ترضين تصرفين عليه !

[The Boutique]

موشرط انه يطلب اشكره انه يبي فلوس
يمكن يستخدم اسلوب اللبيب بالاشاره يفهم
او الحر تكفيه الاشاره
انا ماعطي زوجي بس اشيل نفسي عنه اذا يستاهل ومو مقصر معاي بالرخا فقط
حبيب وخطيب اعطيه ؟ هذا اللي قاصر

 

[manhattan girl]

اكيد حبيبتي بطق الصدر او ما تتسمى طقت صدر الزواج عشرة عمر و مو مقصود بعشرة عمر المدة لا في شي يعيشونه الزوجين اكبر و اطول من المده اللي اهو الظروف الحلوة و المره اللي يمرون فيها فعلى هالاساس انا بوقف معاه و اساعده و لا اخليه يطق باب اللي يسوى و اللي ما يسوى هذي كبيرة و مو حلوة في حق كل زوج عنده زوجه عظيمه موضوعج وايد وايد حلو و ياريت اغلب المواضيع تكون بنفس النوعيه تقبلي مروري ​

 

[leza_q8]

السلام عليكم ورحمة الله وبركاته ..

والله من وجهة نظري الرياييل ما يبين بعينهم ابد ولا يطمر فيه الطيب سوى زينين او شينين


اساعده ماديا اني اعطيه لا والله


بس اساعده بطرق اخرى ما كلف عليه اشيل نفسي منه احاول ماطلب الا الضروريات

 

[أم مشموش]

طبعا اذا اوخوي او اوبوي بساعده بكل رحابة صدر لأن محبتي لهم ومحبتهم لي ماعليها اي خلاف وتختلف اختلاف كامل عن محبة الزوج او الحبيب لي انا أرفض ألافض أرفض رفض تام ان البنت تعطي حبيبها او خطيبها على قولنكم هالايام بس الريل عاد غير على حسب اذا عليه مديونيات ولا ماعليه ولاراتبه ضعيف كل هالاشياء تنحط بعين الاعتبار قبل لا تساعدينه يعني الريل صح اساعدك بس مو بدون ماادري اهوا شعنده ماعنده

 

[أحبه موت]

لا تنظرين حق الموضوع على أساس ان ريال وانتي مره لأ انتي لو اطيحين ابمشكلة تتوقعين أول واحد راح يساعدج ويوقف يمج ريلج عدل ولا لأ؟؟؟ اهوه بعد نفس الشي يتوقع هالشي منج أساعده ليش لأ الحياة مشاركة اليوم الي انا محتاجه اهوه يساعدني واليوم الي اهوه محتاجني فيه أساعده وأوقف يمه ولا شفايدتي!!!

 

[الــــراسيـه]

شوفي الحبيب او الصديق مو من عاداتنا
اما اخ او زوج على حسب ظرفه الي يمر فيه وشنو سببه
وهل اقدر اساعده او لاكتفي اني اساعده معنويا

 

[tolay]

اساعده اييي

اصرف عليه لااا

الفرق واضح

اساعده اذا احتاج او مر بأزمه وماعنده

اما اصرف علبه لاااااا

 

[• قلبه نصيبي •]

طبعا بساعده

 

[ايمان بني صخر]

التعاون بين الزوجين شي حلو ولا ليش سموه شريك العمروحلالي وحلالة واحد اهم شي السعادة والتفاهم بينهم ولا لفلوس اتروح واتجي وحنا مو ماخذين شي معانا للقبر

 

[الشيهاانة]

اذا كان فعلا محتاج وحاول يدبر عمره وماقدر هني بهالحالة اساعده ولازم يكون مو مقصر معاي بشي اما انه يكون مقصر وفوق هذا يورط نفسه بس عشان انا ادفعله لا والف لا:eh_s(14):
ترى كثير رياييل يستغلون البنت عشان طيبتها والرجال يتعود اذا عطيتيه مرة ومرتين
وشاكرتلج حبيبتي

 

[نور 55]

اعطيه ----------- اعطيه مر اللى بجبده (هذا راى واحده مقروصه ) \

[/url][/IMG]

 

[هدولى]

اكيد ريلى اذا مر بظروف لازم اساعده .

 

[شكارة الكويتية]

رايي بصراحة ما فيها شي ان الزوجة تساعد زوجها ماديا لان الحياة في هذا الزمن اصبحت غالية وصعبة بنفس الوقت ومساعدة الزوجة لزوجها تكون واجبة في احيان كثيرة ولكن مساعدتها له تكون بشرط ان تساهم في خدمة العائلة ككل وليست المساعدة لمصاريف سفرات الزوج او مصاريف السهر المستمر او مصاريف الجلوس طويلا في المقهى لشرب الشيشه ولكن مساعدتي له تكون لاهداف نبيله وهي كثيرة ولا في مجال لذكرها واكيد انكن تعرفن ما اقصد وهذا رايي بكل صراحة واكيد الكثير منكن معي في هذا الراي

 

[الوضع خرطي H]

لا اذا زوجي ما امانع اذا اساعده اما حبيبي لااا انا شدراني اذا يحبني او لا او بس جاي يتمصلح علشان ياخذ اللي ورااي واللي دووني وبعدها
يقولي سلااام عليكم ويـرووح

 

[شكارة الكويتية]

الاخت الوضع خرطي الموضوع يتعلق في الصرف على الزوج بس وليس لنا دخل في السوالف اللي ما لها معنى

 

[عاشقة الكاكاو]

على حسب مواقفه معااي واذا كان زين ومايقصر معاي بشي اساعده بس مو داايما علشان مايتعود

 

[لوووووونا]

اشكر الكل اتمنى الموضوع عجبكم ومهما اختلفت الاراء انا احترمها والله لايحطنا اويحطكم بهالموقف

 

[! بــدويه وآآيــد !]

،



يخسسسي مطلعني من بيت أهلني وطآآق الصدر ومآيقدر يشيل نفسه ويشيلني ؟؟ وشلون بيصرف على عيآله بآآجر !!~

إذآ كلش كلش كآن يستآهل وأحبه وبسآعــدهـْ بقول له بتسلف من امي عشآن يقول لآ بتصرف لووووووووووول <~ شريرهـْ




،