ترضين حماج يتدخل؟

[aṕriliå]

عادي اذا يطقه على شي يسوى

والام ماتزعل تعرف قصد العم

 

[مسك وورد]

مافيه مشكله ان العم او الخال يتدخل اذا الولد غلط
لكن اللي يقهرج ويبط جبدج اذا المره حرشته وجاي يطق الولد
لان هذا اللي تسويه مرت اخوي الله يهديها ويثبت عليها العقل

 

[غـرامـي أنـت]

لا والله ما ارضى لان انا موجووده والاب مو جوود


هو شدخله !!!!!!!!

 

[أحبك أمي]

الله يخليلهم ابوهم وامهم
يارب

 

[سارة ة]

ااااااااااااااااااااااااااااااااااب

 

[.،:"$الـعـوبــــة$":،.]

والله ارضى وكنه العييييد بعد،
سواء حمواني او اخواني،
شالمشكلة ؟؟
الواحد يصفي النية، يعني ليش بيطقهم الا اذا كانو غلطانين،
بالذات هالجيل والله يبيلهم اللي يسنعهم،
بس حنا الحريم من قاموا الرياجيل يعطونا الخيط والمخيط وصرنا انتدخل بكل شي والدنيا سايبة،
والا قبل المرة فيها خير تقول للعم ليش اتطق ولدي؟
اما الحين ،، لو العم طق ولدها بتحط ان مرته او اخته او بنته محرشته على ولدها وتكبر السالفة!
وتوصل للسما!
الله يرحم الحال اللي قبل لو نشتكي من المدرسة لاطقتنا قالت امي خلك عاقلة وشاطرة ومحد يطقك!
وصدق كنا اذكيا وشطار اما الحين ينلعن خامس المدرسه عشانها قالت للولد ليش؟ لانه ياربي مومتعود احد يسرخ عليه!!
وفوق هذا متنحين مع جدي يوم تنح وهم مايبقى مدرس خاص ولاتقوية ولاهدية عشان يفلحون وعالفاضي؟
:bbbiu:

​

 

[ام يوسف الكويت]

ما اسمحله لا اهو ولا غيره

امي وابوي لو يسطرون عيالي عادي
اخواني خواتي لو يزفون عيالي عادي بس يطقون عيالي لاء طبعا

أما حمواني
لا اسمحلهم يزفونهم ولا يطقونهم وراسي يشم الهوا
ولا حتى ابيهم ينصحونهم
وتربيتي وتربيت ريلي كافي
يعني مثلا احنا انييب عيال عشان الناس تربيهم بدالنا؟

ووايد ناس ماتحب احد يتدخل بتربيت عيالها
وانا من هالنوع

 

[Tom ♥ Jerry]

.,،ـ


شوفي اذا حمآي شاف على بنتي شي مو زين يعني الكل يتفق انه خطا !
و قآم كلمهآ و فهمهآ و اذا مدت لسانهآ وبخهآ مثل مآ يقولون و طقها على ايدها عشان تتأدب
بالعكس هاذا شي يونسني اصلا ! لانه بالنهايه هاذا مثل ابوها :**

بس بحياتي الشخصيه و ليش ملبستهآ جي !
و غيري هاذا و شيلي هاذا و يقعد يتأمر جنه البنيه بنته و يبي يتحكم فيها من الآلف الى الياء
لا صراحه مآ آرضى ؛**

 

[فيفي الحلوة]

والله ارضى وكنه العييييد بعد،​

سواء حمواني او اخواني،
شالمشكلة ؟؟
الواحد يصفي النية، يعني ليش بيطقهم الا اذا كانو غلطانين،
بالذات هالجيل والله يبيلهم اللي يسنعهم،
بس حنا الحريم من قاموا الرياجيل يعطونا الخيط والمخيط وصرنا انتدخل بكل شي والدنيا سايبة،
والا قبل المرة فيها خير تقول للعم ليش اتطق ولدي؟
اما الحين ،، لو العم طق ولدها بتحط ان مرته او اخته او بنته محرشته على ولدها وتكبر السالفة!
وتوصل للسما!
الله يرحم الحال اللي قبل لو نشتكي من المدرسة لاطقتنا قالت امي خلك عاقلة وشاطرة ومحد يطقك!
وصدق كنا اذكيا وشطار اما الحين ينلعن خامس المدرسه عشانها قالت للولد ليش؟ لانه ياربي مومتعود احد يسرخ عليه!!
وفوق هذا متنحين مع جدي يوم تنح وهم مايبقى مدرس خاص ولاتقوية ولاهدية عشان يفلحون وعالفاضي؟
:bbbiu:​

خوش كلام :rerrerek::rerrerek:

 

[اشتياق]

مو عشان شي
بس مارضا احد يصرخ على عيالي او يطقهم ..
وخاصة بنتي اخربها

 

[زوجة عزيز]

لا والله ما احب اللي يتدخلون في شؤون غيرهم

 

[** باربي **]

عنده امه او ابوة يربونة

ما يمد ايده على اعيالي

لانه النفوس مو نفس قبل

عم قبل كان لعيال الاخو مثل البو ويطق ولد اخوه ويطق ولده

يعني كانك ولدي
اما الحين انا بطقه وماني مستحي منكم عشان ببين لكم انكم مو مربينه
بس سوو خير لعيال اخووك مافي ما يدري عنهم
لو شايلهم وطاير فيهم ونحس يحبهم من قلب ندري انه طقه بحنيه ويرد معاهم

بس اعمام اليوم يطقون عشان بغث زوجتك وشتسوي او ابرد قلب مرتي واعيالي

واعيالك اعيالك مو اعيالي مو مسؤول عنهم بشي ثاني ..

هالاشكال خسي تجيس اعيالي يربي نفسه وزوجته واعياله اول

 

[اميره1980]

طبعا ما اسمحله يطق عيالي لا خالهم و لا عمهم
لكن اذا شاف شي غلط يبلغ الاب و اهو يتصرف لكن مو من كيفه يمد ايده
اصلا الحين الزمن تغير و محد قام يربي عيال الثاني

 

[نور عيني الكويت]

لا والله ماارضى وبزعل بس ما ابين الزعل
بس اللي يطق ولد اخوة
يرضى احد يطق ولدة!!!!!!!!!!!!!!!!!!!!!!!

 

[مطيريه ماركه]

على حسب شلون يتدخل ؟!
بس حموآني مآشآء آلله عليهم تدخل في خيـر وتربيتهم طيبة وبيئتهم نظيفة

فـ مو غلط يعينون زوجي وآتقبل منهم كل شي

 

[رواضي قطر]

أاااااااااب

 

[.،:"$الـعـوبــــة$":،.]

والله عاددي الوحده تصفي النية وتحط في بالها ان عمهم او خالهم ،
حسبة ابوهم ،
ماراح يطقهم حاقد والا ظالم !
مافيها شي ،
والله عيالي لما يجون مرات يشتكون من عمامهم او خوالهم انهم طقوهم وطبعا هالشغلة تكون ناااادره ،
اسالهم انتوا شنو سويتوا ؟ ويكونون طبعا غلطانين الحمدالله عيالي اعرفهم !!:bbbiu:
فاقولهم اللي يغلط يستاهل ، واللي مايبي احد يطقه يصير عاقل ويسمع الكلام ،
والحمدلله عيالي يموتون بعمامهم وخوالهم وهذا اللي يهمني ،
احسن مااكره الجاهل باهله واعلمه على قل الوصل ،
لأن آخرته بيقطع فيني انا !​

 

[فله]

اختي هذاك اول الحين كل شي تغير والقلوب تغيرت وقبل كانوا يقولون (العم ولي والخال خلي) يعني العم بمثابه الابوا والخال مايحق له يتدخل يعيال االاخت عندهم عمام وانا عن نفسي مادام الابو موجود ماله شغل العم يتدخل بعيالي

كفيتي وفيتي

 

[om_dodo]

ماله شغل
وعسى الله يخلى الابو

 

[بيتي بوب بس كويتيه]

قبل غير عن الحين اتذكر وانا صغيره بالويك اند يا انا نايمه عند عمامي او عيالهم ينامون عندنا
وعادي وقت ما نغلط يزفونا بس والله ولا عمرهم طقونا
وأتذكر عمتي ادهن شعرنا او تحنيه صج ايام

الحين لا محد يرضا وحتي انا ما أرضا خلي اقولكم سببي
لانه الحين كل واحد يزف ولد الثاني عشان والله ولدكم خذا لعبه ولدي
انا أهني اتنرفز يعني يهال خليهم يتفاهمون فصرت ما أرضا احد يزف ولدي
بس اذا غلط غلطه جايده والله عادي خلي يزفونه بس طق لا

وخلي اقولكم مره موقف كان ولد حماتي عندي واهوا اساسا 24 ساعه عندنا واهوا اكبر من ولدي ب4 سنين
كانو قاعدين يتناجرون ولدي وولد حماي ما اشوف الا ولد حماي شال ولدي عن الارض وشدخه
بالذمه شنو موقفج مسكته من ايده وزفيته وقلت له مابيك تصعد عندنا
اشوه ريلي كان موجود قال زين ما انكسرت ايد الياهل
اهوا نزل وراح قال لامه أني زفيته وطقيته معني ما أطق
وزعلت وقلبت الدنيا
قلت لهم كيفكم بالطقاق انا ولدي بتنكسر ايده سمله عليه انتي بجابلينه والا انا الي بتبهذل
يعني بالعربي مثل ما اهما ما يرضون انه اعيالهم ينزفون حتي لو مسوين مصيبه
حتى أنا ما ارضى