انا تزوجت من سنتين وانا بالثانويه
كنت اكره الدراسه ومو شاطره وتزوجت
ومومفكره اكمل للحين لان عندي بنوته الله
يخليها لي ف صعبه شوي
ويي حبيبتي والله
ان شاءالله بالمستقبل تكملين وتاخذين الشهاده :*
الله يخليها لج ولأبوها :*
تسلمين على ردج :*
انا مارضيت اتزوج الا عقب ماخلصت دراستي وتوظفت احس هاذا الوقت المناسب للزواج
مرتبه كل اموري ووضعي وماعندي شي
هم صح :$
الله يوفقج ويسهل عليج :*
تسلمين على ردج :*
امين يارب العالمين واجمعين يارب :*
تسلمين :*
أنا مو متزوجة بس حبيت أشارككم برايي ، أنا ما أفضل إني أتزوج وقت الدراسة حتو لو خطبني "على قولتهم" واحد ما يتطوف ، لأن أهم شي عندي حاليا الشهادة والوظيفة والزواج لاحقة عليه بعدين ، وأحس صعبة عالبنت تدرس وعندها ريل وفوقه توقف حمل ، واذا حملت وولدت راح تتأذى ويمكن ما تكمل دراستها ، ممكن يفرق من وحدة لي الثانية من ناحية التخصص اذا صعب او سهل وهم الاهل يلعبون دور ، في اهل يساعدون بناتهم يربون عيالهم ، بس هم هالشي ما افضله ، خوش موضوع
اي صح الظروف تلعب دور كبير
الله يوفقج ان شاءالله :*
تسلمين على ردج:*
انا تزوجت و وقفت من الجامعه لسبب ان غيرت جامعتي لخاصه و ادرس يومين فالاسبوع!
ما احس فيهم ابداًً
ولان تخصصي السنه اليايه بيضيفونه للجامعه ف وقفت هالسنه و الحمدالله بربي و بعد الربى بكمل بإذن الله
و بخلي جدولي خفيف لين تكبر نونوتي بإذن الله
ان شاءالله الله يسهل عليج ويتمم يارب
تسلمين على ردج :*
كل شي نصيب حتن لو قلتي بتزوج عقب مااخلص دراستي
بالنسبة لي تزوجت وكان باقيلي اخر سنة واتخرج من الجامعة
وكان شرطي اكمل دراستي واني ما أحمل
والحمدلله كان الوضع وايد عادي .. انتي اذا بتسهلينها تتسهل واذا نظمتي وقتج والزوج كان متفهم ومخه مفتح رح تقدرين تتعدين هالفترة
اي والله صاجه صح لسانج :*
تسلمين على ردج :*
انا تزوجت وانا ثاني سنه بالجامعه كان تعب جدا ولاحسيت بنفسي اني عروسه من الظغط اللي متراكم علي
وبعد كم شهر من زواجي حملت مع الغثيان والحمل وقمة التعب واصلت دراستي والحمدلله كان زوجي جدا متعاون معي
في الاكل والنوم يخليني ع راحتي مع انه في البدايه ارجع واطبخ بعد كذا صار ع الحاله والحمدلله وبعد سنه حملت بالثاني
هنا وصلت حد الجنون واعتذرت سنه وبعدها جبت شغاله ووقت الاختبارات اوديهم عند امي لحد مااخلص اختباراتي
بس من جد دراسه وزواج جدا متتتتتتتعبه لااخر حد الا اذا كنتي مخدومه عادي والله يعين
بس نصيحتي لكل البنات الا الدراسه لاتفرطي فيها هي مستقبلك والرجل مهما كان حبه لك لابد من ضمان في يدك
لاسمح الله طلاق او وفاه فيكون بيدك شهاد لمستقبلك
والله يوفقكم جميعا
امين يارب العالمين واجمعين :*
الله يوفقج ويوفق جميع البنات ان شاءالله
تسلمين على ردج :*
بصراحه انا ابدا ما أييد انه البنت تزوج وهي تدرس لانه تعب وضغط وصعب توفق بين الاثنين
حتى لو كانت سوبر ومن صعبه صعبه
مرو علي بنات شكثر متزوجات ويدرسون متبهدلات حدهم ويبهدلون غيرهم معاهم
يعني مثلا كانت معاي وحده بالقروب متزوجه عندها عيال وكله تقعد اتبجبج وعيالي ومرضى وماقدر اسوي شي
انزين احنا شذنبا تخربين علينا
انا بس حبيت احط هالسالفه كمثال لبعض البنات اللي مرو علي وصج نتبهدل معاهم هههه
وصج في بنات يقدرون يوفقون بين الدراسه وبيتهم اذا كان الزوج متعاون
الله يكون بعون الجميع
هالشي غلط منهم اهما لانه مفروض اهي من الاساس تدري شنو بيصير
فـ لازم تتحمل مسؤولية نفسها مهما كانت الظروف
تسلمين اختي على ردج وعساج ع القوه :*
