تركيا ولا دبي ولا ماليزيا....ابي رايكم

[cheese cake 84]

انا بعرف شغله اللي يقول الاتراك مايحبون العرب شنوووووو شاف منهم انا رحتلها العام ونااااسه كيفت نصيحه من اخت دبي قريبه لاحقه عليها حتى لو تروحين بويكند بعدين وبعدين رطووبه وحر وخيسه ماليزيا حلوه بس انتي شايفتها وترا رطوبه وحر اما تركيا هنى عواار القلب جو خيااال واكلهم اينن وسوق على كيف كييفج شوفي نصيحه روحي تركيا بس قسمي رحلتج بين اسطنبول وبورصه وابانت ياااي طبيعه ولا بالخيال ونصييحه اخييره اخذي رقم سايق يكون معاج هناك يتكلم عربي ويتكلم تركي ويفتر فيييج فررر احسلج وااايد

 

[ريم الخبر]

خذي حبيبتي هذا رقم حرمه كبيره تركية عندها شقق وسواقين وكل شئ وأسمها ام محمد :
905362511321 + وهذا رقم ابنها محمد: 905356832964+
****
تعاملنا معاها يوم رحنا تركيا 2007 ...صراحه شقرديه وبتحطكم في عيونها

وتتكلم عربي ....سويت بحث في النت وطلعت لك الرقم ...ان شاءالله
تطلع هي اللي تعاملنا معها ....

 

[دمووع الذهب]

يعطيكم الف عافية
مشكورة اختي ريم الخبر......على هالارقام ....بس اسالك عنهم هم مسلمين وامينين...لاني مابي اتوهق مع زوجي..لازم يكونون ثقة
وتنصحوني بشقة ولا فندق ...يكون السكن

 

[ريم الخبر]

ابد ان شاءالله انهم ثقه باذن الله ...وهي مسلمه طبعا واسمها ام محمد..
شوفي اي فلوس تدفعونها عشان تطمئنون خذوا عليها وصل ...
صدقيني بتنبسطون معاهم مررره ...والكل يتعامل معها وتجي لحد المطار تستقبلكم ...
وتوديكم للشقه اللي تجوز لكم ...انصحكم بترابيا بااارده وتبعد عن استنبول ثلث ساعه ..
وخذوا الشقق اللي تطل على الجبل ومضيق البسفور في نفس الوقت ..
احنا اخذنا شقة وحدها اسمها (سوقي ) حجزت لنا اياها ام محمد في نفس وقت وصولنا ...

 

[¤§ زيتونة §¤]

حبيبتي

تركيا مسلمين

وفيهم المتدينين بعد

عندج بورصة عجيبببببة مماشاءالله تهبل تحسين بالاسلام والراحة النفسية والاكل الحلال اللذيذ




واخذي لج شقة ارخص واريح لج وتغسلين وتكوين ملابسج ببلاش بلا مصبغة بلامصاريف زيادة



وعليج بالعافية مقدما حبيبتي

 

[amoon]

اكيد تركيا

دبي حر مانصحج
حلات دبي تيينها في الشتا

 

[ملكة بحجابي]

ياهلا فيج اختي دموع ..

اولا استخيري ... ويختار الله الخيره ان شاء الله ..

بالنسبه لـ دبي رطوبه وتشبه الكويت وهذي الايام الكويت ابرد منها ..

وانصحج بـ تركيا اسبوع اللي فات راده منها ..


بارده وروعه ..

احنا رحنا اسطنبول + وطرابزون + واوزنقول ..


اوزنقول الخياليه لا تفوتج .. صايره شمال تركيا .. صوب جورجيا وارمينيا .. روووووووووووووووووعه بـ معنى الكلمه ..

اسطنبول بارده ويوم غيوم ويوم مشمسه ..

احلى جدول اختي من اسطنبول على مطار اتاتورك او مطار صبيحه وبعدها على طول مدينة "طرابزون" ومن طرابزون الى اوزنقول بالسياره طريق ساعه .. بس ما راح تحسون بالوقت من المناظره الخياليه والمبهره ..

3 ايام في اوزنقول حلوو .. يوم خليج في اوزنقول ويوم تروحون بالكقول كلها ثلج .. ويوم في سطان مراد طبعا ترجعون تنامون في اوزنقول ..


(اوزنجـــــــــــــــــــــــــول)

بالوادي صايره وفيها بحيره جنان وطبيعه خلابه وانهار وشلالات وغيوم وامطار .. والبنيان فيها كله اكواخ .. وفيها بنسيونات واوتيلات وايد .. واسعار حلوه وارخص بـ وايد من اسطنبول ..

(وبالكـــــــــــــــــــــقول)

صايره قريبه من اوزنقول كلها ثلج وطبيعه وجبال وجمال ..

( وسلطـــــــــــــــــان مراد )

على قمم الجبال وتصيرين انتي فوق والغيوم الكثيفه تحت منظر عجيب وعظيم ..

واهل اوزنقول كله محجبين ومحتشمين وطييبن ..


ويومين في طرابزون حلوو ..

مدينة طرابزون من وجهة نظري اجدد من اسطنبول واحلى .. وصايره على البحر .. وفيها اسواق روعه ورخيصه ..

عندهم مجمعه اسمه "فروم طربزون" كله ماركات وروعه .. وسوق الروسي سوق شعبي ورخيص جدا .. صاير مثل ارض المعارض تقريبا ..

وبعدها ردي اسطنبول يوم يومين حلو فيها للتسوق .. وللمعالم والمتاحف اللي فيها وهم جزيرة الاميرات جزيره روعه وتل العرائس كذلك جميل في القسم الاسيوي وتشوفين كله اسطنبول منها ..

اسواق اسطنبول ..

1_ استينا بارك
2_ جواهر
3_فروفيلو
4_مترو سيتي
5_عثمان بي
6_التقسيم

وحددي اختي تبين اسعار شنو وان شاء الله راح نفيدج ..

كم شخص انتوا ؟؟

وتبون فندق ولا شقق ؟؟

واعطيج ارقام سواقينا ومرشدينا باذن الله ..

واتمنى لج رحلة سعيده وممتعه ..

 

[ملكة بحجابي]

يعطيكم الف عافية
مشكورة اختي ريم الخبر......على هالارقام ....بس اسالك عنهم هم مسلمين وامينين...لاني مابي اتوهق مع زوجي..لازم يكونون ثقة
وتنصحوني بشقة ولا فندق ...يكون السكن

بالنسبه للـ امان عندهم حطي بوكج وتعالي لهم السنه اليايه تحصلينا !!

احنا العائله فينا طبع النسيان نمشي ونضع اغراضنا .. لما المطار واحنا رادين نضيع هع ..

في طرابزون بـ مجمع "فروم" ضاعت جنطة بنت اختي وفيها كل اغراضها بعد ساعه رحنا الامانات لقيناها الحمدلله ..

وصلنا اسطنبول وبدلنا الشقه نست اختي جنطها في الشقه لقتها الخادمه وعطت صاحب المكتب ووصلها لنا ..

واحنا رادين في المطار اخوي نسى نظارته على كونتر الجوازات .. ولا تجيبه الموظفه لنا لما الطياره ..

صراحه لاحظت عندهم امان ما عندنا في الخليج .. هذا بالنسبه للامان ..

اما السكن في ترابيا اذا على البحر مافيها الا فندق واحد اسمه "فندق ترابيا" حاليا تحت الانشاء ..
في شقق حلوه ونظيفه ومطله على بحر البوسفور ..

 

[دمووع الذهب]

يعطيكم الف الف عافية
لكل اللي تجاوبوا معاي

 

[¤§ زيتونة §¤]

انا مع اختي ملكة بحجابي

فعلا كلامها صحيح


انا مرة نسيت بوكي تحت مخدتي في فندق بمنطقة كوشاداسا فوووووق بعيدة ومشينا حوالي 3 ساعات ولا اتذكره ههههههههههههههههه

جان يدق عليهم السايق وقال لهم ولا يقولون ايه لقيناه ودورنا رقمكم نبي ندق عليكم وناطرينكم تاخذونه وردينا خذينا ولا فلس ناقص ابدااااااا



تركيا حلوة وناسها حلوين ويكفي انها راحة نفسية بجمال طبيعتها




انصحج وابصم لج بالعشر بترتاحين هناك



ولا تنسييييييييييييييييييييييييييييييييييين اوزنجول هذي ثلاث ارباع عمرج يطوفج من غير شر اذا ما رحتي لها

 

[دمووع الذهب]

هههههههههه واي والله عن جد شوقتوني لها تركيا
الله يعطيكم الف عافية ....حبايبي انتم

 

[سجى]

اكيد تركيا ما يبلها كلام
تونى راده منها امس روووعه الجو والاكل واهلها وخصوصا بورصه
قعدى فى بورصه بشقه احسن لج وانا دوم اقعد بشارع التا بارمك لانه قريب من كل شى

وبالنسبه للامان واهلها والله ما شفنا منهم الا كل خير احنا بنات ونركب التاكسى بروحنا ونروح السوق وما شفنا شى

توكلي على الله والجو هالايام يجنن

 

[rainbow_brite]

تركيا طبعا دبي لاحقه عليها على قولة البنات اي اجازه وماليزيا انتي رايحتها ورطوبه بس تركيا البرااااااد والشعب يهبل بورصه بالذات احنا كل سنه انا اروح مع اهلي ولا مليت ولو يخيروني باي ديره اختار تركيا

 

[عزااااايز]

دبي ماتفرق وايد عن الكويت بالاضافة ل رطوبة ذبحة يبيلها بالشتا احسن
وماليزيا حلوة بس تقولين رايحة من قبل
اما تركيا حلوة وجو حلو اهو صج يقولون يكرهون العرب لأسباب تاريخية بس معاملتهم زينة
وكافي انهم اسلام ودام ان زوجج معطيش خيار على تركيا يعني ماعنده مانع
انصحج تركيا سوي رجيم وروحي لان اكلهم خطير

 

[Om_Ksha]

a7na hal36la r7na dubı 7dha mooooooooooo shy sooqhom "3aly 3alfa"9y ..,

o now ana bturkya wala gmt a7bha .. ıstanbul fe nas ma y7bon el3rb ama elmna6g elrefya mthl yaloova la zenen

,
as3arha zeeeeeena bs eltaxı ya5th m9rf ybela tsknon bmkan greb mn kl shy .. bs as3arha wayd a7sn mn dubııııııııı 7dha naaaaaaaaaaaaar

 

[دمووع الذهب]

مشكوريم حبيباتي عالمشاركة والمرور
اختي ام كشه....يالله فهمت بعض كلامك
ياليتت تعيدينه بالعربي

 

[بنات حواء2]

تركيا ما انصحج فيها ما يحبون العرف و هذا شي معروف عنهم و ريحتهم خايسه

دبي ممله مثل الكويت مجمعات و بعد الساعه عشر كل شي مصكر يعني ما كو شي غير

انا انصحج بماليزيا او القاهره تونس

 

[Om_Ksha]

ana eb turkya mako 3rby

 

[• MuFFiN •]

a7na hal36la r7na dubı 7dha mooooooooooo shy sooqhom "3aly 3alfa"9y ..,

o now ana bturkya wala gmt a7bha .. ıstanbul fe nas ma y7bon el3rb ama elmna6g elrefya mthl yaloova la zenen

,
as3arha zeeeeeena bs eltaxı ya5th m9rf ybela tsknon bmkan greb mn kl shy .. bs as3arha wayd a7sn mn dubııııııııı 7dha naaaaaaaaaaaaar

احنا هالعطله رحنا دبي حدها مو شي سوقهم غالي عالفاضي

والحين بتركيا والله قمت احبها اسطنبول في ناس ما يحبون العرب اما المناطق الريفيه مثل يلوا لا زينين

اسعارها زييييييينه بس التاكسي ياخذ مصرف يبيله تسكنون بمكان قريب من كل شي بس اسعارها وايد احسن من دبي حدها ناااااااااار


<<< الترجمه الحرفيه وذلك للمســاعده :dddds:


انا ارشح لج تركيـــا للاسباب نفسها اللي ذكروها الخووات وموفقه

 

[أحساس مجروحهـ]

,,

طبعااااااااااااا تركيااااااااااااا


انا ماقد رحت لها
بس اختي راحت مع زوجه تقووووول مرررررررررررره حلوووووهـ


,,