تركيب رموش دايمه لشهر

[(meemeee2)]

السلام عليكم

بنات وين احسن صالون عندهم تركيب رموش دائمه شهر ؟؟؟؟
وتركيب الرموش جنها طبيعيه مو مخمه بلييييييييييز
وصمغهم زين مايأذيج ؟؟
وكون شاكره لكم

 

[قموووره]

صراحه ماعرف بس عندي سؤال ماعليج امر لان انا بعد ودي اسويهم بس الصمغ اذا انحط على الرموش ما ياثر على رموشي الصجيه؟؟ ما يطيحهم؟؟ بعدين الصمغ ماراح يحجب الماي؟؟ يعني مكان الصمغ ماراح يحوشه الماي يعني ما يسير نصلي فيهم؟؟ لان الوضوء راح يكون ناقص فراح تصير الصلاة باطله مووووو؟؟؟؟؟ ما سالتي بهالموضوع ؟؟ ودي اعرف لان ودي من زمان اركب بس احاتي هالسالفه !!!​

 

[(meemeee2)]

انا مركبه من قبل ماحس ان يحجب عادي
وسالت فيها شيخ دين قبل لا اركب قال لا عادي مافيها شي يجوز
بس الحين اللي اركب عندها سافرت
وابي مكان زين وشطار

 

[sunshine22]

بس تدخل بحكم الوصل

لعن الله الواصل والواصله

 

[RowTow]

حبيبتي قمورره إذا الصناعيه العاديه ما تجوز و هي مؤقته.
فمن باب أولى الدائمة بعد. لأنج أصلا مراح تقدرين تتوضين.

‫الشيخ محمد ابن عثيمين حكم استعمال الرموش الصناعية‬‎ - YouTube

 

[قموووره]

تسلمين حبيبتي بس انا ما اقصد موضوع الوصل لااااا اقصد مكان الصمغ راح يحجب منطقه صح ؟؟ نفس صبغ الاظافر لو بقى منه شويه بطرف الظفر اذا توضيتي ماراح يحوش الماي هالمنطقه صح ؟؟؟ فراح يفسد الوضوء انا اقصد نفس الشي الصمغ الماي ماراح يحوش المنطقه الي فيها الصمغ .... فهمتي قصدي ؟؟؟ ​

 

[ranzi]

انا جربت وركبتهم بس الصمغ الي يلصقون فيه الرموش وايد قوي يحرق العين شلتها بعد اربعه ايام ابدا ما ارتحت لها خصوصا لما كنت اقوم من النوم احس بشعور مزعج في عيني ولما شلتها طاحت نص رموشي صرت احط فيها زيت خروع لين طولت ..

 

[(meemeee2)]

مشكورين خواتي
اشدعوه محد ركبت ارموش في مكان زين

 

[(meemeee2)]

اااب

 

[زبــــــــدة]

صالون كيمز ...

يقولون عنه وايد حلوو واللي يركبون خبرة مو اي شي ...

يصير جدام ريز ون عالبحر داخل

 

[(meemeee2)]

مشكوره حبيبتي زبده

 

[dandooosh]

حبيبتي أنا مسوية بيرم رموش عند كوزمودوم بالمهلب فوق ب 30 دينار
تسويهم مقوسين وحلوين المفروض تستمر 6 شهور بس انا قعدت معاي شهر تقريبا

 

[لمعة سراب]

وعليكم السلام
حبيبتي حرام تركيبها ولو مؤقتاً


الحمد لله والصلاة والسلام على رسول الله وعلى آله وصحبه، وبعد:

فإن تركيب الرموش لا يجوز إلا إذا كان لضرورة، أو لإزالة عيب، أو شين بين، كما سبق بيانه في الفتوى: 613.

أما إذا كان لمجرد الزينة فإنه لا يجوز، ولا فرق في ذلك بين تركيبه لمناسبة العرس وغيرها، وللمزيد من الفائدة انظر الفتوى: 60339، وما أحيل عليه فيها.
والله أعلم.
ما حكم تركيب الرموش لفترة قصيرة وخاصة للعروس - إسلام ويب - مركز الفتوى
اللعن هو الطرد من رحمة الله

 

[MiSS B.K]

حبايبي والله تقطع رموشكم وبعدين ما يجوز

 

[توتو ستايل]

انا ركبت بصالون بالشعب البحري
شكلهم طبيعي ولا احس فيهم صارلهم شهر و3 ايام
هذا رقمهم 66878667

 

[AVE.NJ]

انه اشوف زحمه في نيل ستيشن
اكيد حلو
بس انه ماجربته
واهو يم الاء دشتي اللي بالسالميه

 

[صدفه نسيتك]

حرااااام !!!

 

[بطوووطة$بيضة]

اتنا رفيجتي امركبه عند تايلنديات

لمدة ٦اشهر

ولازم كل اسبوع صيانه

بس اتقوا وايد اتنرفز لان الصيانه ساعه اتغمضين عينج وماتفتحينها

طبعا رموشها طاحوا

بس وايد حلو ووايد طبيعي حتى ماتبين اتحطين مكياج معاهم

 

[ام سعود ديكسون]

بطوطة ممكن عنوان صالون التايلنديات !!!

بس الغالب الحين يمدحون نيل ستيشن و كيمز نفس ما قالوا البنات
و صالون عبير الياسين كان عنده عروض علي التركيب<<< تسوي لج رموش كيم كردشيان ستايل

 

[!! دلوعته !!]

حرررررررررررررررررام ي قلبي