ترهلات البطن بعد الولاده ,, الحل ؟؟

[سكر وعسل]

مرحبا ياكروشات
اشلونكم عساكم بخير ؟
امم انا الله يسلمكم حامل والحين بالتاسع :eh_s(2):
الله يستر خايفه من الولاده اول بيبي
يارب نولد بالسلامه يارب
بغيت اسال الي عندها خبره او والده من قبل

شتسون حق شد البطن انا قريت كثير
وقررت من نفسي مدري اذا عدل او لاء ؟

اول حاجه اخذ لي مشد من ماركس يجي من تحت الصدر الين نص الفخذ
واخذت هم بعد حزام من الصيدليه

بس محتاره البسه من ثاني يوم ؟؟ ولا انتظر اسبوع؟؟؟

ثاني شي قلت ببتدي امشي بعد اسسبوعين من الولاده ؟
اي واخذت كريم من بوتس قالت لي يشد المنطقه ويصغر التشقاقت ويساويها بلون الجلد




ويريت كل بنوته تقول لنا ايش تسوي عشان نستفيد من بعض

 

[شقى عمري]

ربط البطن بعد عشر ايام

وبما انج بجر لازم ترتاحين ٤٠ يوم لان الخياط راح يظل معاج لي ٢٥يوم

 

[مواصله]

لا المشد لاتلبسينه ع طول اقل شيئ خل يمر اسبوع او 10 ايام من الولاده ووقت النوم شيليه

والرضاعه الطبيعيه خصوصا اول شهر ترجع لج الرحم وتحسين فيه يتقلص ويصغر سبحان الله

المشي لاتمشين الا بعد ماترجع ارحامج وتتعافين تقريبا بعد الاربعين لاتستعجلين

وبهالفتره سوي تمارين كيجل ولبسي حزام الحراره يذوب الشحوم

ومادري عن الكريمات سألي الصيدلي




عموما مثل مالبطن يكبر ب9شهور عطي نفسج فرصه 9شهور

 

[شووووشن]

نفس سؤالي ..

واحليلي انا اللي ناويه اشتري كورسيه واغفص بطني هههههههههههههههاي

بنات عفيه فيدونا

 

[.. BNT ..]

اببببببببببببب

 

[سكر وعسل]

مكشورين كل الي ردوا
انا كنت مفكره البسه من ثاني يوم خخ

يلا بنات وينكم اشدعوه 44 مشاهده وبس 4
؟

ابب

 

[.. BNT ..]

مره قريت من 2 يوم يلبسووون بس مايشدونه حيل

شنو شكل المشد اللي تقولين عنه ماكو له صور

 

[Janna-q8]

انا سمعت ناس يمدحون المشد الاندونيسي.... احد جربه؟؟

 

[نور الدنيا 88]

والله بجر و محتارة مثلكم

يمكن اربطه بحزام من الصيلية و بعدها 10 ايام البس كورسية بس مااعرف شنو افضل نوعية
ياريت يفيدونا اللي مو بجريات

 

[شووووشن]

اب اب

 

[3emya_Berry]

مساء الورد جوفي حبيبتي لحد يقص عليج مشد وبطيخ انا ماخليت ولا بقيت كريمات كورسيهات مشدات كل شي حتى دهون من تاجرات شريت يبت الثالث والحمد لله بعد مابي عيال ورحت سويت عمليه شد والحين باربي اسم الله علي

 

[نـعـومـه]

انا بعد بجر مابي جسمي يخترب

بس موزين تمشين بهالسرعه !!! يالله عقب الاربعين

والمشد نطري اسبوعين

 

[يا كويتنا]

شوفوا بنات التشققات لازم نتفاداها مو ننطرها وبعدين انعالجها

يعني انتي من السادس بلشي بكريمات اتساعد الجلد عالتمدد وما يصير فيه تشققات


الحزام لبسيه بعد خمس ايام

وبلشي بتمارين كيجل

وتمرين علمني دكتوري عليه روعه اشويه عليه


هذا بعد اسبوع او عشر ايام اتسوينه


اتكونين نايمه علا ظهرج بسريرج


اتحطين ايدينج ورا راسج وتالي حاولي ترفعين ارجولج بمعني الاقدام مع الرجل كلها لي فوق مو حيل بس خفيف بتتبين وماراح تقدرين اول شي تالي بتسوينها هذا يا طويله العمر يشد هالعضلات ويرفع الرحم


والمشي انسييه

قبل العشرين يوم مافي مشي


وسلااامتكم

 

[سنفورره]

اربطي بعد العشر ايام
ولاتلعبين بنفسج خلي رحمج يرجع مكانه وبعدين لاااحقه ع الكريمات
واذا بجررر لاتخربين من اول بيبي اعتني بنفسج وبالدويات والضعف والبطن يروح مع الوقت بس اهم شي ونصيحه لوجه الله اهتمي براحتج ورحمج وكل شي لاحقه عليه
انا بصراحه ماخلوا شي ماقلو جربيه وسويه من ترديد وجلسات تخسيس وكل هذا ماسويته لان اهتمي الاول رحمي مايخرب او ينزل بسبب الكورسيهات والحزام ماقولج مالبست لبست بس بعد اسبوعين بعد ما ارتحت شوي من الخياط

 

[3aSaL Q8]

بعد الاربعين اشتركي بنادي وطيحيله رياضه الرياضه اهي الشي الوحيد اللي بيشد جسمج وعليج بالاكل الصحي
الممثلات يحملون بتوائم وبعد جم شهر تطلعلج البطن لازق بالظهر طايحتله رياضه واكل صحي

 

[المكسيكيه]

صباح الخير

 

[.. BNT ..]

صباح النور

 

[zntoosha]

انا بلشت تقريبا بعد ال20 يوم استخدم حزام حراري
البسه جم ساعه باليوم ولما افصخه تكون المنطقه عرقانه
ان شاءالله اشوف نتايج حلوه عليه

 

[شووووشن]

زنتوشا

خبرينا بالنتايج اذا عدله جبناه خخخخ

 

[سكر وعسل]

انا قررت احط الكريم الي من بوتس والبس بس الحزام من غير المشد
لحد ماتطيح الخياطه
بلبس المشد وومشي خفيف يعني بو ربع ولانص ساعه

وبس
عاد مايندرى انشاءالله يفيد