تزوجتي وانتي للحينج تدرسين ؟ ؟

[مـريومه]

السلام عليكم ورحمة الله وبركاته
:eh_s(17):
أسعد الله صباحكم /مساءكم بخير وعافيه وسعاده :*:eh_s(22):

تزوجتي وانتي للحينج تدرسين بالجامعه / بالمعهد أو بالثانويه حتى ؟؟

شلون حياتج صارت ؟ شلون تقسمين وقتج ؟

شنو الصعوبات اللي واجهتيها ؟ وهل زوجج يشجعج ؟

وهل كان في رفض بالبدايه من اهلج على سالفة انج مازلتي تدرسين ؟


^^
شي وايد شاغل فكري ممكن تجاوبوني بنات :eh_s(22)::eh_s(22):

 

[زبــــــــدة]

الحمدالله أنا ملجتي اخر كورس لي بالجامعه ... والعرس عقب ما تخرجت يعني ماواجهت شي لووول

بس ما أفضل الزواج وقت الدراسه ... صععععبه

عندي رفيجاتي تزوجو واهمال يدرسون وماقدروو يكملون وحده منهم توها تخرجت دبلووم مو جامعه


حتى أنا ماكنت افككر اتزوج وقت الدراسه والحمدالله ابوي وياي

يعني حلات البنت تتزوج عقب التخرج أحسن عشان تتفرغ حق بيتها وريلها

خاصه ان الدراسه غير عن الوظيفه طبعا ...الدراسه يبيلها مجااابل والريل يبيله مجابل اكير لوول

بس اذا نظمتي وقتج وريلج وقف ويااج بدراستج ويقدر راح ترتاحين .. يعني خلي وقت للدراسه ووقت للريل وتفاهمو بهالموضوع من البدايه أحسن

وبس

الله يوفقج ويتمم عليج يارب

 

[Dana.Qtr]

اول شي انا مو متزوجه .. بس لو بتزوج مافضل حزة الدراسة لان الدراسة بروحها يبي لها مزاج خاص ومجابل والنفسية تتردى والزوج يالله يالله يتحمل نفسيتج .. ولو حمال بعد وولاده اثناء الدراسة هاي صج هلاااااك ..

وراعية الموضوع بليز حطي بعد ان لو البنت تزوجت واحد يدرس .. احتمماال اكون جذي

 

[Gatwa DaloO3a]

انا متزوجه وادرس وهذي اخر سنه يارب يتممها علي ،، بصراحه تعب ..مرات يصير ودي ابكي ...بس الحمدلله زوجي من النوع اللي يقدر، يعني لو يجي يوم اكون هلكانه فيه من الجامعه وانام اول ما ارجع مايقولي شي ...الله يعين اللي زوجها ما يقدر و اول ماترجع تطبخ وتنفخ لو انا انهار

و وقت الاختبارات اقوله يطلع من البيت ههه لان بصراحه لو يقعد معاي ما اعرف ادرس ولا اركز ! لان حركته بحد ذاتها تشتتني !! و عادي لو يسولف اكمل سوالف معاه و انسى الدراسه ..

انا اعااني وقت الدراسه ، خصوصا لو ارجع متأخر ما اقدر اتحمل التعب لازم عالاقل انام ساعه عشان اقدر اكمل يومي معاه :"( ..

 

[Gatwa DaloO3a]

وغير كذا سالفة الحمل موقفينها لين ما اخلص دراسه انشالله ،،وهالشي معذبني ، انا حيل احب الاطفال و ودي ب بيبي .. بس ما اقدر اكمل دراستي وعندي مسؤولية طفل .. عندي لو تزوجت بعد الدراسه بتكون كل الامور اسهل ، يارب بس اخلص جامعه ااحمل ، لان هالموضوع نقطة ضعفي

 

[نـعـومـه]

احس حيل صعبه دراسه وزوج

في بنات ماشاءالله يكملون عادي بس احس تعب حيل

 

[Zinab BH]

اي انا متزوجة و ادرس وباقيلي سنة على التخرج ان شاءالله
و ياريت بس ادرس الا اشتغل بعد اخلص دوام الشغل ابتدي دوام الجامعة
و زوجي الحمدالله من النوع اللي يقدر هالشي و بالاساس اهو مايرد من الدوام الا عقب ما انا ارد من الجامعة فيعني ثنينا نكون تعبانين فساعات احسه هلكان اكثر مني
حبيبتي هذي ارادة و قوة يبيلها اكا في بنات وياي في الجامعة يشتغلون و يدرسون وعندهم عيال مشاءالله
ولا بعد مجموعهم اعلى بوايد من البنات اللي مو متزوجين والله متياز مع مرتبة الشرف
وعندي امثلة وايد بنات تزوجو واهما يدرسون و درجاتهم فوق
عمرها ماكانت الدراسة و الشغل عائق لزواج و عمره الزواج ماكان عائق في تقدم الانسان
اللي عنده قوة ارادة و قوة تحمل و قوة صبر يقدر يحقق اللي يبي ومافي شي ايي بساهل بهالدنيا

 

[رانس]

انا تزوجت من سنتين وانا بالثانويه
كنت اكره الدراسه ومو شاطره وتزوجت
ومومفكره اكمل للحين لان عندي بنوته الله
يخليها لي ف صعبه شوي

 

[Patcholli]

انا مارضيت اتزوج الا عقب ماخلصت دراستي وتوظفت احس هاذا الوقت المناسب للزواج
مرتبه كل اموري ووضعي وماعندي شي

 

[M!SS.LOBY]

الله يسهل امورج

 

[Freakya]

أنا مو متزوجة بس حبيت أشارككم برايي ، أنا ما أفضل إني أتزوج وقت الدراسة حتو لو خطبني "على قولتهم" واحد ما يتطوف ، لأن أهم شي عندي حاليا الشهادة والوظيفة والزواج لاحقة عليه بعدين ، وأحس صعبة عالبنت تدرس وعندها ريل وفوقه توقف حمل ، واذا حملت وولدت راح تتأذى ويمكن ما تكمل دراستها ، ممكن يفرق من وحدة لي الثانية من ناحية التخصص اذا صعب او سهل وهم الاهل يلعبون دور ، في اهل يساعدون بناتهم يربون عيالهم ، بس هم هالشي ما افضله ، خوش موضوع

 

[غلايو]

انا تزوجت و وقفت من الجامعه لسبب ان غيرت جامعتي لخاصه و ادرس يومين فالاسبوع!
ما احس فيهم ابداًً


ولان تخصصي السنه اليايه بيضيفونه للجامعه ف وقفت هالسنه و الحمدالله بربي و بعد الربى بكمل بإذن الله
و بخلي جدولي خفيف لين تكبر نونوتي بإذن الله

 

[om MaRyooM]

كل شي نصيب حتن لو قلتي بتزوج عقب مااخلص دراستي



بالنسبة لي تزوجت وكان باقيلي اخر سنة واتخرج من الجامعة

وكان شرطي اكمل دراستي واني ما أحمل

والحمدلله كان الوضع وايد عادي .. انتي اذا بتسهلينها تتسهل واذا نظمتي وقتج والزوج كان متفهم ومخه مفتح رح تقدرين تتعدين هالفترة

 

[روح الآناقه]

انا تزوجت وانا ثاني سنه بالجامعه كان تعب جدا ولاحسيت بنفسي اني عروسه من الظغط اللي متراكم علي
وبعد كم شهر من زواجي حملت مع الغثيان والحمل وقمة التعب واصلت دراستي والحمدلله كان زوجي جدا متعاون معي
في الاكل والنوم يخليني ع راحتي مع انه في البدايه ارجع واطبخ بعد كذا صار ع الحاله والحمدلله وبعد سنه حملت بالثاني
هنا وصلت حد الجنون واعتذرت سنه وبعدها جبت شغاله ووقت الاختبارات اوديهم عند امي لحد مااخلص اختباراتي
بس من جد دراسه وزواج جدا متتتتتتتعبه لااخر حد الا اذا كنتي مخدومه عادي والله يعين
بس نصيحتي لكل البنات الا الدراسه لاتفرطي فيها هي مستقبلك والرجل مهما كان حبه لك لابد من ضمان في يدك
لاسمح الله طلاق او وفاه فيكون بيدك شهاد لمستقبلك
والله يوفقكم جميعا

 

[غآب نورك ~]

بصراحه انا ابدا ما أييد انه البنت تزوج وهي تدرس لانه تعب وضغط وصعب توفق بين الاثنين

حتى لو كانت سوبر ومن صعبه صعبه

مرو علي بنات شكثر متزوجات ويدرسون متبهدلات حدهم ويبهدلون غيرهم معاهم

يعني مثلا كانت معاي وحده بالقروب متزوجه عندها عيال وكله تقعد اتبجبج وعيالي ومرضى وماقدر اسوي شي

انزين احنا شذنبا تخربين علينا

انا بس حبيت احط هالسالفه كمثال لبعض البنات اللي مرو علي وصج نتبهدل معاهم هههه


وصج في بنات يقدرون يوفقون بين الدراسه وبيتهم اذا كان الزوج متعاون

الله يكون بعون الجميع

 

[دروب البنفسج]

انا متزوجه وادرس بالجامعه ’ بصراحه لو علي ما اتمم الزاج الا بعد التخرج بسس صععبه يبيلي 3 سنين على التخرج بس الحمدلله قدرت ااخر الملجه شوي / والله الوضع لويه شوي خصوصا اول الايام مع انه كان دوامي يومين وصصج حدي توهقت !! بس قاعد احاول قد ما اقدر اني انسق عشان لا ايسير ضغط علي والله يعين

 

[Tom ♥ Jerry]

,


آهوة مو مستحيل بس صعب

ليه حملتي تضطرين توقفين قيدج عشان الحمل و التعب و الولاده
بعدين لواتييبين لج خدآمه آحسن
على الاقل ليه رجعتي من الكليه تكونين فاضيه لريلج و لدراستج

 

[Miss Eteket]

اذا كان زوجج متعاون معاج ومأجله سالفة الحمال فالسالفه تصير هينه انا اللحين توني متزوجه وثالث سنه جامعه ..~

 

[kareeb]

أنا تزوجت سنة أولى كلية والأمور عادية والحمد لله لانه ريلي كان متفهم
وهم حملت وأنا بالكلية يعني سهالات

 

[RowTow]

صعبه بس مو بهالصعوبه.
آنا تزوجت على آخر سنه و نص بالكليه. غيري جابوا عيال بالكليه.

و ليش توقف نصيبها و حمالها عشان الدراسه, الدراسه مراح تطير. و مع تنظيم الوقت كل شي ممكن.
يعني الطبيبه بتدرس 7 سنين, ما تتزوج طول هالفتره عشان تدرس؟
لا و الله توافق على ولد الحلال و الله يوفقهم. المرا خصوبتها كلها جم سنه, ليش تضيع وقتها و باجر ما تحمل إلا بعلاج و بلاوي.