تزوجتي عن طريق خطــابه او تعرفين احد تزوج عن طريقهاا>>دشي قولي رايج

[غمزه وإبتسامه]

يسلمو
غمزه وابتسااامه ..

شسبب الطلاق والولد مو زين ولا شنو ؟؟

الله يسلمج مادري العله من وين ؟ من رفيجتي ولا من الولد
انا احس رفيجتي ماصبرت وبعد احس الولد زودهاا حبتين هو واهله يعني الولد مافيه شي الا اشياء تافهه يعني رفيجتي تقولي عيوب بس احسها تافهه وماتوصل للطلاق بس ابووه ضاايق رفيجتي شوووي
والحين رفيجتي حاامل وبترفع قضية طلاق الله يستر على المسكين الي بيجي بطريج

 

[أم راشد المطيري]

انا مع الخطابة

اختي متزوجة عن طريق الخطابة ومشاءالله حياتها من احسن ما يكون

 

[@نداوي@]

رد : تزوجتي عن طريق خطــابه او تعرفين احد تزوج عن طريقهاا>>دشي قولي رايج

احب اشكر السلطه الرابعه ..
وانا طبعا ضد فكرة الخطابه ..
لان الرجال زين .. وكامل والكامل الله
ماراح يدور من خطابه ..
وياااابنااات والله
لو تركض ركض الوحوش غير رزقك ماتوحش ..
الدعاء والاستغفار والله يسوووون كل شي ..
والله يرزق كل بنت يارب​

:friends:

 

[حتى الكره فيني]

امين يارب

وعسى الله يهني اختج حبيبتي

 

[حتى الكره فيني]

(ة.ة)

 

[حتى الكره فيني]

...

 

[تمره وجمره]

مشكورة على الموضوع
انا مو ضده اكيد كل شي بيد الله سبحانه وتعالي والرزق عنده سبحانه ولكن الخطابة وسيلة لا اكثر ولا اقل لان في بنات وايد ما تروح اعراس وماتطلع ومعارفهم شويه

وارد واقول كل شي بيده سبحانه مقسم الارزاق



تم التصويت

 

[روزالين]

انا احس عادي انو الوحده تكلم خطابه ما تدري يمكن تكون هي السبب في النصيب وسبحان مسبب الاسباب
واهل البنت يسالو ولو زين تتزوج
والله يوفق لنسفق

 

[عزوز حياتي]

رد : تزوجتي عن طريق خطــابه او تعرفين احد تزوج عن طريقهاا>>دشي قولي رايج

لا انا موضد

 

[..~Goolz]

رد : تزوجتي عن طريق خطــابه او تعرفين احد تزوج عن طريقهاا>>دشي قولي رايج

اب ..........

 

[امــواج هـادئـه]

رد : تزوجتي عن طريق خطــابه او تعرفين احد تزوج عن طريقهاا>>دشي قولي رايج

على فكره طارق العلي في برنامج على الراديو عن زواج عن طريق الخطابه وصرح وقال انا متزوج عم طريق الخطابه وحياتي سعيده ومستمره والله ولي التوفيق الله يوفق الجميع وانا لا اعراض الزواج عن طريق الخطابه

 

[miss.lol]

الله يكتب الي فيه الخير حق الجميع


اذا كانت وحده تخاف ربها و تتمنى حق بنات الناس مثل ما تتمناه حق بناتها فانا مع مو ضد

 

[Mn-Mn]

انا مع وتم التصويت
لان في بنات حرام ما يطلعون ولا احد يشوفهم او تكون امهم مو شاطرة في هالسوالف فتكون الخطابة وسيلة لا اكثر
واهم شي تكون الخطابة ثقة لان صج هالايام قليل نلاقي خطابة ثقة
والله يوفق الجميع :bye22:

 

[نـعـومـه]

رد : تزوجتي عن طريق خطــابه او تعرفين احد تزوج عن طريقهاا>>دشي قولي رايج

اذا وحده وصلت لعمر كبير وبخاطرها الزواج تشوفلها خطابه زينه شتسوي

 

[اميره1980]

انا مو ضده و اعرف بنات تزوجو عن طريقها
بس صراحة اللي تزوجو عن طريق خطابة اللى اعرفهم يابتلهم رياييل اي شي و كله مديونين الله يعينهم

 

[Noura 2010]

رد : تزوجتي عن طريق خطــابه او تعرفين احد تزوج عن طريقهاا>>دشي قولي رايج

انا مع وبقوة

اول شي الخطابة ما تغصب احد على القبول . يعني شنو الفرق بين لما الواحد يكون غريب ويتقدم لبنت وبين واحد جاي من طرف خطابة ؟؟ في الحالتين من مسؤولية اهل البنت السؤال عن الرجال واخلاقه وسمعته !! مو اي شي وخلاص والي تقوله الخطابة يمشي . لا ما يصير كذا .

يعني انا بنت عمتي تزوجت عن طريق خطابة وكاهي ما شاء الله عليها ربي يهنيها عندها اثنين ومرتاحة بحياتها الحمدلله ربي يسعدها . يعني هذا مو مقياس ابد .

بالنسبة لي مثلا . انا ما اختلط مع الناس ولا اروح مناسبات ولا حتى جمعات ولا عندنا شباب بسن زواج من الاهل .. لكن ما حطيت ببالي اني الجأ لخطابة لان كل شي نصيب مع ان مو معارضة الفكرة ولكن مو مستعدة لها . وفي النهاية كل شي قسمه ونصيب .


مشكورة حبيبتي على هالموضوع الحلو

معاها

 

[([عطر رومانسي])]

والله بالنسبه لي كل شي نصيب سواء مع خطابه ولا اهل


رغم اني ماجربت الخطابه ولا اعرف احد تزوج عن طريقها بس عندي قناعه ان الزواج الناجح ماله شغل بطريقه الخطبه لان التوفيق من الله

 

[ام اغلى الناس]

اعرف بنات تزوجو عن طريق الخطابه

 

[whisper2]

لفت نظري الموضوع
بنات انا رفيجت اختي الكبيره مومتزوجه رغم انها صغيره عمرها 23
كانت درس معاها وكل شي واختى الله وفها وتزوجت واهي الله ماكتبلها ولانها تعاني من ظروف هريه عند اهلها
لجئت للخطابه رغم انها مو ناقصها شي صراحه قمة الجمال والادب ومتفوقه لاكن لا طلعه ولا تيي لان اهلها حكره
ولجئت لخطابه يابتلها واحد كان مبين عليه ولد ناس وسالوا عنه وسمعوا كل خير وليما تزوجته من ثلاث اشهر واسبوعين بس ورجعت لاهلها زعلانه ولا فكر يصالحها لا اهو ولا اهله
فما انصح فالخطابه ابدا

 

[عود ومسك]

انا مو ضده
الخطابه مجرد وسيله

يعني انا لما اقول لرفيجتي ال فلان عندهم خوش بنت..نفس الخطابه مجرد وسيله لجمع راسين بالحلال
يعني لما هي تجيب رجال والا بنت الباقي على الاهل هم يسألون ويشوفون مو مجبورين يوافقون
عسى الله يرزق كل بنت بالزوج الصالح والذريه الصالحه
واللي عندها رقم خطابه ثقه خل تدزلي رقمها
بزوج رفيجتي :d عسى الله يوفقها يارب
بعض البنات يبون خطابات لانهم مايروحون عروس ومحد يشوفهم ويضيع عمرهم بين الدراسه والدوام وينسون نفسهم

واعرف بنات تزوجو عن طريق خطابات فيهم اللي مو كفو الرجال وتطلقت حسافه خربت على نفسها
وفيهم اللي ماشاء الله للحين متزوجه وعندها عيال وبيت وعز ودلال
سبحان الله الشي من رب العالمين مو بيد الخطابه فا ما تفرق اذا من خطابه والا من الاهل والا ولد العم
كل شي بيد ربي سبحانه فا نرجع ونقول ان الخطابه مجرد وسيله