ترضين تزوجين اخوج بوحدة ؟؟.... تعالي قولي رايج

[ρeαrℓ]

ما اعتقد ..

بس اذا انا اعرف اسرارها يعني انا مثلها .. بس همن ما ارضاها لاخوي

 

[برستيجي مآركة]

عن نفسي ماارضى صرااحة مش بس لااخوي حتى لو ولد خالتي انا ماراح افضحها بس اقول انها ماتصلح واقول سبب مقنع لان حتى نظرتك لها بعد الزواج بتتغير ماراح تكون بنت خالة او بنت عم لاااا بتصير مرت اخوج واقل شي راح يطرى عليج ماضيها الله يهدي الجميع مدري شبيستفيدون اذا ساروا على هالطريق الله يستر علينا وعلى بنات المسلمين...

 

[وردة-الكويت]

سؤال حيييل صعب

لا ماارضى

 

[* ملكني الخوف *]

رفيجتي تسولف لي عن وحده بنت خالتها تزوجت اخوها وتعرف ماضيها بعد شهرين راحت لامها وزوجها وفتنت علا ماضيها عندهم لانها احترت منها مع ان البنات تابت وراخ اخوها وطلقهل حرام وخلت امها وخالتها يتهاوشون وفرقتهم مانصح الحين زواج الاقارب مو زين سبحان الله يسير طلاق ويتفرقون الخوات عشان اثنين ماحبو بعض

 

[LuLiTa]

!!!!!!!!!!!

 

[عادت ذكرياتي]

الله يستر على خلقه

 

[عرش الأنوثه]

:eh_s(4):

خنكون صريحين
الحين ماكو بنية ماكونتلها علاقة مع صبي
أقل شي تكون ضايفه بالنت

وهالايام هالشي صار عادي .. شئنا أم أبينا
ومو مثل اول كل من كلمت معناتها انها صايعة

ودام اهي خوش وحده ومعدنها طيب ومستعدة تفتح صفحة يديدة عقب الزواج ليش لا ؟

صح كلامج ماكو بنت ماكلمت
او ضافت بالنت
يمكن يكون بس جدا جدا جدا قلييييييييييييييييييييييييل
والحين ماكو اخوج اللي بتخطبين له ماكلم؟؟ كلش؟
الحين حتا المطااااااوعاااا من تحت لي تحت
الله يبعدنا عن التخلف اللي صاير بهالديراا:eh_s(4):
لا ويبون مطر بعد ومايبون غبار:eh_s(10):

 

[عاشقة هواك]

اذا ماضيها صج صج عار و يسوود الويه تطلع مع شباب و تواعد و يمكن وصلت انها سلمت نفسها حتى لو تتوب توبتها ان شا الله لها بس نفسيا انا ماراح ارضى حتى لو ادري انها تابت توبه نصوحه

بس اذا ماضيها اخطاء عابره وزلات مو قويه اي بنت مراهقه اطيح فيها و عقلت اي عادي ما عندي مانع بس اكون متاكده انها تابت و عقلت

انا وياها

 

[miss-toota]

السالفه مو عشان زينه ولا مو زينه

البنات مالهم امانه الصراحه ... باجر تهاوشو مع بعض اول شي بتسويه بتروح تفتن سوالفها عند اخوها

فأنا أأيد الرفض من الطرفين ... من البنت ومن اخت الصبي ... لانه الاخت ليش تعيش بشك انه ممكن تخون اخوها

والثانيه هم راح تعيش بخوف انه الاخت يوم من الايام تفتن عليها وبتقلب عليهااا


بالنهايه أبعد عن الشر وغنيله

 

[أحلى البشر]

لا لا لا

استر عليها اي

ازوجها اخوي لا والف لا

 

[كلي أنوثة]

لو كانت بنت عمي و رفيجتي و اعرفها عدل اي عادي، اذا كانت سوالف انتهت و الحين تسنعت.. اما اذا بعدها خربوطة لا طبعا
و بكل الاحوال ماراح يكون الراي رايي !

 

[ترووفه]

اكيد ماارضى

بس كل هاللي تزوجواا بعض البنات ماكان لهم ماضي

البعض لها ماضي

بس اكيد تاابت

والله يستر على بنات المسلمين

 

[رآآحٺ آيآمڪْـ]

آذإ تُركتُ خرآبيطهآإ ، وخلأص ،
إئء ،

 

[Miss Cherry]

انا بس فيه شغلة باطه جبدي اكثر من مره اسمعها برا النت وحتى هني بالمنتدى

مافيه بنت ما عندها ماضي او مافيه بنت ماكلمت .. من وين طلعتوا هالكلام هذا قذف

رجاءً كل واحده تتكلم عن نفسها وماضيها


انا تزوجت وانا صغيرة ماعمري كلمت احد غير اخواني وابوي وعمامي وخوالي يمكن لو اشوف ولد عمي بالشارع ماعرفه لانه مو من محارمي ولا بينا احتكاك .. وتطلقت وانا ماكملت العشرين وتميت فترة قبل ما تزوج زوجي الثانية ولا خربطت ولا سويت شي والحمد لله على نيتي ربي رزقني

بس الطيبون للطيبات والخبيثون للخبيثات .. لا تطعنون بشرف الناس الوحده اذا تشوف محيطها كلهم يكلمون بس ليما الحين فيه بنات شريفات ماخربطوا يمكن قليل بس اللي تبي تحفظ نفسها تعرف شلون تحفظ نفسها الحين حتى نشوف متزوجات ويكلمون وعندهم مغازل وسوالف مراهقات

رد على سؤالج .. لا ماارضى ازوج اخوي وحده انا اعرف انه لها ماضي حتى لو تابت .. عند ربها يمكن ربي تقبل توبتها بس مجرد فكرة انها خانت اهلها وماحافظت على سمعتها وسمعت اهلها تخليني احس انها مو كفو تصير مرت اخوي

 

[ScarletteO'Hara]

خربابيط عن خرابيط تفرق
و الله اذا البنت كانت تكلم و سوالفها سوالف مراهقين عادي ماراح اعارض
بس اذا السالفة فيها شرف و عرض هني احاول ما افضح البنت بس اكيد بقول حق امي و عاد كيفها اهي تتصرف مع اخوي
لان في مواضيع ما تترقع و بتظل صورتها مشوهه جدامي مهما تعدلت البنت