تسامحين انسان ظلمج لهالدرجه ..؟؟

[جيرازksa]

اذا ربي عز وجل يسامحنا ويغفرلنا اذا تبنا ورجعنا

ليش احنا البشر مانسامح

عن نفسي اسامح بس مانسى الي صار بسرعه احيانا بين فتره والثانيه ممكن اتذكر الي صار

بس هذي الحياه عشان نقدر نعيش لازم نطنش وننسى ونسامح

 

[جلكسيه اس 3]

شووفي انا قبل كنت ما اسامح احد
بس الحين تغيرت نظرتي
اذا كان خالقنا يسااامح اخطائنا و معصيتنا. هل نعجز نحن ان نسامح بعضنا البعض
اذكر قبل مده كنت على طول اقول و ادز حق طليقي مو محللتك و اهو مو مهتم
بعد مده مو مذكره شنو شفت مقطع او شي عن السمااح و ساامحت و حللت كل الي اغلطو بحقي و انا الحين
قلبي صافي من ناحية كل الناس الي ضروني
واقول الله يهديهم بس طليقي مع اني مسامحته بس دايما ارفع ايدي و اقول حسبي الله و نعم الوكيل لاني راعية حق و باذن الله بنتصر و الحق بيرجع لي
تبين الصج ليلحين اطلب من ربي يغفرلي ما مضا و يتقبل مني توبتي اما بحالة صديقتج والله مادري شقولج بس دعوة المظلوم مستجابه و هي مظلومه و الله يكفيها شرهم يارب

اي نسيت اذكر لكم لما سامحته حلمت برويه كانت حلوه تدل اني راح انتصر باذن الله و ليلحين احلم و اشوف و افسر على انه راح انتصر

 

[سنافيه91]

:eh_s(17):مااا شااء الله على رفيجتج :eh_s(2): :eh_s(2):
الله يعووضهاا الجنه ياارب

ماادري يمكن و يمكن لا و يمكن يبيلي وقت طووييل ههههههههههه

صعب بصرااحه الواحد ينظلم
حتى حنا مرات تمر علينا مواقف مع ناس نظلمهم بدوون مانحس او نقط كلمه مو حاسين فيها
وانقوول يااليت تعذرنا و تسامحنا يعني حنا مومعصومين فماا تدريين يمكن انتي تسامحين احد ظلمج و الله يعني يرضا عليج او يشررح لج صدررج و تحسين برااااحه عجيييبه مدريي قرقررت وااجد هههههه

 

[frozntouch]

المسامحه تعتمد على مدى الضرر اللي تسببوه لي فيه
هل تاثرت وايد وغير هالشي من حياتي ويعتمد من هالشخص الي ضرني
احد وثقت فيه وعطيته ماي عيوني ويتسبب لي بهالضرر ؟؟ مستحيل اسامح وبتحوشني صدمه

 

[ديمــــــــــه]

احيانن تمرين بأمور تقولين والله مااسامح لكن ربي يعطيك القدره على المسامحه لانه يحبك ويبيلك الخير في دنياك واخرتك
بس صاحبتك بطله وتبي الاجر الله لايحرمنا واياها من عفوه ورحمته
موضوعك حلو تشكرين عليه

 

[Sweet October]

على حسب اذا الألم كان فترة وتعدي واقدر اتجاوزه راح اسامح بس ما انسى

اما اذا تضررت حيل ما راح اسامح وشي اكيد ما انسى

 

[brettey]

شوفي انا انظلمت حيييل وانهدمت حياتي مو مسامحتهم ولا محللتهم الا لما ايوني ويترجوني احللهم حزتها راح احللهم

 

[LuLiTa]

إهي ما سامحتهم إلا عقب ما شافت حوبتها فيهم و شلون دارت الدنيا عليهم و إنكسرو و إنذلو عشان إتسامحهم و إتحللهم ... و أنا بسوي مثلها

 

[كراميلا مرة]

انا بطبعي متسامحه وانسى بسرعه
بس الشخص يضحك لي خلاص انسى كل اللي سواه

بس الموقف اللي ذكرتيه حيل قوي
ماقدر احكم الا اذا كنت في مكانتها والله لا يحطني بهالموقف

 

[Patcholli]

مشكورين حبيباتي ماشالله في بنات يقولون انهم يقدرون يسامحون الله يعطينا القدره على العفو لان انا بالنسبه لي مستحيل اسامح انسان ضيعلي سنين من عمري بعذاب وشقى :< احس العمر والايام اللي راحت ماتنرد وماتتعوض ..

 

[دلوعة أبوهآ]

ماشاءالله اذا سآمحت بعد كل هذآ ..
آلجرح وآلظلم صعب ..
وآلنسيآن وآلمسآمحه آصعب ..

 

[PuPa^^SWeeT]

اول ماقريت كلامج انصدمت من مدى الاذى اللي الحقووه لها


بعدين عرفت انه ربج يمهل ولا يهمل



و ردها لهم

وشوفيهم ردهم لها يطلبون السماح قبل لا الله ياخذ امانتهم



افتكر انتي اتحجين بصيغة الجمع بس قصدج شخص بحد ذاته



شوفي شلوون ربج يابلهم لها يعتذرون و يطلبون السماح


وماخيب املها ربنا كريييم و عادل و ياخذ حقنا بس مع الصبر


واهيا تستاهل كل خيير


لأنه النظرة اذووني و ماراح اسامحهم ما اعمت بصيرتها و عرفت انه ربها ماضيع حقها


ولو سامحتهم راح يزيد اجرها و قدرها و مكانتها بالجنة وعند الله



بالعكس موقفها صحيييح 100%


لو ما سامحتهم لها حق



بس اهيا قوية


بالشخصية و بالقللب و العقل ياربي عجبتني هالبنية بقوة تحملها ورحابة صدرها




ربي يوفقها وين ماراحت



لنهم تعذبوو يمكن مو كثر ماتعذبت اهي


بس تعذبوو و عرفو قدرها



لو مكانهها اسامح

لنه وراهم جنة و نار


مهما يكون مابي اكون المفصل بين دخلة احد الجنة والنار

 

[عود ومسك]

الله يجزاها كل خير وياجرها

هي سامحت وعفت بس ربي خذا حقها منهم بالدنيا وبالاخره بياخذ حقها بعد
الظلم مصيبه مصيبه والله
الله يكفينا شر المصايب
انا بالنسبه لي على حسب الظلم اسامح
وفي انسانه بحياتي لا سامحتها ولا راح اسامحها حتى لو تطيح
لان الكل ذكرها في هالشي وقالها بكره بتطيحين وتبينهم يشيلونج
ولا همها لان سبحان الله مثل ما قلت الظلم مصيبه ومو كل ظالم يحس بظلمه
بعضهم يطيح ويموت وهو ظالم الله يكفينا شر الظلم وشر كل ظالم
وبعضهم من اي طيحه بسيطه يعتبر ويتعظ وهذا اللي يستاهل اننا نسامحه لانه حس بظلمه وتاب لرب العالمين
اما اللي مسوي نفسه اقوا من الله استغفر الله.. لا والله ما يستاهل
جعل ربي يوريه ظلمه فالدنيا والاخره وياخذ حق كل مظلوم

 

[لحظآتَ]

والله على حسب ,

يعني اللي يجاوب بشكل نظري فقط بدون مايكون متعرض لمواقف مُشابهه ,,

جوابه يعني بيكون مو دقيق ..

لكن بتقمص الدور وأجاوب بناءً على ذلك. ..

لو كانت المضره كبيره .. / وسببت لي آلام كثيرة ..

ممكن تمتد فترة الزعل والحقد .. لكن الأيام كفيلة بامتصاص الغضب أو التقليل منه عالأقل ...

لكن اان شفت الشخص .. ربي مسلّط عليه .. وربي جعل كيده بنحره .. اكيد بسامح خلاص

لإن الصفعه رجعت له .. ومن منو ؟ من العزيز الجبار ...

ماله داعي أشوّه قلبي بالاحقاد ... وربي انتقم لي خلاص ..


:


أاما إني ارد الظلم .. وارد الاساءه .. هذي مااتوقعها لاإني مااحب المكائد كلش ..
مُسالمة لأبعد مدى , هالشيء مو انا اخترته .. نشأت بأسرة مُسالمه وانعكس علينا جميعاً هالأمر ..
يمكن يكون نعمة .. او بالأحرى اكيد نعمه


:


حبيبتي باتشولي ... ألف شكر ..

 

[الزورق222]

مشكلة الظلم هوذلك الجرح الذى لايندمل بسهولة مايلبث ان تتكرر الذكريات المؤلمة بين فترة واخرى ..
لكن عندى سؤال هل جميع من سامح سينسى الم الظلم ؟ هذه المشكلة اسامح لكن بشرط ان ابتعد عن المكان والاشخاص الذين سيذكرونى بهذا الظلم ..

 

[حولة مركزة]

مسسستحيل اساامح

شي يقهر .,


الموضوع نااايس

 

[so0oma]

الله يحفظها يارب


مادري صعععععب اسامح وطبعاً اكون مقهوره :eh_s(2):

بس ممكن سوؤال اختي

يعني هالشي زين اني اسمحهم لو كنت بمكانها ؟

ولا خطأ مادري انا توقعت انه غلط نسامحهم .؟

 

[PuPa^^SWeeT]

^^^^


اكييد ياقلبي وااايد زيين


عند ربج شي كبير انج اتسامحيين


لأنه مقدار الاذى كبييير و العفووو مو بالمقدرة


مع هذا سامحتهم علشان رضا الله و علشان الاجر



انا اشوووفها البنية ماشالله كبيرة بعقلها و قلبها



واقدر هالناس اللي تنظر بعين الايمان لامور حياتها

 

[ام سعود ديكسون]

ما أشيل بقلبي اللي ماله وزن ليش اثقل جسدي و عقلي و روحي بالحقد عليه

ولا اسامح لدرجة السذاجة الانسان ما ينلدغ من جحر مرتين

أتعامل بحذر لان الثقة انعدمت و الثقة الشي الوحيد الذي لا يوزع بالاقصاد
انما تعطي كاملة كاااااااش

و بيني وبينج الناس اللي يطلعون من حياتنا ما يرجعون عشان يكونون احسن
يرجعون عشان يخلون حياتنا أسوا

حذري هالانسانة من طيبتها الزائدة

 

[مباركيه]

السلام عليكم ورحمة الله وبركاته

الحمد الله ..الحمد الله ..الحمد الله

الله سبحانه وتعالى يستاهل الحمد ...والله يهنيها ويثبتها وياجرها دنيا وآخره

أنا بصراحه تعرضت لبعض ما تعرضت له صديقتج من أقرباء ..ومثل ما شفتي

الله سبحانه ما ينسى عبده ..خاصتا ان كان هذا العبد متكل على الله سبحانه وتعالى

يعوضه بالدنيا والآخره بأذنه تعالى..عفيت وسامحت ..وبنفس الوقت أخذ الحذر منهم .


الله سبحانه يعفو ويسامح ...ليش ما نسامح احنا البشر ..