تزوجت عن حب وابي بنتي تتزوج عن حب والحياة كلها حب في حب

[كويتيه مذهله 87]

أمون حدها صعبه علي ابنيتي

 

[Vouge]

رد : تزوجت عن حب وابي بنتي تتزوج عن حب والحياة كلها حب في حب

انا راح أفهمها عدل عدل


إن مافي حب في الدنيا راح يمشي و يتيسر إذا ربي مو راضي عنه



اذا تحب حب نظيف .. واحد من الأهل .. زماله .. و هو شاريها و مافي السالفة خرابيط و مواعد
الله يبارك لها و ييسر أمورها


لكن لو حب بدايته غلط و نيتهم يوصلون لمناطق غلط
أبد ما راح أرضى وراح أزعل منها وايد



الله يخليها لي يا رب و يبارك لي فيها
يا زينها توها عنونه حتى ما حبت تو الناس على هالحجي
lol

 

[شمس 20]

لا والف لاااا

بلا حب بلا وجع قلب

زواج تقليدي والسلام ختام

 

[جوري 2007]

لا طبعا

تكلم واحد وتقولي يمه ابيه بتزوجه !!

هذي وين صارت ! بمجتمعنا !

الا اذا تغافلتني وحبت وخلصت وتقدم البيه وانا ويا الابو تناقشنا وشفنا انه فيه جم عيب ورفضناه

تالي يتني وقالت يماااااه انا هذا ابيه وكنت اعرفه ! بعصب شوي وبسمعها كلمتين بالعظم

بس يمكن اوافق بالنهاية مابي اكسر قلب بنتي

بس الله لايورين هاليوم ، مابي بنتي حبيبتي تسيء الاختيار وانا اتوهق واوافق ويطلع مو خوش ريال

وهم مااتحمل انه يقولها بلحظة غضب : انتي كلمتيني ! وانتي وانتي وانتي من الكلام اللي يسم البدن

 

[<<لمار>>]

اذا خوش انسان وشارى بنتى ليش لا بس يصير كل شئ بعلمى اكون صديقة لها موام

 

[ايمانو حلوة]

om 3abody

افا عليج ماني زعلانة والكلام اخذ وعطاء وهذا من طيب اصلج


البنات اللي تحجوا عالسمعة والشرف انا اترفع من اني ارد عليكم لان هذا ردي وانتوا منكم لله والله اللي بجازيكم واخذوا اثمي ياللي اسلوبكم اسلوب المتربيات السنعات ماشالله زاد وباركالله يهدي الجميع انشالله

وبعدين كل وحدة تزوجت عن حب يعني بنية مو زينة يعني انا زوجي خطبني عقب شهرين من علاقتنا بعلم خالتي باابداية وبعدها قلت حق امي لمن يا يخطبني بس كانت عنده ظروف وابوي رفضه بالبداية ونهيت علاقتي فيه الين يكون نفسه لاني اصلا ماسمح لنفسي اكلم شخص مادري اذا بتزوجه او لا ويمكن تتعدل ظروفه او لا وقتله تتعدل ظروفك وبيت اهلي تدله ودست على قلبي وبعدها بفترة بسييييطة رد خطبني مرة ثانية واوبوي وافق بعد ماكون نفسه وتعدلت ظروفه وتزوجنا

ادري قلت قصة حياتي بس حبيت اوضحلج لانج قلتي مو عاداتنا ومادري شنو واكيد كلن له رايه

 

[ايمانو حلوة]

Vouge

فديتج والله كلامج عدل جان زين الناس تفهمني مثل مافهمتيني اكثرهم قاموا يتحجون على سمعتي الحب على بذره ومادري شنو عاد مارد عالسفهاء

مشكوورة عالرد قلبي


كوكو
يالخاااااااااااااايسة لج وححححححححححشة صج صج ولهانة عليييييج حياتي مني لذاك الوقت اكيد كلشي بتغير وانشالله نصيب بنيتج يكون زين وتاخذ زوج يستاهلها وعسى ربي يرزقج بنووتة لذييذة مثل رهوفة يارب


منوريييين كتاكيتووو

 

[@البتووول@]

رد : تزوجت عن حب وابي بنتي تتزوج عن حب والحياة كلها حب في حب

لأ طبعا ما أرضى مابني على باطل فهو باطل

 

[حبـ admant ـك]

رد : تزوجت عن حب وابي بنتي تتزوج عن حب والحياة كلها حب في حب

لا والله ما ارضه
اذا تحبه معناته تكلمه
وهالشي عيب عندنا
ولا اظن في وحده تتمنه حق بنتها ان تتكلم مع شباب لين ماتحصل نصيبها

 

[ScarletteO'Hara]

الحب على فكرة مو شرط انها تواعده و تطلع معاه
في حب شريف مو خرابيط هالايام
مثلا يدرس معاها او يارنا او يصير لها بعد الواحد قلبه مو بيده
اكيد بتضايق اذا دريت انها تحب و بزفها و امسح فيها القاع
بس اذا تقدم لها و كان مناسب لها و ولد اوادم الصراحة ماراح اوقف بطريجها
لان الصبي جاد بحبه لها مو قاعد يلعب فيها
اما ابوها مستحيل اقول له ان البنت تحبه امبي يمكن يخنقني اذا فتحت معاه الموضوع
الام ممكن تتفهم هالامور
الابو يمكن يتهور
طبعا هذا الكلام اذا عندي بنت

و يحليلهم الي يقولون ما بني على باطل فهو باطل
ما شاء الله زواجهم باطل؟
قد هالكلام؟
مادام زواج مكتمل الالركان و الشروط شلون باطل؟
حسستوني ان زواج عرفي يحليلكم

 

[sharshora80]

رد : تزوجت عن حب وابي بنتي تتزوج عن حب والحياة كلها حب في حب

ليش لاء
اشفيها ان كلمة اصبي بس بحدود الادب يحبها ويبيها ويكلم اهله وانا اكون اعرف عن الموضوع
ليش اخرعها واخليها تسوي اشياء من وراي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تكفون هذا مو خوف هذا تخلف في زمن يخرع لازمن تواكبون علشان تعيشون بسلام

 

[الباحثه]

بأذن الله راح اسعي بكل جهدي وطاقتي اني اربي عيالي وبالاخص بناتي تربيه اسلاميه تحافظ علي الشرف والاخلاق والسمعه
وين قاعدين احنا شنو حب وما حب قبل الزواج وعلاقات وخرابيط
لاحول ولاقوه الا بالله علاقه بالظلمه مصيرها الظلام والحسره اكيد ما اتمناها حق بنتي
كلكم راع وكل راع مسؤل عن رعيته هالله هالله برعاياكم وخليكم من الثقه اللي مو بمكانها كل شي له حدود

 

[الباحثه]

الحب على فكرة مو شرط انها تواعده و تطلع معاه
في حب شريف مو خرابيط هالايام
مثلا يدرس معاها او يارنا او يصير لها بعد الواحد قلبه مو بيده
اكيد بتضايق اذا دريت انها تحب و بزفها و امسح فيها القاع
بس اذا تقدم لها و كان مناسب لها و ولد اوادم الصراحة ماراح اوقف بطريجها
لان الصبي جاد بحبه لها مو قاعد يلعب فيها
اما ابوها مستحيل اقول له ان البنت تحبه امبي يمكن يخنقني اذا فتحت معاه الموضوع
الام ممكن تتفهم هالامور
الابو يمكن يتهور
طبعا هذا الكلام اذا عندي بنت

و يحليلهم الي يقولون ما بني على باطل فهو باطل
ما شاء الله زواجهم باطل؟
قد هالكلام؟
مادام زواج مكتمل الالركان و الشروط شلون باطل؟
حسستوني ان زواج عرفي يحليلكم

ياقلبي انتي ما حددتي نوع هذا الحب قصدج اعجاب قبل الزاج اي مافيها شي
بس كلمه علاقه قبل الزاج وحب هذا بحد ذاتها تسبب رعب بالنسبه للام والاب
لا تلويمنا الموضوع حساس وكل ام تتمني الستر لبتنها

 

[ماني من الناس]

بنات ايمانوا تقصد,,,,,,,,,,,,,,,,,,,عن حب

يعني انه اهو اختارها مثلا شايفها بجامعه بشغل بسوق يعني حس انه يحبها واختارها

وهالنوع من الزواج جانبه الايجابي انه الرجال يكون شايف شلون البنت تمشي شلون اخلاقها بالشغل بالجامعه شلون سلوكها ,,,,,,,,,,يعني يكون واثق من انها خلوقه وتصلح له هكذا

 

[ايمانو حلوة]

ScarletteO'Haraياحيااااااااتي انتي فديتج درر والله بس وين اللي يفهم

قال باطل قال استغفر الله يااااارب تفكيرهم وصخ واللي تقول تكلم شباااااااااااااااااااب مو شاب واحد شبااااااااااااااااااب ياعيني على كلمتج ماشالله عليج يالبتووول انا ماراح ارد عليهم دايما عبالهم في وصاخة وخرابيط انا اقول حب نظيف وشريف ويكون بعلمي وانا اعرف بنتي واعرف تربيتي واعرف منو اللي حبته بعد بس لان تفكيرهم وصخ فخليهم على تفكيرهم اللي يبيله رحلة دماغية على قولة محظوظة لان خلاياهم تلاشت

ههههههههههههههههههههههههههه


sharshora80صج انج انسانة فاهمة وواعية وفاهمتني عدل انا هذا قصدي مو تفكيرهم شي ثاااااااااااني راح بعييييييييييييد صار مواااااااعد وقلة ادب واللي تقول ذكر واللي تقول الحب يطلع على بذره صج ناس ماعندها اقل ذرة من اللادب وانا اترفع عنهم كلللهم واللي يحترمون موضوعي ويعروفن شقصد على عيني وراسي وفديتهم وحدة وحدة صج انكم ناس واعية وتعرف شنو تقول الله يوفقكم ووفقج حياتي ردج اينن مثلج


الباحثه
اكيد كلكم راع وكلن مسؤول عن رعيته ولاني مسؤولة عن بنتي انا اعرف شلون اربيها واعلمها الصح من الغلط والحلال من الحرام
مشكورة

ماني من الناس
حبي انتي خليهم على هوا ظنهم اهم وتفكيرهم ينيازون انا تحجيت ورديت وقلت رايي وقلت شلون تزوجت زوجي بعد باحدى ردودي وانا احترم الاراء اللي بحدود الادب بس
انتي عسل والله

 

[om_7amny 85]

رد : تزوجت عن حب وابي بنتي تتزوج عن حب والحياة كلها حب في حب

شنو ترضون او ما ترضون ؟؟؟؟؟
اخاف بس السالفه بكيفنا ؟؟
و اذا رضينا بتصير حلال ؟؟
دام رب العالمين حرم هالشى فالمفروض ان ما نرضى في
و دام انتو يا الأمهات بهالزمن هذا تفكيركم عيل الله يستر على عيالكم تتكلمون بالموضوع كأنه الأمر عادي
و بعدين سؤال ؟؟؟ يعنى اذا انا راضيه مثلا اخليها على علاقه بواحد بالله انا شنو بيكون وضعي ؟ أشجعها ؟؟ وله اضبطلها تطليعه معاه ؟ و له اساعدها على المغازل و الصياعه ألي اهيا فيها ؟؟؟ وله شلون بتكون العلاقه بينهم مثلا؟؟؟
و أكــــــــــــــــيد بطيح من عينها لان بتحس ان امها مصخره عادي عندها ان بنتها تكلم شباب ... عفوا أقصد (زوج المستقبلال)
(و أهم شى بالموضوع كله أن أختج حاسدتكم انتي و ريليج على تفكيركم)

 

[سفيره الهم]

لا طبعا ما ارضى
زواج تقليدي نفس امها

 

[ايمانو حلوة]

سفيرة
اقدر وجهة نظرج وحياج الله

 

[classicyah]

رد : تزوجت عن حب وابي بنتي تتزوج عن حب والحياة كلها حب في حب

شنو ترضون او ما ترضون ؟؟؟؟؟
اخاف بس السالفه بكيفنا ؟؟
و اذا رضينا بتصير حلال ؟؟
دام رب العالمين حرم هالشى فالمفروض ان ما نرضى في
و دام انتو يا الأمهات بهالزمن هذا تفكيركم عيل الله يستر على عيالكم تتكلمون بالموضوع كأنه الأمر عادي
و بعدين سؤال ؟؟؟ يعنى اذا انا راضيه مثلا اخليها على علاقه بواحد بالله انا شنو بيكون وضعي ؟ أشجعها ؟؟ وله اضبطلها تطليعه معاه ؟ و له اساعدها على المغازل و الصياعه ألي اهيا فيها ؟؟؟ وله شلون بتكون العلاقه بينهم مثلا؟؟؟
و أكــــــــــــــــيد بطيح من عينها لان بتحس ان امها مصخره عادي عندها ان بنتها تكلم شباب ... عفوا أقصد (زوج المستقبلال)
(و أهم شى بالموضوع كله أن أختج حاسدتكم انتي و ريليج على تفكيركم)

صح لسآآنجْ . .

بردتي جبببببدي . . .​

 

[future enginner]

رد : تزوجت عن حب وابي بنتي تتزوج عن حب والحياة كلها حب في حب

شلون تثقون بالشباب؟؟ اذا وثقتو ابنتكم تثقووون بشباب خلق الله؟؟؟

وبعدين هالزمن مافيه حب .....

اهو يكلمها مافي شي او قانون يوقف معاه .. يمكن يلعب عليها .. مجرد يلعب بمشاعرها اما بالزواج .. في قانون يحمي البنت