تزوجت وتطلقت والحين ملجة عادي تلبس نفنوف عروس ؟؟

[الأميره أسماء]

صباح الورد شخباركم بنات

بنات معاي رفيجتي بالكليه كانت متزوجه ولد عمها صارلها سنه ونص وكله مشاكل ويطقها ومتعبها اخر شي تطلقت منه

والحين بعد طلاقها ب 9 شهور تقدمولها خطاب شكثر للعلم حيل صغيره عمرها 21 بس تسألني عادي البس نفنوف عروس يوم عرسي وﻻﻻ للعلم ماراح تدخل الصاله زوجها بياخذها سيده للفندق

ب هالسوالف انا ماعرف اتمنى تفيدونها

وتكفون بنات ادعولها الله يوفقها ﻻن بزواجها الاول شافت الظيييم من زوجها وامه وكانت صغيره

وشكرآ

 

[HayaaB]

أكيد عادي بس يفضل يكون ناعم لان مو بالصالة
الله يوفقها و يسعدها

 

[سندس 90]

ايه خل تستااانس مااافيها شي

اهي تزوجت على سنة الله ورسوله وتطلقت همن بحكم الشرع وتزوجت على سنة الله ورسوله

اذا بخاطرها خل تلبس وعليها بالعااافيه
وربي يوفقها ويسعدها

 

[غآب نورك ~]

اي عادي تلبس لزوجهاا يشوفها بالفستان الابيض ..

الله يوفقها ويسهل امورها يارب

 

[معي احلى]

تلبس ايش المشكلة ...



ان شاء الله تتوفق بالزواجه هذه .. ويكون عندها صور بفستان العرس ... لان اكيد صور العرس الاول في خبر كان بسبب الذكريات المؤلمة ..



الله يتمم لها على خير

 

[M!ss CoLoRz]

اي عادي ونص خلها تلبس وتستانس من حقها اهيه عروس

 

[ناتشوو]

عادي ونص
الله يوفقها ويسعدها

 

[انا لها شمس]

طبعا تلبس تو عمرها ٢١ وشنو يعني ريلها الثاني مايحق له تلبس له وتصور معاه

بس مثل ماقالو البنات ناعم جدا

وانا امس شايفه وحده بالانستقرام عارضه باسعار رخيييصه بدل ناعمه
عشان ماتقول السوق غالي

بنساعدها من الى

وحتي الميك اب لاتخب عمرها ووايد لان الرياييل مايحبون الاوووفر واصلا مًو حلو

ختروح حق الهام الشلبي روووووعه للعرايس تسويهم ملكات نعومات

 

[Patcholli]

اي عادي

خل تستانس مع ريلها اليديد وخل تحس انها عروس مره ثانيه وهم ريلها راح يستانس فيها

 

[Pinky -cat]

طبعا خل تستانس وتلبس وتصور بعد وتعيش حياتها وانشاله تنسا الماضي ويكون هالزوج افضل واحن من اللي قبله

موفقة

 

[ReD&FoSHia]

عادي و مبروك مقدماً

 

[Perfume]

اكييييييييييييييد تلبس ابيض

 

[اكسبلانكا]

الله يوفقها يارب ويعوضها خير عن اللي شافته
حبيبتي عادي خليها تلبس اللي تحب وتفرح ليش لا اهي متزوجه بالحلال عسى الله يسعدها

 

[lemonda]

واذا مطلقه اش يعني ترمي التجربه الاولى في مزبلة التاريخ وتبدى من جديد اش ذنب الزوج الجديد واهله يجون يلاقون كنتهم القادمه باقي محزنه على زوجها الاول وتذكرهم انها والله لابسه كذا لانها مطلقه ولابسه لبس عادي وهادي و مبين انها وحده مومعتبره هذي فرحه وتمشي حالها لازم تلبس وتفرح وتصير افضل من قبل تعيش التجربه بكامل التفاصيل بروح تفاؤل

 

[.. روحي تحبه ..]

..

خليها تلبس الأبيض وتكشخ وتستاانس ..

وإن شاءالله ربي بعوضها خييير ..

..

 

[هاناا]

خل تلبس

دام تبي و بخاطرها

و ربي يوفقها

 

[smo0o]

أكييييد تلبس أبيض
الله يسعدها و يعوضها خير

 

[<miss botamba>]

عادي خل تلبس بس دام مراح تدخل صاله وبس تقعد معاه وحق تصوير تلبس بدله سهره فخمه احس مو حلو كله ابيض

 

[برنسس كاتي]

عادي هي عرووووس خل تلبس فستان ابيض وتتصور وتستانس وكل شي
بس دام مافي صالة موب حلوو تلبس منفووش وحوسة يعني في فساتين بسيطة وحلووة وبيضة
الله يوفقها

 

[al-musk]

بالعكس تلبس كأنه أول مره وتصور وتوثق وتكون هالتجربة الجديدة بداية حياه جديدة بكل مميزاتها