم منها مهما سوا بحياته انا مالي شغل بالماضي المهم حياته الحالية والمستقبلية