(ترضين تتزوجين واحد أقل منج شهادة)

[الغاليه ام احمد]

طبعا اوافق

الشهاده مو مقياس

 

[جمالي ايطالي]

عادي.. الشهاده مو ضروريه

 

[tmtmt]

انا جامعيه
واهوا دبلوم

بس ماشاءالله عليه تبارك الرحمن اذكى مني
ويعرف يتصرف بالمواقف احسن مني
ووظيفته هم احسن مني

الله يتمم عليه

 

[shoshowoo]

لا طبعا مو على الشهاده ريلي اقل من شهادتي والحمدلله مرتاحه معاه ياما ناس عندهم شهاده بس لا قعدتي معاهم تحسينهم جهله
للعلم وجهة نظر ولله مو عشان زوجي

 

[غـلا الـروقـي]

رد : رد: (ترضين تتزوجين واحد أقل منج شهادة)

انا شهادتي اعلى من زوجي

والحياه مدرسه
الشهاده مو مقياس فيه رياييل شهاداتهم عاليه لكن مايعرف يحاور اللي جدامه ومايعرف يتصرف
وفيه بعضهم ثانوي يقدر زوجته ويحترمها وعنده رقي بأخلاقه

عدل كلامج

 

[نورعيونك]

والله كان ودى اكثرمنى بس كل شي قسمه ونصيب اهو اقل من شهادتى بس الكل يقول انه علي شهادته بس مثثثثثثقف حيييل

 

[MISS-_-FLOWER]

رد : (ترضين تتزوجين واحد أقل منج شهادة)

انا و ريلي نفس المستوي بس ما عمره همني شنو المستوي اهم شي الانسان نفسه يكون زين

 

[كاااااااايدتهم]

الشهاده مو مقياس ان كان لزوجه او الزوج

 

[ftana]

رد : (ترضين تتزوجين واحد أقل منج شهادة)

انا ريلي محامي وانا دبلوم

وعندي الشهاده الجامعيه مهمه حق الريال .. ليش لان الحين الحياة و الترقيه اولويتها للجامعيين ... فا احب ان يكون لي زوج يكون بالسباقه ...

وانا اقولها حق زوجي اشكره لو ماعندك شهاده جامعيه مارضيت فيك يقول تحسسيني عندج ماجستير اقوله لا يا حبيبي الشهاده مو مهمه للزوجه لكن الزوج مهمه له الشهاده ... واقنعته بهلشي .. فا ما يعايرني اني اقل منه بشهاده ...

 

[*غنج*]

حلو ان الوحدة تاخذ واحد عنده شهادة ومتعلم وفاهم
بس الزواج قسمة ونصيب ومحد يدري شنو نصيبه بالمستقبل
بس الصج الصج بهالزمن الوحدة تبي ريااااااااااااااال بمعنى الكلمه
مو مهم شهادة ولا غيره
والله يوفق الجميع،،،

 

[a7la roro]

رد: رد : رد: (ترضين تتزوجين واحد أقل منج شهادة)

يما ناس شهاداتهم عالية واخلاق مافيه ويما العكس مو شرط ع حسب الرجال
الشهادة مراح تزيد ولا تنقص من التفكير
فبالنسبة لي عادي:eh_s(10):

 

[جوانا2010]

رد : (ترضين تتزوجين واحد أقل منج شهادة)

عادي ماشوف فيها شي الشهاده مو اهم شي اهم شي الاخلاق والرجوله

فيه ناس دكاتره لكنهم في حياتهم الاسريه فاشلين

 

[مس لوتس]

والله عادي اهم شي التوفيق انا شهادتي جامعيه وهو دبلوم اول ماخطبني قلت سألوا يصلي؟؟؟ ماقلت شنو شهادته لان هذي اهم من الشهاده بالنسبه لي 

 

[amna_83]

عن نفسي لازم يايكون أعلى من مستواي أو
نفس المستوى نكون

 

[روح مغليهآ]

رد : (ترضين تتزوجين واحد أقل منج شهادة)

لازم نفسي او اعلى اقل مستحيل

 

[الدلال]

لأ

لان اذا شهادته زينه اكيدراح يتوظف في مكان زين

وحتى التدرج الوظيفي راح يكون اسرع ومنصبه يكون احسن

وبالتالي اكيد دخله المادي يكون افضل والحياة الحين صعبه وكل شي يبيله فلوس , فشلوون لو شهادته اقل مني؟؟ يعني معاشي اكثر وبالتالي انا اللي راح اتحمل العبأ الاكبر لان حجته راح تكون انتي معاشج اكثر!

 

[~جودي~]

رد : (ترضين تتزوجين واحد أقل منج شهادة)

اي ارضا الرجال ماتعيبه شهادته

 

[noo7a]

انا اعلى منه
واسم الله عليه تفكيره و اسلوب كلامه و لمن يحاور احد احسن من احسن واحد عنده شهاده عاليه

 

[dectora 7elwa]

الحين انا اعلى منه شهاده
والحمد لله مو ماثر علينا بشي
الله يخليه لي ويحفظه
ويرزق كللللللللللللللل حزب الطماشه اللي يتمنونه

 

[جوري الكويت]

رد : (ترضين تتزوجين واحد أقل منج شهادة)

شهادتي اعلى من زوجي

و الحمدلله ما عمري يبت له طاري هالموضوع

و ما احسه ياثر على اخلاق الريال

ياما ناس شهادات بس ماكو اخلاق