تسامحين انسان ظلمج لهالدرجه ..؟؟

[Patcholli]

مساء الورد ..


الموضوع كما هو موضح بالعنوان ...

هل تسامحين انسان ظلمج وكان سبب لتعاستج بيوم من الايام ..؟؟

انسان تعمدلج الاذى والمضره .. وسعى لاذيتج وتدمير حياتج ..؟؟

قبل شوي كنت اسولف ويا وحده من صديقاتي ..

باختصار تعرضت لاذيه كبيره من ناس سببولها مصايب كثيره مو اشياء بسيطه وعاديه

اولا كانو السبب في طلاقها وانفصالها عن زوجها ..

ثانيا سحروها وعفسو حياتها فوق تحت

ثالثا باقو فلوسها وحطوها على بساط الفقر من عقب ماكانت راعيه شركات وحلال وعقار ..

الحمدلله عقب هالسنوات ربي عوضها بكل خير

والاشخاص اللي اذوها ربي سلط عليهم المرض والفقر والحين عقب كل اللي سوه داقين يبونها تحللهم وتسامحهم لانهم بين الحيا والموت ..

وانصدمت يوم قالتلي بكل بساطه انا مسامحتهم

قتلها انتي شنو من انسان .. وشنو هالقلب الكبير اللي عندج .؟؟

تسامحين انسان دمر حياتج وعفسج وعذبج ..؟؟

تقول كله اجر حقي وربي راح يعوضني بالاخره كل خير لاني عفيت عن اللي ظلمني ..

ماشاء الله عليها حيل كبرت بعيني وخنقتني العبره خاصه اني عشت معاها عذابها ومصايبها يوم بيوم ولحظه بلحظه واهي راح تقرى موضوعي واتمنى ربي يعوضها كل خير بالدنيا والاخره ..


ونرد لسؤالنا ..

لو كنتي مكان هالبنيه تقدرين تسامحين ..؟؟​

 

[Patcholli]

اول مره ينزل الموضوع بسرعه


آآب

 

[منــورة]

ان شاء الله ما أعيش بمثل موقفهآ .. لكن ما أدري صعب أحكم الله لا يعرضني ولا أحبابي ولا اللي يقرون لمثل هالظروف
بس ماشاء الله هاذي صدق انسانة رآائعـــة بكل ماتعنيه الكلمة والله ياجرهأ يارب في الدنيا والآخرة

 

[فلنتينو]

مشالله عليها

لو مكاانها مستحييل اساامح

 

[سويت لاتيه]

اسامح لان الله اخذ بثارها وانتقم لها وعوضها من جذيه اتسامح وهذا الشي من رب العالمين يمسح على القلب ويزيدها قوه وايمان 0

 

[قمر بيت أبوها]

مستعده اسامحهم بس بشرط
نرجع لزمان اول وانا اللي اسوي سوياهم فيني اذا قدروا بعد هالشي يحطون مكانهم وبمكاني ويسامحون باسامحهم
بس انا متاكده ان اي وحده ظلمت ماترضا احد احد يقول قومي عن مكاني اعرف هالنوعيه زين
وانا عن نفسي اقول بالصلاة والعمره وحتي لما المطر ينزل ولا حتي وانا مبسوطه واضحك واتذكرهم
الله لا يسامحهم وعسي هالضيقه اللي بصدري ضيقه بقبرهم
وعسي صحتي اللي راحت مرض معدي يصيبهم ويتخلون فيه عن بعضهم ويتشتت شملهم
عسي من قذفني وقذف شريفه مثلي يضيع شرفها برضاها وبعز النهار وفضيحتها علي كل اللسان
وانا متاكده سامحتهم ولا لا
الله سبحانه راح ياخذ حقي بالدنيا قبل الاخيره
وبيني وبينك لو الظلم كلمه ولا يوم ولا سنه باقول محللين بس ظلم سنين وظلم خلاهم يروحون يسحروني ويخلوني انسي حتي اسمي واخسر صحتي لا
تدرين علي طاري موضوعك اللي اذوني هنا معانا بالمنتدي يكتبون لا ويمدحون نفسهم نزلنا ونزلنا الله ينزل عليكم غضب يقلب حياتكم قلب
>>>>>>> l موضوعك ضرب علي الوتر الحساس عندي
الله يكفينا شر الظلم واهله ويابخت من نام مظلوم ولا ظالم

 

[عضوا]

اسامحهم لأنه يكون لي اجر من ربي
و ثانيا
يتقابل المتخصمان يوم القيامه
و انا ما ودي بشوفتهم
الموضوع حساس و قوي
سلاام

 

[توتاaa]

ممكن اسامح لان الله حسيبهم ولي اجر

 

[شادن33]

الله يجعلنا من المتساااامحين

 

[ام فلاح7]

مشالله عليها

لو مكاانها مستحييل اساامح

 

[عادت ذكرياتي]

ما شاء الله عليها قلبها كبيييييييييييييييييييييييييييييييييييييييييييير

 

[foshia girl]

خنقتني العبره والله اللي صار فيها مو شووويه


بس آنا مستحيل اسامح احد ظلمني ...

 

[Pinky -cat]

تبين الصج انا ما اسامح اذا الضرر قوي ومستمر وياي وما قدر اتخلص منه ومهمن صار ما قدر اسامح ولو قلت مسامحه

صعب اني انسا لان كل شي فيني بيذكرني بالاذية اللى يتني من هالناس.


العفو عند المقدرة واذا قدرت كان بها اذا لا خلاص ما اجبر روحي ولا احمل روحي فوق طاقتها


مشكورة حبوبة عالموضوع واتمنا تقبل رايي ومروري .

 

[تحت ظلك]

لا ماأسامح تعالوا شوفوا حياتي وتدرون ليه ماأسامح!
لما تصيرين مع الناس وانتي مو مع الناس
لما تحسين أنج مظلومه وماحد رافع عنج الظلم
لما يتلذذ الي ظلمج بحياته وانتي الدنيا صاكه فيج
لما تحسين انج غريبه غريبه بالدنيا وماحد معترف فيج
تقدرين تسامحين
الي بالقلب اكبر من وصفه
لكن الله رب العزه والجلال لاتسامح من ظلمني واستضعفني وحقر شأني .

 

[المرتاحة]

على حسب درجة ظلمة اسامح

في اشياء صعب اني اسامح فيها

وماشا الله على صديقتج صج قلبها كبير

ذكرتني بيدتي الله يرحمها ياارب

 

[un$hine$]

انا عن نفسي ما اسامح احساس الظلم شي بشع خصوصا من اقرب الناس لك وهذا اللي صارلي انا وامي من سنين امي ماشاء الله عليها قدرت تسامح وتدعي لهم بالهداية بس انا مااقدر اسامح مثلها وادعي لهم بالهداية بالعكس احيانا ادعي عليهم رغم انه كان مايهون علي لانه اللي ظلمني من اقرب الناس بس الظلم يقسي القلب خصوصا لما تشوفين اللي ظالمك مرتاح بحياته ومادرى عنك ولا معترف باللي سواه ولا بغلطته :rgewrg:

 

[Şhώasha . . ~]

لاماراح اسامح

 

[manoooram]

يعتمد على من ظلمني ومستوى الأذى اللي سببه لي
هني يتحدد أسامح له أو لأ

 

[جلكسيه اس 3]

شووفي انا قبل كنت ما اسامح احد
بس الحين تغيرت نظرتي
اذا كان خالقنا يسااامح اخطائنا و معصيتنا. هل نعجز نحن ان نسامح بعضنا البعض
اذكر قبل مده كنت على طول اقول و ادز حق طليقي مو محللتك و اهو مو مهتم
بعد مده مو مذكره شنو شفت مقطع او شي عن السمااح و ساامحت و حللت كل الي اغلطو بحقي و انا الحين
قلبي صافي من ناحية كل الناس الي ضروني
واقول الله يهديهم بس طليقي مع اني مسامحته بس دايما ارفع ايدي و اقول حسبي الله و نعم الوكيل لاني راعية حق و باذن الله بنتصر و الحق بيرجع لي
تبين الصج ليلحين اطلب من ربي يغفرلي ما مضا و يتقبل مني توبتي اما بحالة صديقتج والله مادري شقولج بس دعوة المظلوم مستجابه و هي مظلومه و الله يكفيها شرهم يارب

 

[ترانيم القصيم]

على حسب درجة ظلمة اسامح

في اشياء صعب اني اسامح فيها

مثلها ,,