تزيين البوفيه

[bambena]

بنات ابي افكار ناعمه و يديده لتزيين البوفيه لان عندي عزيمه الاحد وابي ازين البوفيه بافكار يديده اللي تعرف تقولي

 

[bnt q8 in usa]

مشاركة: تزيين البوفيه

والله شوفي يبي خام ستان ابيض مثلا وحطي عليه تووور ازرق فاتح وبنص التور حطي حلقه مدوره عليها ورد

او نثري علي التور ورد طبيعي او مجفف كيفيج

وممكن تاخذين لون العنابي مع البيج او الفضي تخلين ستان عنابي وتور فضي وسوي فيه حركات وهم نثري ورد وحطي شموع يطلع روعه

 

[جارة القمر]

مشاركة: تزيين البوفيه

فكرة انييييقة

--------------------------------------------------------------------------------


فــــكــــرة حـــــــلــــــوة
فكرة عجبتني ومفكرة اسويها حبيت انقل الكم اياها عسى ان تنال القبول

وهي فكرة لتزيين زاويا طاولة الطعام او غرفة النوم او اي مكان تحبونه..

يلاااااااااااااا شمروا عن ساعديكم للعمل ..

والأشياء الي تحتاجيها عشان تعملي كاسات الورد هي :

20 بتلة ورد للكاسة الواحدة

كاسة شموع بس تكون مقاس وسط

ربل باندز ( مطاطات )

صمغ مسدس

مقص
وهذه طريقة العمل بالصور :


الخطوة الاولى :

ناخذ بتلات الورد ونجمعها حول الكاسة مثل ماهو موضح في الصورة ونلف المطاط حولها

الخطوة الثانية :

نضع الصمغ على المطاط

الخطوة الثالثة :

وقبل لا ينشف الصمغ نلزق باقي البتلات عشان نغطي المطاط

الخطوة الرابعة :

بعدين نقص الزوائد الي تحت الكاسة

الشكل النهائي :

طبعا ممكن نعتمد لونين او لون واحد او اكثر من لون.......

وهذه صور الفليفلة الحمراء والصفراء

أعجبتني فكرة الفليفلة

وايد

بس نعمة حرام نلعب فيه جذية

 

[جارة القمر]

مشاركة: تزيين البوفيه

حبيبتي

فكرتلج بفكرة يمكن قديمة




ممكن تنثرين قواقع البحر علي الطاولة



لا تضحكيييين

ممكن تأخذين فازه زجاج وتحطين فيه أحجار ملونه


وبالأخير تحطين أي نبات اصطناعي

أعذريني

ممكن تحطين شمعدانات علي الطاولات

 

[bambena]

مشاركة: تزيين البوفيه

لا ليش اضحك كل افكاركم حلوه مشكوريييييييييين ماتقصرون حبيباتي بافكر واذا عندكم شي بعد قولولي

 

[جارة القمر]

مشاركة: تزيين البوفيه

bambena

بعد عمري

 

[جارة القمر]

مشاركة: تزيين البوفيه

حبيبتي


أن شاء الله تعجبج هالصور


عندي فكرة

ليش ما تشوفين
مطبعة تطبعلج علي الكلينكس الورق

أي كلام حلو

مثلا أهلا وسهلا

حياكم الله

أن شاء الله تعجبج الأفكار



=============================================

حلوووووووووووين وايد أعجبوني

 

[جارة القمر]

مشاركة: تزيين البوفيه

وايد حلو

وايد حلو

مفارش للطاولات

شموع

 

[جارة القمر]

مشاركة: تزيين البوفيه

حبيبتي

ممكن مع استكانات الشاي وقت التقديم تحطين سكر التقديم المغلف
وممكن تشوفين الكيك الصغار تحطينه معاه يطلع شكله روووووووووووعه


وأتمني صج أكون ساعدتج

 

[bambena]

مشاركة: تزيين البوفيه

جاره القمر انا عندي شكر على قلب حب ينحط على حافه الاستكانه من فوق وايد حلو ومشكوره حياتي على الافكار الحلوه

 

[جارة القمر]

مشاركة: تزيين البوفيه

bambena

العفو

وباجر عزيمتج

وأن شاء الله تصير أحلي عزيمة

 

[- خيال -]

مشاركة: تزيين البوفيه

جاره القمر انا عندي شكر على قلب حب ينحط على حافه الاستكانه من فوق وايد حلو ومشكوره حياتي على الافكار الحلوه[/QUOTE



بامبينا من وين ماخذه هالشكر ؟

 

[GaMoRa]

مشاركة: تزيين البوفيه

أمبي الطقمين مال الستكانات وايييييييييييييييييييد حلو روعة من وين؟

 

[عنابه]

مشاركة: تزيين البوفيه

مشاءالله عليج ياجارة القمر الصراحه ماقصرتي الله يعطيج العافيه .

 

[bambena]

مشاركة: تزيين البوفيه

خيال من فرنسا

 

[bambena]

مشاركة: تزيين البوفيه

خيال من فرنسا

بنات العزيمه كانت اوكيييي اتينن مشكورييين خذيت شموع من لاندمارك ومفارش منهم وزينت الطاوله بالمفرش والشموع واحلى شي كان ديكوريشن الاطباق والفواكه خذيتها من مركز سلطان وسويت لها ديزاين عجيييييب اناناسه مقصوصه على شكل اسطوانه وقفتها ويبت بابايا محفوره من داخل وحطيتها وحطيت داخلها البطيخ المقصص كور وقطع فراوله واناناس صغار وعلى الجنب رامبوتان وحطيت مثل اعواد الاسنان على شوكه صغار عشان يقزون الفاكهه وياكلونها

ادري وايد قرقه اتمنى فهمتوا

 

[جارة القمر]

مشاركة: تزيين البوفيه

GaMoRa

والله حبيبتي

ما أدري

حصلت الصور بالأنترنت
========================

عنابه

يعافيييييييييييييييييييييييييييج ربي

ومشكوووووره

 

[norema-sarto]

رد: مشاركة: تزيين البوفيه

خيال من فرنسا

بنات العزيمه كانت اوكيييي اتينن مشكورييين خذيت شموع من لاندمارك ومفارش منهم وزينت الطاوله بالمفرش والشموع واحلى شي كان ديكوريشن الاطباق والفواكه خذيتها من مركز سلطان وسويت لها ديزاين عجيييييب اناناسه مقصوصه على شكل اسطوانه وقفتها ويبت بابايا محفوره من داخل وحطيتها وحطيت داخلها البطيخ المقصص كور وقطع فراوله واناناس صغار وعلى الجنب رامبوتان وحطيت مثل اعواد الاسنان على شوكه صغار عشان يقزون الفاكهه وياكلونها

ادري وايد قرقه اتمنى فهمتوا

يعطيج العافية​

 

[moors]

مشكورين خوش موضوع

 

[supermarket]

عليج بالعافية بامبينا

بس ليتج مصورتهم


بنات ودي اخيط مفارش لطاولات البوفيهات ... وين تخيطونهم؟