ترضين بزوج يكون جذي ( ارفض ولا لا ) ساعدوني بليييز

[انثى طفله]

كلام رفيجتج على عيني وراسي اوكي الله يغفر للانسان

بس راح تظل عندة عقدة 90 بالمية ان كل البنات رايحين فيها
حبيبتي انا الحين بنفس عمرج وفاهمة تفكيرج انتي تظنين ان اذا راح تتزوجينه
راح يعيشج برومانسية ورفاهية وفوق هذا راح يحترمج لأنج بنت زينة :rerrerek: صح ؟؟؟
لا ااا يا قلبي اصحي الحياة جدامج عيشيها يمكن باجر تعجبين باحد بالجامعة او يعجب فيج اقصد حب عذري:eh_s(1): ساعتها بتندمين على الساعة الي تزوجتي فيها واحد كبر ابوج
اوكي تقولين انج انتي تبين واحد اكبر منج اوكي بس عاد مو 22 سنة :eh_s(14):هذا يعتبر فرق عقدين وفرق جيل عن جيل اخذيلج واحد عالاقل اكبر منج 10 سنين بتكون معقولة
و هنفرض ان طلع خوش ريال بعد ما تزوجتوا :ggdw: انتوا حتى بالمناقشات والتفكير راح يكون في اختلاف بينكم اهو ماراح يفهمج ولا انتي راح تقدرين تفهمينة باختصار حياتج راح تكون روتينية جداا وملله
تخيلي ان لما يصير عمرج 22 بتخلصين جامعة بتقعدين بالبيت تجابلين اليهال ممكن انج تطبخين تدرسين اليهال هواش مع ريلج لان مافي زواج لا يخلو من المشاكل اخذيها قاعدة :eh_s(15):

ورفيجتج توها تتزوج من واحد من جيلها او اكبر منها 10 سنين :eh_s(2): مو حرام عليج تغامرين ايه نعم هذي اسمها مغامرة للجحيم حتى ولو طلع خوش ريال ​

والله العمر مو مشكله المشكله بالخرابيط

 

[نونو العصله]

بلعكس اذا رفضتي بيقولون هذه كبيره وناضجه وتفكر عدل
اهم شي نفسج
ولا تنحاشين مو مسويه جريمه
قولي ما ابي
ما يناسبني
مو مستعيله

 

[أحبج يمه]

طبعااا وبلا أدنى شك رفضيي

تووج صغيرة ولاحقة عالزوااج والله يرزقج

 

[انثى طفله]

بلعكس اذا رفضتي بيقولون هذه كبيره وناضجه وتفكر عدل
اهم شي نفسج
ولا تنحاشين مو مسويه جريمه
قولي ما ابي
ما يناسبني
مو مستعيله

يابعد رووحي تعبتج معاااي من اول الموضوع وانتي تردين علي :eh_s(17):
الله يوفقج ويسعدج بالدنيا والاخره

 

[نونو العصله]

لا تعب ولا شي حاضرين لطيبين

 

[نونو العصله]

طمنينا

 

[انا و بس]

شلون العمر مو مشكلة ؟؟ لا ياعمري مشكلة ونص انتي اذا صار عمرج اربعين يعني تقريبا نفس عمرة اهو راح يكون بالستينات يعني حتى يمكن مخرف هذا راح ياكل شبابج لا وبعد كان يخربط كملت لوول
بصراحة انا لو مكانج ما فكر بالموضوع حتى @@

 

[انثى طفله]

طمنينا

بأذن الله بعد ماخرب السالفه ارد اهنيه واقول شصااار

 

[انثى طفله]

شلون العمر مو مشكلة ؟؟ لا ياعمري مشكلة ونص انتي اذا صار عمرج اربعين يعني تقريبا نفس عمرة اهو راح يكون بالستينات يعني حتى يمكن مخرف هذا راح ياكل شبابج لا وبعد كان يخربط كملت لوول
بصراحة انا لو مكانج ما فكر بالموضوع حتى @@

صج اللي غاثني بالموضوع الخرابيط << .. بس يامعوده زين اعترف احسن من غيره يدبس بنات خلق الله معاه ..
شغله ثانيه اهو كان خااطب قبلي بنات عاد جم وحده مادري المهم يقول كلهم يفكرون بالشغل وماعندهم نظره مستقبليه ع قولته لليهال يقول الكل معتمد ع الخدامه بتربية اليهال ومابي عيالي يربونهم خدم <<.. اانا ماقولج ماكنت افكر بالشغل ,, افكر فيه بس مو ذاك الاهتمام واهو يقول تكملين دراسه بدون شغل وانتي تنفعين ام جااان تطقني السناعه :eh_s(22): واقول اصلا مايهمني الشغل اهم شي اليهال :krkrkr:

 

[فركيته]

حبيبتي هذي حياتج كيفج بس انا لو منج ماااااااااااااااااا اوافق ليش لان الريال كبير مل من الروحات والطلعات والوناسه والفرفشه يعني يبيج للبيت وبس وانتي توج بعز شبابج تبين تطلعين وتستانسين وبعدين حلاته اكبر منج بس مو مثل ابوج لا راح يفهمج ولا تفهمينه اهو جيل وانتي جيل.والله المستعان

 

[انثى طفله]

الله يقدم اللي فيه الاخر يسلمج ربي يالغاليه ع المرور

 

[برنسيسة زمااني]

اكييييد رفض

هذا واحد ينخاف منه

وانتي تووج صغيره ليش تقطين نفسج هالقطططه

لا تضحين بشي عشان شخص

اهم شي عمرج

درسي و كملي دراستج و اشتغلت و اذا يالج واحد سنع وافقي عليه

اما هذا استغفرالله ياربي يخرررررع وماتدرين شنو مايته

 

[@ كويتيه @]

ماخاب من استخار  استخيري ربج ووشووفي شيصير معاج اذا مرتاحه اهلا وسهلا واذا مو مرتاحه ارفضيه

 

[زهره الجلنار]

لو انا مكانج مااوافق والله يوفقج ويرزقج بواحد يصونج ويجبج

 

[زهره الجلنار]

ويحبج

 

[انثى طفله]

الله يسعدكم حبايب قلبي على هالدعوات الطيبه
الله لايحرمكم الاجر ان شاء الله

 

[سفيره الكويت]

وافقي حبيبتي دام انه شاريج وصارحج فالريال جاد معاج

 

[انثى طفله]

وافقي حبيبتي دام انه شاريج وصارحج فالريال جاد معاج

اول وحده بعد رفيجتي تقول اهنيه وافقي ..
والله بالبدايه كنت متردده لان جاا ببالي انه لو مايبيني ماصارحني ورفيجتي قالت جذي ..
الحين برفض عقب اللي سمعته والعوض ع الله

 

[tbola]

la lal la la la توووج صغيره

 

[~mmm~]

بيييه
شلي حادج يبا
بعدج صغيره
قلنا اخذي اكبر منج بس مو جذي شنو عمره 39 هذا شايب !!!
بس الراي الاخير لج انتي
استخيري