تزوج عليها و يبي يعترف لها بس خآيف

[3115]

يااااااي ابوج شنو ناكر للعشرا ومافي بقلبه ذرة انسانيه
رلا بقلبه رحما
وصلت فييه انه يقول استغني عن امكم عشرت العمر ولا استغني عن مرتي اليديده ولا مطلقه وعدنها بنت بعد
الحمدالله والشكر يارب

والله مايستاهل ينال له انسان
نسا الطييبه الي شرتله وحطت له وتحملته وعاافه بكل سهوله
لا حولا ولا قوة الا بلااه

امج ياابعد عمري الله يعيييينه ويصبر قلبه وينسييه ضيم ابوج وضلاايمه
ويعوضه خيير بالجنه يارب

وصدوني هاذي مرت ابوج اكيد ساحرته رلا اهوا شيبي بمره مطلقه وعندها بنت
ولو هاذي فيها خير جان ريلها الأولي ماطلقها وحان اهيا مارضت تعيش بنتها عند واحد غريب

 

[شغآف الروح]

والله انه خآين عشره وموكفو الطيب والسوآه اللي سوته امج وياه
الحين تاخذ قرض وعزته ورزته وخلته يشم نعمه الخير بعد ماكان ولآشي
ولا وآخر شي يقول اتنازل عن امكم صج رجاجيل موكفو وماينفع معاهم الطيب


قولي لآبوج قولي يبآ ليش تسوي بآمي جذي امي تستاهل اللي سويته ويآهآ
انت لو تحب امي ما تقول امي فيها كيت وكيت وتشكي منها اشوف يوم لعوزتنا امي ماتشكت منك بالعكس وقفت ويااااااك
كل هذا عشان وحده كلها فتره وتزهقً منها وعقبها تجي لآمي ركض لاخلتك مرتك الجديده
قولي يبآ طلق مرتك ويذا ماطلقتها لا احنآ عيالك ولا امي زوجتك لانه حنا مانرضاها علي امي *
الله يصبركم ان شآءالله

 

[دلوعة صلوح]

والله مادرى شقول بس ادعى ربى ان يصبر قلب امج ويطول بعمرها يعطيها الصحة والعافية يارب العالمين

 

[عبالي حبيبي]

يمكن لوتحاولين تمهدين حق امج

وتنقدين مثلا عالمره الي تطلق لما ريلها يتزوج عليها

تحسسينها بانها لازم تصبر بمثل هالمواقف ولاتترك كل شي بنته

ماادري جسي النبض والله يييسر اموركم

 

[عالمي انا غير]

وأمج ليش تحترق اذا عارفته من الاول راعي خراببيط بطقاق اللي يطقة مع احترامي لج حبييبتي بس موضوعج يحرق القلب انا لو من امج أعطي أكبر طاف وليش تطلب الطلاق عشان هذيك تكون هي الربحانه

 

[تعبني غلاك~~]

اكثري من الاستغفار وقيام الليل واكثري من الدعاء عسى الله يرحم بحالكم وحال امج

وقولي لابوج مراح نعلم امي حرام يمكن يصير فيها شي

 

[شرغوفة]

السلااام عليكم ورحمة الله
اختي الغالية الحين الوالد تزوج وخلاااص وطااح الفاس بالراس
الله يهديه ماااا حااافظ على العشرة ماقدر اقولج الي سوااه غلط ولا عيب لان هذاا شرع الله الرجاجيل ماخذينهاا بس من هالمنطلق ان شرع الله والنعم بالله بس اكييد في اسباب ومن كلامج امبين ان الوالدة ما كانت مقصرة بشي معاااه ونادر ما تلقين وحده اتحمل الي الوالدة تحملته
بس الي اقدر اقوولج ايااه ان الوالدة لازم تدري وهي بعدين تقرر اذا بتستمر معااه ولا لأ بس لازم اتعرف لاتخلونه عااايشه مخدوعه ترى يا ختي كل شي الا انهااا اتكوون مخدووعة وان شاءالله اتعدي هالمشكلة على خير والله يعطي الوالدة الصحة والعافيه
​

 

[Vdieta]

اب اب اب اب

 

[mf6nt el3lat]

ليه متى بتخشون عليها السالفه ... ؟

مصيرها بتعرف ولو انتو علكتوها راح تقطعوووووون تفكيرها وحسرتها وترتاح من شكها قولولها ومهدو لها لا تعرف من ابووووكم وهواش وصراخ بينهم يصير فيها شي لا سمح الله وتاكلونها ... قولو لجدتكم تقولها مو احسن ؟

 

[خُزام]

والله مادري شقوللج
الله يعين قلب أمـج ويهوّن عليها
اهي شافت الأوراق وشاكه فيه يعني حاسه وقلبها عارف أكيد !!
بس يمكن وعليه تحاول تتجاهل مو قادره تتقبل هالشي ولا تبي تصدق
صعب إنه هالشي ينقال مباشرة لها الله يعينها ويعينكم
اذا ابوكم يبي يقول لها خلوه يصارحها بنفسه ! بس انتوا حاولوا تمهدون للموضوع قبل
وخلكم يمها دايما وجود عيالها يمها أكيد راح يخفف عنها وايد خاصة لو كانوا كبار وفاهمين
وتالي هي حره تقرر شنو تسوي وشلون راح تتصرف لا تضغطون عليها

 

[NOoOf 305]

ماداامه يقدر يتنازل عن الجديده ومايتنازل عن أمج ليش تزوج ,,
قوليله يبه لو تحب أمي صج طلق زوجتك الجديده قبل لايصير بأمي شي راح تندم عليه طول عمرك ,,
والله يسخر أبوج لأمج ويهديهم لبعض ,,

حبيبتي انتي فهمانه غلط اهو قال مستعد يتنازل عن امهم عشان مرته الثانية
الله يكون بعونكم و يسر اموركم و ما يصير اي شي بامج يارب

 

[تُخْفِي غَلَاها]

,’


لا اله لاالله
الله يفرج همكم ويسلم اميمتج من كل شر ويـــطول عمرهــا يارب

,’​

 

[^lucy^]

مشكورين بناات

 

[Queenleo]

ووووووواااااااااااااووووو
ابووج روعه اسمحيلي بااع العشره عشان وحده تضحووك وتصيرله ارجوز
انا اقوول لازم امج تعرف
وواهي تقرر
مالكم حق تقررون عنها
وابووكم لما تدور الدنيا عليه وويعرف قدر الوالده بيردلها

 

[روانتي 12]

أقنعو .. إبؤؤكم يطلق ثآنيه .. لان مصير إمج بتعرف .. و آلله ألعـآآلم شبيصير في إإمج خصصوصـآآ حالتها مو ذاك زؤؤد
بس ودي إعرف .. ليش قال مستحيل أتنازل عن إلي تزوجتها و أتنازل عن إمكم ..؟؟ .. لاني شكيت بالموضوع بصصرـآآحه .. يمكن هذي الي تزوجها .. كان بينهم عـلآآقه قبل زوـآآج .. ولا شكو يقول مستحيل أتنازل عنها .. (( يمكن مهدده )) .. مدري بس سالفة إبوج شوي يبيلها تركيز عششُـآآن يتضح بعض الاشيئاء ..,*

 

[مجبوس]

مسكينه الوالده بعد كل هالعشره هذا جزاها

صبروها وهونوا عليها

والله لا تلومونها حره بالقلب

قولوا حق ابوكم لا يقولها الحين لا يصير فيها شئ مسكسنه

وخل يسايسها ويتحملها

والله يكون بعونكم

 

[....وبس]

شوفي حبيبتي ابوج توه متزوج وطاير بالجديده

يعني الهنا والسعاده عندها والنكد عندكم

انتوا بتقعدون تحاسبونه وتهاوشونه وتهددونه يطلق امج

انا اقول هذي نزوه وبعد فتره بتروح الهبه بالعروس الجديده ويطلقها

انتوا حاولوا تصلحون مو تهدمون يعني شلون طلقونها بعد هالعمر

حاولي تضحكون وتخلون جوا البيت سعيد

غيروا المود اطلعوا خففوا عليها وادعوا رب العالمين ما يجمع بينه وبين مرت الثانيه بخير وانه يفرج لكم هالهم

كثروا الاستغفار انتي وخواتج ورددوا (الله الله اكبر مما اخاف واحذر) وان شاء الله تفرج

وبالنسبه لبوج لا تحقدين عليه ترى هذي طبيعة الرجاجيل عيونه زواغه الا ما رحم ربي يعني التقي حيل والي الايمان مترسخ بقلبه هو الي ما يغازل ويبصبص لبرا او الي فيه برود جنسي

ولا كان ربي ما حط بقلوبهم 4حجرات وما حلل لهم 4حريم بس طبيعة المره غير

ولا تنصدمين ترى ممكن يحب الرجال اكثر من مره بنفس الوقت يعني لا تقولين ابوي ما يحب امي لا يحبها وهم بعد يحب هذيك

هذي طبيعة خلقهم

سبحان الله

الله يفرج لكم همكم ويهدي ابوج لامج ويخرج الشيطان من بيتكم

بعد شغلوا بالبيت على طول سورة البقره بتتحسن نفسيه امج لما تسمع القران والشيطان بيطلع من البيت

 

[Om_Ksha]

واااااااااااااااي واااااااااااااي قلبي عورني على امج ((((((((((((((( الله يرحم حالها

اول شي خل تااااااااااااااااااخذ السياره,, والقرض المشكله لازم اتسددده اووووف صج الريايل مايبين بعينهم :_(

ماقهرني الا لمن قال مستعد اتنازل عن امكم وما اتنازل عنها ,, حسبي الله ونعم الوكيل

ولي الحين ماستوعبت عذره !! انها جديه ولا تضحك وايد .. اهوا عموما ماكو عذر بس بعد الشكوى لله ,, والله لو اانا منكم سويتله سالفه لاتقولين ابوي ما ابوي بس احس صج راح افصل عليه

 

[فوفو البنوته]

صراحه ما ادري شلون خليتيه يكمل كلامه لو اني منج
جان انفجرت و لفيت السكان وخليتنا ندخل بأقرب شبه
ولا يقول لي مبرر ليش تزوج على امي وااي
الله يصبرج بس انا اقولج قولي لامج دامه ما حس بالعشره
فيه مليون ستين داهيه يروح لها صراحه ابوج يقهر يقول بعد
اطلق امكم ولا اطلق الي توني متزوجها؟ وبعد يبي يعطيها حقوقها
شنو هاذي من بشر تدري انه متزوج وعنده 3 بنات وتتزوجه؟
صارو الحريم ما يفكرون ببيوت غيرهم
الله يصبرج وما اقولج غير الله المستعان!​

 

[سكوتي بذوقي]

الله يعين الوالده ويعينكم

باع العشره بسهوله

مدامه يحب امك ليش يتزوج

الله يهدي النفوس يارب ويحفظ لكم الوالده