* تركيا *

[أم بسبوسه]

أنا ودي أروح تركيا بس أبي مرشد سياحي...... الي تعرف مرشد مسلم وخلوق ياليت تعطيني رقمه....
والي راحت مع قروب ياليت تقولي منو المكتب الي تعاملت معاه ؟ وجم يوم ؟ وجم كلفتها ؟
أرجوووووووووو الرد لأن بخاطري أروح ومتوهقه...

 

[احلى كويتيه]

انا بعد ودي اعرف

 

[AlZaina]

انا سويت ريسيرج عن تركيا و الجزيرة مسوين خوش عروض طيران اسعارهم واايد حلوة و المناطق اللي ابتسكنين فيها على حسب المدة بس انا كنت امقسمة اني اقعد اب اسطنبول 7 ايام بعدين نركب العبارة و نتوجه الى منطقة يلوا و منها الى بورصة بالباص لمدة ساعة و نصف و نقعد ببورصة 3 ايام و بعدين نرجع اسطنبول و نرجع الكويت

بس اذا قعدتج كانت اكثر تقدرين اتزورين ترابزون منطقة اوزنجول واايد يمدحونها اقولون الطبيعة مو طبيعية

و قالوا ان في اسطنبول لا تسكنين بتقسيم لأن تكثر فيها النشالين و يمدحون فندق هوليدي ان او كراون بلازا لأن جبالهم مجمعين كبار و يمهم مكتب سفريات

و ينصحون انج ما اتقولين انج خليجية لأن ارافعون اسعارهم عالخليجيين

وحبيبتي اذا حابة اتعرفين عن الاماكن السياحية الي هناك انا حاضرة و عندج اي سؤال هم انا حاضرة

 

[أم بسبوسه]

مشكوره اختي وماقصرتي ..... بس ياليت تفيديني برقم مرشد سياحي يكون معانا لأن اللغه ميح عندنا..

 

[AlZaina]

العفو حبيتي ما سويت شي , عاد هذا اللي ما حصلتا لأن ليلحين ما كملت كل تجهيزاتي للسفرة بس تقدرين تدخلين منتدى العرب المسافرون و الاخوان ما يقصرون معاج هناك انا عن نفسي واايد استفدت من منتداهم

 

[نوراا السعودية]

مرحبا حبيبتي انا رقم مرشدة سياحية مرررة زينة مرتين نروح
وهي المسؤلة عنها بالنسبة للخدمات اللي تقدمها :
(للتوضيح هي كبيرة بالسن لكنها نشيطة وسورية الاصل يعني تعرف تتكلم عربي ممتاز كانها سورية (
1- توفر لك سيارة حسب المقاس اللي تحتاجينها وللامانة سواااقينها امينين
والاسعاار رحنا ب2003 طبعا كانت تركيا ارخص من الحين الاجار على سيارتنا اللي كانت لا نسر جديدة مكيفة وتماام 50 دولار (تخيلي) واكيد لها نسبة
2- ممكن انها تدور معاك بكل مكان لاكن الله يعينك عليها هي مع السوواق غدااهم وعشاهم والكوفي اذا بتاخذين واللذي منة وممكن انك تاخذين رقم جوالها وتكونين معاها على الخط داايم حتى بطلب المطعم
يعني هي اللي تترجم
3-توديك للاسواق الشعبية يعني البازارات روووعه وتوديك اما كن مايروحون لها السياح يعني لما نروح ما نلقى ولا خليجي بس اترااك
وبس عاد المرة الثانية رحنا ب2005 وارتفعت الاسعار شوي خذينا سيارة اكبر بااص بس ذرب حتى ماا ركتة مرسيدس وجديد بعد 70 دولار وسوواقة امين لاكنة غبي وهي ماكانت تطلع معنا كثير بس على طوول معنا على الخط
خذي بالك حبيبتي ترى الاسعاار غالية كانها اوروبا بس ترى تركياا رااااااااااااقية وحلوة لاتطوفين السفرة
والمطااعم الحوة اللي بحصاار حلوة مرة بس لشخصين عشى مع القهوة وايس كريم الاشياء هذي
ب200 دولار بس فية ارخص من كذاا
والله يوفقك ولي رجعة لموضوعك واذا اعتمدتي اسمها ام محمد ورقمها عندي بس مو الحين انا بمصر الحين
والرقم بالسعودية بس متى رحلتك ؟؟؟؟؟؟؟

 

[أم بسبوسه]

مشكورين حبايبي ماقصرتوا.....انا بروح شهر سبعه إنشالله

 

[الحلا لبنت عطاا]

انا بعد ودي اعرف

 

[حلوه ومزيونه]

نورا واللي يعافيج عطينا رقمها ومعلومات اكثر عن تركيا

تسلمين قلبي

 

[hugo]

نورا حبيبتي بغيت منج رقم المرشدة السياحية انا مسافرة ضروري واي معلومات عن تركيا تحسين انها مهمة

 

[سجى]

انا رحت لها 4 مرات وماشاء الله تهبل
بس ما اروح اسطنبول على طول من المطار لبورصه

لا تسكنين اسطنبول مو حلوة ونصابين وحرامية ومشاكل
روحى بورصه احنا نسكن فى شقق فى شارع التى بارمك
والمكتب اللى نتعامل معه طول 4 سنين واحد تركى متدين ونعرفه ونعرف اهله وزوجته ناس محترمين
اسمه مكتب الفضاء واذا تبين رقمه انا حاضره يعنى من المطار ياخذج لبورصه ويسوى لج الرحلات والطلعات والشقه
بس الاسواق لا اروح مع التاكسى او نروح نتمشى المكان هذا رووووعه كل شى عنده متوفر الجمعيه والمسجد والسوق وحديقه لونا بارك رووووووووووووعه بس صارت أغلى حيييل من قبل بس تستاهل الرووووحه



وانا حاضره لاى استفسار


وشوفى هالرابط


http://q8yat.net/showthread.php?t=25547&page=7

 

[الاميره ساره]

حبيبتي انا انصحج انج تروحين بورصه لانها روعه وتجنن--واذا تبين كتب زين وامين ترا في مكتب تركي اسمه رمزي محترم وامين ويقدر يشوفلج شقق حلوه ونظيفه وعنده باص ياخذكم من المطار لبورصه--واحسن الفنادق في بورصه جلك بالاس5نجوم وكيرجا 4 نجوم قريبه للسوق وللحديقه تروحين مشي--رقم المكتب00905427942786 --ودري بالج من مكاتب العراقيين والاكراد تراهم نصابين--وارخص طيران الجزيره