ترى و الله عيب عليكم كلكم خليجيات وكلنا ديره وحده

[kuwait_queen82]

السلام عليكم

كويتيات و امارتيات و عمانيات و بحرينيات و قطريات و سعوديات

​

قبل اشوي دشيت على موضوع وحده عايشه ابدول خليجيه مادري جم سنه وماتذكرت احقوقها الى بس بسكن و تبي اترد الديره المهم قعدت اقرى التعليقات و الله لاعت جبدي صار طقني و اطقك و سبني و اسبك وديرتي و ديرتك و حوشي و حوشكم مابقي الى بس الى يتواعدون مكان و يتطاققون الي بقوله لهم استحو على اويهكم و اذا هذي اخلاقكم و اسلوبكم انتو ماتمثلونه كاخليجيات لانه احنا ماتربين اانسب اهلنا و اعتقد مافي اي اكويتيه ماعندها قرايب بالسعوديه او بالامارات او اي دوله خليجه كانت.
مره كنت امسافر دوله عربيه قعدت فيها فتره وانا راده لكويت نزلت اترانزيت بدبي والله اعيوني ادمعت قلت حق خالتي والله الحين احس اني بديرتي قبل حتى لا اوصل لديرتي الحبيبه لكويت
و كلنا فدى الخليج و ماقول الا حسبي الله على كل حاقد و مثير للفتن بينا

قولولنا مواقفكم و شنو ردكم على هل الناس التافه و السخيفه الي بس تبي تسوي فتنه

 

[الغلا كله لبوي]

ايه والله صاجه بعض العضوات ماعندهن اسلوب للحوار الفاظهن حيل رديئه والمشكله ترجع مره ثانيه وترد بالفاظ الطفل ابو 6سنوات مايقولها
الله يهديهن

 

[مطيرية متواضعة]

كل واحد ووحدة لهم وجهات نظر مختلفة عن الاخر

لازم تحترمينها لانة الكل عندة نظرة غير نظرتج
​

 

[دانه الشطوره]

صاجه والله كلنا خليج وااحد و شعب واااحد
ربي يحفظنا و يخلينا لبعض
و يبعد عنا شر الفتن ان شاء الله
ويحفظ كويتنا يارب و يخلي لنا بوناصر فديته

 

[kuwait_queen82]

كل واحد ووحدة لهم وجهات نظر مختلفة عن الاخر

لازم تحترمينها لانة الكل عندة نظرة غير نظرتج
​

ياعمري انا مو ضد وجهات نظرهم كل وحده اتقول وجهه نظرها بس ماتقلل من احترام احد او دوله خليجيه او بطريقه استفزازيه او وقحه

:eh_s(17):
​

 

[kuwait_queen82]

صاجه والله كلنا خليج وااحد و شعب واااحد
ربي يحفظنا و يخلينا لبعض
و يبعد عنا شر الفتن ان شاء الله
ويحفظ كويتنا يارب و يخلي لنا بوناصر فديته

آميين يارب :eh_s(7):

 

[kuwait_queen82]

ايه والله صاجه بعض العضوات ماعندهن اسلوب للحوار الفاظهن حيل رديئه والمشكله ترجع مره ثانيه وترد بالفاظ الطفل ابو 6سنوات مايقولها
الله يهديهن

اميين يارب يهديهم

 

[tbola]

كلامج عدل ومشكوره على تنبيه

 

[جروح صامته]

أيوالله صادقه حتى الواحد صار يكره يطرح موضوع لا تصير أخرته هوشه
واحنا كلنا دوله وحده الله يعز حكامنا أللي أجمعونا ويطول بعمارهم
والله يعزهم ولا يعز عليهم

 

[وهج السعودية]

قبل مانكون خليجيات .. ترى كلنا بشر انخلقنا من نفس الطين ولا فرقنا غير الأسامي والأماكن وكلنا في الأخير مصيرنا واحد

مشكورة صاحبة الموضوع .... ياليت العقول تكبر

 

[شذى2007]

انا معااااااااااج بجد كان فيه ردود مالها داعي اللي عنده خبر يقوول ولا ماعندج ادعيلها مو تحقيق وكلام فاضي

 

[لياليـ]

مشكوره او اتقبلي مروري

 

[gannan99]

عن جد كلاااااااااااااااامك صح
كلنااااااااااا واحد

 

[قانون كـيفي]

مابقي الى بس الى يتواعدون مكان و يتطاققون

ههههههههههههههههههههههه

 

[قطوووة]

عقلهم صغير

 

[دانه الشطوره]

آميين يارب :eh_s(7):

مشكوووووره ع الورده الحلوه فديتج
ولج مثلها :eh_s(7):

 

[AL-7Oo0b]

صح انا مثلج انا اماراتيه وازعل لما اشوف بنات يحطون موضوع وكل وحده تغلط على الثانيه ،، نحن قبل كل شي خوات يعني المفروض قلبنا على بعض مب كل وحده تسب وتغلط على الثانيه ،، وانا ما اقول الكل لا بعض منهم والا الباقي محترمات وراقيات وانا ما سجلت في المنتدى الا وانا اعرف انه فيه بنات طيبات وقلبهم على بعض

 

[عثوله دبي]

فديــت خليجنــآ ..

كلامج عين العقل ~

 

[شيماء المطيري]

آنا أقول الحر مأثر عليهم​

 

[تعبني البطى]

كلن خليج واحد واسره وحده...
تخلف فيهم..
لافرق بين اعجمي الا بالتقوى