تريننق سوت بالدوام آخر مهزله

[ملكة على عرشي]

الله المستعان

 

[NoNy aLM]

عــــادي اوكي شــغل يمــكن مو حــلو تــلبسه بــس الــي تقـــول عن الــسوق مــايصير او مــادري شنو شكــو s:

 

[كريستال ليدي]

الترينق سواء ماركة والا عادي
مومال دوام
احسه مال ممشى او نادي او شاليهات وبر
بس اماكن رسمية ودوامات تحسين هلاقة
انا اعرف شباب كل حياتهم شورتات
بس لي بغوا يروحون مراجعة في وزارة
او مكان رسمي
يلبسون دشاديش
لان لكل مكان شي يليق فيه
بغض النظر عن الحجاب والستر
انا اقصد عالعموم

100% صحححححح

 

[aldana]

مشكوووووووووورين بنات على التفاعل ....... كلامي عن الجينز بعض البنات فهمو غلط ......... انا ماقول لا تلبسون اصلا انا اول وحده البس جينز .........ز بس اقصد ان في الدول الاجنيبة الدوام لازم يكون بملابس رسمية مو جينز يعني الوحده تلبس بنطلون عادي مو جينز

المصيبه في التريننق سوت ........يعني مستوصف و جمعيه تبلع بس اداوم يعني موظفه موووووووو حلوه ابدا
الله يهدي الجميع...................

 

[danoy]

انا من راي انه حق وزارات و شغل كلش موو حلووو ولا يصلح

اما حق اماكن ثانيه عادي بس اكييد في اشكال حق الترينينق اذا كان البنطرون وسيع مو مرصرص حلو و ما يكون الوان البجامات حلاته شي غامج و مو حلو وحده متحجبه تلبس ترينينق ظيج و قصير حلو لي انلبس معاه قميص طويل

و بنهايه كل واحد حر بلبسه

 

[كويتيهx5]

طبعا كلش مو لايقه بس شنو تسون بعد لازم يفنتقون هالبنات

انا اليوم شفت وحده مو متحجبه لابس ترينق وكعب اي شىء صراحه

 

[غربــــة اِحساس]

وتكمل المهزله اذا كان مرصرص

الله يهديهم

 

[sosotchino]

مآأقول غير يآزين العبآية والستر

 

[Rurii]

انا رايي من راي رعبوب ومس دودو ،

اذا مرتب و ساتر مع بلوزه طويله و موديله مو نفس مال البيت ..
ليش لأ ..

و اليوم طالعه وشفت وايد بنات لابيسنه ..

 

[الأسطوره$$]

انا اشوفها عادي ..

شفت بنات لابسين تريننغ بالمجمعات وشفت بالمستوصفات وشفت بالجمعيات وشفت بالكليات والجامعه .. وأشكالهم Cute " )

التريننغ مريح وعملي لا تقولون مو لايق ( لا ) قولو التريننغ اللي لابسينه غلط " >

فيه تريننغات شحلاااتها حتى حق المتحجبه ساتره وبطلع شكل البنت حلو .. وفيه بنات " يتعمدون " يلبسون تريننغات ضيجه ومالت بيوت ..

فالنقاش على ذوق البنات مو على التريننغ

يبقى رايي

~

 

[Maryomah_q8]

كلش مايصلح حق دوااام ولا لأي مكان حده بيت بر شاليه ممشى فقط
مره شفت وحده متينه كرشهاا اشكبره ناط جدامهاا لبسهااا حييييل ضيج والجاكيت قصير ماجنهاا لابسه شئ والله أنظرلها نظره شفقه الكل يضحك ويتطنز عليهاا .. استغفر الله ..
بعض البناات الله يهديهم مايرااعون نفسهم باللبس ياامرصوص يفشل ولا ماكو الله يهديهم ويصلحهم ..

 

[النشبه88]

هذي مشكلتنا انه في ناس ما تميز انه لبس النهار مو نفس لبس الليل ولبس الكشته مو نفس لبس الشغل
مو علبونه موضه البس اي شي بكل وقت والوان فاقعه من صباح الله خير
عاد التريننق اللي صج ما اتقبل نفسي طالعه فيه

 

[اخت-اخوها]

اي والله ينرفزون لا وياخذون مقاس اصغر من مقاسهم امبيه والله فشله انا اخذ اكبر من مقاسي وما البسه
طبعا الترينق اللي مال طلعه مو مال بيت

 

[عرووسة الكويت]

عسي الله يهديهم حبايبي.................&:yaaaaaarb:

 

[مراسي الشوق]

اممممممممممممم الصراحه مو شي الدوام له لبسه والطلعه لها لبسها والزواره والسهرات والعروس والعزايم لهم لبس معين .. ذوقيا عيب الوحده او الواحد تلبس ترينق بالدوام خاصة اذا شغلها تستقبل مراجعين فشله!!!

 

[ScarletteO'Hara]

انا اقول الغلط مو من البنات الي يلبسون تريننق (الي اساسا ما يعجبني ستايلهم بتاتا) الغلط على الوزارات الي مو حاطين dress code للدوام, الدوائر الحكومية يفترض ان لها احترامها و لما الناس يشوفون ان مافي قوانين تحكم المكان اكيد بياخذون راحتهم, و الله انا من رايي ان الوزارات مثل ما مطلعين قرارات منع التدخين و غيره, المفروض يفرضون على الموظفين لبس من نمط معين من غير التعدي على الحريات طبعا
بس ملابس سخيفة مثل التريننق المفروض تنمنع
تعالوا شوفو الاجانب, اكثر الناس المتمتعين بالحرية سيلبسون حق دواماتهم
ياريت نتعلم منهم هذي السوالف بدال الشياء التافهه الي ما تفيد

 

[شغـــف]

يااااانااااااااااس يااااااعالم التنرنق يكووووون بالبيت او رايحه ممشى او شاليـــه او بـــر

غيييييييير جــذي حدهـ هلاااااقه حتى لو الجمعيـــه شكووو رايحه بهاللبس

شلوووون عااااد دوااااام رسمــــــي ؟؟؟؟ والله غريبه

 

[باربيه قطوه]

انا من وجهه نظري ان المفروض الوحده تعرف كل لبس له مكانه
ملابس العرس ماتنلبس حق السباحه مثلا ههههههههههه
يعني التريننق حق النادي بحر شاليه بنت اي بس طلعه شنو اي شي وين قاعدين
وحتى الماركات لاتقولون ماركه ومادري شنو ترى هالنوعيه مسوينها حق الاجانب الي لما تخلص من النادي او الممشى وتبي تشرب كوفي يكون شكلها مقبول مرتب يعني مو مال سوق وطلعه
المشكله ان اهني ياخذون الاشياء الغلط من برا واحسه حده مو مرتب شنو جنها قاعده من النوم وطالعه وي وين قاعدين حلاته لابسه لبس مرتب شنو تريننق !!

 

[نشميه]

امبيه شفيكم قالبينها هوشه وما ادري شنو

اعتقد كل واحد حر بذوقه

وما اعتقد اذا كنت لابسه تريننغ ومعاه قميص ساتر بيصير الشكل وييييييييييييييع ياااااااااااااااي وارف يبا الناس اذواق ولو ما اختلفت الاذواق لبارت السلع

اعتقد كل واحد يلبس على راحته الحين حطيتوا حرتكم بالتريننغ وخليتوا اللي مطلعين سيقانهم وتنانيرهم واصله لي بلاعيهم ولا مترصرصين بالهدوم ترصرص

انا وحده من الناس احب البس تريننغ لمن اطلع حتى لو بروح السوق عادي البس تريننغ ولا ما يصير اطلع الا بماركه الحين حتى الماراكات العالميه قامت تنزل تريننغات عاد ماراح اشتري تريننغ بدينار ونص واتفرفر فيه بين الناس

 

[qa6wa_]

ههههههههههههههههه
احلى شي ايام الانتخابات على اخرشهر 5 يعني عز الحررررررر
في وحده لابسه جاكيت التريننق سوت ومخمل ههههههههههه
يعني موضه ولا شنو؟ بصراحه مو كل شي حلو حتى لو كان موضه
وكل شي له وقته ومكانه ومناخه بعد
معقدتني على اساس انه ستايل لازم اللبسه واخيس بالحر واتحمل وافاقق في سبيل الموضه اقصد الفوضه