تزوجتِ عن علاقة ؟ اتقِ الله و استري على نفسك لا تجاهرين و تشجعين البنات !

[ترانيم القصيم]

الله يعطيج العافيه ع المووضووع
صحيح اشوف البنات عادي عندهم
وتعلنها جدام الناااس
الله يهديهم

الله يهدي الكل و الجميع يا رب

و بإذن الله أخواتنا انتبهن لغلطتهن و استفادن من الموضوع ,

جزاك ربي الجنة يا قلبي منورة الله يحفظك و يسلمك و يخليك لعينن ترجيك , :eh_s(7):

احترامي و تقديري

ترانيم القصيم

 

[جلكسي بالمكسرات]

صح لساااااااااااااااااااااااااااااااااااانج
والله اني كنت افكر في هالموضوع بس سبقتيني
يعني تدخل البنت المنتدى تكتب الاسطوانه المعتاده انا احب واحد وكلمته ......( مصيبه ) .... عطوني الحل بس بدون تجريح!
من الاساس اصلا لو في حد يعرفج بتروحين تغيرين النك صح ؟.. زين ماتدرين ان ربي يعرفج !
جزاج الله خيييييييييير يابعدهم وجعله في ميزان حساناتج يارب

 

[Nanoosa]

ما شاء الله عليج

كلامج درر عساه بميزان حسناتج

 

[بحر الرمال]

مشكوره عالنصيحه و محد يشكك بنيتج في انج تنصحين البنات
بس ودي اقول شي
احيانا البنت يكون عندها مشكله و ماتقدر تفضفض لاحد وين تروح؟
و احيانا البنت تكون بعلاقه و يكون هدفها (او نبيه البنت)الزواج , طبعا في بنات مساكين و من السهوله انها تنخدع ان العلاقه لهدف الزواج و تكتشف بعدين انها للتسليه لكن محتاجه مكان للتنفيس و البوح لان الكتمان يذبح

 

[طيش سكر]

الله يجزاج خييييييييير ياقلبي

 

[بحر الرمال]

خطا مطبعي
نبيه البنت=نية البنت

 

[ترانيم القصيم]

حياكن الله بنات ,, و جزاكن بالخير ,, بإذن الله لي عودة للرد على الجميع

فديتكن يا الغاليــات ^_^

بس أبي أشوف مشاركة أخيتنا و حبيبة قلوبنـا ,, بحر الرمــال ,, ^^

مشكوره عالنصيحه و محد يشكك بنيتج في انج تنصحين البنات
بس ودي اقول شي
احيانا البنت يكون عندها مشكله و ماتقدر تفضفض لاحد وين تروح؟
و احيانا البنت تكون بعلاقه و يكون هدفها (او نبيه البنت)الزواج , طبعا في بنات مساكين و من السهوله انها تنخدع ان العلاقه لهدف الزواج و تكتشف بعدين انها للتسليه لكن محتاجه مكان للتنفيس و البوح لان الكتمان يذبح

الله يجزاك خير على حسن ظنك و رفعة خلقك و أدبك في سرد الرأي أو طرح السؤال ,,

صدقيني هذا الشي أقدّرهـ كثير ^_^

شوفي يا قلبي أنـا ما أتكلّم عن البنت آللي طايحة بمشكلة و تبينا نساعدها ,

أنـا أتكلّم عن آللي تجاهر بمعصيتها على وجه التفاخر أو غير التفاخر

يعني بس كذا الأخت فاضية ما عندها لا مشكلة و لا هم ,, بس كذا تسولف و تعلم الناس إنها على علاقة

أو إنها كانت على علاقة مع زوجها قبل تتزوّجه ( تتفاخر بهالشي ) !!

أو حتّى لو ما كانت تتفاخر بس تعطي تبرير بصّحة هالعلاقات و سلامتها

ما كأنّ ديننا الإسلامي الحنيف ( يرفض هالعلاقات و يحرّمها ) رفض قاطع

و لا كأنها مسلمة تنتسب لأشرف العقائد و التوجّهات ,,

حنـا مسلمين ما حنـا بكفّار حتّى نستسيغ مثل هالتصرفات و نشوفها عاديّة

حنـا ناس مجتمعنا محافظ ما عندنـا بنت تكلّم ولد أو العكس ,, ديننا يحرّم هالشي يرفض هالشي


فـ الأخت الله يهديها تجي كذا تسولف و تسرد السالفة لحاجة أو لغير حاجة ,,

بس كذا تبي الناس يدرون إنها تكلّم و تزوّجت آللي كلّمته !!

أمّا البنت آللي طايحة بمشكلة ,, يعني كانت تكلّم واحد و اكتشفت إنه كذّاب و تبينا نساعدها في ترك العلاقة هذي

أو بنت تكلّم واحد و حاسّة بذنب و ندم و تأنيب ضمير و تبينا نساعدها و نخلّصها من آللي هي فيه

بالعكس هذولا نحتويهن و نساعدهن بقدر الإمكان و ما نعنّف عليهن طرح المشكلة

لأن حرام البنت طاحت و قربت تنتهي و تبينا نساعدها على الوقوف و الخلاص من هالمشكلة

و أكيد آللي فيها مكفّيـها ,, مع إني أقترح إنها تطرح مشكلتها على شخص فاهم مهوب على كل من هب و دب

فيصير فيه مجال مفتوح لبعض البنات الله يهديهن آللي يستسيغن مثل هالتصرفات و يردّن و يشجعنها هي و غيرها

و أيضًا ما أتكلّم عن البنت آللي تطرح علاقتها من باب التحذير

يعني مثلاً بنت تعرّفت على واحد و هتك عرضها ,, فـ حطت موضوع تتكلم فيه عن علاقة خاضتها

و عن النتيجة المأساويّة آللي انتهت بها هذي العلاقة , فـ تحط الموضوع من باب التحذير و نصح البنات ,,

بالعكس حنـا نشجّع على كذا , و أتمنّى من كل قلبي من أي بنت انتهت علاقتها بالفشل إنها تجي

تتكلّم و تنصح و تحذّر البنات من هالطريق الساقط الإنحطاطي عشان يتعظن و يبتعدن

عنه و يخافن ربهن و يتّقن الله في أعراضهن و سمعتهن و عفّتهن و دينهن

فـ يا الغاليـة فيه فرق بين آللي تطرح مشكلتها لأنها تبينا نساعدها على الخلاص من الحرام

أو تطرح مشكلتها من باب تحذير البنات من هالمعصية

و بين آللي تتفاخر و تستعرض بعلاقتها و ما عندها مشكلة بس كذا تبي تعلّم الناس و يصير عندهم خبر

إنها على علاقة أو تزوّجت زوجها على علاقة سابقة و تصر على معصيتها و تصر على نجاح الزواج المترتب على علاقة مُسبقة ,,

و احيانا البنت تكون بعلاقه و يكون هدفها (او نبيه البنت)الزواج

لكن عندنا قاعدة تقول :

أنّ النيّة الصالحة لا تُصالح العمل الفاسد

و العلاقات المحرّمة بلا شك عمل فاسد و قبيح و ساقط

يكفي إنّ البنت آللي تمارس هالعلاقة تنتفي عنها صفة الحَصَان ,, و المُحصنة هي العفيفة

خلاص الله قال حرام يعني حرام شئنا أم أبينا ,,

و بعض الأخوات يجادلن و يتحججن بهالموضوع مع إنّ الحكم واضح في محكم القرآن

( محصنات غير مسافحات و لا متخذات أخدان )

و إنني والله أخشى عليهن من الوقوع تحت طائلة قوله تعالى :

{ الَذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ كَبُرَ مَقْتًا عِنْدَ اللَّهِ وَعِنْدَ الَّذِينَ آمَنُوا كَذَلِكَ يَطْبَعُ اللَّهُ عَلَى كُلِّ قَلْبِ مُتَكَبِّرٍ جَبَّارٍ }


نعوذ بالله من التكبّر على الله أو على آياته و أحكام دينه

بارك الله فيك يا عسل ,, رجائي أن تكون الصورة قد اتضحت ,

احترامي و تقدِِيري

ترانيم القصيم
​

 

[لطوفـ]

كلامك على عيني ورأٍسي
وعين العقــــــــــــــــــــــل

وصح في بناات لو شافت كذا بالنت تتشجع
والله يهدينا ويصلحنا ويجعل حياتنا معلقة بخالقها
ربي يجعل كل حرف بمووضوع حسنة في
ويكثر من امثاالك/ ويعينا ويقدرنا على نشر وفعل الخير
اكثري من هالموواضيع/ ماتدري لعلها تكوون هداية وصلاح لغيرك

 

[وردة-الكويت]

جزاج الله الف خير يارب

 

[آطخمـُ عنزيـهِ]

جزآآج الله خير

 

[كوت وتوت]

أخلاق ترانيم تهبلين والله جزاج الله خير في ميزان حسناتج

 

[ام ميميتو]

حبيبتي مو كل وحده عرفت واحد قبل الزواج تكون مو زينه خاصه اذا الاهل كان عندهم خبر تعتبر كأنها خطبه بس اذا من غير علم الاهل اكيد غلط جزاج الله خير على الموضوع المفيد

 

[زبــــــــدة]

مافيها شي اذا كان القصد شريف والنية صادقه ونية زواج ...

وبالعكس اللي اخذ وحده يحبها ويبيها ... يعني موشايف غيرها وشايف انها بنت ناس ومتربية ولا جان ماخذاها ...


بس في علاقات صح مالها داعي ...واكيد البنت لازم ماتصدق اي احد ..وتبني علاقه غرامية ...الا اذا كان تعارف بهدف الزواج مو اكثر من جذي ...


مشكورة

 

[۞ F A N T A S Y ۞]

بنات لا تفتون من عندكم و تقولون ما فيها شي اذا القصد شريف !!
لا تفتوا بغير علم لانه من الكبائر مثل ما سمعت فانتبهوا للي تكتبونه و تقولونه ترى محاسبين على كل كلمة !!

بالشرع واضح جدا و بأدلة صريحة ان المحادثات بين الجنسين قبل الزواج حتى لو بهدف الزواج حرام
و انتم جاين تقولون ما فيها شي !! على اي اساس تفتون ؟؟ دارسين الشريعة مثلا ؟

المعروف ان الواحد اذا بيخطب يروح يشوف البنت و يتكلم معاها اوكي بالرؤية الشرعية و يتعرف
بس انه يكلمها قبل حتى لو نية شريفة على قولتكم يظل هالشي حرام : )


ترانيم ،، جزاج الله خير ،، احييح على اسلوبج الحلو و طريقتج في تقديم النصيحة

 

[Dalal.E]

بـارك الله فـيـك

 

[ترانيم القصيم]

يا بنات يا أخواتي الحبيبات اتقن الله و لا تفتون حتى ما تكذبون على رب العالمين !!

يوم القيامة بتآقفون بين يدي الله للحساب و الجزاء و كل هذا بتشوفونه ,,

خافن ربكم خلاص إلى متى ؟

ليـه تضيعون الجنّة عشان علاقة و حب و قلة حيــاء و كلام فاضي ؟

وضّحنـا بالأدلّة إن العلاقات هذي حرام , ليـه تناقشون و تحطون مبررات ؟

الدين نآخذهـ منكم و إلا من الكتاب و السّنة ( من رب العالميـن ) ؟

أختي الغالية يآللي تقولين دام نيتهم شريفة خلاص عادي و ما فيها شي

وش دليلك ؟ من وين جبتي هالكلام ؟ من عند الله و إلا من عند الهوى ؟ حنا يوم قلنا حرام جبنا الأدلة و دعّمنا كلامنا بها خلاص معد فيه حجة للي

تعارض و آللي ودها تعارض تجيب الدليل !! و إلا والله ستقف بين يدي الله و تُجزى عقابها إن لم تكن تابت و غفر الله لها !!!

والله المسألة ماهيب سهلة يا بنات .. أختي أنتِِِ تزعلين لو أحد كذب عليك فكيف بكذبنا على رب العباد ؟


أنّ النيّة الصالحة لا تُصالح العمل الفاسد

و العلاقات المحرّمة بلا شك عمل فاسد و قبيح و ساقط

يكفي إنّ البنت آللي تمارس هالعلاقة تنتفي عنها صفة الحَصَان ,, و المُحصنة هي العفيفة

خلاص الله قال حرام يعني حرام شئنا أم أبينا ,,

و أشوف بعض الأخوات يجادلن و يتحججن و يفتن على كيفهن ,, مع إنّ الحكم واضح في محكم القرآن

( محصنات غير مسافحات و لا متخذات أخدان )

و إنني والله أخشى عليكن من الوقوع تحت طائلة قوله تعالى :

{ الَذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ كَبُرَ مَقْتًا عِنْدَ اللَّهِ وَعِنْدَ الَّذِينَ آمَنُوا كَذَلِكَ يَطْبَعُ اللَّهُ عَلَى كُلِّ قَلْبِ مُتَكَبِّرٍ جَبَّارٍ}


نعوذ بالله من التكبّر على الله أو على آياته و أحكام دينه

رجائي أن تكون الصورة قد اتضحت ,

احترامي و تقدِِيري

ترانيم القصيم

 

[ترانيم القصيم]

رجاءً بنات قبل تتكلم أي وحدة فينا خلها تحط نفسها تحت رقابة الله عز و جل و تتخيل إن الله راح يشل إيدها لو كتبت حرف واحد ما يرضيه !!

بس عشان تتقي الله و تستشعر هيبته و حضوره و رقابته و اطلاعه عليها و أنه قادر سبحانه و تعالى أن يسلبها نعمة اليدين اللتين استخدمتهما في معصيته

أثناء المجادلة بآيات الله و الإفتاء بغير علم !

قال تعالى : ( و لا تقفُ ما ليس لك به علم إن السمع و البصر و الفؤاد كل أولئك كان عنه مسؤولاً )

 

[درة أهل الطولات]

ردي على ترانيم والاخوات ::

اول شي ترانيم مشكورة وكلامج عدل عدل


اما اللي تقول ما اشوف بالحب وهالسوالف شي انتي غللللللللللط ومو لازم كلنا نصير غلط مثلج


ربي ستر على صاحبة العلاقة وخل اللي يكلمها يتزوجهااا لازم تحمد ربهااا وتسكت ما تجاهر بالمعصية وتقول كنت اكلمه

 

[درة أهل الطولات]

مافيها شي اذا كان القصد شريف والنية صادقه ونية زواج ...

وبالعكس اللي اخذ وحده يحبها ويبيها ... يعني موشايف غيرها وشايف انها بنت ناس ومتربية ولا جان ماخذاها ...


بس في علاقات صح مالها داعي ...واكيد البنت لازم ماتصدق اي احد ..وتبني علاقه غرامية ...الا اذا كان تعارف بهدف الزواج مو اكثر من جذي ...


مشكورة

اهو شنو شايف واهيه شنو شايفه هذا مو المهم


المهم انها معصية وربي حرمهااااااااااااااااااااااااااااااااااااااااااااااااا

 

[Mi$$ RoRo]

اوففففف والله حالة 

ابتلششنا فيهم ، غصب يخلونه شي عادي وهو اساساً حراام ومو من عاداتنا ولا تقاليدنـا
ولا تلقييينها خايفة احد يدري من اهلها ولا اي احد

اوكك تزوجتي من علاقة خلاص لا تخلين الوضع عادي واحمدي ربج ستر عليج وان هالشاب صج يبيج واكثر الشباب ملعنة استغفرالله
مايصدق تطيح بايده وحدة الا هو لاعب بمشاعرها وشرفها

تراانيم القصيم ماشاء الله علييج  انا معجبة في اسلوبج وطرحج الراقي 
الله يكثر من امثالج ..،
وانـــا اططــالب بتثبيت الموضــووع صصراحةً لانه مفييييد