ترضين بزوج يكون جذي ( ارفض ولا لا ) ساعدوني بليييز

[نونو العصله]

انا بقول اللي في قلبي وارجو السموحه

هو يبي خدامه مو زوجه
تنضفله وتطبخله و تخلف وتربي و اخر الليل يفضي شهوته

منتي مجبوره تاخذين واحد جذي
خل يشوف غيرج
انتي صغيره و الحياة جدامج
كملي دراستج
توظفي
لازم يكون عنج استغلاليه
ما تدرين الزمن شنو مخبليج
الشهاده والوظيفه هم سندج بعد الله


هلشخخص بيمحي شخصيتج
ويتحكم
وابو طبيع ما يجوز من طبعه صدقيني

اخذي واحد يناسبج
مثقف
ماله سوابق


الرفض ثم الرفض

 

[انجبر قلبي]

امج وابوج ما يدرون! و بس انتي! هذا شكله قام يستغلج استغفرالله ما ارتحت له

لو واحد بعمر يدي بس سنع و اخلاق و سمعه اوافق ولا همني العمر بس فوق شينه قوات عينه عالاقل انتي ما ذكرتي له اي ميزة مادري شللي يشجع انج توافقين على واحد جذي

يبيج خدامه بعد ما شبع .... استخيري ربج

 

[نونو العصله]

عيل من وين اخطبج
وشلون عرفتيه
شفتي
لو نيته سليمه راح لهلج
او جاب احد من اهله

 

[جادل سبيع]

لااااااااااااااااااااااااااااااااااااااااااااااااااا تكفين بليز لا راح اتضلين اتشكين فيه طول عمرك......

تدرين ليش قال عشان باجر لي صدتي عليه شيء ايقول انا قايلك من قبل واذا مو عاجبك كيييييييييييييييييييييييييييفك ..

انتي اللحين صغيره والعمر قدام والاماني والاحلام انا اسالك شتبين من هالزواج ؟؟؟؟؟

"تبين اعيال؟؟؟ اي تبين صح بس مو اللحين توك اصغيره واهو يبي اللحين.

"تبين حب ووفاء ورومانسيه ؟؟؟اي تبين بس للاسف ماعنده هالشيء لانه امجرب قلبك ملايين ولا راح تفرق معاه بنيه اصغيره حياويه.

"تبين طلعات وجنون ولعب وضحك ؟؟اي بس اهو مو ابعمر اللعب اهو ابمرحلة استقرار يبي بيت وعيال ومره صالحه اتربي عياله وطبعا اهي مالها اي رغبات.

"تبين دراسه ووضيفه بس اهو مايبي..

"تبين صديق وانسان يفهمك ؟؟؟اي بس هالشيء مو عنده عنده راح اتعبالين شايب ينتقد كل تصرفاتك وكل اشوي ايذكرك يالياهل انتي شفهمك؟؟

"يعني لا يستشيرك ولا يسمع رايك غير انه انسان امجرب يعني التعرف ع الجنس الاخر شيء عادي وطبيعي عنده وشغلات اكثير ماراح تفهمينها اللحين ..
"باختصار هالزواج مافي ولا نقطه الصالحك وكل النقاط لصالحه يعني اهو الكسبان زوجه اصغيره حلوه صالحه وراضيه ابكل اشروطه..

وبقولك شغله كلنا لما كنا ابعمرال17 و18 كنا نتمنى ازواج اكبر منا بكثير صح حلو اكبر منك اب5سنين او 8 حلو بس باكثر من 15 لاااااااااااااااااا بالعكس اهو من جيل وانتي من جيل يعني ماراح يتفهم رغباتك ولا ايقدر احتياجاتك واحلامك بالعكس ..
حلو اتكونون اقراب بالعمر ايكون في تفاهم وعقليات متقاربه..
من كل قلبي اتمنى لك التوفيق وربي يكتبلك اللي في الخير والصلاح يااااااارب.
واستخيري ايكون احسن..
وتقبلي مروري..

 

[انثى طفله]

امج وابوج ما يدرون! و بس انتي! هذا شكله قام يستغلج استغفرالله ما ارتحت له

لو واحد بعمر يدي بس سنع و اخلاق و سمعه اوافق ولا همني العمر بس فوق شينه قوات عينه عالاقل انتي ما ذكرتي له اي ميزة مادري شللي يشجع انج توافقين على واحد جذي

يبيج خدامه بعد ما شبع .... استخيري ربج

والله انا نفسي منصدمه بعد اقول مابيه انام ارد اقعد اقول لا الريال تاااب وشفيها اذا تزوجت تايب :eh_s(2):

 

[انثى طفله]

عيل من وين اخطبج
وشلون عرفتيه
شفتي
لو نيته سليمه راح لهلج
او جاب احد من اهله

احنا مخطوبين بس ماغلم اهلي بسوالفه اوول بس علمني انا

 

[نونو العصله]

اخذي واحد مناسب لعمرج
تفهمون بعض
تفكيره متطور
متفهم
تربون عيالكم مع بعض


لو صار عمرج 25
هو جم يصير

متى بتعيشين شبابج
وتستانسين
الواحد جم مره يعيش

لا تدفنين روحج بلحيا مع واحد شايب و شبعان بلحرام


ما خاف ربه ياخذ امانته وهو يمارس الحرام


هذا ما خاف ربه
تبينه يخاف عليج

 

[الآنسة الشحرورة]

استخيري وبصراحة اذا هو يعترف لا

 

[فيونكه..~!]

لآمآأوأفق !

أكبر منـي 22 سنه ة ,
ويممكن يككون فيه ة أمرآضض لآسسمح آلله ة​

 

[نونو العصله]

لا يختي
لو اختي جايلها واحد جذي
بخليها ترفضه
ادري كل بنت تتمنى تتزوج و ترسم احلام و تفكر

خوفج تبقى احلام

العروس حدها اسبوع وناسه
صدقيني بعدها تبدا الخلافات
لانكم مختلفين بلعمر و الافكار

خوفج يحن لماضيه


واذا قصرتي بحقه الزوجي
بيروح يدور

 

[انثى طفله]

"تبين صديق وانسان يفهمك ؟؟؟اي بس هالشيء مو عنده عنده راح اتعبالين شايب ينتقد كل تصرفاتك وكل اشوي ايذكرك يالياهل انتي شفهمك؟؟

( الياهل ) عاد هذي الكلمه اللي ما احبهاا ..
تسلمين ع المرور

 

[تفاحة الربيع]

انا لو مكانك ارفض وانا مغمضة

الزواج علاقة مقدسة و انتي ريحانة توش في بداية الشباب وجوهرة محتاجة من يصونش ويحافظ عليش مو واحد

مو مهتم بأعراض الناس يا كافي الشر اما عن الشغل هذا راجع لش انتي و طموحاتش

 

[سندس 90]

لوو علي ماآخذه لو شنوو ابي وااحد يدلعني اسوولف معااه اتونس صج لابد من المشاكل والتنازلات بس انتي بزووود صلي استخاااره وارفضي

 

[نونو العصله]

الله يوفقج و يصلح حالج

 

[رقـة الاحسـآس]

لا تظلمين نفسج معاه
انتي صغيره و ان شاءالله نصيبج واحد احسن عنه مليووون مره
مب عشان الشغل لان بصراحه اريح لج تقعدين فالبيت
وشغل البيت و الريل و العيال كفايه

بس انه عنده ماضي مثل جذيه
ولا بعد يقول؟
اعتبره وقح واذا من اولها جذيه باجر الله يستر منه
ويوم يبا يتوب مب ياخذج انتي عشان يتوب
جان تاب ومشا سيده و عقب فكر يتزوج

 

[بنت الاحلام]

حبوبه توج صغيره شلي حادج علي هالزواج كلها

 

[وايت دوف]

فديتج بعد عشر سنين بصير عمره 50 وانت في عز شبابج 28 يعني ماراح ترتاحين معاه وبعدين ماتفيد كلمت ياليت
والله يرزقج بأحسن منه وانت بعدج صغيره والعمر جدامج​

 

[انثى طفله]

وياااااااج حبيبة قلبي
لاهنتوا ع المرور ماتقصرون

 

[ضاع الود]

نصيحتي لج لاتوافقين اكبر منج وايد

وراعي علاقات بتتعبين معاه

 

[نونو العصله]

الله بيعوضج بواحد احسن من هذا بالف مره
انسان ملتزم ويخاف الله
ماله سوابق
فكري في ماضيه
ما راح ترتاحين
راح تعيشين حياة متوتره
خوف ان يرجع لماضي وصخ