تريننق سوت بالدوام آخر مهزله

[aldana]

سوري بنات بس انتو خلطتوا بسن الحابل و النابل
صاحبة الموضوع قالت تريينق وناس قالوا بكيني هذا التباس البكيني يعتبر من الملابس الداخليه و تستخدم للسباح و فاصخه يعني مو معقلوه وحده تلبس بكيني تتمشى بسوق في مجتمع محافظ مثلنه
اما التريننق فهو لبس عملي و رياضي

التريننق في منه الماركات مثل لا كوست و ديور و يي موديلات
في تريينق مال البر وفي تريننق عملي و ححلو وفي حركات و موديلات منهم

بنات لا تكبرون المسائل ماكو شي عاجبكم و الله لبسنه عبي قالوا ويع مو استايل لبسنه تنانير قلتوا واي وايد رسميه لبسنه جنز قالوا هيلقيه لبسنه تريننق قالوا مهتوله شنلبس جياس يعني و لا انلف عمرنه بجرايد
هههههههههههه
و الله شي يضحك يبه كل وحده تلبس الي يريحها و الي تبيه
يعني انا مره شفت وحده بسوق لابسه ترننق سوت يهبل بالعكس كان شكلها حلو و استايلها حلو حتى من حلات لبسها وذوقها الكل يطالعها
لابسه ترننق بنطرون وفوق بدي طويل حفر عليه شغله قطن مغطيه زنودها كت وفي ربطه بنص وايد حلو فكرته حلو ولونه رمادي و لا بسه تراجي مع لفه حلو و كعب رمادي يعني محوله اللوك من رياضي الى كيوت و كلاسيك و الكل انين على لبسها و رقيها بلبس
مو كل تريننق تريننق
و مهما اختلفنه في راينه بنضل خوات

صاجه حبيبتي بالسوق والمولات والكافيهات تشوفين ناس لابسين تريننق و شكلهم ينن ... انا اعتراضي مو على هالبنات انا اعتراضي على لبس التريننق كموظفه و رايحه الشغل في وزارة احسها مو حلوه

 

[ياااقوته الكويت]

الترينق سواء ماركة والا عادي
مومال دوام
احسه مال ممشى او نادي او شاليهات وبر
بس اماكن رسمية ودوامات تحسين هلاقة
انا اعرف شباب كل حياتهم شورتات
بس لي بغوا يروحون مراجعة في وزارة
او مكان رسمي
يلبسون دشاديش
لان لكل مكان شي يليق فيه
بغض النظر عن الحجاب والستر
انا اقصد عالعموم

نفس الحجي​

 

[أســــرار]

بـــ غض النظر عن الطرح اللي في الموضوع
لأن في وايد ناس راح تأيد و وايد ناس راح تعارض ...

و لكن في مقولة مهمة جداً : لـــكل مقام مقال
و احنا بأختصار .. في كل مكااان مو بس في الدوامات
مو قاعدين نراعي المقامات .. الأسواق - الكليات - الدوامات .. من زمان فيهم بــنات يروحون لها
بكامل أناقتهم و كشختهم و خبتهم ..!! يعني مو قاعدين يراعون مقامات هالامكنة
و ماكو تفرقة بين داخل و خارج البيت .. بين اني بلبس و اروح سهرة .. أو استقبال .. او احتفال
و بين اني بروح .. ســوق .. معرض .. دوام

:

كلو محصل بعضو

 

[زبــــــــدة]

التريننق عادي البسه حق اي مكان...طلعه سوق ..جامعه...عادي

بس دوام صعبه شوي...حلاته تكون كشخه وشيك...

...بس هم بقول انه كل وحده وكيفها تلبس اللي يريحها ومالها شغل بالناس

 

[ملكة بأخلاقي]

بصراااحه حيييييييل وع وهلاقه بعد حق المتحجبه والى مو متحجبه


بعدين عيب تلبسينه باي مكان يعني اسمه ترييننغ سوووووووووت

ترررررررررررررينننغ يعني حق الجم وبس مو تروحين تلبسينه حق الدوام

انا هاللاقه هذي كلش مو عاجبتني وصج في بعضهم حلوين وذربين وماركات بس هم مو حق دوام وطلعه

 

[شكليطه]

مثل ما تساهلوا البعض بسالفه التريننق


نطروا كلها سنه سنتين وتلقون البنات طالعين بالبجامات....اذا سووها السيليبريتز برا

واذكركم اذا كنا من الحيين ......راح تشوفون شكثر يدافعون عن البجاما ويقولون عادي حلوة ومريحه

 

[مطيريه ماركه]

بنآت حبآيبي آلمسألة مو مسألة تريننق مآركه ؟

معروف آلتريننق وين ينلبس !

أنتي بـ دوآم هـ آللبس مآله دآعي !

لآزم آللبس محتشم ويُرآعى فيه آلذوق آلعآم وآلمكآن آللي فيه !

 

[يمة يادلبي]

شوفي اهي حرية شخصية بس انا عن نفسي كلش كلش ماحب البس ترينننقات يمكن لان الجسـم مايساعد بس الي جسمها حلو خل تلبس كيفها

 

[aldana]

مشكووووووووووووووووووووووووورين بنات على التفاعل و النقاش في الموضوع

 

[Strawberry Shortcake]

وايد شفت بناات بالكليه يلبسوونه وبالعكس شكلهم عملي وكيووت
وانا ناويه اشتريلي جم واحد لان احسه أريح حق الجامعه وو حق البر
امااا اللي يلبسونه حق سووق لاا مو حلو بصراحه

 

[kekat kakaw]

هلاقه بعد ؟؟؟ شنقوووووول

 

[زهرااا]

الحمدلله و الشكر

 

[دانة الاحرار]

خو الحين مو بس التريننق ,, يدامون حتى بالبجاما الله وكيلج ,,,

ما قاموا يفرقون بين لبس الطلعه ولبس النوم ولبس البيت ولبس الزواره


يبه ترى كل مكان وله لبس ,,

 

[Judy abbott]

كل واحد ينام على الجمب الي يريحه

كيفهــم

وانا البس تريننقات مع بلايز طول حق الكليه لانه لبس عملييييييي

 

[MaZyOoOoNa]

الترينق حق طالبه بالجامعه والمعاهد اي اووكي مافيها شي بس موظفه لا والله كلش مو حلوه بس الجينز عادي مافيها شي لا تبالغوون وايد ليش شنو تبوون تلبسوون حق الدوام نفنووف سهره !!!!!!!!!!!!!
جينز وقميص نفانيف عمليه بس وكان الله غفوور رحيم اصلا الشي لا صار مبالغ فيه هاذي اهيا الي اسمها هلاقه

 

[FRuiT ZaBaDi]

تريننق سوت = بجااااااااااااااااااااااااااااااااااااااااااامه بس شوي اكشخ
واللي تلبسه برا البيت تعتبر هيلقيه وماعندها ذوق
يعني تهد كل هالهدوم الشتويه الكشخه وتلبس بجامه تريننق ؟ ! مساكين يمكن ماعندهم هدوم كشخه ؛)

 

[([عطر رومانسي])]

حتى بالمدرسه لابسينه المدرسات

حيييييييييييييل بايخ شكلهم

 

[NoNy aLM]

تريننق سوت = بجااااااااااااااااااااااااااااااااااااااااااامه بس شوي اكشخ
واللي تلبسه برا البيت تعتبر هيلقيه وماعندها ذوق
يعني تهد كل هالهدوم الشتويه الكشخه وتلبس بجامه تريننق ؟ ! مساكين يمكن ماعندهم هدوم كشخه ؛)

قـــاعده تــغلطيــن ترى

 

[][ sarah ][]

واااي هالتريننق اللي انا كلش ماابلعه , قبل لااتحجب اشتهي البسه تشوفيني البسه وافصخه قبل لااطلع مااقدر احس جني لابسه لبس بيت
اللهم لبسته يمكن مره او مرتين حق جمعيه

البنات صايرين ماادري شلون , مايصدقون بعد يصير الشتااا عشان يلبسون تريننق المتينه والضعيفه المتحجبه والسفوووور

شكله كلشش مو حلو مااحبه , خاصه هالستايل البايخ في بنات مو بس بالتريننق , ماادري شنو يسموون هالستايل بس انا اسميه ستايل البجاما اللي تلبس لبس جنه حق بيت يعني كلششششش

 

[رويال ديزاين]

اللهم لا تبلينا فيما بليتهم ...